Bilaketa aurreratua

Ogi apurrak

Egungo Euskararen Hiztegia (EEH)

Hasiera:

irudi 1 iz izaki edo gauzaki bat adierazten duen lerroen, koloreen edo formen multzoa.ik imajina.

Ohe gainean, lehengo asteko maleta bera zegoen, Nabukodonosor erregeak urrezko irudi bat egiteko agindu zuen, hogeita hamar metro gora eta hiru metro zabal, eta Babilonia eskualdeko Dura lautadan ipini zuen. Aingeru Epaltza   «Rock'n'roll» - 162. orr.

Gizaki-antzeko irudi bat ikusi nuen: gerrialdetik behera suzkoa zen; gerrialdetik gora metal goriaren distira bezalako argitasunez inguratua.. Elizen arteko biblia   Ez 8,2

Jenerala garbi-garbi oroitzen zen, irudi bat lupaz ikusten ari balitz bezain garbi. Xabier Olarra   «Azken hitzordua» - Sandor Marai - 71. orr.

Irudi batek mila hitzek baino gehiago balio duela esan ohi da, baina batzuetan, hizki batek (x hizkiak) mila irudik baino gehiago esan dezake. Harkaitz Cano   «Piano gainean gosaltzen» - 97. orr.

2 (izenondo edo izenlagunekin)

Popeye marinelaren irudi irribarretsuak apaintzen zuena. Aingeru Epaltza   «Rock'n'roll» - 162. orr.

Elizetako Ama Doloreetakoaren irudi margotuek. Josu Zabaleta   «Sei pertsonaia autore bila» - Luigi Pirandello - 28. orr.

Irudi zizelkatuak. Elizen arteko biblia   1 Erg 7,31

Hartz itxurako irudi handi batek. Anjel Lertxundi   «Italia, bizitza hizpide» - 20. orr.

Budaren irudi txikiak. Javi Cillero   «Hollywood eta biok» - 137. orr.

Aitak bere antzera moldekatu zuen irudi noblea. Joan Mari Lekuona   «Mistika liburuak» - Eckhart-Tauler - 111. orr.

Kearekin irudi multiformeak marrazten. Unai Iturriaga   «Berandu da gelditzeko» - 233. orr.

Irudi itsasgarri batzuk eskuratu zituen andreak handik edo hemendik, eta haietako bat egin zion opari. Imanol Zurutuza   «Errautsera arteko sugarra» - 155. orr.

Eguzkiak dirdira egiten du goi eremuetan irudi iheskorrak eratuz. Javi Cillero   «Hollywood eta biok» - 101. orr.

Ez baitziren Jainko, zurezko nahiz harrizko irudi huts baizik. Elizen arteko biblia   2 Erg 19,18

Pirografiaz grabatutako irudi bat zen, neska bat esgrima-jantzian. Mirentxu Larrañaga   «Hona hemen gu biok» - Dorothy Parker - 53. orr.

Haien erretratuak egitea pentsatu nian, baina sekula ez diat jakin hezurrik gabeko irudi biribil horiek marrazten... Karlos Zabala   «Parisen sabela» - Emile Zola - 124. orr.

Bizantziar estiloko irudi hau. Askoren artean   «Asisko Frantzizko, Asisko Klara» - 285. orr.

3 itxura-edo.

Betiko geratuko zaio irudi hori gogoan atxikia: emaztea, hil hurren, ohean etzanda, kantuan. Imanol Zurutuza   «Errautsera arteko sugarra» - 16. orr.

Irudi bat dakarkio larritasunak gogora, nondik ez dakiela: Hidra, bederatzi buruko herensugea. Imanol Zurutuza   «Errautsera arteko sugarra» - 68. orr.

Zoriondunek zeruan ez dituzte sorkariak ezagutzen beren sorkari-irudietan, baizik eta jatorrizko irudiaren argitan, irudi hau Jainkoa bera denez, eta irudi horretan Jainkoak ezagutzen du, eta maitatzen bere burua, mundu osoarekin batean. Joan Mari Lekuona   «Mistika liburuak» - Eckhart-Tauler - 18. orr.

Amaren irudi berbera bihurtu zen, zango luzeko eta ile beltzeko emakume eder bat, June bera bezain zalua eta malgua. Oskar Arana   «Brooklyngo erokeriak» - Paul Auster - 81. orr.

4 (izenondoekin)

"Euskal" emakumearen irudi berria. 24546

Kristoren irudi berria deskubritzen du Frantziskok. Askoren artean   «Asisko Frantzizko, Asisko Klara» - 27. orr.

