Bilaketa aurreratua

Ogi apurrak

Egungo Euskararen Hiztegia (EEH)

Hasiera:

hodi (Egungo testuen corpusean 11.228 agerraldi)1 iz zilindro formako gauzakia, barne-hutsa, mutur bietan irekia, isurkariak edukitzeko edo bertatik igarotzeko erabiltzen dena.

Orduan hiru neskek kutxa batetik eskuburdinak atera eta jolaskideen besoak atzerantz luzatuz, hodi batera lotu zituzten. Jon Arretxe   «Ostiralak» - 104. orr.

Jarioa duten hodiak. Irene Aldasoro   «Giza gorputza lanean» - John Lenihan - 160. orr.

Teilatuko ura bildurik horman behera zeraman hodia Anaren leihotik oso hurbil igarotzen zela ikusi zuenean. Aitor Arana   «Bost ahizpa» - 47. orr.

Aire girotuaren hodietatik. Anjel Lertxundi   «Argizariaren egunak» - 32. orr.

40.000 litro azido klorhidriko zituen biltegi bateko hodi bat apurtzean gertatu zen isuria. Berria - Euskal Herria   2004-01-08

Ura hodi batetik iritsiko da eta uharkak hondoan zulo bat izango du. Santiago Iruretagoiena   «Arkitekturaz hamar liburuak» - Vitruvio - 4550. orr.

Zazpi hodiko iturria egin zuen, alabastro zuriz. Felipe Juaristi   «Itzarri nahi ez zuen printzesa» - 111. orr.

Hondakinen hodi nagusitik. Koldo Izagirre   «Agirre zaharraren kartzelaldi berriak» - 91. orr.

Hodiaren lodiera handituko zutela agindu zuten (bederatzi milimetrotik 27ra). Berria - Gaiak   2006-04-27

Gero ur-kopuruaren arabera erabakiko da hodien sekzioa. Santiago Iruretagoiena   «Arkitekturaz hamar liburuak» - Vitruvio - 3970. orr.

Hodi luze eta orratz luzeegi biren bitartez zeure zainetaraino zuzen sartzen zena. Hasier Etxeberria   «Mutuaren hitzak» - 38. orr.

Hodi bat sartzen diegu zakiletik barrena, prostatara arte. Berria - Gaiak   2004-11-21

Ospitalean ohean egongo baitzen sabelaldean hodi bat zuela. Xabier Olarra   «Iruzurgilea» - James Cain - 45. orr.

2 (izenondo eta izenlagunekin)

Txatar-metak, hodi okertuak eta burdinaren herdoila besterik ez da bazterretan ageri. Rafa Egiguren   «Mentxakaren aitorpena» - Jose Ramon Goikoetxea - 15. orr.

Atzo goizeko zortzi eta erdiak aldera, Gasteizko ur hodi nagusietako bat lehertu egin zen. Herria  

Ureztapen-kanalaren porlanezko hodi handiaren barruan. Koldo Biguri   «On Camillo» - Giovanni Guareschi - 173. orr.

-Ur zikinetarako hodi berria sartzen ari gara. Koldo Biguri   «On Camillo» - Giovanni Guareschi - 204. orr.

Azaldu diot nola zurezko hodiak, hala nola Sales herri hartako teilatu-isurbideak, hondatzen eta usteltzen diren denborarekin, nola brontzezko hodiak egiten zail diren eta edateko urarentzat erabiltzen direnean sabeleko gaitza dakarten, eta nola berunezko hodiak, aldiz, betiko dirauten eta bata besteari soldatzen diren errazki. Juan Garzia   «Sistema periodikoa» - Primo Levi - 122. orr.

Euri-urak jasotzeko hodi batzuk. Santiago Iruretagoiena   «Arkitekturaz hamar liburuak» - Vitruvio - 2830. orr.

3 (hitz elkartuetan lehen osagai gisa)

Siberiako petrolioa Ozeano Bareko kostaldera eramango duen hodi sistemaren ibilbidea. Berria - Gaiak   2006-04-27

Horietako bati zartako eder bat eman nion hodi-puska batekin. Lopez de Arana   «Manhattan Transfer» - John Dos Passos - 435. orr.

Hodi-mutur hotz bietatik tira eginez bizkor Buru gainean dutxa pilo bat zeuzkan hodi sarea. Juan Garzia   «Sistema periodikoa» - Primo Levi - 44. orr.

