Bilaketa aurreratua

Ogi apurrak

Egungo Euskararen Hiztegia (EEH)

katu (orobat gatu g.er.) 1 iz gizakien lagunartean bizi den ugaztun txiki haragijalea, atzaparduna, ilea leuna eta begiak luzaran eta distiratsuak dituena (Felis catus).

Han hemenka zenbait katu, eguteran lotan.  Jose Angel Irigaray   «Denboraren mugan», 2005 - 92. orr.

Txakurra eta katua bezala.  Anjel Lertxundi   «Zorion perfektua», 2002 - 109. orr.

Tigre-itxurako katu bat zegoen Privet Driveko kantoian.  Iñaki Mendiguren   «Harry Potter eta Azkabango presoa» - J.K. Rowling, 2002 - 8. orr.

Katua etxekotzeko, gauza bertsua egiten da.  J.M. Olaizola "Txiliku"   «101 gau», 2000 - 234. orr.

Sukaldeko burdina eskuan hartu, eta kolpe batez akabatu zuen katua.  Joan Mari Irigoien   «Lur bat haratago», 2000 - 166. orr.

Eduki ezazu katu hori urruti!  Iñaki Mendiguren   «Harry Potter eta sorgin harria» - J.K. Rowling, 2000 - 121. orr.

-Harrapatu katu hori eta akabatu -esan zion patilla zuriko ergel hark praktikanteari.  Josu Zabaleta   «Jakintzaren arbola» - Pio Baroja, 2006 - 74. orr.

Katua txoriaren gainera oldartu zen.  Patxi Zubizarreta   «Mila gau eta bat gehiago» - Anonimoa, 2002 - 207. orr.

Katuaren dotorezia eta duintasunarekin mugitzen dira espazioan.  Berria - Kultura   2006-01-24

Katua miauka eta miauka eme eske, edo goseak besterik ez agian.  Koro Navarro   «Zortzi kontakizun» - Isaac B. Singer, 2002 - 53. orr.

Katu guztiek harrapatzen dituzte arratoiak, Ron! Katu guztiak ito zituen etxeko arratoi zakurrak.  Iñaki Mendiguren   «Harry Potter eta sorgin harria» - J.K. Rowling, 2000 - 121. orr.

Ba omen dira katuen tamainako arratoiak.  Harkaitz Cano   «Piano gainean gosaltzen», 2000 - 145. orr.

2 (izenondoekin)

Hauts-koloreko katu argaltxo bat.  Iñaki Mendiguren   «Harry Potter eta Azkabango presoa» - J.K. Rowling, 2002 - 122. orr.

O Jainkoa, katu malapartatu bat bezalakoxea zara.  Koro Navarro   «Artistakume baten erretratua» - Dylan Thomas, 1999 - 26. orr.

Katu zaurituaren moduan egin zuen aiots baten batek.  Joseba Sarrionandia   «Lagun izoztua», 2001 - 352. orr.

Txori kaiolatuak eta katu fereka zaleak dituzte gogoko zaharrek.  Imanol Zurutuza   «Errautsera arteko sugarra», 2002 - 39. orr.

Samuelek katu amorratu batek bezala egin zuen salto bizikletatik gizonaren gainera.  Anjel Lertxundi   «Konpainia noblean», 2004 - 104. orr.

Isiltasuna besterik ez zen entzuten, eta katu gautarrek ere isiltasuna gordetzeko agindua jaso zutela otu zitzaion.  Joxemari Urteaga   «Ordaina zor nizun», 2001 - 54. orr.

Katu siamesek beren saskietan eroso etzanda zurrunga eztia egiten zuten.  Matías Múgica   «Hiltzaile baten aitormena» - Joseph Roth, 2004 - 136. orr.

3 (hitz elkartuetan lehen osagai gisa)

Hiru urte zituela, hiru gaixotasun larrik jo zuten batera: meninigitis edo meningoentzefalitisa [...], polioa eta katu-harramazka batek eragindako sukarra.  Xabier Olarra   «Antropologo bat Marten» - Oliver Sacks, 2003 - 121. orr.

Katu-haragiak ez du parekorik ibai-karramarroak harrapatzeko.  Itziar Otegi   «Axenario» - Jules Renard, 2006 - 105. orr.

Arratoi eta katu larru lehortuak.  Joseba Sarrionandia   «Lagun izoztua», 2001 - 410. orr.

Bere katu-ahots tristearekin.  Fernando Rey   «Gure etxeko kontuak» - Natalia Ginzburg, 2004 - 55. orr.

Katu-barretxo bat egiten du.  Edorta Jimenez   «Europako mugetan barrena», 2000 - 259. orr.

Katu begirada ahaltsua.  Fernando Morillo   «Ortzadarra sutan», 2003 - 21. orr.

Bev Shaw-k katu-usaina darion sofa batean etzanarazten du.  Oskar Arana   «Lotsaizuna» - John Maxwell Coetzee, 2004 - 137. orr.

