Bilaketa aurreratua

Ogi apurrak

Egungo Euskararen Hiztegia (EEH)

ke 1 iz erretzen ari den edo oso beroa dagoen zerbaiti darion gas multzoa.

Gorroto diot keari.  Aingeru Epaltza   «Rock'n'roll», 2000 - 102. orr.

Ke bilakatu beharrak ginen eta azken hautsak haizeak eremanen zituen, Buchenwald-eko erroitzetan.  Michel Oronoz   «Oilandoiko ermita», 2001 - 123. orr.

Gero, kea desegin egiten zen.  Anjel Lertxundi   «Argizariaren egunak», 1998 - 84. orr.

Makina lanean hasi zen, kea botatzen eta intziri arraroak egiten.  Jon Maia   «Riomundo», 2005 - 179. orr.

Pausak egiten zituen, ahotik kea jaurtitzeko.  Joseba Sarrionandia   «Lagun izoztua», 2001 - 39. orr.

Kea zerion sudurretik, su kiskalgarria, ikatz goriak ahotik.  Elizen arteko biblia   2 Sm 22,9

Ogia, gurina, eta kafea, kea dariola.  Xabier Montoia   «Elektrika», 2004 - 28. orr.

Tabakoa erre eta ahotik kea egotzi.  Joan Mari Irigoien   «Lur bat haratago», 2000 - 163. orr.

Kea irentsi gabe.  Ramuntxo Etxeberri   «Skyroom», 2004 - 57. orr.

Kea sakonago irensteko begiak itxi eta bularrak hanpatuz.  Joxean Agirre   «Romain zen bere izena», 2003 - 184. orr.

Kea sabaira jaurti nuen.  Aingeru Epaltza   «Rock'n'roll», 2000 - 287. orr.

Keak atzera-aurrera zirimolatsuak egiten zituen Adaren bular inguruetan.  Anjel Lertxundi   «Argizariaren egunak», 1998 - 83. orr.

Falangistak kea baino faltsuagoak zirela.  Joseba Sarrionandia   «Kolosala izango da», 2003 - 99. orr.

Nondik ere kea heldu baita, han sua bada, dio aspaldiko zuhur hitzak.  Michel Oronoz   «Oilandoiko ermita», 2001 - 206. orr.

Auto barruan lau sutontzi zeuden, ketan artean.  Berria - Gaiak   2004-10-13

Argiontzia ketan dago -esan zuen Sergeik.  Jose Morales   «Zazpi urkatuak» - Leonid Nikolaievitx Andreiev, 2006 - 97. orr.

Argazkiaren angelu batean, haragia erretzeko parrilla ikusten da, dena ketan.  Bernardo Atxaga   «Soinujolearen semea», 2003 - 137. orr.

Berogailuak egunak daramatza piztuta, eta gela kez beteta dago. Kez eta jendez gainezka zegoen kobazulo baten sartu ginen.  Josu Zabaleta   «Anne Franken egunkaria» - Anne Frank, 2004 - 73. orr.

Atoiontziak, arnasestuka, kotoi itxurako kezko bafadak botatzen zituen.  Lopez de Arana   «Manhattan Transfer» - John Dos Passos, 1999 - 107. orr.

2 (izenondoekin)

"Ke handia sortzen da", esan zuen.  Bernardo Atxaga   «Soinujolearen semea», 2003 - 153. orr.

Dena ke beltz batek estaltzen zuen, isiltasunaren gorputz.  Koldo Izagirre   «Agirre zaharraren kartzelaldi berriak», 1999 - 196. orr.

Dena estaltzen zuen ke lodia.  Ramon Saizarbitoria   «Gorde nazazu lurpean», 2000 - 301. orr.

Bertatik ke trinkoa isurtzen zen.  Agustin Otsoa   «Eraztunen Jauna III» - J.R.R. Tolkien, 2004 - 260. orr.

Tximiniatik gora ke arin bat baizik ez zen ateratzen.  Karlos Zabala   «Mikel Strogoff» - Jules Verne, 2002 - 104. orr.

Tabakoaren ke gozoa isilik arnasten.  Harkaitz Cano   «Neguko zirkua», 2005 - 82. orr.

Ke industriala, kondentsazioaren emaitza eztiarekin nahasten da.  Itxaro Borda   «%100 basque», 2001 - 49. orr.

Ke kiratsezko bafada artean.  Juan Garzia   «Sistema periodikoa» - Primo Levi, 1998 - 217. orr.

Kea geratu zen gela handian, ke gordin eta zirina, ke erremina.  Felipe Juaristi   «Airezko emakumeak», 2003 - 58. orr.

