Bilaketa aurreratua

Ogi apurrak

Egungo Euskararen Hiztegia (EEH)

eite 1 iz itxura, antza.

Mundua mosaiko bat dela bururatu zaio: eite, kultura, pentsamendu eta kolore desberdinetako gizon-emakumeez osatutako erlategi bat.  Anjel Lertxundi   «Mentura dugun artean», 2001 - 28. orr.

Aurpegi zabala, gizakiaren itxura eta eite berekoa.  Xabier Kintana   «Alderraien gidaria» - Mose ben Maimon, 2006 - 154. orr.

Horrelako gaiek, ez itxura ez eite, hutsune eta nahasmendua erakusten zutenek kaos bera ziruditen.  J.M. Olaizola "Txiliku"   «101 gau», 2000 - 206. orr.

Idatzi zituen, hala ere, Arresek beste eite bateko poemak, umore eta ironiaz ongi hornituak esate baterako.  Berria - Kultura   2004-04-07

Landareen artean badira hainbat mota eta eitetakoak.  J.M. Olaizola "Txiliku"   «Bizitza eredugarriak», 2006 - 148. orr.

Margolariaren lanak, hortaz, soilik irudiak, eiteak, ditu objektu; hau da, egiazkoa ez den zerbait.  Askoren artean   «Filosofiako gida», 2004 - 230. orr.

Parerik gabeko gazte-lorearen eite eta tankera zoraldiak hain zartarazia.  Juan Garzia   «Hamlet» - William Shakesperare, 2002 - 116. orr.

Ez du aitaren eite hor.  Menane Oxandabaratz   «Ez da musik», 2006 - 187. orr.

Piramide baten eitea duen egitura batek erabiltzen du botere izugarri hori.  Jon Alonso   «Euskal karma», 2001 - 71. orr.

Txit zuria zen, kareztatu berria zegoen eta ajez betetako atso zahar desitxuratu baten eitea zuen.  Karlos Zabala   «Parisen sabela» - Emile Zola, 2004 - 38. orr.

Beldurra Izpirituaren ezintasunetik heldu da, eta ez, beraz, Arrazoiaren ildotik; ez eta Gupida ere, honek, itxuraz, Moraltasunaren eite izanagatik.  Piarres Xarriton   «Etika» - Spinoza, 1997 - 519. orr.

Burton-ek eite bereko beste artifizio batzuk ere aipatzen ditu.  Juan Garzia   «Ipuin hautatuak» - Jorge Luis Borges, 1998 - 173. orr.

Ez dute zure antzik, zu guztien eitea izanik.  Imanol Unzurrunzaga   «Hainbat idazlan» - San Agustin, 2003 - 264. orr.

Desiraren eitea amoltsutasunaren eitearekin nahasten da begietan.     «Harreman arriskutsuak» - Choderlos de Laclos, 1997 - 113. orr.

-Jauna, mamu baten eitea ote dut? -lotsagabetu nintzen, pixka bat nardatua.  Aingeru Epaltza   «Mailuaren odola», 2006 - 220. orr.

Orthezera agertu nintzen egunean ere antzeman zidala agure horrek bertze norbaiten eitea.  Aingeru Epaltza   «Mailuaren odola», 2006 - 188. orr.

Bi emakume zeuden mahai baten inguruan jarririk, ama-alabak eitez, gizonetan aritzeko itxura handirik gabeak.  Aingeru Epaltza   «Rock'n'roll», 2000 - 242. orr.

Berea bukatuta, nik ia-ia osorik utzitako menestrari jazarri baitzitzaion, asteak baraurik egin dituenaren eitean.  Aingeru Epaltza   «Rock'n'roll», 2000 - 331. orr.

-Eitean ezagun dik zainetan dabilkion odola.  Aingeru Epaltza   «Mailuaren odola», 2006 - 111. orr.

