Bilaketa aurreratua

Ogi apurrak

Egungo Euskararen Hiztegia (EEH)

kanela 1 iz jatorriz Sri Lankrakoa den zuhaitz baten azala osatzen duen gai urrintsua, hodi txikien eitea duena, janari gozoak ontzeko erabiltzen dena.

Limoi-ura kanelarekin hartzeko.  Felipe Juaristi   «Airezko emakumeak», 2003 - 146. orr.

Azukre hautsa kanelarekin nahasia.  Karlos Zabala   «Mikel Strogoff» - Jules Verne, 2002 - 82. orr.

Hiru kilo kanela eta beste hiru kilo kanabera usaintsu.  Elizen arteko biblia   Ir 30,23

Kanela eta baltsamo usaintsuak bezala.  Elizen arteko biblia   Si 24,15

Kanela zure sudurra probokatzeko.  Jasone Osoro   «Korapiloak», 2001 - 13. orr.

Ardoa kanelarekin berotu eta ardo epela azukrez gozatu.  J.M. Olaizola "Txiliku"   «101 gau», 2000 - 21. orr.

Bozkario hark kanelaren gozoa zuen eta ez zuen absintio belarraren minik.  Joan Mari Irigoien   «Lur bat haratago», 2000 - 603. orr.

2 (hitz elkartuetan lehen osagai gisa)

Kanela usaina zegoen kalean.  Harkaitz Cano   «Neguko zirkua», 2005 - 33. orr.

Kanela-hautsak bertan goxo geratzeko gonbidapena dakar, haizeak hauts horiek barreiatzeko aukera, eta hauts horiek sudur-mintzetan barrena sartzeko arriskua.  Harkaitz Cano   «Neguko zirkua», 2005 - 33. orr.

Kanela adar bat oparitu zidan.  Harkaitz Cano   «Neguko zirkua», 2005 - 42. orr.

Hauetako lehenari Usoa jarri zion izena, bigarrenari Kanela Lorea eta hirugarrenari Lurrinontzi.  Elizen arteko biblia   Jb 42,14

Ezkerretara, azukre fabrikaren tximinia mardulak barreiatzen zuen kanela zaporea.  Aritz Gorrotxategi   «Egurra Pinotxori», 2002 - 104. orr.

· Soineko kanela koloreko bat jantzita.  Felipe Juaristi   «Itzarri nahi ez zuen printzesa», 2002 - 76. orr.

3 (hitz elkartuetan bigarren osagai gisa)

Larru marraduna zuen, zuri-kanela, aitak hil artean erabili zuen pijama nazkagarri hura bezalakoa.  Berria - Kultura   2004-08-20

4 izond kanelaren kolorekoa, kanela-kolorea.

Izotz puskak azal kanelaren gainetik pasatzen...     «Kuskue tanden», 2004 - 55. orr.

5 iltze-kanela iltze-belarraren lorearen pipil ihartua, janarien bizigarri erabiltzen dena.

Arabiarrek kardamomoa, iltze- kanela eta beste zenbait espezia erabiltzen omen dituzte kafeari zapore berezia emateko.  J.M. Olaizola "Txiliku"   «Bizitza eredugarriak», 2006 - 187. orr.

Kanela, iltze-kanela, usainki, mirra eta intsentsu.  Elizen arteko biblia   Ap 18,13

6 kanela begi (corpusean kanelabegi soilik)

Baita kanelabegi balitz be.     «Kuskue tanden», 2004 - 122. orr.

hitz multzoen maiztasunak (gutxienez 3 aldiz agertzen direnak)

kanela adar (3); kanela adarraren (4); kanela usaina (4)

 



Nodoa: liferay1.lgp.ehu.eus