Bilaketa aurreratua

Ogi apurrak

Egungo Euskararen Hiztegia (EEH)

Hasiera:

larri 1 izond tamaina, pisu, gorabehera, garrantzi handikoa. ant xehe.

Esneketaria genuen gizon larri bat, handi eta zabal, Turkoa deitzen zutena. Janbattitt Dirassar   «Bihotzeko mina» - 25. orr.

Neska larri hanka-handi batzuk. Janbattitt Dirassar   «Bihotzeko mina» - 101. orr.

Zirudienez, aker hura oso ondo konpontzen zen hango azienda larriekin. Jose Morales   «Arima hilak» - Nikolai Gogol - 112. orr.

Aberei ere pentsutzat baba larria ematen zitzaien askotan. Patziku Perurena   «Harrizko pareta erdiurratuak» - 59. orr.

Dena delako Batasun horretan laster sartuko direla Polonia, Lituania, Eslovenia edo Estoniaren heineko zenbait lurralde, eta Malta edo Zipre deitu uharteak, hots, dozena bat estatu-nazio xehe nahiz larri. Piarres Xarriton   «De re publica edo politikaz» - 98. orr.

Ehiza xeheari eskopetaz segika, ehiza larria noiz agertuko zelatan. Karlos Zabala   «Mikel Strogoff» - Jules Verne - 57. orr.

Bada tristura more bat, idorra, iharra, izerdi larria bezain hotza. Iñaki Segurola   «Gaur ere ez du hiltzeko eguraldirik egingo» - 132. orr.

2 (gauza abstraktuez)

Beste ezbehar larri bat... Iñaki Mendiguren   «Harry Potter eta sorgin harria» - J.K. Rowling - 243. orr.

Han zegoela, ordea, gosetea izan zen lurraldean, gosete larria. Jose Antonio Mujika   «Agindutako lurraren bila I» - 41. orr.

1220an erabaki larri bat hartzera behartua sentitu zen Frantzisko: Ordenako agintea besteen esku uztera, alegia. Askoren artean   «Asisko Frantzizko, Asisko Klara» - 30. orr.

Lege hori, neurri batean behintzat, eragozpen larria zela lurjabe askorentzat. Jose Morales   «Arima hilak» - Nikolai Gogol - 152. orr.

Erritual ezkutu batean istripu larri bat gertatu eta aurpegia zeharo desitxuratuta geratu zitzaion. Joanes Urkixo   «Gerlari zuria» - 27. orr.

Estatu baten babesean egiten denean eragiten du torturak kalterik larriena. Joxerra Garzia   «Itsasoan euri» - 165. orr.

Gerrako gertaera larri batzuen berri izan dut, eta susmo bat daukat […] jendea hiltzen ibilitako gizon baten semea ote naizen. Bernardo Atxaga   «Soinujolearen semea» - 96. orr.

Arazo larri batetik libratu nintzelako sentimenduak adoretuta. Ramon Saizarbitoria   «Gorde nazazu lurpean» - 110. orr.

Huts larri batean ustekabean harrapatu izan balute bezala. Joxemari Iturralde   «Euliak ez dira argazkietan azaltzen» - 114. orr.

Alta bada badakigu heresia ez dela bakarrik krimena, baina menturaz krimen guztietatik larriena. Piarres Xarriton   «Enkiridion» - Martin Azpilkueta - 112. orr.

Balioen krisi larri bat bizi dugu.. Joxe Azurmendi   «Euskal Herria krisian» - 13. orr.

Beste batzuetan doinu larri hori, taxu dramatiko hori alde batera utzi eta estilo xeheago bat hartzen du. Xabier Mendiguren Elizegi   «Arbelaren gainean» - 27. orr.

Izurri larria izango da. Elizen arteko biblia   Ir 9,3

1913an hil zen aita, ordea, eta, familiarentzako dolu eta zoritxarraz gainera, diru-arazo larria ekarri zuen horrek. Xabier Mendiguren Elizegi   «Arbelaren gainean» - 139. orr.

Isiltasuna larria zen eta bete-betea ia. Juan Garzia   «Ipuin hautatuak» - Jorge Luis Borges - 119. orr.

