Bilaketa aurreratua

Ogi apurrak

Egungo Euskararen Hiztegia (EEH)

entsalada (orobat entselada g,er.) 1 iz eskuarki barazki gordinekin prestatzen den janaria, gatz, olio eta ozpinarekin maneatzen dena.

Haragi gutxi egina eta entsalada.  Xabier Olarra   «Azken hitzordua» - Sandor Marai, 2003 - 81. orr.

Menua bakarrik: zizka-mizkak, entsalada, arrain-zopa eta bisigua edo azpizuna.  Urtzi Urrutikoeetxea   «Auzoak», 2005 - 63. orr.

Dionisos plater beteko entsalada jaten ari zen: letxuga, tomate, arto, berenjena eta ez dakit beste zenbat koloretako gauzarekin.  Unai Iturriaga   «Berandu da gelditzeko», 1999 - 92. orr.

Arropa izerdituak eranzten ari zen komunean, Dionisosek sukaldean entsalada bat prestatu bitartean.  Unai Iturriaga   «Berandu da gelditzeko», 1999 - 92. orr.

Entsalada batekin entretenitu dut sabela.  Anjel Lertxundi   «Italia, bizitza hizpide», 2004 - 59. orr.

Ohartu nintzenez, ikustun normalen erara hasi zen jaten, entsaladako tomate zatiak xuxen ziztatuz.  Xabier Olarra   «Antropologo bat Marten» - Oliver Sacks, 2003 - 142. orr.

Letxua entsaladan, espinakak eta letxua egosia: ez dago besterik.  Josu Zabaleta   «Anne Franken egunkaria» - Anne Frank, 2004 - 293. orr.

"Horixe besterik ez dakite egiten batzuek: bazterrak txikitzen", esan du entsaladari ozpin gehiegi bota dion batek.  Xabier Mendiguren Elizegi   «Uda betiko balitz», 2003 - 130. orr.

-Entsalada zerbitzeko koilararekin ari zara okela zatitzen!  Koldo Izagirre   «Agirre zaharraren kartzelaldi berriak», 1999 - 180. orr.

2 (izenondo eta izenlagunekin)

Entsalada mistoa eta atuna tomateaz aukeratu genuen, eta edateko, sagardoa.  Joxemari Iturralde   «Euliak ez dira argazkietan azaltzen», 2000 - 16. orr.

Entsalada xume bat, zopa hotza eta purez lagunduriko txerriki xerratxo bat izan da agintariek eskaini diguten oturuntza.  Edorta Jimenez   «Europako mugetan barrena», 2000 - 283. orr.

Despistatzeari ekin nion entsalada txinarra jaten nuen bitartean.  Joxemari Iturralde   «Euliak ez dira argazkietan azaltzen», 2000 - 72. orr.

Aukera handian zeuden entsalada exotikoak.  Joxan Elosegi   «Ahardikeriak» - Marie Darrieussecq, 2004 - 50. orr.

Alderdi gastronomikotik, olio ederra baliatzeak entsalada "zaporedun"ari eransten dion ahogozagarria esker on-onekoa da.  Edorta Agirre   «Baietz okerreko bidea aukeratu! », 2006 - 37. orr.

Pastelak, arkumea, entsalada eder horiek.  Jokin Urain   «Errotarria», 2006 - 113. orr.

Afariko entsalada oliorik gabekoa izan zen.  Edorta Jimenez   «Europako mugetan barrena», 2000 - 150. orr.

3 (hitz elkartuetan lehen osagai gisa)

Bi entsalada-ontzi ederretan.  Aitor Arana   «Bost ahizpa», 2005 - 53. orr.

Faiantzazko entsalada ontzi batzuen hondoan.  Karlos Zabala   «Parisen sabela» - Emile Zola, 2004 - 265. orr.

4 (hitz elkartuetan bigarren osagai gisa)

Gauetan patatak haragi saltsaren ordezkoarekin eta erremolatxa entsalada jaten dugu beti.  Josu Zabaleta   «Anne Franken egunkaria» - Anne Frank, 2004 - 261. orr.