Ohorea mantentzeko irrikagatik, ez beza inola ere justiziaren irudi sendoa ahuldu. Askoren artean   «Asisko Frantzizko, Asisko Klara» - 395. orr.

Intelektual konprometituaren ospea gehitu zion bere idazle irudi gorrotatu bezain goraipatuari. Karlos Zabala   «Parisen sabela» - Emile Zola - 8. orr.

Hurrengo hilabeteetan, maistra berriaren irudiak bete zuen nire gogoa; orain konturatzen naiz zer-nolako irudi idealizatua osatu nuen nire barruan. Juan Kruz Igerabide   «Hauts bihurtu zineten» - 25. orr.

Gizakiaren baitan dagoen irudi jainkozkoa. Imanol Unzurrunzaga   «Hainbat idazlan» - San Agustin - 20. orr.

Bisaia ilun, bekain luze eta iletsuak, sudurrak zabalak, buruko soila... aitaren irudi bizia zen. Jon Maia   «Riomundo» - 110. orr.

Hindenburg zeppelinaren irudi nahastezina ikusten zen egunkariaren azalean. Anjel Lertxundi   «Ihes betea» - 16. orr.

Nola eraiki dezake emakume batek bere irudi publikoa? Ana Urkiza   «Zortzi unibertso, zortzi idazle» - 214. orr.

Irudi latz haiek ekarri nituen berriro gogora, baina han. Alberto Ladron Arana   «Eguzki beltzaren sekretua» - 147. orr.

Ideiak deitzen ditudanak ez dira ez irudi hutsak, begi zolan edo, nahi bada, garunaren erdian sortzen direnak, baina bai Pentsamenduaren kontzeptuak. Piarres Xarriton   «Etika» - Spinoza - 219. orr.

Esan zidaten ez zenuela irudi ona eman. Oskar Arana   «Lotsaizuna» - John Maxwell Coetzee - 244. orr.

· Itzulipurdika eta herrestan iritsi nintzen Sewastengo plazaraino, non, erdi aldean geldituz gero, irudi femenino bat ikusi bainuen niregandik gertu. Josetxo Azkona   «Patata soro bat» - 84. orr.

Irudi txanodun bat gazteluko eskailerak jaisten ari zen isil-isilik. Iñaki Mendiguren   «Harry Potter eta Azkabango presoa» - J.K. Rowling - 203. orr.

Trena igarotzean, garrasi egiten genuen, ahoa oso zabalik, haren irudi amaigabea erabat desagertzen zen arte. Juan Kruz Igerabide   «Txoria» - Oh Jung-hi - 86. orr.

5 idazlan batean testuaren argigarri edo apaingarri ezartzen den marrazki edo argazkia.

Erka bedi 2.1 irudiko trabekulen ereduarekin. Irene Aldasoro   «Giza gorputza lanean» - John Lenihan - 28. orr.

Atzealdearen araberakoa izaten da batez ere (4. irudia). Josu Zabaleta   «Irudia» - Jacques Aumont - 30. orr.

Hona lege horietako ezagunenak (ikus 14. irudia): [...]. Josu Zabaleta   «Irudia» - Jacques Aumont - 70. orr.

Testua edertzen zuten irudi ikusgarri samarrek ere bazuten isilpekorik: [...]. Aingeru Epaltza   «Rock'n'roll» - 180. orr.

Dena mahairatu nion, testu eta irudi. Aingeru Epaltza   «Rock'n'roll» - 79. orr.

Titular handietan beti, letra gutxi eta irudi handiak, publizitatearen erregistrotik oso gertu. Iñigo Aranbarri   «Hizlandia» - 110. orr.

Bibliarako eginiko irudi apaingarriak. Xabier Aranburu   «Alkimista» - Paulo Coelho - 10. orr.

Irudi batzuek aldizkarietatik ateratakoak ziruditen. Iban Zaldua   «Gezurrak, gezurrak, gezurrak» - 138. orr.

6 gauzaki batetik irteten diren argi izpiak, optika sistema batetik igaro ondoren biltzen diren puntuen multzoa.

Efekto hori saihesteagatik jaso da, hain zuzen, proiekzio-lastertasuna [...] lehenik segundoko 12 iruditik 16 iruditara, eta gero poliki-poliki 24 iruditaraino. Josu Zabaleta   «Irudia» - Jacques Aumont - 36. orr.

Irudi horren argitasuna handitu nahi baldin bada. Josu Zabaleta   «Irudia» - Jacques Aumont - 20. orr.

Bideo irudia segundoko 25 irudiko lastertasunean produzitzen da. Josu Zabaleta   «Irudia» - Jacques Aumont - 165. orr.

