Bilaketa aurreratua

Ogi apurrak

Egungo Euskararen Hiztegia (EEH)

itxuragabetu, itxuragabe(tu), itxuragabetzen 1 du ad itxuragabe bihurtu, itxura galdu. ik desitxuratu; itxuratxartu.

Bat-batean, amaren aurpegia modu ikaragarrian zimurtu zen, itxuragabetu, asaldatu, malkoz bete.  Jose Morales   «Zazpi urkatuak» - Leonid Nikolaievitx Andreiev, 2006 - 54. orr.

Gaitzak gorputza itxuragabetu eta itsusten du.  Berria - Gaiak   2004-03-17

Agure xahar musugorri bat zen, sendoa, eskuak lodi-lodiak zituena, lanak eta artritisak itxuragabetuak.  Juan Garzia   «Sistema periodikoa» - Primo Levi, 1998 - 224. orr.

Kirika eginez baso barren hartara non argi-itzalek den-dena laukitu eta forma guztiak itxuragabetzen baitituzte.  Anton Garikano   «Farorantz» - Virginia Woolf, 2001 - 182. orr.

Whittaker andrea beti moldatzen zen, nolabait, kontuak itxuragabetu baino lehen geldiarazten.  Mirentxu Larrañaga   «Hona hemen gu biok» - Dorothy Parker, 2006 - 63. orr.

Batzuk zapalduta eta itxuragabetuta zeuden, eta beste batzuk labanaz basatiki sastatuak.  Agustin Otsoa   «Eraztunen Jauna III» - J.R.R. Tolkien, 2004 - 113. orr.

Euskal toki izen asko itxuragabetu egin dira, erdarazko hitzak, artikuluak edo preposizioak gogoan: Larrun, La Rhune; Larraineta, La Reineta, […].  Iñaki Arranz   «Hitza azti», 2006 - 167. orr.

Denok dugu hitz berri bat asmatzeko edo hitz zahar bat itxuragabetzeko ahalmena.  Iñaki Arranz   «Hitza azti», 2006 - 140. orr.

"Havertà" hebreerazko hitza da, bai formaren eta bai esanahiaren aldetik itxuragabetua.  Juan Garzia   «Sistema periodikoa» - Primo Levi, 1998 - 22. orr.

Hitz bete hauetan, berriz, formak bere horretan dirau, esanahia da eraldatu eta itxuragabetua agertzen zaiguna.  Iñaki Arranz   «Hitza azti», 2006 - 151. orr.

Begiak zuloetatik ateratzeko zorian jarraitzen zuen, aurpegia oinazeak itxuragabetuta.  Ramon Saizarbitoria   «Gorde nazazu lurpean», 2000 - 392. orr.

Betzuloak hustu zizkioten eta begiko nerbioak ere aiztoz ebaki; horrela itxuragabetuta, Frantzisko dohatsuaren aldare aurrera eraman zuten.  Askoren artean   «Asisko Frantzizko, Asisko Klara», 2002 - 865. orr.

Sen estetikoa erabat itxuragabetua eta atrofiatua du hori dioenak.  Karlos Zabala   «Buda zoriontsuen etxea» - João Ubaldo Ribeiro, 2003 - 179. orr.

2 (era burutua izenondo gisa)

Rosalind-en begirada belarri itxuragabetura itzultzen da behin eta berriro.  Oskar Arana   «Lotsaizuna» - John Maxwell Coetzee, 2004 - 243. orr.

Karrikaren bestaldean zutik dagoen gizasemeak Lainezen isla itxuragabetu bat irudi lezake.  Pello Lizarralde   «Larrepetit», 2002 - 92. orr.

Beste hizkuntza bateko hitz itxuragabetuak.  Iñaki Arranz   «Hitza azti», 2006 - 186. orr.

hitz multzoen maiztasunak (gutxienez 3 aldiz agertzen direnak)

itxuragabetu egin (4)

 



Nodoa: liferay1.lgp.ehu.eus