Hodi-sare konplexu bat da sistema linfatikoa, zain eta arterietatik hurbil dagoena. Irene Aldasoro   «Giza gorputza lanean» - John Lenihan - 161. orr.

Plastikozko hodi-begizta labur bat izaten du, arteria bat zain bati konektatzen diona. Irene Aldasoro   «Giza gorputza lanean» - John Lenihan - 249. orr.

Gero adierazi diot nola orriekin, alde batetik burdina gori batez soldaturik, hodi-tuturik egin daitekeen. Juan Garzia   «Sistema periodikoa» - Primo Levi - 122. orr.

3 (hitz elkartuetan bigarren osagai gisa)

Ur-hodi guziak, ur-untzi [=ontzi] guziak suntsituak izan ziren. Marzel Etxehandi   «Alemaniara deportatua» - Grégoire Joannateguy - 115. orr.

Gas hodiaren lanak geratu dituzte Biriatun. Berria - Euskal Herria   2004-11-06

Merkatuko teilatuetan, euri hodien ertzean. Karlos Zabala   «Parisen sabela» - Emile Zola - 413. orr.

Trakea lehortu eta zurrundu egiten da aire-hodiaren sarbidearen inguruan. Irene Aldasoro   «Giza gorputza lanean» - John Lenihan - 132. orr.

Oxiazetileno-hodien puntan muntaturik. Juan Garzia   «Sistema periodikoa» - Primo Levi - 191. orr.

Txikitutako oliobidea Irakeko petrolio hodi nagusietakoa da. Berria - Mundua   2004-10-20

Azukrea gasolina-tankean eta erregai-hodietan, dio. Oskar Arana   «Brooklyngo erokeriak» - Paul Auster - 220. orr.

Sute-irtenbidetik ihes egitea, teilatu-hodietan zehar katuka ibiltzea... Lopez de Arana   «Manhattan Transfer» - John Dos Passos - 218. orr.

Irteera-hodi handi batetik zurrupatuko balute bezala sentitu zuen. Iñaki Mendiguren   «Harry Potter eta sekretuen ganbera» - J.K. Rowling - 46. orr.

N-634 errepideko isur-hodia garbitzen ari zela. Berria - Ekonomia   2006-01-10

Nire maskararen hornidura hodiari atximur batzuk egiten dizkiot, nire sudurrean bizitza dakarten bafada beroak gozatu ahal izateko. Josu Zabaleta   «Gerrako pilotu» - Antoine Saint-Exupéry - 43. orr.

Gorputzak baditu sistemak erregai-tanke, karburagailu, ihes-hodi eta are konpresoretzat har daitezkeenak. Irene Aldasoro   «Giza gorputza lanean» - John Lenihan - 201. orr.

Ihes-hodia apurtuta zeukan auto baten zaratak iratzarri zuen begitazioen erresumatik. Fernando Morillo   «Ortzadarra sutan» - 55. orr.

Berogailu-hodiek noizbehinka sortarazitako zaratak eta burrundak baino ez zuten isiltasuna urratzen. Lopez de Arana   «Manhattan Transfer» - John Dos Passos - 442. orr.

Badakizue, bada han elkarketa hodi bat... Josu Zabaleta   «Gerrako pilotu» - Antoine Saint-Exupéry - 55. orr.

Behazun-hodian T-hodi bat paratua zion emakume xahar bat. Xabier Olarra   «Antropologo bat Marten» - Oliver Sacks - 104. orr.

Plastikozko oxigeno-hodiak sudurzuloetan. Oskar Arana   «Brooklyngo erokeriak» - Paul Auster - 347. orr.

4 (landare edo animalia organismoetakoak)

Gorputzaren Egiturari arretaz erreparatzen dion edonork Guraizeak ikusiko ditu Baraila eta Hortzetan, Hodi Hidraulikoak Zain, Arteria eta Bestelako Hodietan. Irene Aldasoro   «Giza gorputza lanean» - John Lenihan - 9. orr.

Gorputzaren erdi-erditik doan hodi barne-huts bat. Irene Aldasoro   «Giza gorputza lanean» - John Lenihan - 209. orr.