Bideoko irudia inprimatu eta proiektatu, biak egiten dira batera, baina ez da inprimatua, argazki-irudia inprimatua izan daitekeen bezala, ez eta proiektatua ere, zinemako irudia proiektatua izan daitekeen bezala. Josu Zabaleta   «Irudia» - Jacques Aumont - 168. orr.

7 (izenondoekin)

Hasierako proiektoreek sarri eman ohi zuten halako irudi dardaratsu bat. Josu Zabaleta   «Irudia» - Jacques Aumont - 36. orr.

Erretinan irudi fokatua eratzeko. Irene Aldasoro   «Giza gorputza lanean» - John Lenihan - 96. orr.

Foku-luzerarena bera izan behar du objektiboaren eta filmaren arteko distantziak, irudi garbia lortuko bada. Irene Aldasoro   «Giza gorputza lanean» - John Lenihan - 96. orr.

Irudi finkoan, izan ere, eremuz kanpokoa ikusi gabe geratzen da betiko, irudimenez baizik ezin daiteke irudikatu; irudi mugikorrean, berriz, eremuz kanpo dagoena beti azal daiteke agerira. Josu Zabaleta   «Irudia» - Jacques Aumont - 212. orr.

Irudi holografiko bat puntu eta orban sail zentzugabe bat da begi hutsarentzat. Irene Aldasoro   «Giza gorputza lanean» - John Lenihan - 237. orr.

Jatorrizkoaren irudi negatiboa. Ibon Uribarri   «Loti ederrak» - Yasunari Kawabata - 15. orr.

Irudi autonomoa vs. sekuentziako irudia. Josu Zabaleta   «Irudia» - Jacques Aumont - 153. orr.

Irudi digitalen aldi bereko bost proiekziok. Berria - Kultura   2004-06-22

Irudi faltsuak benetakoak direla sinetsaraztea biziki erraza da. Berria - Kultura   2004-01-23

Ispiluak beti bidaltzen baitu irudi bat... zera... izoztua, irudikatzen duenaren berdin-berdina izatearen poderioz. Jon Muñoz   «Loroaren teorema» - Denis Guedj - 297. orr.

8 (geometrian) puntuak, lerroak, gainaldeak, bolumenak bere hartan hartuak. ik figura 2.

Irudi geometrikoetan interesatu zen bereziki: zirkuluak, zuzenak, triangeluak. Jon Muñoz   «Loroaren teorema» - Denis Guedj - 36. orr.

Lerro beltz zuzen edo irudi geometriko erregularrei jarraituz. Josu Zabaleta   «Fantasiazko ipuinak» - Guy de Maupassant - 390. orr.

Egituren kurba dotoreek, teilatuen irudi geometrikoek. Karlos Zabala   «Parisen sabela» - Emile Zola - 192. orr.

Zirkuluak, patuaren irudi unibertsal horrek. Josu Zabaleta   «Fantasiazko ipuinak» - Guy de Maupassant - 45. orr.

Kurba baten luzera kalkulatu, irudi baten azalera zehaztu, solido baten bolumena kalkulatu, irudi baten grabitate-zentroa kokatu. Jon Muñoz   «Loroaren teorema» - Denis Guedj - 367. orr.

Hura izan zen irudi kurbatu baten lehen koadratura. Jon Muñoz   «Loroaren teorema» - Denis Guedj - 114. orr.

Irudi lerrozuzen itxien artean sinpleena da triangelua. Jon Muñoz   «Loroaren teorema» - Denis Guedj - 156. orr.

Gero, irudi lerrozuzen mota guztiak. Jon Muñoz   «Loroaren teorema» - Denis Guedj - 156. orr.

Noiz dira bi irudi kideko? -galdetu zuen Ruche jaunak. Jon Muñoz   «Loroaren teorema» - Denis Guedj - 158. orr.

Irudi lauen eta esferikoen ezagutzaren liburua. Jon Muñoz   «Loroaren teorema» - Denis Guedj - 214. orr.

9 gauza edo ideia bat gogorazten edo iradokitzen duen gauza.

Bere agintearen irudi den makilari eusteaz batera. Felipe Juaristi   «Airezko emakumeak» - 36. orr.

Bi eskuak magalean bildurik, amatasunaren irudi baten moduan. Joxean Agirre   «Romain zen bere izena» - 61. orr.