Zer den bekatu larria edo mortala eta zer bekatu arina edo beniala; eta zerk bereizten dituen larria eta arina. Piarres Xarriton   «Enkiridion» - Martin Azpilkueta - 54. orr.

3 eritasunez eta kidekoez mintzatuz, kezkagarria edo arriskutsua dena.

Egoitza eder eta lasaiak ziren, gaixo larrien zainketarako prestatuak. Agustin Otsoa   «Eraztunen Jauna III» - J.R.R. Tolkien - 160. orr.

Gaixotasun larri baten hasiera izan ote zen gripe hura? Koro Navarro   «Zortzi kontakizun» - Isaac B. Singer - 71. orr.

Begietako gaitz larri batek jo zuen. Askoren artean   «Asisko Frantzizko, Asisko Klara» - 243. orr.

Pneumonia lobularra zuen, birika baten kongestio larri bat zehazki. Xabier Olarra   «Antropologo bat Marten» - Oliver Sacks - 151. orr.

Hemorragia baten ondorioz lobulu frontaleko lesio larri bat izan zuen. Xabier Olarra   «Antropologo bat Marten» - Oliver Sacks - 277. orr.

Kontua larriagoa zen, ordea, eguneroko gauzez ahazten hasi zelako. Iban Zaldua   «Itzalak» - 22. orr.

Bizirik atera nintzela joan den udazkenean egin behar izan zidaten ebakuntza larri hartatik. Imanol Zurutuza   «Errautsera arteko sugarra» - 165. orr.

Aitak bihotzekoa izan zuela esan zidaan, larri zegoela. Paddy Rekalde   «Ragga-ragga dator gaua» - 56. orr.

Larri ohean etzanik bazegoen ere, [...]. Askoren artean   «Asisko Frantzizko, Asisko Klara» - 609. orr.

Gaixorik, oso larri, 1937an utzi zioten ateratzen. Fernando Rey   «Gure etxeko kontuak» - Natalia Ginzburg - 286. orr.

Zauritua nago, oso-oso larri. Koro Navarro   «Zalakain abenturazalea» - Pio Baroja - 175. orr.

Gaizki jarritako habe bat erori eta burua zanpatu zion, oso larri zaurituz. Askoren artean   «Asisko Frantzizko, Asisko Klara» - 852. orr.

Larri zauritua egon arren. Elizen arteko biblia   2 M 14,45

Larri zauritutako bat Cepranon. Askoren artean   «Asisko Frantzizko, Asisko Klara» - 438. orr.

4 ondoez edo kezka bizia sortzen duena, estua, hertsia.

Martxan jartzeko unean motozikletak botatako purrustadarekin batera urdailak S.O.S. larri bat bidali zion. Migel Angel Mintegi   «Denak du bere prezioa» - 206. orr.

Bat-batean bizikletaren txapa-zarata entzun genuen, lurrean arrastaka, behin eta berrizko ai larriekin batera. Juan Kruz Igerabide   «Hauts bihurtu zineten» - 12. orr.

Helduei so eginez nabari zen egoera larria zela. Edurne Elizondo   «Itoiz, porlanezko gezurra» - 92. orr.

Larria zen egoera eta gure arbasoek ez zuten jatekorik. Elizen arteko biblia   Eg 7,11

Iragana zen ordurako bost hilabeteko itxaronaldi larri urduria. Juan Garzia   «Sistema periodikoa» - Primo Levi - 51. orr.

Ikara larri bat zabaldu zen baso izoztuan. Pako Aristi   «Urregilearen orduak» - 132. orr.

Premia larri batek bultzatuta. Alberto Ladron Arana   «Eguzki beltzaren sekretua» - 73. orr.

Etengabe egin zuten otoitz, gogo osoz Jainkoari eskatuz atera zitzala premia larri hartatik. Askoren artean   «Asisko Frantzizko, Asisko Klara» - 1069. orr.

Quenuk hogeita bi urte zituen artean, eta estura larri batek hartu zion barrena, anaia etxean agertzen ez zela ikusi zuelarik. Karlos Zabala   «Parisen sabela» - Emile Zola - 75. orr.