Charvet musuzapiak, art moderne eiteko hautsontziak.  Mirentxu Larrañaga   «Hona hemen gu biok» - Dorothy Parker, 2006 - 99. orr.

Munduan bi substantzia edo eite bereizi behar dira: gogo-egoerak eta egoera fisikoak.  Askoren artean   «Filosofiako gida», 2004 - 186. orr.

Bi besta horiek ez dutelarik elgarren artean deus ikustekorik, bat erlisioneari lotua, bestea estatu laikoari, badute biek halere elgarren eite, suaren besta baitira biak.  Michel Oronoz   «Oilandoiko ermita», 2001 - 47. orr.

Euren espezie barruan ere ikusiko duzu edozeintzuk labore-ale ez direla elkarren artean euren eiteetan alderen bat ez edukitzeko bezain berdinak.  Xabier Amuriza   «Gauzen izaeraz» - Lukrezio, 2001 - 119. orr.

Argi ikusten dugu ere horrela zergatik Izpiritua gauza baten ideiatik iragaten den berehala aitzineko gauza horrekin batere eiterik ez duen beste gauza baten ideiara.  Piarres Xarriton   «Etika» - Spinoza, 1997 - 169. orr.

Agoteek jasaiten zutela legendunen eiteko bazterketa bat.  Herria   2003-10-23

Euskarari munduko hainbat hizkuntzekin eitea atzeman diote: Ipar Ameriketako indioen mintzoekin, Ipar Afrikako berberarekin, Finlandiako suomierarekin, tibeterarekin, japonierarekin, eta abar; bainan, ez da froga aski agertzen eiteen baieztatzeko.  Herria   2001-10-25

2 (izenondo eta izenlagunekin)

Eite militarreko jaka batez jantziriko gizon bibotedun bat.  Jose Morales   «Arima hilak» - Nikolai Gogol, 1998 - 132. orr.

Aurreneko aldiz, Melanie-ren arrasto bat antzematen dio: aho-ezpainen halako eite goxo bat.  Oskar Arana   «Lotsaizuna» - John Maxwell Coetzee, 2004 - 220. orr.

Nire eitea zuen, nire eite ikaragarria.  Aingeru Epaltza   «Mailuaren odola», 2006 - 304. orr.

Eta egia da haren eite izugarria duela, gazteagoa izanagatik.  Aingeru Epaltza   «Mailuaren odola», 2006 - 249. orr.

Begiak asmo gaiztokoak zituen, eitea bihozgabea.  Karlos Zabala   «Mikel Strogoff» - Jules Verne, 2002 - 270. orr.

Behin berriz, elkarren eite harrigarri horretaz inor ohartu bazen, ez zuen adierazi.  Aingeru Epaltza   «Mailuaren odola», 2006 - 86. orr.

Harri handietako Euskadiko txapeldun ohiak eite zaharreko harri koadroa erabiliko du.  Berria - Kirola   2004-11-30

Gizonduago bezala ematen du, eite serioagoa erabiltzen duela iruditzen zait.  Josu Landa   «Odolbildua», 2002 - 100. orr.

Beroki marroi luze bat zuen soinean eta belusezko kapela marroi higatu eta eite zehatzik gabekoa buruan.  Mirentxu Larrañaga   «Hona hemen gu biok» - Dorothy Parker, 2006 - 212. orr.

Tinko oratu zion erosketa-poltsari bere alemaniar eiteko euskarri zilarrezkotik.  Mirentxu Larrañaga   «Hona hemen gu biok» - Dorothy Parker, 2006 - 227. orr.

Garaiak ziren, sendoak, hezurtsuak, ilea gorri-antxa eta aurpegiak indiar eitekoak.  Juan Garzia   «Ipuin hautatuak» - Jorge Luis Borges, 1998 - 192. orr.

Kuhnek agerian jartzen digu (zientziaren) ezagutzaren ekoizlearen eite enpirikoa eta soziala (zientzialarien elkartea).  Askoren artean   «Filosofiako gida», 2004 - 156. orr.