Orain arte irudi bidez hitz egin dizuet; baina badator ordua irudi bidez hitz egingo ez dizuedana, baizik eta Aitaren berri argi eta garbi emango dizuedana. Elizen arteko biblia   Jn 16,25

Bi emakumeak bi itunen irudi dira. Elizen arteko biblia   Ga 4,24

Bestea, ordea, libre dena, goiko Jerusalemen irudi da, eta bera da gure ama. Elizen arteko biblia   Ga 4,26

Antropologiaren eta humanismoaren irudi bizkiak. Xabier Arregi   «Jakitearen arkeologia» - Michel Foucault - 19. orr.

Diskurtsoa kontraesanek har dezaketen irudi enpirikoa da. Xabier Arregi   «Jakitearen arkeologia» - Michel Foucault - 172. orr.

Tatuajeak karmaren irudi haragiztatuak dira. Javi Cillero   «Hollywood eta biok» - 134. orr.

· Ikur linguistiko horien adierazpenerako balio duten irudi akustikoekin. Isabel Arrigain   «Hizkuntzalaritza orokorreko ikastaroa» - Ferdinand de Saussure - 38. orr.

Edo artelan oro irudi birtuala dela ("ilusio" eta "irudi birtual" sinonimotzat hartzen ditu). Askoren artean   «Filosofiako gida» - 234. orr.

Mimogrametan, hitzaren irudi idatzia erreferentearen irudia ere bada. Iñaki Arranz   «Hitza azti» - 247. orr.

· Irudi eta metaforak baino haratago. Edorta Jimenez   «Europako mugetan barrena» - 285. orr.

10 (hitz elkartuetan lehen osagai gisa)

Irudi-gurtzari buruzko liskarrean. Irudi sortzaile abila da Izua. Patziku Perurena   «Trapuan pupua» - 128. orr.

Irudi multzo bakoitzak bertute bat sinbolizatzen du: adorea, leialtasuna, atxikimendua, edota beharra. Javi Cillero   «Hollywood eta biok» - 119. orr.

Nire atxiloketaren oroitzapenak oldartu zitzaizkidan, irudi segida izugarri batean. Alberto Ladron Arana   «Eguzki beltzaren sekretua» - 166. orr.

irudi-Jario bat hasten da isurtzen bere gogora. Oskar Arana   «Lotsaizuna» - John Maxwell Coetzee - 249. orr.

Zirrimarren irudi-oste zorabiagarriak. Xabier Olarra   «Antropologo bat Marten» - Oliver Sacks - 142. orr.

Torizu, gogorra nahiz biguna, nire bularra; / bertan ezarri nahi duzun irudi-marra; / zin dagit-eta beti gordeko dudala. Patxi Ezkiaga   «On Kixote Mantxako» - Miguel de Cervantes - 130. orr.

Izango da ikustea irudi-ikuspenez Nazaretetik Belenerako bidea. Patxi Altuna   «Gogojardunak» - Inazio Loiolakoa - 89. orr.

Erretinako irudi-iraunkortasuna. 24612

Irudi-gurutzamenduak, irudi-trukeak eta irudi-emaitzak geroz eta sarriago gertatzen dira. Josu Zabaleta   «Irudia» - Jacques Aumont - 16. orr.

Koloretako txalupa baten irudi-test klasikoa. Xabier Olarra   «Antropologo bat Marten» - Oliver Sacks - 38. orr.

Txantxangorrien irudi-arduradunak. Joxerra Garzia   «Egonean doazen geziak» - 76. orr.

Kongresuan H&K-eko irudi-aholkulariek erakutsitakoa ongi asko antzeztu zuen. Txema Ramirez de la Piscina   «Ikus gaitzazuen» - 26. orr.

Chavezek ez du asmatu bere irudi politikarekin. Pako Aristi   «Venezuela, iraultza isilaren hitzak» - 56. orr.

· Batez ere kristau irudi-gurtzailea. Juan Garzia   «Sistema periodikoa» - Primo Levi - 27. orr.

11 (hitz elkartuetan bigarren osagai gisa)

Jainko-irudi bat egiten du eta aurrean ahozpezturik gurtzen. Elizen arteko biblia   Is 44,17

Loten emazteak atzera begiratu zuen, eta gatz-irudi bihurtu zen. Elizen arteko biblia   Has 19,26

-Harri-irudi bat bezala egon behar al duzu denbora osoan hor? Iñaki Zabaleta   «110. Street-eko geltokia» - 54. orr.

Erori da Babilonia, erori da! haren jainko-irudi guztiak lurrean gelditu dira apurtuta. Elizen arteko biblia   Is 21,9

Giza irudi tiki betaurreko-lodi bat plastikozko poltsa bat kulunkatzen ari zen gure begien parean. Aingeru Epaltza   «Rock'n'roll» - 14. orr.