Inskripzio puntazorrotz eta arraro haien gainean, katu-ile gorrixka luze batzuk zeuden.  Iñaki Mendiguren   «Harry Potter eta sorgin harria» - J.K. Rowling, 2000 - 206. orr.

Hermionek otsailaren hasieran utzi zuen eritegia katu-biboterik, isatsik eta ilerik gabe.  Iñaki Mendiguren   «Harry Potter eta sekretuen ganbera» - J.K. Rowling, 2001 - 196. orr.

Katu-sendagilea duk, eta goizero-goizero Skettyra joaten duk atso bati janzten laguntzera.  Koro Navarro   «Artistakume baten erretratua» - Dylan Thomas, 1999 - 172. orr.

Gure karrakako gizon katu-jaleari.  Edorta Jimenez   «Sukar ustelaren urtea», 2004 - 104. orr.

Katu-janaren bolatxoak din-din erori dira sukaldeko lauzetan.  Javi Cillero   «Hollywood eta biok», 1998 - 104. orr.

Trebetasun txundigarria katu-irudiak marrazteko.  Xabier Olarra   «Antropologo bat Marten» - Oliver Sacks, 2003 - 191. orr.

4 su armetako kako modukoa, tiro egiteko sakatzen dena.

Pistola deskargatu bitartean, katuari eragin dio nahi gabe.  Rafa Egiguren   «Mentxakaren aitorpena» - Jose Ramon Goikoetxea, 2006 - 19. orr.

Errebolberra destatu eta katua sakatu zuen, azkenik.  Harkaitz Cano   «Neguko zirkua», 2005 - 69. orr.

Gorriak pistolaren katua sakatu eta katuak klik egin zuen.  Koldo Biguri   «On Camillo» - Giovanni Guareschi, 2001 - 170. orr.

Pistolaren katuan behatza, mehatxuka ari zaizkizue oraindik.  Rafa Egiguren   «Mentxakaren aitorpena» - Jose Ramon Goikoetxea, 2006 - 19. orr.

Katu bakarreko modeloa da, katu bakarra, tiro bakarra.  Sonia Gonzalez   «Ugerra eta kedarra», 2003 - 214. orr.

Katu batek ez du bada, bakarrik disparatzen, alajaina!  Harkaitz Cano   «Neguko zirkua», 2005 - 64. orr.

-Erabil ezak palanka txikia -esan nion pistolaren katua jaso bitartean-, baina saihets batetik; bala baten bidean jarri gabe badaezpada ere.  Rafa Egiguren   «Mentxakaren aitorpena» - Jose Ramon Goikoetxea, 2006 - 181. orr.

Ez zeukak segururik, eta katua oso sentibera zegok.  Rafa Egiguren   «Mentxakaren aitorpena» - Jose Ramon Goikoetxea, 2006 - 181. orr.

5 altxagailu mota kremaileraduna, pisu handiak altuera txikietara altxatzeko erabiltzen dena.

Katuaren kasuan, kilo batzuen indarra (eskuaren presioak palankaren muturrean egiten duena) tona bat edo gehiagoren indarra bihurtzen da automobila jasotzeko.  Irene Aldasoro   «Giza gorputza lanean» - John Lenihan, 2006 - 112. orr.

6 kale katu

Eta kale katua izan nintzeneko garai hura ere ez dut ahaztekoa, ez horixe.  Jose Angel Irigaray   «Denboraren mugan», 2005 - 81. orr.

7 katu-ama ik katama.

Gehiegi hurbildu baitzen [txakurtxoa] katutxo jaio berrien ume-aldrara, katu-amak, muzindu, puzka hasi, eta behatzetatik burugaineraino latz-harrotu zituen ileak.  Juan Garzia   «Sistema periodikoa» - Primo Levi, 1998 - 68. orr.

8 katu hidrauliko altxagailu mota, isurkari baten presioak eragindako enbolo baten bidez pisuak jasotzeko erabiltzen dena.

Lurrikaren ondorioz hormako erdiko blokean zegoen pitzadura handitu egin da; katu hidraulikoa jarri dute, eta altzairuzko xaflak, urtegia hustu bitartean pitzadura handitu ez dadin.  Berria - Euskal Herria   2004-10-09

9 katu-katuka ik katuka.
10 katu zulo ateetan, katua pasa ahal izateko, egiten den zulo biribila.

Eta berak katu-zuloa ipini zuen logelako atean, handik janari-kopuru txikiak barrura pasatu ahal izateko egunean hiru aldiz.  Iñaki Mendiguren   «Harry Potter eta sekretuen ganbera» - J.K. Rowling, 2001 - 25. orr.

Katu-zuloan hotsa entzun zuen eta izeba Petuniaren eskua agertu zen, katilukada bat zopa (potekoa) gelara sartzen.  Iñaki Mendiguren   «Harry Potter eta sekretuen ganbera» - J.K. Rowling, 2001 - 25. orr.

 



Nodoa: liferay1.lgp.ehu.eus