Bilaketa aurreratua

Ogi apurrak

Egungo Euskararen Hiztegia (EEH)

Hasiera:

berpizkunde (235 agerraldi, 50 liburu eta 22 artikulutan; Egungo testuen corpusa 1.411 agerraldi) 1 iz gizarte edo kultura mugimendu baten hazkunde aldia, eskuarki beheraldi baten ondorengoa. ik pizkunde.

Berpizkunde bat, bestalde, hazitako zibilizazio baten eta aspaldi hildako gurasoaren "arimaren" arteko topaketa da. Iñaki Mendiguren   «Historiaren azterketa II» - A.J. Toynbee - 278. orr.

Euskal kulturaren berpizkundearen ametsa zen nagusi lehen urteetan, dena egiteko baitzegoen, dena baitzen posible. Iñaki Iñurrieta   «Kuskue tanden» - 64. orr.

Noiz gertatuko da hildako kultura baten berpizkundea? Iñaki Mendiguren   «Historiaren azterketa II» - A.J. Toynbee - 292. orr.

Iparraldetik, Jean Etxepare, Dominique Dufau, Jean Elizalde, Jules Moulier eta Eskualzaleen Biltzarreko gerlari ohi lagunek begi onez ikusi zuten Hegoaldeko Berpizkundea. Piarres Xarriton   «De re publica edo politikaz» - 131. orr.

Ekialde Urruneko historian filosofia konfuziar sinikoaren berpizkundetik Mendebaldeko kristau-historian Aristotelesen filosofia helenikoak izandako berpizkundera igarotzen garenean, obraren argumentuak beste norabide bat hartzen duela konturatzen gara. Iñaki Mendiguren   «Historiaren azterketa II» - A.J. Toynbee - 285. orr.

Justinianoren kodea hil eta lurperatu egin zen; baina berriro piztu zen, laurehunen bat urte geroago, hamaikagarren mendean berpizkunde juridikoa izan zenean Bolognako Unibertsitatean. Iñaki Mendiguren   «Historiaren azterketa II» - A.J. Toynbee - 67. orr.

Bai Lore-Jokoen garietan, bai Berpizkundean, bai gerra osteko erbestean nahiz etxean, gure literaturak aldizkarietan hartu du arnasa. Berria - Kultura   2004-03-20

'Motown'-aren berpizkundea. Berria - Kirola   2004-06-17

2 (izenondo eta izenlagunekin)

Galdutakoen memoria erredimitzeko modu bakarra: euskal berpizkunde berri bat. Joseba Zulaika   «ETAren hautsa» - 12. orr.

Orain mende erdi, Arantzazun gertatutako berpizkunde artistikoa ETAren gertakizun politikoaren iragarpen eta lagun har zitekeen. Joseba Zulaika   «ETAren hautsa» - 64. orr.

Hamasek Palestinako Legebiltzarrean parte hartzearen helburua inoizko berpizkunde zientifiko, zibil, administratibo eta politikorik handiena eragitea da. Berria - Mundua   2006-01-10

Berpizkunde helenikoaren profeta Mendebaldean Northumbriako bat izan zen, Beda beneragarria. Iñaki Mendiguren   «Historiaren azterketa II» - A.J. Toynbee - 290. orr.

Mendebaldeak ia beste zortzi mende itxaron behar izan zuen bere berpizkunde judaikorako; eta hau iritsi zenean behetik gorako mugimendua izan zen; honen Leon Isauriarra Martin Lutero izan zen. Iñaki Mendiguren   «Historiaren azterketa II» - A.J. Toynbee - 298. orr.

Irlandar Berpizkundea indartzen hasi zenean, alabaren izenari onura ateratzea erabaki zuen Kearney andreak eta irlandera-irakasle bat ekarri zuen etxera. Irene Aldasoro   «Dublindarrak» - James Joyce - 201. orr.

Hobbesenekin hasi eta Hegelenganaino iritsi arte Filosofia Politikoak izugarrizko berpizkundea izan zuen. Askoren artean   «Filosofiako gida» - 222. orr.

3 (hitz elkartuetan)

Berpizkunde garaian sortzen hasi zen pentsamendu zientifikoa, gibelean utzitako Erdi Aroa argitzen hasi zen pentsamendu molde hura, mundua bereganatzen hasi da pixkanaka. Pello Salaburu   «XX. mendearen argi-itzalak» - 44. orr.