Herstura larri hartan. Elizen arteko biblia   1 M 3,31

Urdai saltzaile ederrak so larria egin zion. Karlos Zabala   «Parisen sabela» - Emile Zola - 360. orr.

Guztiek ahalegin larria egin zuten, irten nahirik, harik eta ur azpian galdu ziren arte. Juan Kruz Igerabide   «Hauts bihurtu zineten» - 90. orr.

4b letrez mintzatuz xehea baino handiagoa den eta eskuarki beste itxura bat duen letra mota. ik maiuskula.

Parentesiak, azpimarrak, letra larriak, letra lodiak, letra etzanak. Iñaki Arranz   «Hitza azti» - 149. orr.

Nik hamasei urte dauzkat orduan, eta nire baieztapen berria garbi gera dadin, letra larriz idatzi dut: HARIZTI. Karea artez erabiltzea, hozkirik egin ez zezan; w larria, i xehea, bere izenaren letra ederrak, maistra Jonesek testu-liburutzat erabilitako Bibliaren esaldi goibelak. Pako Aristi   «Gauza txikien liburua» - 91. orr.

Letra larri gorri edo beltz handi-handiz idatziak zeuden, atzealdeko kolore margularen gainean. Karlos Zabala   «Parisen sabela» - Emile Zola - 52. orr.

Eduardo hitzaren azpian, letra larri handiak erabiliz. Aingeru Epaltza   «Rock'n'roll» - 66. orr.

Letra handi eta larriz idatzita. Berria - Harian   2005-03-19

Grafikoki ere nabarmentzen du egileak honako adibide honetan, letra larrien bidez. Iñaki Arranz   «Hitza azti» - 103. orr.

· 5 adlag estuasunean; estu; kezka edo ondoez biziko egoera batetik irten ezinik.

Gonbidatuak iritsi baino lehen bere burua atontzen, presaka eta larri. Oskar Arana   «Brooklyngo erokeriak» - Paul Auster - 75. orr.

Arretatsu ziharduen ikuskariaren esanahia hausnartzen, eta espiritua guztiz larri zuen haren zentzua atzeman nahian. Askoren artean   «Asisko Frantzizko, Asisko Klara» - 241. orr.

Hermione, utzidazu zure idazlana irakurtzen -eskatu zion Ronek larri, bere erlojuari begiratuz. Iñaki Mendiguren   «Harry Potter eta sekretuen ganbera» - J.K. Rowling - 127. orr.

Begi erneak ditu, larri begiratzen dizute. Lutxo Egia   «Paperezko hegazkinak» - 40. orr.

Arnasa larri hartzen zuen, min egingo balio bezala. Juan Kruz Igerabide   «Hauts bihurtu zineten» - 188. orr.

Gaurko gazteok ez dituzte gauzok horren larri hartzen. Gotzon Garate   «New Yorkeko kronika beltza» - 104. orr.

· 6 iz larritasuna.

Izua eta larria nagusitu zitzaizkion. Elizen arteko biblia   Has 15,12

Etsaien lurraldean bizirik geldituko zaretenoi barru-barrurainoko larria sentiaraziko dizuet. Elizen arteko biblia   Lb 26,36

-Barruko larriari eutsi ezinik zabilek, kondenatu bat bezala. Juan Garzia   «Pedro Páramo» - Juan Rulfo - 74. orr.

Bere larri hartan, eztarria garbitu nahian, eztulka hasi zen. Patxi Zubizarreta   «Mila gau eta bat gehiago» - Anonimoa - 62. orr.

-Hau larriaren handia!   - 1. orr.

· Estatuak erlijio zehatzik babestu beharrik ez du, eta moral laiko baten aitzindaria dugu, besteak beste, dibortzioaren neke-larrietan. Andres Urrutia   «Frantziako kode zibilaren lehen proiektua» - Jean di Portalis - 20. orr.

7 (-en atzizkiaren eskuinean)

Egoeraren larria ikusirik, atzera Gibarara jotzea erabaki nuen. Edorta Jimenez   «Hemingway eta euskaldunak zerbitzu sekretuetan» - 35. orr.