Etengabe gorantz tenkaturiko sei beso, balizko hiru emakume-irudi zizelkatuetatik. Mirentxu Larrañaga   «Hona hemen gu biok» - Dorothy Parker - 58. orr.

Txapin izpiliku-koloreak ziren, erromes-maskor eta lore-irudi soilez apainduak. Mirentxu Larrañaga   «Hona hemen gu biok» - Dorothy Parker - 235. orr.

Irudi espezifikoak (zinema- irudia, argazki- irudia, eta abar), edota, hala behar izanez gero, irudi jakin batzuk aztertzeko. Josu Zabaleta   «Irudia» - Jacques Aumont - 16. orr.

Filmeko irudia argazki-irudia da; bideo-irudia, aldiz, euskarri magnetikoan egoten da grabatuta. Josu Zabaleta   «Irudia» - Jacques Aumont - 162. orr.

Arte-irudi modernoak ere bai, erreprodukzioetan. Xabier Mendiguren Elizegi   «16 ipuin amodiozko» - 105. orr.

Hondo-irudi modura, Mexiko osoko jendeak pairaturiko Historia ere ageri zaigu. Juan Garzia   «Pedro Páramo» - Juan Rulfo - 14. orr.

Mundu-irudi berriak estreinako aldiz sortzen zituen galderak. Askoren artean   «Filosofiako gida» - 64. orr.

Denbora-epe hori edozein motatako eraso eta larrialdiren iraupen-irudi bihurtu da. Askoren artean   «Asisko Frantzizko, Asisko Klara» - 913. orr.

Beharbada drogaren munduak duen hondamen-irudi horrengatik. Anjel Lertxundi   «Zorion perfektua» - 91. orr.

Zoriondunek zeruan ez dituzte sorkariak ezagutzen beren sorkari-irudietan, baizik eta jatorrizko irudiaren argitan. Joan Mari Lekuona   «Mistika liburuak» - Eckhart-Tauler - 18. orr.

Amets-irudi berriak agertzen zitzaizkion, sabelduak, astunak, kolorez margotutako zuhaitz-enborren antzekoak, pentsamenduak baino are lasterragoak. Jose Morales   «Zazpi urkatuak» - Leonid Nikolaievitx Andreiev - 49. orr.

Amak barre-irudi bitxia egin zuen. Jose Morales   «Zazpi urkatuak» - Leonid Nikolaievitx Andreiev - 54. orr.

Barre-irudi bat azaldu zen gizonaren aurpegian. Bernardo Atxaga   «Soinujolearen semea» - 59. orr.

Hizkuntzan, berriz, hots irudia dago soil-soilik, eta ikus-irudi etengabe gisa atzeman ahal daiteke. Isabel Arrigain   «Hizkuntzalaritza orokorreko ikastaroa» - Ferdinand de Saussure - 42. orr.

Jaltako giro burges dekadentearen literatur irudi ezin hobeak utzi zizkigun: itsas-pasealekua, txutxu mutxuak, asperdura infinitua... Iban Zaldua   «Traizioak» - 144. orr.

Konbentzio bat da, erretorika-irudi hutsa. Itziar Otegi   «Axenario» - Jules Renard - 167. orr.

Ez nituen lepo-mozte irudi haiek, karotidari zerion odol hura [...] burutik kendu ahal izan. Joxan Elosegi   «Ahardikeriak» - Marie Darrieussecq - 44. orr.

Leihoko kristalak opako zeuden, eta beste aldean malko irudiko hari loditan irristatzen ziren tantak. Juan Garzia   «Pedro Páramo» - Juan Rulfo - 34. orr.

Atorra luze holandarra soinean, eskumuturretan arrosa irudiko loreak josita. Felipe Juaristi   «Itzarri nahi ez zuen printzesa» - 272. orr.

12 -en irudiko izlag -en irudi bereko, -en antzeko. ik irudiko.

Eta lurtarraren irudiko garen bezala, zerutarraren irudiko ere izango gara. Elizen arteko biblia   1 Ko 15,49

Eta gu haren irudiko izatera deituak gara. Gure irudiko den gauza bat maite dugunean, hark ere, ordainez, maita gaitzan bermatzen gara. Askoren artean   «Asisko Frantzizko, Asisko Klara» - 688. orr.

Hark antzaldatuko du gure gorputz ezerez hau, bere gorputz aintzatsuaren irudiko eginez. Elizen arteko biblia   Flp 3,21

Zeren irudiko da Jainkoaren erregetza? zeren antzeko dela esango nuke? Elizen arteko biblia   Lk 13,18

Beraren irudiko gauza bat maite duena, lehiatzen da, ahal bezainbatean, gauza horrek hura maita dezan, ordainez. Jainkoak gizakia egin zuenean, bere irudiko egin zuen. Piarres Xarriton   «Etika» - Spinoza - 313. orr.

