Bilaketa aurreratua

Ogi apurrak

Egungo Euskararen Hiztegia (EEH)

Hasiera:

haragi 1 iz gizakiaren eta animalien gorputzaren zati mamitsua.

Ez odolik, ez linfarik, ez haragirik ez edukitzea. Monika Etxebarria   «Goragalea» - Jean Paul Sartre - 62. orr.

Zuk, nire odol eta haragi zaren horrek. Lopez de Arana   «Manhattan Transfer» - John Dos Passos - 526. orr.

Hau bai dela / ene hezurraren hezur, / ene haragiaren haragi! Jose Antonio Mujika   «Agindutako lurraren bila I» - 19. orr.

Lepoko haragia oso hazia zuen. Koro Navarro   «Kontakizunak» - Edgar Allan Poe - 136. orr.

Haragi errearen usaina. Oskar Arana   «Lotsaizuna» - John Maxwell Coetzee - 95. orr.

Haragi ustel usaina zegoen barreiaturik, odol eta alkoholarenarekin batera. ik haratustel. Felipe Juaristi   «Airezko emakumeak» - 200. orr.

Jantziaren azpitik haragian, burdinazko uztai, koraza eta ziliziorik gogorrenak zeramatzaten. Askoren artean   «Asisko Frantzizko, Asisko Klara» - 658. orr.

Zaurietako zornea ateratzen eta haragi ustela garbitzen. Askoren artean   «Asisko Frantzizko, Asisko Klara» - 748. orr.

Gangrena desagertu zen, haragia berritu, zauriak orbaindu eta lehengo osasuna erabat berreskuratu zuen. Askoren artean   «Asisko Frantzizko, Asisko Klara» - 842. orr.

Haragia etenda agertzen zela zenbait unetan, urratua, zanbatua beste batzuetan. Joxemari Urteaga   «Ordaina zor nizun» - 155. orr.

Urratu zabal bat zeukan sabel aldean, haragia hezurreraino ebakitzen zuena. Karlos Zabala   «Parisen sabela» - Emile Zola - 180. orr.

Sartu zen txir-txar burdina haragi samur hartan, eta kauterizazioa belarritik bekaineraino zabaldu zen. 3202

Lepoan bost behatzen seinaleak zituen, haragitan barreneraino sartuak. Josu Zabaleta   «Fantasiazko ipuinak» - Guy de Maupassant - 26. orr.

Haragiak marrubizko jelatina bezala mugitzen zitzaizkion. Juan Martin Elexpuru   «Esku bakarrarekin irakurtzeko kontuak» - Pilar Cristobal - 61. orr.

Haragi maxkalak kokospean. Pablo Sastre   «Elurretan hotsak» - 88. orr.

Geure haragi bizian sentituko bagenu baino are mingarriago zaigula oinazea. Imanol Zurutuza   «Errautsera arteko sugarra» - 206. orr.

Nire denborako lehen hilotzak ikusi nituen orduan, puzturik eta moreturik, bi gazte eta mutikoa, ni baino zaharxeagoa, eta goibeltasunaren doinua haragi-haragian txertatu zitzaidan. Juan Kruz Igerabide   «Hauts bihurtu zineten» - 11. orr.

2 (ugaztunena eta hegaztiena jaki gisa)

Nondik atera behar dut jende honi guztiari jaten emateko adina haragi? Jose Antonio Mujika   «Agindutako lurraren bila I» - 199. orr.

Haragi labeldunaren prezioa apaltzen dutelako kanpotik ekarritako abereek. Berria - Harian   2005-08-28

Haragiaren merkaturatzean sartu nahi dute abeltzainek. Berria - Ekonomia   2004-07-22

Europako ekoizleen zereal, haragi, esneki eta azukrearen merkatu kuota txikitu egingo da. Berria - Ekonomia   2004-05-16

Haragi erre-arina ari dira jaten. Xabier Olarra   «Azken hitzordua» - Sandor Marai - 109. orr.

Haragi min-mina baitzen platerean zegoen janaria. Koro Navarro   «Kontakizunak» - Edgar Allan Poe - 106. orr.

Lau pote (kontserbatakoak) gurinez beteta, lau pote haragi. Josu Zabaleta   «Anne Franken egunkaria» - Anne Frank - 193. orr.