Azpilkuetako jauregia suntsitu zuten etsaiek Cisneros kardinalearen manuz, baina Barasoaingoa mirets daiteke oraino, parte batean, bere XVI. mendeko berpizkunde ospearekin. Piarres Xarriton   «Enkiridion» - Martin Azpilkueta - 13. orr.

· Literatur berpizkunde baten monumentu tipikoa bere lehen fasean antologia, corpus, thesaurus, lexiko edo entziklopedia bat izaten da. Iñaki Mendiguren   «Historiaren azterketa II» - A.J. Toynbee - 288. orr.

Hizkuntz eta literatur berpizkunderako hazia, ernamuina. Iñaki Iñurrieta   «Kuskue tanden» - 64. orr.

3 (B larriz) Errenazimendua. ik pizkunde 5.

Erronka antzean esaten zuen Erdi Aro guztia eta Berpizkunde guztia sartuko zirela merkatu nagusiaren barruan. Karlos Zabala   «Parisen sabela» - Emile Zola - 256. orr.

Berpizkundea iragaitzazko aldi bat da, honezkero ez Erdi Aroa ezta oraindik modernia ere. Askoren artean   «Filosofiako gida» - 75. orr.

Bi data dira filosofikoki ohargarriak Berpizkundearen hasieran eta amaieran: 1401, Nikolas Cusakoa jaio zen urtea [...] eta 1600, Giordano Bruno-ren heriotzaren urtea. Askoren artean   «Filosofiako gida» - 75. orr.

Berpizkundearen amaieran eratu ziren zientziak beren itxura modernoan. Juan Garzia   «Sagua, eulia, eta gizakia» - François Jacob - 166. orr.

Berpizkundetik aurrera hasi zen gizabanakotze-prozedura zibilizatzaileak Uhartegan du oinarria, eta ez haren garaikide izan ziren Erasmus, Vives edo Castiglionengan. Askoren artean   «Filosofiako gida» - 316. orr.

Girolamo Cardanoren aita, Fazio, altxor publikoko prokuradorea, doktorea, legelaria, eta eruditoa zen; Berpizkundeko gizon peto-petoa. Jon Muñoz   «Loroaren teorema» - Denis Guedj - 287. orr.

Berpizkundeko berrikuntza izan zen, eta ez txikiena, hala ere, hormetatik kendu zitezkeen obrak sortzea, koadroak, hain zuzen. Josu Zabaleta   «Irudia» - Jacques Aumont - 133. orr.

Berpizkundea bitarteko arte kristauak, adibidez, "formula" ikonografiko berak erabiltzen ditu etengabe, pertsonaia sakratuak irudikatzeko ez ezik baita eszena kanonikoak irudikatzeko ere. Josu Zabaleta   «Irudia» - Jacques Aumont - 83. orr.

Artearen historia guztietan gordetzen da kapitulu bat Berpizkundean espazioaren irudikapenari dagokionez izan zen iraultzari. Josu Zabaleta   «Irudia» - Jacques Aumont - 194. orr.

Era honetako perspektiba motarik garrantzizkoena Berpizkundean asmatu zen ihes-puntu zentraleko perspektiba, (perspectiva artificialis deitua) da zalantzarik gabe. Josu Zabaleta   «Irudia» - Jacques Aumont - 200. orr.

Egia da hori guztia Berpizkunde betean gertatu zela, Italiako iparraldean, eta Borgiarrek ezin gehiago demokratizatua zutela pozoiaren erabilera. Jon Muñoz   «Loroaren teorema» - Denis Guedj - 295. orr.

5 hiletarik piztea.

Emakumeek lehenengo Adonisen heriotzagatik negar egiten zuten, baina atsekabe hori poz bilakatzen zen Adonisen berpizkundearekin. J.M. Olaizola "Txiliku"   «101 gau» - 224. orr.

Lazaroren berpizkundea. Patxi Altuna   «Gogojardunak» - Inazio Loiolakoa - 105. orr.

Ohitura horiek arimaren hilezkortasunaren dogmatik baino gehiago, gorputzen berpizkundearen dogmatik eratortzen dira. Iñaki Iñurrieta   «Legeen espirituaz II» - Montesquieu - 136. orr.

Alde batera, hala ikusi nahi bada, ernamuin horiek berpizkunde-mota bat dira, Txikia erabat hil ez delako erakusgarria. Xabier Mendiguren Elizegi   «Arbelaren gainean» - 111. orr.

hitz multzoen maiztasunak (gutxienez 3 aldiz agertzen direnak)

berpizkunde garaia (3); berpizkunde garaian (5)

 



Nodoa: liferay1.lgp.ehu.eus