Berea bezalako indarrez jantzi zituen eta bere irudiko egin. Elizen arteko biblia   Si 17,3

Eta gu, zeure antzeko eta irudiko eginik, paradisuan ezarri gintuzulako. Askoren artean   «Asisko Frantzizko, Asisko Klara» - 150. orr.

Hark antzaldatuko du gure gorputz ezerez hau, bere gorputz aintzatsuaren irudiko eginez, gauza guztiak bere menpe jartzeko duen ahalmenari esker. Elizen arteko biblia   Flp 3,21

Eta edozeinizakiren irudiko idolorik egiten baduzue [...]. Xabier Kintana   «Alderraien gidaria» - Mose ben Maimon - 48. orr.

13 irudizko1 ik imajinario.

Geure burmuinak sorturiko mundu batean bizi gara, etengabeko joan-etorrian errealaren eta irudizkoaren artean. Juan Garzia   «Sagua, eulia, eta gizakia» - François Jacob - 188. orr.

Langile irudizkoak .../... mugez harainditik ekarriak. Jon Muñoz   «Loroaren teorema» - Denis Guedj - 313. orr.

Hori da Kanten irudizko 'jaiotze lurra', gizakia bera. Jenaro Garate   «Gizakia maitagogoa da» - 47. orr.

Hantxe ari zitzaidan, bai, irudizko Hipokrates, hatza altxaturik, mehatxuka: [...]. Joan Mari Irigoien   «Ipuin batean bezala» - 83. orr.

Soinua bi belarrien artetik igarotzen den irudizko lerro baten puntu batetik datorrenean gertatzen da efektu maximoa, hots, behatzailearen ezkerraldeko edo eskuinaldeko puntu batetik datorrenean. Irene Aldasoro   «Giza gorputza lanean» - John Lenihan - 117. orr.

Batera eta bata bestearen lagun erabiliz zentzumenok, hasieratik sortzen baitugu irudizko mundu bat: ikusten dugunaz, kontzeptuz eta esanahiz osatutako mundu bat. Xabier Olarra   «Antropologo bat Marten» - Oliver Sacks - 124. orr.

Nik are gehiago miresten nituen Kepa eta Pello, biak ere heroi bihurtu arteraino, neure mundu irudizko bezain haragi-hezurrezkoan. Joan Mari Irigoien   «Oilarraren promesa» - 62. orr.

Irudizkoa baino ez da elkarrizketa hori. Joxan Elosegi   «Nola hustu nuen gurasoen etxea» - Lyidia Flem - 36. orr.

Irudizko italiera bateranzko joera etengabearekin. Oskar Arana   «Lotsaizuna» - John Maxwell Coetzee - 235. orr.

Makina bat pertsonaia kimeriko, egiazko eta irudizkoaren arteko poliexistentzia. Askoren artean   «Filosofiako gida» - 303. orr.

Hitzezko adieraziei buruz mintzatzean irudizko adiera esaten zaionaren parekoa. Josu Zabaleta   «Irudia» - Jacques Aumont - 236. orr.

Adigai irudizkoak saihestu eta hizkuntza erreferentzialean idazten ahalegindu zaitez. Askoren artean   «Filosofiako gida» - 359. orr.

Gauzak berezko zentzuan harturik beti ere, ez erabilera irudizko, hedatu eta norgauzatuetan. Iñaki Segurola   «Gaur ere ez du hiltzeko eguraldirik egingo» - 108. orr.

14 irudizko2 (matematikan) zenbakiez mintzatuz, zenbaki negatibo baten erro koadrotik sortzen dena. ik konplexu 6.

Zenbaki negatiboetan, irrazionaletan, irudizkoetan. Jon Muñoz   «Loroaren teorema» - Denis Guedj - 312. orr.

Unitate negatiboaren irudizko erro bat. Jon Muñoz   «Loroaren teorema» - Denis Guedj - 311. orr.

Formula, i irudizkoa, alegia. Jon Muñoz   «Loroaren teorema» - Denis Guedj - 310. orr.

Errealitateko zein ordenatan kokatzen zituen adierazteko, irudizko zenbaki deitu zien! Baldin eta kontuan hartzen baziren irudizko erroak. Jon Muñoz   «Loroaren teorema» - Denis Guedj - 310. orr.