Idi opalduak larrutu ondoren, hezur guziak kendu, eta haragia pertzara botatzen dute. Indioilar bikainen haragi samurra. Patziku Perurena   «Trapuan pupua» - 323. orr.

Horrek haragi zuria eta samurra ematen die. Karlos Zabala   «Parisen sabela» - Emile Zola - 383. orr.

Okelak eta haragi xehatuak ere baziren, ontzi zabal batzuen hondoan, gantz gatzatuzko puskez inguratuak. Karlos Zabala   «Parisen sabela» - Emile Zola - 63. orr.

Haragia xehatzeko makina mekaniko bat. Karlos Zabala   «Parisen sabela» - Emile Zola - 126. orr.

Ogi lizuna eta haragi ustela. Karlos Zabala   «Parisen sabela» - Emile Zola - 111. orr.

Edo saltxitxen haragi gordina dastatzen zuten elkarrekin. Karlos Zabala   «Parisen sabela» - Emile Zola - 80. orr.

Han, Berger kalearen aldean [...] haragi egosien saltokiak daude. Karlos Zabala   «Parisen sabela» - Emile Zola - 333. orr.

Haragia eta haragi- salda jan dudala nire gaixoaldi honetan. 3222

Ez du lotsarik anaia gaixoentzat haragia eskatzeko. Askoren artean   «Asisko Frantzizko, Asisko Klara» - 554. orr.

Arrainik ez, beraz; haragi egosia tomate eta piperrekin. Inazio Mujika Iraola   «Gerezi Denbora» - 49. orr.

Nik haragirako behiak eta behorrak dauzkat Pirinio aldean. ik beherago 7. Berria - Ekonomia   2004-07-30

Barazkien, arraien eta haragien artean. Karlos Zabala   «Parisen sabela» - Emile Zola - 254. orr.

Arrain eta haragi nahasketa bat usaintzen ari zen. Karlos Zabala   «Parisen sabela» - Emile Zola - 334. orr.

3 (arrainena)

Baziren haitzetako barbarinak ere, haragi samur-samurrekoak. Karlos Zabala   «Parisen sabela» - Emile Zola - 147. orr.

Bazen han, marmolaren gainean, izokin bikain bat, hasia, bere haragiaren kolore hori-arrosa erakusten zuena. Karlos Zabala   «Parisen sabela» - Emile Zola - 173. orr.

4 giza gorputza (arima-ren aurrez aurre)

Espiritua prest; haragia ahul. Anton Garikano   «Maitea» - Toni Morrison - 236. orr.

Nire bi nahimenek, bata zaharra eta haragizkoa, bestea espirituzkoa eta berria, elkarrekin borrokan eta elkarrengandik alde eginez arima hondatzen zidaten. Imanol Unzurrunzaga   «Hainbat idazlan» - San Agustin - 228. orr.

Zure negarra haragiaren araberakoa da, ez espirituaren araberakoa. Imanol Unzurrunzaga   «Hainbat idazlan» - San Agustin - 143. orr.

Haragiaren kartzelatik atera zezan. Askoren artean   «Asisko Frantzizko, Asisko Klara» - 1032. orr.

Gaixotasuna eta zauria ez baitira substantzia, haragizko substantziaren ajea baizik. Imanol Unzurrunzaga   «Hainbat idazlan» - San Agustin - 339. orr.

5 giza gorputza grinen egoitzatzat hartua.

Hara, nire haragi zimur hauek maite izan zenituen orduko hartan. Hasier Etxeberria   «Mutuaren hitzak» - 34. orr.

Eta hala ase ahal izan zuen honek Catalinarekin bere haragi aseezinaren desira. Joan Mari Irigoien   «Lur bat haratago» - 287. orr.

Zenbatean eskaintzen dun hire haragi hori? Karlos Zabala   «Parisen sabela» - Emile Zola - 184. orr.

Munduak nahiz haragiak eragindako tentaldiren bat. Askoren artean   «Asisko Frantzizko, Asisko Klara» - 482. orr.

Haragiaren grinak menderatzeko. 3239

Haragia hilduratzen baduzu, eta deabruaren aurka kementsu borrokatzen bazara. Askoren artean   «Asisko Frantzizko, Asisko Klara» - 981. orr.

Jendea, moralistek eta poetek besterik uste izanagatik, ez dela sekula jostatu haragiarekin, baizik-eta larruarekin. Iñaki Segurola   «Gaur ere ez du hiltzeko eguraldirik egingo» - 107. orr.

