Bilaketa aurreratua

Ogi apurrak

Egungo Euskararen Hiztegia (EEH)

Hasiera:

makina2
1 makina bat (orobat majina bat g.er.) ik makinatxo2.

Makina bat litro ur bedeinkatu. Pello Zabala   «Naturaren mintzoa» - 194. orr.

Makina bat aldiz erregutu diot, arren, eser dadila. Joxe Austin Arrieta   «Homo Faber» - Max Frisch - 249. orr.

Goizetik hasita makina bat aldiz deitu zion telefonoz erantzunik jaso gabe. Migel Angel Mintegi   «Denak du bere prezioa» - 127. orr.

Makina bat jolas egindakoak gara etxe hartan! Arantxa Iturbe   «Kontu-jaten» - 14. orr.

Dendaria hasi zitzaion artea erakusten, ordura arte ezezagun zitzaion makina bat konturen berri emanez. Jon Alonso   «Erretzaileen eremua» - 55. orr.

Izan zen haren denboran guztiz oharkabean pasatu zen makina bat ateo eta libertino. Juan Martin Elexpuru / Bego Montorio   «Filosofia apaingelan» - Sade - 55. orr.

Bere burua listotzat daukan makina bat inoxenteri ematen dio bazka. Jon Alonso   «Erretzaileen eremua» - 98. orr.

2 (aditz laguntzailea singularrean)

Makina bat jende salatu ditek gutxiagogatik. Bernardo Atxaga   «Soinujolearen semea» - 98. orr.

Makina bat barre egin genuen guk, eta bitartean lauzpabost indio haiek hantxe, zirkinik egin gabe. Joxe Austin Arrieta   «Homo Faber» - Max Frisch - 59. orr.

Makina bat gizon hurbildu zen barandara. Karlos Zabala   «Buda zoriontsuen etxea» - João Ubaldo Ribeiro - 37. orr.

Zuk, esaterako, makina bat gizajo zanpatzen duzu egunero. Koldo Izagirre   «Nik ere Germinal! egin gura nuen aldarri» - 112. orr.

Makina bat milioi pertsona bada munduan alemaniera batuaz mintzo dena. Joxe Austin Arrieta   «Homo Faber» - Max Frisch - 116. orr.

Makina bat botila sagardo hustu genian han garai batean. Xabier Mendiguren Elizegi   «Errautsen distira» - 82. orr.

Makina bat kirtenkeria sinetsarazi nahi digute giza-izaera horrelakoa dela esanez. Karlos Zabala   «Buda zoriontsuen etxea» - João Ubaldo Ribeiro - 171. orr.

Eroaldi hori ederki aprobetxatzen dute arrain eta hegaztiek eta makina bat efemeropterok amaitzen du animalia goseti horien eztarrietan. J.M. Olaizola "Txiliku"   «101 gau» - 239. orr.

Makina bat gorabeherak abiaraz dezake gene azpiratzailea. Juan Garzia   «Sagua, eulia, eta gizakia» - François Jacob - 128. orr.

3 (aditz laguntzailea pluralean)

Makina bat gauza irakatsi zizkigun. Karlos Zabala   «Buda zoriontsuen etxea» - João Ubaldo Ribeiro - 148. orr.

Makina bat esaera zahar badituelako bere bizkar gure baserritarrek garai batean erantsiak. Pello Zabala   «Naturaren mintzoa» - 194. orr.

Eta gogoratzen hasita, makina bat pasadizo gogoratu nituen, gero eta errudunago sentiarazi nindutenak. Pedro Alberdi   «Kafka Bilbon» - 85. orr.

Makina bat ordu pasatuak zituen haren dendan Léak. Jon Muñoz   «Loroaren teorema» - Denis Guedj - 228. orr.

Edonola ere, makina bat liburu idatzi dira Mozarten obraz eta bizitzaz. Imanol Zurutuza   «Errautsera arteko sugarra» - 70. orr.

Esan behar da, makina bat proba egin genituela aurrez, ea nondik bidali ahalko zen seinalea Segura aldera. Pello Zabala   «Zeruan zer berri» - 65. orr.

Errusia osoan barrena makina bat seme-alaba izango ditut segur aski, nork daki? Matías Múgica   «Hiltzaile baten aitormena» - Joseph Roth - 55. orr.

Horrelako baserriak makina bat badira Euskal Herrian, garai batean ostatu edo posta-leku izandakoak. Bernardo Atxaga   «Lekuak» - 42. orr.

Makina bat argazki errollok eta bideo kasetek frogatu zutenez. Patxi Zubizarreta   «Jeans-ak hozkailuan» - 110. orr.

· 3 (izenorde gisa)

Gure artean ere, seguru aski, ohartu gabe, makina batek izango diagu antzeko déformation professionelle-ren bat. Joxe Austin Arrieta   «Homo Faber» - Max Frisch - 215. orr.

Makina batek jana eta edana franko egina du baserrian, trukean sosik laga gabe. Xabier Etxabe   «Lurtarra da begiratua» - 193. orr.

-Ihes, aspaldion ekialdetik egiten du makina batek. Edorta Jimenez   «Europako mugetan barrena» - 149. orr.

 



Nodoa: liferay1.lgp.ehu.eus