Alor matematiko berriak zabaldu ziren; tresna berriak asmatu (taldeak, matrizeak...) irudizko aldagai baten funtzioen teoria nagusitu zen mende hasieran: Cauchy, Riemann, Weierstrass. Jon Muñoz   «Loroaren teorema» - Denis Guedj - 88. orr.

Ohar bedi, bide batez, matematikariek zenbakiei eskainitako kalifikatzaileen nolakotasuna: hautsiak, absurdoak, ezinezkoak, gorrak, puskatuak, irudizkoak, konplexuak, idealak eta, bukatzeko, traszendenteak. Jon Muñoz   «Loroaren teorema» - Denis Guedj - 436. orr.

15 irudizko3 irudiak dituena.

Irudizko liburu batean. Josu Zabaleta   «Irudia» - Jacques Aumont - 133. orr.

16 horma-irudi (orobat hormairudi eta hormiduri g.er.)

Haritz egurrezko horma-irudi handi bat zizelkatzen eman zuen. Monika Etxebarria   «Goragalea» - Jean Paul Sartre - 182. orr.

Euriak ia ezabaturiko horma-irudiak ikus zitezkeen nonahi. Jose Morales   «Arima hilak» - Nikolai Gogol - 25. orr.

Liburuak eta paperak birrindu, horma-irudiak urratu, paper-ontziak irauli. Iñaki Mendiguren   «Harry Potter eta sekretuen ganbera» - J.K. Rowling - 89. orr.

Leihatilaren gainean Quex hitlerzale gaztea pelikularen horma-irudi handi bat zegoen. Anjel Lertxundi   «Ihes betea» - 43. orr.

Egiptoko faraoien hilobietako horma-irudien antzera. Anton Garikano   «Bederatzietatik bederatzietara» - Leo Perutz - 117. orr.

Lanak iragartzen dituen horma-irudia zintzilik dago, aldiz, azken bi urtetan. Berria - Euskal Herria   2004-10-20

Hormirudietako batzuk alderantziz zeuden zintzilikatuak. Harkaitz Cano   «Pasaia blues» - 212. orr.

Antzeko lanetan aritu zen Asisko Urmeneta, Iruñean egindako hormairudi batean aurrena eta Napartheid fanzinearen bigarren zenbakian gero. Iñigo Aranbarri   «Hizlandia» - 20. orr.

Logelako horma irudi eta izkribuz beterik du Josuk. Joseba Sarrionandia   «Lagun izoztua» - 29. orr.

17 irudi egin

Ez nuen ordu arte hartu urruntze irudi bat egiteko xedea. Jon Muñoz   «Harreman arriskutsuak» - Choderlos de Laclos - 412. orr.

Kantaren hitzak kantatu irudi egin zuen ezpainez Oskar Arana   «Brooklyngo erokeriak» - Paul Auster - 262. orr.

18 irudi izan1 du ad ik iduri 9.

Irudi du loraldi bat izan zuela leku honek. Edorta Jimenez   «Europako mugetan barrena» - 169. orr.

Gengis Khan moderno bat irudi zuen, ausarta eta lotsagabea. Karlos Zabala   «Mikel Strogoff» - Jules Verne - 51. orr.

Ipuin beldurgarrietako sugetzarra irudi zuen. Edorta Jimenez   «Sukar ustelaren urtea» - 14. orr.

Gangak dekorazio aberatsa zuen eta [...] argi puntuz izartuta zegoela irudi zuen. Karlos Zabala   «Mikel Strogoff» - Jules Verne - 26. orr.

Une batez irudi izan zuen Rachel negarrez hastera zihoala. Oskar Arana   «Brooklyngo erokeriak» - Paul Auster - 8. orr.

Ez zuen irudi ezer susmatzen zuenik. Karlos Zabala   «Mikel Strogoff» - Jules Verne - 279. orr.

Irudiko luke haize bafada batek eraman eta hauts hodei baten gisan desegin behar zuela lur erre, lehorraren gainean. Josu Zabaleta   «Jakintzaren arbola» - Pio Baroja - 199. orr.

Arimaren erdigune guztiz nobleak halako indarrez du erakartzen, non irudi bailuke hara zuzentzen direla hezur-muinak eta zainetako odola. Joan Mari Lekuona   «Mistika liburuak» - Eckhart-Tauler - 54. orr.

Ez zuen irudi ontziaren geroan sinesten zutenik. Edorta Jimenez   «Sukar ustelaren urtea» - 207. orr.

Irudi zuen, bada, asturuek ez zutela nahi Armada Txit Zorionekoa inoiz abia zedin. Edorta Jimenez   «Sukar ustelaren urtea» - 155. orr.