6 (hitz elkartuetan lehen osagai gisa)

Dardara batean jarri zitzaizkion hezur-haragiak, bihotza kolkotik irten beharrean. Izan ere, haragi-mamiak higatuta, ez zen azal eta hezur besterik. Karlos Linazasoro   «Ez balego beste mundurik» - 74. orr.

Haien haragi-giharren mugimendu eta dantzaldien gogortasuna. Felipe Juaristi   «Airezko emakumeak» - 211. orr.

Zearrak haragi-etena du eta ezingo du hurrengo lau astean jokatu. Berria - Kirola   2004-09-14

Erraietarik haragi puska bat kendu balidate bezala. Joan Mari Irigoien   «Lur bat haratago» - 423. orr.

Ordurako, nire lehengusua haragi multzo odoltsu bat besterik ez zen, hilotz. Juan Kruz Igerabide   «Nire aitaren fusila» - Hiner Saleem - 10. orr.

Hagin artean geratu haragi-pusketa txikiak. Jon Alonso   «Euskal karma» - 25. orr.

Hankak goian jarri zituen une batez, galtzerdi haragi-kolore finak eta izter biribilen iturburua erakutsiz. Felipe Juaristi   «Airezko emakumeak» - 214. orr.

Zapata takoidunak, galtzerdi haragi-kolorekoak. Felipe Juaristi   «Airezko emakumeak» - 206. orr.

Haragia eta haragi-salda jan dudala nire gaixoaldi honetan. 3250

Gauetan patatak haragi saltsaren ordezkoarekin. Josu Zabaleta   «Anne Franken egunkaria» - Anne Frank - 261. orr.

Espagetia haragi pikortxoekin. Oskar Arana   «Lotsaizuna» - John Maxwell Coetzee - 272. orr.

Arrautza gogorrak eta haragi orea. Koro Navarro   «Artistakume baten erretratua» - Dylan Thomas - 162. orr.

Sona handiko haragi pastel beroak. Monika Etxebarria   «Goragalea» - Jean Paul Sartre - 86. orr.

Haragi bolak ziren hango espezialitatea. Karlos Zabala   «Parisen sabela» - Emile Zola - 259. orr.

Paul D-k begiak jaso zituen haragi-gisatutik. Anton Garikano   «Maitea» - Toni Morrison - 183. orr.

Haragi-eltzearen inguruan esertzen ginenean. Jose Antonio Mujika   «Agindutako lurraren bila I» - 178. orr.

Haragi-industrian aziendari ematen zaion tratua. Xabier Olarra   «Antropologo bat Marten» - Oliver Sacks - 271. orr.

Nor doakie atzetik haragi irritsez? Imanol Unzurrunzaga   «Hainbat idazlan» - San Agustin - 218. orr.

Ez zen gazte lizunen artean haragi-gehiegikerien atzetik ibili. Berria - Euskal Herria   2004-10-05

Haragi-tentazio hain sutsua. Askoren artean   «Asisko Frantzizko, Asisko Klara» - 1020. orr.

Lokal hauetan dagoen haragi tratu agerikoaren lekuko. Harkaitz Cano   «Piano gainean gosaltzen» - 32. orr.

7 (hitz elkartuetan bigarren osagai gisa)

Garai batean kortsario gisa, giza haragi sal-erosketan. Felipe Juaristi   «Airezko emakumeak» - 118. orr.

Altxorrik preziatuena, emakume-haragi gorria. Felipe Juaristi   «Airezko emakumeak» - 73. orr.

Irlandatik idi-haragia, kanta askorekin batera. Felipe Juaristi   «Airezko emakumeak» - 256. orr.

Thailandiatik Malaysiara 12 tona oilasko haragi zeramatzan kamioi bat gelditu dute. Berria - Harian   2005-10-25

Hegazti haragia janez ospatu zuten. Berria - Gaiak   2004-03-21

Islandiatik sardintzarra ekartzen zuen eta balea-haragi gazitu eta lehorra. Felipe Juaristi   «Airezko emakumeak» - 256. orr.

Ore bihurtzen hasitako saltxitxa-haragia biltzeko. Karlos Zabala   «Parisen sabela» - Emile Zola - 131. orr.

