Doktorego aurreko ikertzaile lanpostua

Gobernuko ikertzaileak trebatzeko doktore-aurreko bekak – Ayudas para contratos predoctorales para la formación de doctors – FPI) Gogo Elebiduna ikertaldean lan egiteko, Euskal Herriko Unibertsitateko (UPV/EHU) Hizkuntzalaritza eta Euskal Ikasketak Sailean (HEIS), Vitoria-Gasteizen.

Lanpostua lortuko duen doktoregaiak ikerketa proiektu berri batean lan egingo du. Kepa Erdozia eta Mikel Santesteban doktoreek zuzentzen duten Cross-linguistic activation effects in bilingual language processing and learning (izenburu ofiziala espainolez: La activación interlingüística en el cambio de lengua y el aprendizaje de segundas lenguas; Laburdura: CROSS-LING; Kodea: PGC2018-097970-B-I00) proiektua Espainiako Zientzia, Berrikuntza eta Unibertsitateak Ministerioaren diru laguntza jaso du.

Non: Vitoria-Gasteiz (Araba)
Unibertsitatea: Euskal Herriko Unibertsitatea (UPV/EHU)
Hasiera data: 2020ko hasiera
Ordainsaria eta baldintzak: 17.185€ urteko (gordinik, 1200€ inguru hilabetero)
……………………………………+ Doktorego programako matrikularen ordainketa
……………………………………+ Atzerrian ikerketa egonaldiak egiteko lansaria (gehienez 6,250€)
Epea: 2019ko azaroak 7, arratsaldeko 14:00ak.

Proiektua
Proiektu honetan, bi hizkuntzen ikasketaren eta prozesamenduaren hainbat alderdi aztertuz, elebitasuna ikertzen dugu. Lehenago egin diren ikerketek elebidunak euren bi hizkuntzen aktibazioak maneiatzen oso trebeak direla erakutsi duten arren, ongi dokumentatuta dago bi hizkuntzen aktibazioak elebidunaren bigarren hizkuntzaren ikasketa eta prozesamenduan eragina duela. Dena den, oraindik ez dakigu nolako eragina duen bi hizkuntzen aldibereko aktibazioak hizkuntza erabiltzen ari garenean. Horregatik, proiektu honek lehen hizkuntzak bigarren hizkuntzaren prozesamenduari eta bigarren hizkuntzaren erregelak ikasteko prozesuari nola eragiten dion ikertuko du. Proiektu honek bi hizkuntzen aldi bereko aktibazioak elebidunen hizkuntzen kontrola eta aukeraketa mekanismoak nola eraldatzen dituen ikertuko du, eta baita hizkuntza aldaketek elebidunen ulermenean eraginik ote duten. Ikertzaile postua lortuko duen doktoregaiak ikerlerro hauen inguruan burutuko du bere ikerketa eta hainbat paradigma eta teknika esperimental erabili ahalko ditu.

 Baloratuko diren trebetasunak

  • Esperimentu psikolinguistikoak (jokabidezkoak, eye-tracking edota ERP) diseinatzen, pasatzen eta aztertzen esperientzia izatea.
  • Elebitasunaren, hizkuntzen ikasketaren edota hizkuntz ekoizpen/ulermenaren inguruan ikertzeko motibazioa.
  • Hizkuntzalaritza, psikolinguistika/neurolinguistika, psikologia edota psikologia kognitiboa ikasketak izatea.
  • Programatzen trebetasuna izatea (R, Python, Matlab).
  • Modu independentean nahiz taldean lan egiteko trebetasuna.
  • Ingeles maila ona (euskara edota espainola jakitea ere baloratuko da).

Doktoregaiak EHUko Hizkuntzalaritza Doktorego programan matrikulatu beharko du kontratua hasi baino lehen, eta beraz, Master maila izan beharko du ordurako. EBtik kanpoko hautagaiak ongi etorriak dira, baina bisa eskuratzeko eskakizunak bete beharko dituzte.

Eskaera nola egin
Eskaerak Zientzia, Berrikuntza eta Unibertsitateak Ministerioaren web orriaren bidez bideratu behar dira (esteka).

Epea: 2019ko azaroak 7, arratsaldeko 14:00ak.

Proiektuari eta ikerketari buruzko kontsultak edota lanpostuari buruzko kontsulta informalak egiteko Kepa Erdozia (kepa.erdozia@ehu.eus) edo Mikel Santesteban (mikel.santesteban@ehu.eus) ikertzaileekin jarri harremanean.

Eskaerari buruzko kontsultak egiteko Edurne Petrirena (edurne.petrirena@ehu.eus) kontaktatu.

Comments are closed.