19 irudi izan2 zaio ad ik iduri 10.

Irudi zait ongiaren eta gaizkiaren artean hautatzeko kanpoko norbaiten beharra dugula. Ana Urkiza   «Zortzi unibertso, zortzi idazle» - 306. orr.

Irudi zitzaion aski zuela eri ttittilaren altxatzea pulindak oro koro-koroka bere altzoan edukitzeko. Itxaro Borda   «Hiruko» - 21. orr.

Jostunak, makinak eta lan-mahaiak edonola pilatuta daudela irudi dakioke kanpotik datorren behatzaileari. Iban Zaldua   «Etorkizuna» - 29. orr.

Ohitu ezak Julie orori beha egotera eta oro mezutzera, bai eta huskeria irudi dakiokeena ere. Jon Muñoz   «Harreman arriskutsuak» - Choderlos de Laclos - 330. orr.

Zein sakrifizio irudi lekidake neketsu, zure bihotzak sarituko lidakeela jakinik? Jon Muñoz   «Harreman arriskutsuak» - Choderlos de Laclos - 263. orr.

20 irudi izan3 (adizkia ezabaturik; ik iduri 13)

Badoaz nire indarrak, ur isuria irudi; koloka ditut hezur guztiak, urtzen ari zait bihotza, argizaria irudi. lekua mendi mazelako buztinean ireki sarraski itsusia zen, sake gorri bat, irudi odola zeriola. Itxaro Borda   «Hiruko» - 30. orr.

Hegazkineko eserlekuan uzkurtuta, errezoan irudi, Urtzen ari zait bihotza, argizaria irudi. Imanol Zurutuza   «Errautsera arteko sugarra» - 144. orr.

Kondesa ederra zen, baina, era berean, edertasun gogorrekoa iruditu zitzaion, lorategi batetik ateratako harrizko emakume bat irudi. Felipe Juaristi   «Airezko emakumeak» - 116. orr.

Ariannak, ilea ordurako solte, odolezko ibaia irudi, Lamento d´Ariannako zati bat kantatu zuen. Felipe Juaristi   «Airezko emakumeak» - 125. orr.

hitz multzoen maiztasunak (gutxienez 11 aldiz agertzen direnak)

barre irudi (10); bere irudi (29); beste irudi (35); bi irudi (30); erretinako irudi (11); giza irudi (29); hainbat irudi (14); halako irudi (13); haren irudi (18); harrizko irudi (11)

irudi asko (11); irudi baitzuen (9); irudi bakar (17); irudi bakarra (10); irudi beltz (9); irudi berbera (9); irudi berria (13); irudi bizi (10); irudi eder (10); irudi eskasa (16); irudi gehiago (12); irudi gisa (9); irudi guztiak (22); irudi handi (14); irudi jakin (10); irudi mota (20); irudi ona (35); irudi oro (11); irudi txarra (10); irudi txiki (12)

irudi bakar bat (9); jainkoaren irudi (9); oso irudi (27); zenbait irudi (11); zer irudi (10)

aitaren irudia (9); amaren irudia (11); argazki irudia (9); azken irudia (11); bere irudia (59); bideo irudia (11); erretinako irudia (9); filmeko irudia (10); haren irudia (58); herriaren irudia (11); irudia agertu (14); irudia agertzen (11); irudia egin (15); irudia eman (17); irudia ematen (17); irudia etorri (20); irudia ikus (10); irudia ikusi (16); irudia ikusten (20); irudia izan (16); lehen irudia (9); nire irudia (16); zuen irudia (12)

bere irudiak (11); bideo irudiak (9); etxe jainkoen irudiak (10); gauzen irudiak (10); giza irudiak (9); haien irudiak (15); haren irudiak (12); hartutako irudiak (16); irudiak agertzen (12); irudiak ematen (11); irudiak erabiltzen (10); irudiak erakusten (14); irudiak hartzen (9); irudiak ikus (11); irudiak ikusi (19); irudiak ikusten (9); irudiak jaso (9); irudiak jasotzen (12); irudiak sortzen (12); irudiak zabaldu (11); jainko irudiak (10); jainkoen irudiak (18); lehen irudiak (11); telebistako irudiak (10)

argazki irudiaren (10); bere irudira (9); irudiaren aurrean (16); irudien bidez (14); irudien lurra (11); irudirik gabe (13); jainkoaren irudira (12)

[5] irudi da (12); irudi du (17); irudi duen (5); irudi izan (8); irudi lezake (18); irudi luke (36); irudi zait (10); irudi zitzaion (5); irudi zuen (88)

 



Nodoa: liferay1.lgp.ehu.eus