10 000 tona haragi tratatzen dute hildegi horretan. Herria   2003-03-06

Eta ez dut Luzio izenekorik bat bakarrik ere ezagutu hezur haragitan. Patziku Perurena   «Trapuan pupua» - 232. orr.

8 haragitarako [9 agerraldi, 3 liburu eta 4 artikulutan; Egungo testuen corpusean 180 agerraldi], haragitako [8 agerraldi, liburu 1 eta 7 artikulutan; Egungo testuen corpusean 50 agerraldi], haragiko [3 agerraldi 3 artikulutan; Egungo testuen corpusean 49 agerraldi]

Haragitarako behi-haziendatako abeltzainek. 3272

Haragitarako 50 behi ditu eta 50 hektarea belardi inguru. Berria - Harian   2005-07-23

Haragitarako zaldi ederrenak saldu dira 1,60 eurotan kiloka. Herria   2004-12-02

Azienda eta ganadua ondasuna eta irabazia dira, eta haragitarako, hots, dirutarako hazia eta gizendua. Iñaki Segurola   «Gaur ere ez du hiltzeko eguraldirik egingo» - 109. orr.

Bereziki ardi esnedunak hazten dituzte baserrian, baita zenbait haragitako behi ere. Berria - Harian   2005-09-22

Japoniak haragitako berriz arrantzatu nahi duen zere txikia balea (Balaenoptera acutorostrata). Laborari etxe hauek bakotxak bere berezitasuna daukate, baratzeki, esne edo gasna ala haragitako egin hazkuntza. Herria   2005-09-08

Behi hazleak daude, haragitakoak. Herria   2003-12-04

Auzoan asto bat zeukan andre bati astoa kendu eta haragitarako erabiliko genuen. Javi Cillero   «Hollywood eta biok» - 65. orr.

Duela 14 urte hartua du eskutan laborantza etxea haragiko behiak haziz. Herria   2001-05-10

Orai izan behar dituzte 5 000 behiz goiti haragikoetan. Herria   2004-03-18

9 haragizko

Gurutzetik harrigarriro irten zen ahotsa entzun zuen bere haragizko belarriz. Askoren artean   «Asisko Frantzizko, Asisko Klara» - 879. orr.

Onartu beharko dugu ez dagoela familien haragizko loturak baino gauza eztiagorik. Juan Martin Elexpuru / Bego Montorio   «Filosofia apaingelan» - Sade - 131. orr.

Haragizko maitasunak eta diru-goseak eraginda. Askoren artean   «Asisko Frantzizko, Asisko Klara» - 466. orr.

Haragizko maitasun mundutarraren eraginez. Askoren artean   «Asisko Frantzizko, Asisko Klara» - 1031. orr.

Emakumezko bat azaldu zen jujearen aurrean, salatzeko berak ere haragizko harremanak izan zituela nirekin. Joan Mari Irigoien   «Odolean neraman» - 223. orr.

Gu haragizko atsegina hartzen ari ginela. Joan Mari Irigoien   «Lur bat haratago» - 491. orr.

Deabruak, bada, haragizko tentaldi bortitza eragin zion. Askoren artean   «Asisko Frantzizko, Asisko Klara» - 353. orr.

Haragizko irrits maltzurra. Askoren artean   «Asisko Frantzizko, Asisko Klara» - 1057. orr.

Haragizko bekatuaren itsuskeria eta zikina. Askoren artean   «Asisko Frantzizko, Asisko Klara» - 1056. orr.

Haragizko bekatua egiten ari zinetela, alegia! Joan Mari Irigoien   «Lur bat haratago» - 491. orr.

Deabruaren ikaragarrizko tentaldia jasaten ari zen -ez haragizkoa, espirituzkoa baizik-. Askoren artean   «Asisko Frantzizko, Asisko Klara» - 1081. orr.

· Hezur eta haragizko pertsonaia sendo, sinesgarri eta ñabardurez beteak. Berria - Kultura   2004-05-04

Hezur-haragizko gizon-emakumeek. Felipe Juaristi   «Airezko emakumeak» - 258. orr.

10 haragi bizitan [9 agerraldi 7 liburutan; Egungo testuen corpusean 44 agerraldi], bizian [agerraldi 1 liburu 1ean; Egungo testuen corpusean 49 agerraldi]

Mihia haragi bizitan. Patziku Perurena   «Trapuan pupua» - 104. orr.