Katuarraina paderako koipetan zirtaka, eta beren burua ikusi zuten patata-entsalada zerbitzatzen platerean.  Anton Garikano   «Maitea» - Toni Morrison, 2004 - 347. orr.

-Otarrain-entsalada bukatu dela dio.  Lopez de Arana   «Manhattan Transfer» - John Dos Passos, 1999 - 410. orr.

Massenako Mandarin jatetxean bazkaldu ginen eta Txina irentsi nuen, udaberriko borobiletan, kizkira entsaladetan, urdeki saltsetan, -George, niretzat eskatu otarrain erdi bat egosita eta aguakate-entsalada bat!  Itxaro Borda   «Entre les loups cruels», 2001 - 188. orr.

Mahaian eseri eta hanburgerrak, atun-entsaladak eta griselan berotutako gaztazko sandwichak eskatu genituen.  Oskar Arana   «Brooklyngo erokeriak» - Paul Auster, 2006 - 185. orr.

Arroz eta babarrun entsalada prestatu dut afarirako.  Joseba Sarrionandia   «Lagun izoztua», 2001 - 28. orr.

Intxaur eta ezti entsalada prestatu zion.  Eider Rodriguez   «Eta handik gutxira gaur», 2004 - 52. orr.

Hasteko, urdaiazpikorik onena, txistorra eta marisko entsalada.  Berria - Kirola   2004-01-13

5 (hiru osagaiko hitz elkartuetan)

Txosna batean entsalada-oilasko ogitarteko bat eskuratu nuen.  Itxaro Borda   «Entre les loups cruels», 2001 - 168. orr.

6 irud/hed

Gobernu «sendoa» izatea beharrezkotzat jo zuen, batik bat beste aukera batzuei aurre egiteko; hala nola «Alderdi Sozialistak eta beste batzuk osatzen duten entsaladari aurre egiteko».  Berria - Euskal Herria   2004-03-09

Italiako entsalada linguistikoaren osagai nagusia italiera da, baina ez bakarra.  Anjel Lertxundi   «Italia, bizitza hizpide», 2004 - 24. orr.

Entsalada nahasi horretan, denetik izan zen, olioa aukera eta gerokoen epemugak gehitu zuelarik: 1.800 milioi euroren akzioak pasa salerosi ziren.  Berria - Ekonomia   2004-10-16

Moncloako sukaldariak behar bezala moldatzen ari direla inkestaren emaitzen taula, Aznarren erara sukaldatutako datu-entsalada helarazteko.  Berria - Euskal Herria   2004-03-04

Euskaldunon literatur entsaladari ere ez letorkioke batere gaizki erabili dituzten eta are erabiltzen ari diren errezeten ezagutza.  Anjel Lertxundi   «Italia, bizitza hizpide», 2004 - 24. orr.

Sakonetik sortzen den hitz-entsalada bat.  Jon Alonso   «Lisboako Setioaren Historia» - José Saramago, 2000 - 149. orr.

7 entsalada-ontzi (orobat entsaladaontzi)

Mahaiaren erdialdean, bi entsalada-ontzi ederretan entsalada are ederragoak zeuden, edonork nahierara har zezan.  Aitor Arana   «Bost ahizpa», 2005 - 53. orr.

Muskuilu egosiak zituen saltzeko, ur garbian igerian, faiantzazko entsalada ontzi batzuen hondoanPixka bat lehenago mahaikideek hustutako platerak eta entsaladaontziak erretiratu zituenez gero, mahaiaren erdi-erdian jarri zuen erretilua.  Karlos Zabala   «Parisen sabela» - Emile Zola, 2004 - 265. orr.

hitz multzoen maiztasunak (gutxienez 3 aldiz agertzen direnak)

entsalada bat (10); entsalada edo (3); entsalada eta (12); entsalada jaten (5); entsalada jaten ari (3); eta entsalada (8); patata entsalada (3)

 



Nodoa: liferay1.lgp.ehu.eus