Egin zizkioten testek agerian jartzen zuten, antza, emozio eta adimen arloan zituen akatsen larria. Xabier Olarra   «Antropologo bat Marten» - Oliver Sacks - 202. orr.

"Embarras de richesse" ("aukera zabalegiaren larria") delakoa begitantzen zitzaigun. Juan Garzia   «Sistema periodikoa» - Primo Levi - 42. orr.

Eritasunaren larriaren aurrean eta beste terapia baten faltan. Juan Garzia   «Sagua, eulia, eta gizakia» - François Jacob - 161. orr.

Pentsau egizu geure larria. Gotzon Garate   «New Yorkeko kronika beltza» - 111. orr.

Nire larria! 4525

8 (hitz elkartuetan lehen osagai gisa)

Larri keinu bat egin zuen mutilak. Pablo Sastre   «Elurretan hotsak» - 52. orr.

Aspergarri eta... -atxiki luzea eman zion purutxoari, eta kea astiro bota gero, larri itxura eginik. Migel Angel Mintegi   «Denak du bere prezioa» - 156. orr.

Larri-orduan etikaren eskea gogortu egiten da gizartean eta etika gogorra izaten da eskatzen dena, duda-muda gutxikoa, segurua. Joxe Azurmendi   «Euskal Herria krisian» - 176. orr.

Galderari erantzun gabe, larri-antzean esan zuen: [,...]. Jose Morales   «Arima hilak» - Nikolai Gogol - 498. orr.

Hilabete larri-nahasi gutxi haietan. Juan Garzia   «Sistema periodikoa» - Primo Levi - 174. orr.

9 (hitz elkartuetan bigarren osagai gisa)

Halako bihotz-larri eta ekaitz gogorretik aterako ninduen haren zain nengoen. Askoren artean   «Asisko Frantzizko, Asisko Klara» - 920. orr.

Nota zorrotz kizkur-larri bateraino igoz baitzihoan [sirena]. Juan Garzia   «Sistema periodikoa» - Primo Levi - 193. orr.

Galdera mordoa nuen nik egiteko: gehiegi, eta astun-larriegiak berarentzat eta neuretzat. Juan Garzia   «Sistema periodikoa» - Primo Levi - 286. orr.

10 estu eta larri adlag

Urduri, estu eta larri, hartutako mezuen karpeta zabaltzen du, baina..., karpeta hutsik dago. "Lau egun besterik ez dira falta!", errepikatu nuen estu eta larri. Antton Olano   «<//jokoa.com>» - Gemma Lluch - 98. orr.

Aita ere estu eta larri egonda haurraren zain. Luis Elberdin   «Sexua noiznahi» - 75. orr.

Hor dabiltza gero, estu eta larri, irriak, zirriak eta musuak baino ez dituztelarik bidelagun. Mirentxu Larrañaga   «Hona hemen gu biok» - Dorothy Parker - 197. orr.

-Lana bukatu zenuen -esan zuen, estu eta larri, defentsiban jarririk-. Migel Angel Mintegi   «Denak du bere prezioa» - 218. orr.

Oraintxe ari gara anaiari egin geniona ordaintzen, hura estu eta larri erreguka ari zitzaigunean ez baikenion jaramonik egin. Jose Antonio Mujika   «Agindutako lurraren bila I» - 118. orr.

11 hizki larri letra larria.

Hizki larri eta barrokoz. Felipe Juaristi   «Airezko emakumeak» - 131. orr.

Bertako lehen letra Aitzin-solasaren A larria delarik. Bernardo Atxaga   «Groenlandiako lezioa» - 145. orr.

Logaritmo nagusia deitzen zaion eta "l" larri batez idazten dun. Jon Muñoz   «Loroaren teorema» - Denis Guedj - 409. orr.

12 larri ibili

-Seme, zergatik egin diguzu hori? ikusi zeinen larri genbiltzan aita eta biok zure bila! Elizen arteko biblia   Lk 2,48

Horiek makina erosi egingo ditek, baina pagatu... larri ibili. Pablo Sastre   «Elurretan hotsak» - 29. orr.