Kea baitzuten salatari, ke lodia, ke beltza, ke biribilkaria.  Felipe Juaristi   «Airezko emakumeak», 2003 - 184. orr.

Kea, ke gris lodia, ke luze zalapartaria barneratu zitzaien sudurretan barrena.  Felipe Juaristi   «Airezko emakumeak», 2003 - 213. orr.

Ke zurizko bafadak botatzen.  Lopez de Arana   «Manhattan Transfer» - John Dos Passos, 1999 - 100. orr.

3 (neurri banakoekin)

Koronelak ahokada bat ke, urdina, sabairantz bota zuen.  Lopez de Arana   «Manhattan Transfer» - John Dos Passos, 1999 - 57. orr.

Isilik eta tarteka ahokada bat ke boteaz egon ginen.  Anjel Lertxundi   «Ihes betea», 2006 - 183. orr.

Upakada bat ke arnastu eta lehentxeago ezpain ertzera hurbildutako edalontzitik trago egin zuen.  Unai Iturriaga   «Berandu da gelditzeko», 1999 - 98. orr.

4 (hitz elkartuetan lehen osagai gisa)

Ke-poteen eztanda.  Ramon Saizarbitoria   «Gorde nazazu lurpean», 2000 - 303. orr.

Ez alarmarik, ez suteen aurkako sistemarik, ez ke-detektagailurik.     «Loroaren teorema» - Denis Guedj, 2006 - 415. orr.

Badaukazue ke-atzemangailurik?  Harkaitz Cano   «Piano gainean gosaltzen», 2000 - 139. orr.

Ke neurgailuen heina igo behar izan dute.  Berria - Harian   2005-11-04

Leku horietan, gainera, ke estraktoreak jarri beharko dira.  Berria - Gaiak   2004-01-02

Sinesgaitz begiratzen zion pistolari zerion ke hariari.  Migel Angel Mintegi   «Denak du bere prezioa», 2002 - 275. orr.

Izan ere, ke-bolada ezinago pozoitsu bat zetorren atmosferaren goialdetik, mehatxuka.  Josetxo Azkona   «Patata soro bat», 2004 - 69. orr.

Hemen dago, ez da desagertuko ke-maluta bat bezala.  Oskar Arana   «Lotsaizuna» - John Maxwell Coetzee, 2004 - 268. orr.

Intsentsu, mirra eta beste hainbat usaingarrizko ke-zutabea dirudi.  Elizen arteko biblia   Kt 3,6

Ke-hodei eskerga bat zeriola.  Lopez de Arana   «Manhattan Transfer» - John Dos Passos, 1999 - 427. orr.

Kebide garaiek ke-zirimolak jailkitzen dituzte airera.  Jon Alonso   «Lisboako Setioaren Historia» - José Saramago, 2000 - 76. orr.

Ke mataza batzuek.  Karlos Zabala   «Mikel Strogoff» - Jules Verne, 2002 - 189. orr.

Hanka bakarreko izaki txiki bat, ke-kiribilez egina zirudiena.  Iñaki Mendiguren   «Harry Potter eta sorgin harria» - J.K. Rowling, 2000 - 153. orr.

Zelatariek ke-seinalea igoaraziko zutela hiritik.  Elizen arteko biblia   Epa 20,38

Eztandak urrutiegi dira, eta ke orbanak lurrarekin nahasten dira.  Josu Zabaleta   «Gerrako pilotu» - Antoine Saint-Exupéry, 2003 - 63. orr.

Burua jaso eta aurreneko ke-ahokada bota zuen.  Migel Angel Mintegi   «Denak du bere prezioa», 2002 - 23. orr.

-Ke-usaina dago, zerbait ari da gertatzen!  Lopez de Arana   «Manhattan Transfer» - John Dos Passos, 1999 - 531. orr.

Ke-inhalazio luzea.  Lopez de Arana   «Manhattan Transfer» - John Dos Passos, 1999 - 225. orr.

Neuronetara bidalitako ke dosi egoki batek barne eztabaida oro laino dezake.  Unai Iturriaga   «Berandu da gelditzeko», 1999 - 81. orr.

Ke eta sugar koloreko fraka jantzirik.  Jose Morales   «Arima hilak» - Nikolai Gogol, 1998 - 519. orr.

· Hodeiak ke kolore, helio ukituekin.     «Kuskue tanden», 2004 - 187. orr.

5 (hitz elkartuetan bigarren osagai gisa)

Gure aire kanpaia hain borondatetsuaren despit, azidoen lurrun-ke gaitzek gela guztiak hartzen zituzten.  Juan Garzia   «Sistema periodikoa» - Primo Levi, 1998 - 247. orr.

