UNESCO KATEDRAREN PARTE-HARTZEA NAZIO BATUEN PARTNERSHIP EXCHANGE FOROAN
Nazio Batuen Ekonomia eta Gizarte Gaietako Sailak (UN-DESA), Nazio Batuen Lankidetzarako Bulegoarekin (UNOP) elkarlanean, Partnership Exchange foroa antolatu du uztailaren 13an Nazio Batuen egoitzan (New York), estatu kideek eta gizarte zibilak Garapen Iraunkorrerako Helburuak (GIH) betetzen laguntzeko aliantzen diseinuan eta inplementazioan esperientziak trukatzeko helburuz.
UNESCO Katedrako Miren Onaindiak eta Jasone Unzuetak foroan parte hartuko dute, Euskadiko ekosistemen zerbitzuen ebaluazioa ikerketa-proiektua, Ingurumena, Iraunkortasuna eta GIH masterra eta biosfera-erreserbek GIHei eginiko ekarpenak (jardunbide egokiak Espainiako biosfera-erreserbetan) aurkeztuz, mundu akademikoaren, pribatuaren eta publikoaren arteko lankidetzaren eredu gisa.