Larrialdian adorea galdu baduzu, larri zabiltza indarrez! Elizen arteko biblia   EsZ 24,10

Gogoratzen dudan bakarra, oso larri ibili nintzela, gero eta izutuago Ashbury eta Frederick kaleen gurutzean sortutako kidetasuna galduko genuelakoan. Bernardo Atxaga   «Soinujolearen semea» - 33. orr.

Begiko minez larri samar ibiltzen da batzuetan, eta hanka ere ez dauka guztiz katoliko... Jokin Urain   «Errotarria» - 114. orr.

Konturatzeko gauza ginen, bai, amak lanik egin ezean eta bestelako diru-sarrerarik izan ezean, estu eta larri ibiliko ginela. Mirentxu Larrañaga   «Peaceful soldadua» - Michael Morpurgo - 40. orr.

· Hantxe nenbilen, larri asko, Las Vegasko joko-etxe horietako batean. Joxe Austin Arrieta   «Homo Faber» - Max Frisch - 20. orr.

13 larri-larri1 izond

Egoera larri-larrian zen Virgil, eta egun batzuk bizitzaren eta heriotzaren arteko mugan egin zituen. Xabier Olarra   «Antropologo bat Marten» - Oliver Sacks - 151. orr.

Gaixo larri-larri horiek, beren autismoaz gain, era askotako ezintasunak zituzten. Xabier Olarra   «Antropologo bat Marten» - Oliver Sacks - 244. orr.

Horregatik balioen arazoa larri-larria bilakatu da gure gizartean. Joxe Azurmendi   «Euskal Herria krisian» - 21. orr.

14 larri-larri2 adlag

Mahai azpira! -esan zuen Maryk larri-larri, eta mutilari eskutik tira, eta mahai azpian kuzkurtu ziren biak. Koro Navarro   «Artistakume baten erretratua» - Dylan Thomas - 144. orr.

Larri-larri zeuzkan begiak, eta negar eginaren arrasto nabarmenak ikusten zitzaizkion masailetako hautseztaketa zurian behera. Anjel Lertxundi   «Azkenaz beste» - 178. orr.

-Ez daukat hemen -amore eman zuen, larri-larri eginik-, Miarritzen daukat, bertan gordetzeko eskatu zidan Joanek. Migel Angel Mintegi   «Denak du bere prezioa» - 289. orr.

15 larri-larria adlag ipar xehetasunik gabe. ik larriki 3.

Ez ditugu hemen larri-larria baizik aipatzen ahal larunbat hortako solasak. Herria   2001-09-27

Larri-larria eta gainez-gain. Herria   2004-12-30

Emaitzen berri jakin da egun hotan, larri-larria orainokoan, xehetasun gehiago ukanen beste denbora poxi baten buruan. Herria   2001-06-14

Larri larria kategoriaka so eginez : kadrek 2 800 euro eskuratu dute, arteko ofiziotakoek 1651 euro, langile kalifikatuek 1 224 euro, enplegatuek 1 090 euro eta azkenik, langile xoilek 947 Euro hilabetean. Herria   2004-01-22

hitz multzoen maiztasunak (gutxienez 6 aldiz agertzen direnak)

akats larri (11); akats larri bat (6); arazo larri (47); arazo larri bat (13); bekatu larri (13); delitu larri (6); egoera larri (40); eritasun larri (7); estu eta larri (130); gaitz larri (17); gaitz larri batek (6); gaixotasun larri (45); gaixotasun larri batek (6); gaixotasun larri baten (9); gertaera larri (9); gertakari larri (12); gidaria larri zauritu (6); huts larri (9); istripu larri (34); istripu larri bat (11); istripu larri izan (8); kinka larri (19); krisi larri (7); larri antzean (10); larri dabil (11); larri dabiltza (6); larri dago (41); larri dagoela (11); larri daude (25); larri daudela (6); larri egon (7); larri eta sendaezina (15); larri gaixotu (6); larri ibili (62); larri ibiliko (18); larri ibiltzen (8); larri jarraitzen (7); larri jarri (11); larri larri (21); larri larria (42); larri samar (13); larri samarra (6); larri zauritu (227); larri zauritu da (21); larri zauritu dira (14); larri zauritu zen (84); larri zauritu ziren (37); larri zauritu zuen (17); larri zauritu zuten (21); larri zauritua (9); larri zauriturik (12); larri zaurituta (46); larri zaurituta eraman (14); larri zauritutako (13); larri zebilen (6); larri zegoen (15); larri zeudela (7); larri zeuden (8); lesio larri (16); lesio larri bat (6); letra larri (10); ondorio larri (6); ordu larri (6); oso larri (140); oso larri dago (17); oso larri daude (10); oso larri zauritu (7); pertsona larri (8); premia larri (6); une larri (9); zauritu larri (11)

