Bilaketa aurreratua

Ogi apurrak

Egungo Euskararen Hiztegia (EEH)

Hasiera:

mailuka 1 adlag mailu ukaldika.

Errementariak burdin puska hartu eta, txingarretan goriturik, mailuka moldeatzen du. Elizen arteko biblia   Is 44,12

Emaztea mailuka akabatu eta errekara bota du bere burua. Koro Navarro   «Zertaz ari garen maitasunaz ari garenean» - Raymond Carver - 114. orr.

Herritarrak oihuka, zomorroiak zer egin ez zekitela, fiskala moztuta, eta epailea mailuka, ordena eta isiltasuna eskatuz... anabasa zoragarria sortu zen. Koldo Izagirre   «Agirre zaharraren kartzelaldi berriak» - 225. orr.

Garabi guztietara banan-banan igan eta koadro elektrikoak mailuka ezpalduko ditiat uste baldin baduk hori dela soluzioa. Koldo Izagirre   «Sua nahi, Mr. Churchil?» - 187. orr.

Uda aurreratzean parte gaiztoko hotsak heldu ziren, larru gainean moteldutako mailukada neurtuen antzera, behin eta berriro erasoz. Anton Garikano   «Farorantz» - Virginia Woolf - 132. orr.

2 irud/hed

Aurrerantz makurrarazi zuen salataria, eta orduan bigarren mailukada bat jaso zuen muturrean, belaunez. Paddy Rekalde   «Ragga-ragga dator gaua» - 18. orr.

Honelako gauzak gertatzen dira han, herri xelebre hartan, non eguzkiak mailuka jotzen duen jendearen buruan. Koldo Biguri   «On Camillo» - Giovanni Guareschi - 308. orr.

Ez dago bularrean mailukadak sentitzen nituela esan beharrik. Ramon Saizarbitoria   «Gorde nazazu lurpean» - 183. orr.

Aitaren hitzak entzuten nituen gogoari mailuka. Anjel Lertxundi   «Ihes betea» - 162. orr.

Bihotza mailuka hasi zait, bai, kutxa torazikoan, morse zoragarri batean. Bihotza taupaka sumatzen nuen, bularreko zauriaren kontra mailuka. Koldo Izagirre   «Agirre zaharraren kartzelaldi berriak» - 52. orr.

Galdera bat ari zaizu buruan behin eta berriz mailuka. Rafa Egiguren   «Mentxakaren aitorpena» - Jose Ramon Goikoetxea - 33. orr.

 



Nodoa: liferay1.lgp.ehu.eus