Eta Norteko burdinazko barrukia azkarki betetzen zuen ikatz-ke usain sarkorrak, eztul eragin.  Txillardegi   «Putzu», 1999 - 100. orr.

Galbano, onize eta estaktearen erretxinak bezala, intsentsu-keak egoitza santuan bezala.  Elizen arteko biblia   Si 24,15

Zigarro-kearen usaina dario.  Oskar Arana   «Lotsaizuna» - John Maxwell Coetzee, 2004 - 51. orr.

Bulego itxurako gela estu hura betetzen zuen zigarro-ke grisaxkak gandututa.  Alberto Ladron Arana   «Xake mate», 2002 - 103. orr.

Zigarreta kez beterik zegoen gela handi batean sartu ziren.  Ramuntxo Etxeberri   «Skyroom», 2004 - 111. orr.

6 jo eta ke (132 agerraldi, 48 liburu eta 50 artikulutan) adlag ik beherago 13.

-Ari naiz, jo eta ke ari naiz, baina oraingoz ez dut zorterik izan.  Migel Angel Mintegi   «Denak du bere prezioa», 2002 - 93. orr.

Bi hilabetez, jo eta ke aritu zen bere gelan, atsedenik hartu gabe, zurezko kaiola txiki batean sarturik zeukan sagu bat hezten.  Jose Morales   «Arima hilak» - Nikolai Gogol, 1998 - 329. orr.

Ohoinak ari zaizkigu jo eta ke herrian, gauaz edo berdin egunaz; hetsiak diren etxetan edo berdin idekirik, jendea lo delarik.  Herria   2004-12-16

Hegalei jo eta ke eraginez.     «Loroaren teorema» - Denis Guedj, 2006 - 133. orr.

Nola ibiltzen zen jo eta ke lanean, horixe gogoratu nian.  Mikel Hernandez Abaitua   «Ohe bat ozeanoaren erdian», 2001 - 60. orr.

Begiak zorrotz jarririk, burua jo eta ke lanean.  Migel Angel Mintegi   «Denak du bere prezioa», 2002 - 281. orr.

Han ari zen emakumea, jo eta ke edariak zerbitzatzen, basoak garbitu eta basoak betetzen.  Pedro Alberdi   «Kafka Bilbon», 2002 - 34. orr.

Asteburuak jo eta ke ikasteko aprobetxatzen bainituen.  Juan Kruz Igerabide   «Hauts bihurtu zineten», 2005 - 96. orr.

Fredek eta biok ikusi genuen herenegun gauean Comet klubean, dantzan jo eta ke.  Mirentxu Larrañaga   «Hona hemen gu biok» - Dorothy Parker, 2006 - 191. orr.

Han ari zen emakumea, jo eta ke edariak zerbitzatzen, basoak garbitu eta basoak betetzen.  Pedro Alberdi   «Kafka Bilbon», 2002 - 34. orr.

Jo eta ke saria lortu arte.  Berria - Kirola   2004-01-15

· Jo ta ke irabazi arte.  Michel Oronoz   «Oilandoiko ermita», 2001 - 89. orr.

Oraindik ere polizia beraren atzetik dabil, jo-ta-ke.  Gotzon Garate   «New Yorkeko kronika beltza», 2004 - 168. orr.

Oraintxe bertan hor egongo dira lur azalaren gerrian, ia 2.000 ekaitz jo-ta-ke!  Pello Zabala   «Naturaren mintzoa», 2000 - 243. orr.

7 ke adar (orobat keadar g.er.)

Zerua itotzen duen ke adarra.  Felipe Juaristi   «Airezko emakumeak», 2003 - 30. orr.

Itsaso barreneko bapore-untzi batek ke adar luzea marraztu zuen airean.  Anton Garikano   «Farorantz» - Virginia Woolf, 2001 - 179. orr.

Ke adar zenbaitek, zeru ertzetik gora kiribilka, herrixkak eta baserriak oraindik erretzen ari zirela adierazten zuten.  Karlos Zabala   «Mikel Strogoff» - Jules Verne, 2002 - 225. orr.

Keadar beltzak ageri ziren Najafeko hainbat auzuneren gainetik airatzen.  Berria - Mundua   2004-08-11

Ni hemen azken tximinoa nauk... - ke adar luzea jaurti nuen "Ez erre hemen, mesedez" zioen txartelaren aldera.  Aingeru Epaltza   «Rock'n'roll», 2000 - 66. orr.

8 ke bihurtu

Ninive, hona ni zure aurka: errauts eta ke bihurtuko ditut zure lehoikumeak.  Elizen arteko biblia   Na 2,14

Baina, erre arren, hainbeste bilete ke bihurtzeko eta gero haragi gorriek eragingo diguten sua amatatu ezinik geratzeko, hobe alde egitea.  Edorta Jimenez   «Europako mugetan barrena», 2000 - 246. orr.