akats larria (33); arazo larria (95); arazoa larria (14); arrisku larria (13); atzerapauso larria (6); auto istripu larria (8); behar larria (13); bekatu larria (43); bekatu larria egin (9); benetan larria (6); bereziki larria (24); biziki larria (6); delitu larria (9); desobedientzia larria (8); egoera hain larria (8); egoera larria (161); egoera oso larria (47); egoeraren larria (22); ekonomiko larria (10); erabaki larria (7); ezbehar larria (7); falta larria (8); gaitz larria (15); gaixotasun larria (16); gauza larria (14); guztiz larria (8); hain da larria (6); hain larria (38); hori larria (6); hori oso larria (19); horren larria (10); huts larria (12); hutsegite larria (8); istripu larria (48); istripu larria gertatu (10); istripu larria izan (21); kalte larria (19); kezka larria (11); kinka larria (8); kontu larria (7); krisi larria (13); larri larria (42); lesio larria (42); lesio larria izan (9); mehatxu larria (6); nahiko larria (7); oker larria (8); osasun egoera larria (13); oso arazo larria (10); oso larria (225); oso larria izan (15); premia larria (34); zerbait larria gertatu (7)

gero eta larriago (10)

arazo larriagoa (6); arazoa larriagoa (7); egoera are larriagoa (8); egoera larriagoa (7); gero eta larriagoa (18); uste baino larriagoa (14)

arazo larriagoak (9); gero eta larriagoak (6); ondorio larriagoak (9)

akats larriak (18); arazo larriak (175); arazo larriak ditu (18); arazo larriak eragiten (6); arazo larriak izan (15); arazo larriak izaten (6); arazo larriak sortzen (10); bortxaketa larriak (6); diru arazo larriak (8); egoera larriak (15); eragin larriak (7); eraso larriak (6); erredura larriak (10); gaitz larriak (9); gaixotasun larriak (20); hitz larriak (8); huts larriak (7); istilu larriak (23); istilu larriak izan (7); istripu larriak (28); kalte larriak (24); kalte larriak eragin (8); lesio larriak (9); ondorio larriak (121); ondorio larriak ekar (11); ondorio larriak ekarriko (9); ondorio larriak eragin (14); ondorio larriak izan (20); ondorio larriak izango (19); ondorioak larriak (15); ondorioak oso larriak (7); osasun arazo larriak (29); oso ondorio larriak (10); premia larriak (7); une larriak (13); urraketa larriak (8); zauri larriak (51); zauri larriak eragin (8); zauri larriak izan (11)

arrisku larrian (28); arrisku larrian daude (6); bekatu larrian (9); egoera ekonomiko larrian (9); egoera larrian (109); egoera larrian daude (13); egoera oso larrian (11); herio larrian (6); kinka larrian (127); kinka larrian dago (16); krisi larrian (15); oso egoera larrian (15); premia larrian (33)

egoera larriaren (9)

arazo larriari (6)

egoera larriaz (8); egoeraren larriaz (21)

arazo larriekin (15); osasun arazo larriekin (6); zauri larriekin (7)

zauri larrien ondorioz (6)

arazo larriena (18); arazorik larriena (18); istripurik larriena (7); krisirik larriena (8)

arazo larriena (18); arazorik larriena (18); da larriena (19); istripurik larriena (7); krisirik larriena (8)

kasu larrienetan (6)

egoera larrietan (7)

premia larriko (6)

arazo larririk (23); kalte larririk (6); zauri larririk (21); zauritu larririk (6)

hizki larriz (14); letra larriz (52)

 



Nodoa: liferay1.lgp.ehu.eus