Adinean aurrera egin ahala, gorputzeko arteria gehienak estutzen dira, baina hodi koronarioak izan ohi dira lehenengoak guztiz oztopaturik geratzen. Irene Aldasoro   «Giza gorputza lanean» - John Lenihan - 257. orr.

Bi hodi zituzten, bata hondakin solidoak kanporatzeko -gorozkiak-, eta bestea -bagina- hondakin likidoak -gernua- eta umeak kanporatzeko. Luis Elberdin   «Sexua noiznahi» - 44. orr.

Hodi ñimiño batzuk dira osteonak, 15 mm luze eta 0,25 mm zabal diametroan. Irene Aldasoro   «Giza gorputza lanean» - John Lenihan - 19. orr.

-Ez, albaitariak hodi eferentea moztu baizik ez du egiten. Josu Zabaleta   «Anne Franken egunkaria» - Anne Frank - 186. orr.

Odolera igarotzen dira urdailaren edo digestio-hodiaren barne-estalduratik zehar. Irene Aldasoro   «Giza gorputza lanean» - John Lenihan - 110. orr.

Bihotzak pertika-jauzirik egin al dezake, esofago hodiari-edo helduta? Joan Mari Irigoien   «Odolean neraman» - 45. orr.

Bihotz hodietako gaitzek eragiten dute hildako gehien munduan. Berria - Gaiak   2004-08-29

Behazun- hodian T-hodi bat paratua zion emakume xahar bat. Xabier Olarra   «Antropologo bat Marten» - Oliver Sacks - 104. orr.

Esperma-hodietatik hazi ugari dariona. Xabier Kintana   «Alderraien gidaria» - Mose ben Maimon - 91. orr.

5 (bestelakoak)

Eta bete zuen hodia merkurioz, sartu zuen hodia ontzian muturra zabalik zuen lekutik, eta merkurioa jaitsi egin zen, goian hutsezko burbuila bat uzten zuela. Joan Mari Irigoien   «Lur bat haratago» - 245. orr.

Antzinako haizezko musika tresna, hodi bihurri batez osatua, organorik ez zuten elizetan erabili ohi zena. Josu Zabaleta   «Fantasiazko ipuinak» - Guy de Maupassant - 146. orr.

Klarinete-hodi bat zegoen. Xabier Olarra   «Estilo-Ariketak» - Raymond Queneau - 155. orr.

5.390 hodi eta soinu elementu ditu organoak. Berria - Kultura   2004-03-23

Joanikok pistolaren hodia garondoan jarri zidan-eta. Edorta Jimenez   «Sukar ustelaren urtea» - 359. orr.

Bazirela hiru eta lau hodiko arkabuzak. Edorta Jimenez   «Sukar ustelaren urtea» - 165. orr.

Ezetza gogoan hartu barik, une hartan kanoi hodi bat bere orgatik altxatzen zihardutenen aldera hurreratu nintzen. Edorta Jimenez   «Sukar ustelaren urtea» - 275. orr.

Neon-argi gorriko hodi mehe batzuez egindako errotulu bat ikusten zen zintzilik. Iñaki Zabaleta   «110. Street-eko geltokia» - 33. orr.

Neonezko hodi fluoreszenteak. Joseba Urteaga   «Lekua» - Annie Ernaux - 58. orr.

Miller garagardoaren anagrama, hodi argidunez egina. Iñaki Zabaleta   «110. Street-eko geltokia» - 45. orr.

6 (elektronikan) lanpara.

Hodi elektronikoen bitartez. Joxe Austin Arrieta   «Homo Faber» - Max Frisch - 110. orr.

7 ontzi zilindriko estalkiduna, zurruna nahiz malgua.

Medikuaren gelatik orduan ez nintzen aspirina hodi soil batekin atera. Itxaro Borda   «%100 basque» - 138. orr.

Ohizko haritzezko armairuaren itzalean morphina hodiak begiztatu nituenean. Itxaro Borda   «Entre les loups cruels» - 140. orr.

Hortzetako pasta-hodiak zanpatzeko tresna. Jesus Mari Mendizabal   «35 kilo esperantza» - Anna Gavalda - 16. orr.

Betunaren hodiari nola sakatzen zion, zapatentzako krema horizontalki hedatuz zapataren gainean. Harkaitz Cano   «Neguko zirkua» - 147. orr.

