Bilaketa aurreratua

Ogi apurrak

Egungo Euskararen Hiztegia (EEH)

garbiki (295 agerraldi, 39 liburu eta 161 artikulutan; ETCn 1.062 agerraldi) 1 adlag argi eta garbi, iluntasun edo zalantzarik gabe. ik garbiro.

Bakan entzun dut norbait gaztelaniaz hoin ederki, garbiki, emeki, sentsualki mintzo, hitzez gozatuz.  Piarres Aintziart   «Santiago oinez», 2000 - 76. orr.

Motorraren zaratotsa garbiki heltzen zitzaion.  Iñaki Zabaleta   «110. Street-eko geltokia», 2003 - 80. orr.

Nafarren mintzaira denaz geroz, garbiki ageri da Nafarroa Euskal Herria dela.  Angel Aintziburu / Jean Baptiste Etxarren   «Luzaiden gaindi», 2002 - 75. orr.

Bestalde, eta garbiki mintzatzeko, berrikitan kontatua zidan emazte ixtorio hura ez zitzaidan batere gustatzen.  Daniel Landart   «Anaiaren azken hitza», 1999 - 164. orr.

Nehor gutik zuen indarkeriaren bidea garbiki gaitzesten.  Piarres Xarriton   «De re publica edo politikaz», 2003 - 42. orr.

Esan dezadan garbiki: gaizki samar taxututako suspentse nobela da, pertsonaia sinesgarririk gabea, beste ahulezia askoren artean.  Berria - Kultura   2004-06-30

Iduritzen baldin bazaie batzuei ez naizela Espainiaren aldera aski isuria, ez ditudalakotz deplauki eta garbiki Espainiako hiri nagusien ondotik jartzen, [...].  Piarres Xarriton   «Enkiridion» - Martin Azpilkueta, 2006 - 225. orr.

Eta hurrengoan polikiago azalduko dizudala dena garbikiago.  Txillardegi   «Putzu», 1999 - 124. orr.

Bada garaia hau garbi ikusteko eta are garbikiago esateko.  Txillardegi   «Putzu», 1999 - 209. orr.

2 garbitasunez.

Jainkoa garbiki bilatzen duen gizakiak estura eta tristura moduko bat nabarituko duela behin baino gehiagotan.  Joan Mari Lekuona   «Mistika liburuak» - Eckhart-Tauler, 1997 - 74. orr.

 



Nodoa: liferay1.lgp.ehu.eus