Bihamon goizean, hezurpila kizkali eta errauts artean, hantxe zegoen Salkindariren gorpua haragi bizitan. Patziku Perurena   «Harrizko pareta erdiurratuak» - 126. orr.

Batetik zauriek: hor daude, ezin uka, inguruak oraindik handituta eta haragi bizitan, baina kanpoan mintz fina osatu da. Urtzi Urrutikoetxea   «Zoririk ez» - Imre Kertész - 229. orr.

Nere oinazea haragi bizitan erakutsiz. Patziku Perurena   «Trapuan pupua» - 104. orr.

Hain da bortitza zenbaitetan hurkoaren sufrimenduak geure baitan sortzen duen larritasuna, non bai baitirudi geure haragi bizian sentituko bagenu baino are mingarriago zaigula oinazea. Imanol Zurutuza   «Errautsera arteko sugarra» - 206. orr.

11 haragi egin ik haragitu.

Kristo gizon egin zen eta haragi egin zen. Joan Mari Irigoien   «Lur bat haratago» - 594. orr.

Eta hitza haragi egin zen. Iñaki Segurola   «Gaur ere ez du hiltzeko eguraldirik egingo» - 55. orr.

Hitza gure bizitzan haragi egin dadin nahi dugunok. Joan Mari Lekuona   «Mistika liburuak» - Eckhart-Tauler - 39. orr.

Elezaharretakoen antzeko adiskideak gintuan, Kastor eta Polux, onean eta txarrean elkarren lagun hogeita lau urtez, adiskidetasunaren ideia haragi egina gintuan. Xabier Olarra   «Azken hitzordua» - Sandor Marai - 159. orr.

· Munstroak hezur eta haragi egiten dira gauaren kontrako trabesean galtzaile gertatu direnen garunetan. Aingeru Epaltza   «Rock'n'roll» - 291. orr.

12 haragi euli

Purpura-koloreko bi apo handi eta heze hildako haragi-euliak irensten eta tripa-festa egiten ari ziren. Iñaki Mendiguren   «Harry Potter eta sorgin harria» - J.K. Rowling - 52. orr.

"Haragi-eulia", esaten du Bev Shaw-k. Oskar Arana   «Lotsaizuna» - John Maxwell Coetzee - 110. orr.

13 haragi pilotatxo albondiga.

Haragi-pilotatxoak egiten bukatu, irinetan pasa eta frijitzen hasi zen. Jon Alonso   «Erretzaileen eremua» - 103. orr.

14 haragi uzte

Goratu barauak eta haragi-uzte legeak, garizuma, lau-arao aldiak, bijili egunak, ostiralak eta larunbatak; gora ditzagun ere penitentziak, bai barrukoak bai agirikoak. Patxi Altuna   «Gogojardunak» - Inazio Loiolakoa - 203. orr.

15 haragi xerra

Haiek denek tailarinak eta haragi-xerrak eskatu zituzten. Fernando Rey   «Gure etxeko kontuak» - Natalia Ginzburg - 92. orr.

Haragi xerra eder bat jan behar nuen, konbatearen aurretik, esan dio bizarginari. Harkaitz Cano   «Neguko zirkua» - 108. orr.

Beste batzuetan, berriz, butano koskor batekin bertan egiten dugu zeozer: haragi xerrak frijitu eta antzekoak. Berria - Kirola   2004-06-16

Gehixko egindako txuleta edo haragixerra lehor gihartzuren batekin. Patziku Perurena   «Trapuan pupua» - 214. orr.

16 harri eta haragi harri eta zur

Haize leunak doinu bat ekarri zion Almari, biolinez jotako doinu bat, eta harri eta haragi utzi ere bai; ezaguna egin baitzitzaion, berak ere bere gazte urtetan behin baino gehiagotan jo eta kantatu baitzuen. Felipe Juaristi   «Airezko emakumeak» - 231. orr.

Hain izan zitzaion gustagarri bezain estonagarria non, geldi eta zurrun, harri eta haragi, gatz eta hezur eman baitzuen orkestrak Mozart jotzeko behar izan zuen denboraldia, bihotza pozik, alai eta jaieratsu ordea. Felipe Juaristi   «Airezko emakumeak» - 258. orr.

 



Nodoa: liferay1.lgp.ehu.eus