9 ke laino (orobat kelaino g.er.)

Itsasoko alde hura kez bete zen, eta ke laino horrek estali zuen Ainhoa.  Felipe Juaristi   «Itzarri nahi ez zuen printzesa», 2002 - 66. orr.

Hiria gris mudatu zen, eta alde guztietatik ke laino lodiak igotzen ziren zerura, eta su urdinezko olatu batek estali gintuen.  Pablo Sastre   «Eguzkipekoak», 2003 - 113. orr.

Odola eta sua eta ke-lainoa.  Elizen arteko biblia   Eg 2,19

Tximiniak ondo tiratzen ez, nonbait, eta ke laino bat zegoen gela osoan barreiaturik. Zigarreten ke-laino batean bildua eta ezpainetan bere betiko irribarre funsgabea zeukala.  Xabier Mendiguren Elizegi   «Errautsen distira», 2002 - 31. orr.

Eta tren aster hura tximista bezala pasatu zen, ni kelaino batek inguratu ninduen.  Fernando Rey   «Zorrotz begiratutako trenak» - Bohumil Hrabal, 2002 - 54. orr.

Zerumugan, ke laino zuri batek flotatu eta Paris hiri lokartua biltzen zuen.  Karlos Zabala   «Parisen sabela» - Emile Zola, 2004 - 20. orr.

· Bost gazteak Stephen's Green-etik zehar paseoan joan ziren ke-lainoxka aromatiko batean bildurik.  Irene Aldasoro   «Dublindarrak» - James Joyce, 1999 - 67. orr.

Zigarro bat piztu zuen, kealdi luze bat bota eta, ke-lainotxoaren artetik  Ander Irizar   «Eszterren ondarea» - Sandor Marai, 2003 - 80. orr.

10 ke-lainotsu (corpusean kelainotsu soilik) izond

Commendatoreak bazuen-eta bere teoria bat, Kerrnaren oinarri kelainotsuen gainean berak landua.  Juan Garzia   «Sistema periodikoa» - Primo Levi, 1998 - 157. orr.

11 ke-tegi

Ni hartu eta ke-tegi atzera eraman nindinan.  Anton Garikano   «Maitea» - Toni Morrison, 2004 - 95. orr.

12 ke-zulo (orobat kezulo, kexilo eta kezilo) kebidea.

Atzerrira jo zuen don Estebek, berak aspaldi hartan amestutako sumendiaren ke-zuloaren aurrean egon nahi baitzuen.  Joan Mari Irigoien   «Oilarraren promesa», 2003 - 91. orr.

Hantxe egon ohi ziren askotan, ke-zulo azpian, lurruntsu, laratzetik behera zilintzilika, zezinaren itxuran, baserri hartakoen "azkiñiko" busti ta basaz lohituak.  Xabier Mendiguren Elizegi   «Errekarteko koadernoa», 2001 - 66. orr.

Sute dohakabe harek bazter guziak zituen suntsitu, eta dorrea kexilo alimale baten pare zen gelditu.  Herria   2005-10-13

Alde batera edo bestera, lanera edo erretegira joaitekoak gara, gauaz garra darion ifernuko kezilo hari sugaia emaitekoak su hura kanpalekuaren bizkar gorenean da, dei plazaren gaineko aldean, zorigaitzeko argia, inguruko hamabost bat herrik ikus dezaketena.  Marzel Etxehandi   «Alemaniara deportatua» - Grégoire Joannateguy, 2003 - 80. orr.

Luze gabe, denak denen aurkako borrokaleku bihurtu zen taberna kezulo hura.  Felipe Juaristi   «Airezko emakumeak», 2003 - 214. orr.

13 su eta ke (7 agerraldi, 7 liburutan) adlag jo eta ke.

Entzunda nengoen Bizkai osoak su eta ke ziharduela armadakoak prestatzen.  Edorta Jimenez   «Sukar ustelaren urtea», 2004 - 55. orr.

Zeharka eserita, adia gona motzaren gainean zeukan ispilutxoan jarririk, su eta ke ziharduen bekainetako ile bihurriren batekin.  Migel Angel Mintegi   «Denak du bere prezioa», 2002 - 11. orr.

Egoitza jendez gainezka aurkitu zuen, eta haren ezagun bat, Jean-Martin Monduteguy, mahai gainera hupaturik ari zen laster gauzatuko ziren aldakuntzen aipatzen, su eta ke.  Elena Touyarou   «Hautsi da katea» - Toti Mtz. de Lecea, 2004 - 46. orr.

 



Nodoa: liferay1.lgp.ehu.eus