XIX. mendean kolorezko pintura-hodiak azaldu zirenean. Josu Zabaleta   «Irudia» - Jacques Aumont - 169. orr.

7a ihes hodi [13 agerraldi, 7 liburu eta 3 artikulutan; Egungo testuen corpusean 148 agerraldi] ik ihes 12a.

Baina autoa desagertu egin zen bistatik, ihes-hoditik azken bafada bat botaz. Iñaki Mendiguren   «Harry Potter eta sekretuen ganbera» - J.K. Rowling - 67. orr.

Lurrun zuri bat zerien ihes hodiaren muturrari eta balbulen estalkiari. Karlos Zabala   «Mikel Strogoff» - Jules Verne - 104. orr.

Ihes-hodia apurtuta zeukan auto baten zaratak iratzarri zuen. Fernando Morillo   «Ortzadarra sutan» - 55. orr.

Zainak, berriz, hondakinak eramaten ditu, motorraren ihes-hodiak betetzen duen funtzioa betez. Irene Aldasoro   «Giza gorputza lanean» - John Lenihan - 57. orr.

Valentino Rossik Portugalen emaitza oso ona eman zion ihes-hodi sistema erabiliko du. Berria - Kirola   2004-09-18

8 odol hodi

Odol-hodi, nerbio eta beste ehun batzuen bidez. Irene Aldasoro   «Giza gorputza lanean» - John Lenihan - 48. orr.

Globulu zuriak bere kasa mugitzen dira odol-hodien barruan. Irene Aldasoro   «Giza gorputza lanean» - John Lenihan - 159. orr.

Gizakietan, ez dago hezur-zelularik odol-hodi batetik 0,1 mm baino urrunago. Irene Aldasoro   «Giza gorputza lanean» - John Lenihan - 27. orr.

Aipatu da gorago globulu zuriak gai direla odol-hodi txikien paretak zeharkatzeko eta gorputzaren ehunen artean ibiltzeko. Irene Aldasoro   «Giza gorputza lanean» - John Lenihan - 160. orr.

9 hodi katodiko

Bigarren Mundu Gerraren garaian radarren hodi katodikoak hobetzen egin zuen lan. Berria - Gaiak   2004-10-07

Eliza Katolikoak toki ainitz hartzen du telebixtako hodi katodikoetan. Herria   2005-06-02

Lurralde hartako hodi katodiko guzti-guztietatik etengabe isurtzen zen nabarmenkeriazko eta zaborrezko anabasa jainkogabe horretatik. Oskar Arana   «Brooklyngo erokeriak» - Paul Auster - 158. orr.

10 saio hodi [Egungo testuen corpusean 123 agerraldi]

Odol-lagin bat saio-hodi batean uzten bada, bitan bereiziko da berehala: [...]. Irene Aldasoro   «Giza gorputza lanean» - John Lenihan - 155. orr.

Euli heldu baten sabela erabiltzen zuen, saio-hodi gisa, enbrioi-zelulak hazteko. Juan Garzia   «Sagua, eulia, eta gizakia» - François Jacob - 80. orr.

Ezta prozesu osoa saio-hodi batean gertatzea lortuko balitz ere. Juan Garzia   «Sagua, eulia, eta gizakia» - François Jacob - 97. orr.

Biokimikaria ohartzen da entzimak hozkailuan gorde behar direla, saio-hodian bizirik iraungo badute. Irene Aldasoro   «Giza gorputza lanean» - John Lenihan - 206. orr.

Crocettako laboratorioan bazen saio-hodirik, diametro handi-txikikorik, hodi-zati luze nahiz labur, hautsez estalirik oro. 26015

hitz multzoen maiztasunak (gutxienez 3 aldiz agertzen direnak)

beirazko hodi (3); berunezko hodiekin (3); burdinazko hodi (3); hodi bat apurtu (3); hodi fin (5); hodi handi (6); hodi larri (3); hodi luze (7); hodi sare (4); hodi sarea (3); hodi txiki (4); hodi txikien (3); hodi zabal (4); hodi zati (3); hodiak jarriko dira (3); ihes hodi (3); ihes hoditik (3); metalezko hodi (3); odol hodi (11); odol hodiak (6); petrolio hodi (4); plastikozko hodi (6); saio hodi (4); saio hodietan (4); ur hodi (5); ur hodiak (5)

 



Nodoa: liferay1.lgp.ehu.eus