Paperezko eite material soila duen gauza bat da liburua, lorontzi baten edo gelako pertsianaren pareko zertasuna duena.  Anjel Lertxundi   «Mentura dugun artean», 2001 - 15. orr.

Mutil gaztea, sorbalda eta bular alde zabalekoa, eta eite estukoa gainerakoan.  Mirentxu Larrañaga   «Hona hemen gu biok» - Dorothy Parker, 2006 - 100. orr.

3 (hitz elkartuetan lehen osagai gisa)

Berriz ere eite istorio.  Aingeru Epaltza   «Mailuaren odola», 2006 - 220. orr.

4 (hitz elkartuetan bigarren osagai gisa)

Estellerriko bat bazen haien artean, hau bezain nekazari eitekoa, masail gorri-gorriak zituena.  Aingeru Epaltza   «Lasto sua», 2005 - 8. orr.

Hobe duzue, zuen onerako, ikusmena oihal batez estali, maitea bere arketipo-eitean, jainkosa-eitean, bizirik atxikitzeko.  Oskar Arana   «Lotsaizuna» - John Maxwell Coetzee, 2004 - 32. orr.

Gaztelu-eiteko gotorleku handi bat da.  Mirentxu Larrañaga   «Peaceful soldadua» - Michael Morpurgo, 2006 - 137. orr.

Begiak baino gehiago aho-eite politak gustatzen zaizkit.  Menane Oxandabaratz   «Ez da musik», 2006 - 9. orr.

Hura guztia oso serio eta mistizismo punttu batez hartzen banuen ere, bazuen jolas-eite bat.  Juan Kruz Igerabide   «Hauts bihurtu zineten», 2005 - 67. orr.

Kruasanak, frantsesezko izena eman zien ilgora-eite horrekin.  Jon Alonso   «Lisboako Setioaren Historia» - José Saramago, 2000 - 82. orr.

Oinak ere, kutxatila-eiteko txapin beltz haietan ehortziak.  Mirentxu Larrañaga   «Hona hemen gu biok» - Dorothy Parker, 2006 - 207. orr.

Izan ere, globo eiteko hauek ez diote elkarri heltzen, eta kolpetxo bat nahikoa da beherantz abiarazteko.  Xabier Amuriza   «Gauzen izaeraz» - Lukrezio, 2001 - 123. orr.

Barka iezadazu, Wilmarth andereñoa, baina zer dela-eta izan behar duzu halako zaldi-eitea?  Mirentxu Larrañaga   «Hona hemen gu biok» - Dorothy Parker, 2006 - 198. orr.

Alboan, haren izena, amaraun-eiteko letra larriz.  Mirentxu Larrañaga   «Peaceful soldadua» - Michael Morpurgo, 2006 - 163. orr.

Emakume puska zen, mardula bezain motela, eta azal ilun beltzaran-eitekoa zuen erabat.  Mirentxu Larrañaga   «Hona hemen gu biok» - Dorothy Parker, 2006 - 257. orr.

Poeta erromantiko eitea zuen Cesare edo Riccardo hura.  Ramon Saizarbitoria   «Gorde nazazu lurpean», 2000 - 167. orr.

Graziana, motela eta hitsa, aitaren eiteko.  Aingeru Epaltza   «Mailuaren odola», 2006 - 91. orr.

hitz multzoen maiztasunak (gutxienez 3 aldiz agertzen direnak)

baten eitea (9); baten eiterik (3); eite bat (4); eite dutenak (3); eite eta (4); eite zaharreko (4); eitea eman (3); eitea ematen (3); eitea eta (3); eitea hartu (4); eitea zuen (4); eiterik baduela (3); ere eite (3); eta eite (6); euskararen eite (3); haren eite (4); horren eite (3)

 



Nodoa: liferay1.lgp.ehu.eus