Bilaketa aurreratua

Ogi apurrak

Egungo Euskararen Hiztegia (EEH)

Hasiera:

malkar (120 agerraldi, 60 liburu eta 28 artikulutan; orobat malkor 28 agerraldi 12 liburutan; Hiztegi Batuan malkar agertzen da) 1 izond malkartsua, latza.

Leku zelaietan oso ona, baina desegoki samarra bide malkar haietan. Koro Navarro   «Zalakain abenturazalea» - Pio Baroja - 93. orr.

Mesfidati dituzue aitzindariak, bide malkar eta hertsi hauen ahalke. Xabier Montoia   «Elektrika» - 17. orr.

Kaletxo estu malkorra igarorik. Josu Zabaleta   «Fantasiazko ipuinak» - Guy de Maupassant - 310. orr.

Mendi malkar gaitzetan gora igotzeko. Itxaro Borda   «%100 basque» - 215. orr.

Bihur bitez zelai eta lautada paraje latz eta malkarrak. Elizen arteko biblia   Is 40,4

Lur malkar eta lehorrerako hizkuntza berezkoa. Berria - Kultura   2006-03-28

Ibilbidea oso malkarra da. Berria - Mundua   2004-05-02

Mea-hobia arras ezlekuan zen, aldaparo malkor batean. Juan Garzia   «Sistema periodikoa» - Primo Levi - 121. orr.

Egiptotik atera nituen eta basamortuan zehar gidatu, lur lehor eta malkar horretan, arriskuz beteriko lur ilunean, inor igarotzen ez den eta itzulbiderik ez duen lurrean. Elizen arteko biblia   Jr 2,6

Egiaren hegi malkarretan ez da beste lorerik hazten. Joxerra Garzia   «Egonean doazen geziak» - 24. orr.

2 irud/hed

Ahots malkar eta gogor batek hitz egin zidan. Itxaro Borda   «Entre les loups cruels» - 166. orr.

Galtzaileen zapore malkarra zeukan. Fernando Morillo   «Gloria Mundi» - 9. orr.

· 3 iz aldapa pikoa eta latza.

Beste bizpahiru malkar igo eta pagadi bateraino iristen da. Bernardo Atxaga   «Groenlandiako lezioa» - 50. orr.

Eszena horretan, bere jaioterriko mendi baten malkarrean dago aitarekin. Bernardo Atxaga   «Groenlandiako lezioa» - 47. orr.

Malkar sasitsuen artetik salto eginez, ihesari eman eta tiroka hasi ziren. Koro Navarro   «Zalakain abenturazalea» - Pio Baroja - 219. orr.

Malkar aldapatsuetan gora eta behera. Patxi Iturritegi   «Behi eroak» - 176. orr.

Aiherra eta Oragarreko malkarretako elurretan. Itxaro Borda   «%100 basque» - 84. orr.

Arnabarretako malkorrean, hiru larrebehi amildu eta lepazurra hautsi zutela. Patziku Perurena   «Harrizko pareta erdiurratuak» - 88. orr.

-Denontzat dauzka bizitzak malkar arriskutsuak, amairik gabeko sakonera bat bezalako malkarrrak! Pako Aristi   «Urregilearen orduak» - 249. orr.

Pertsonen arteko harremanak ere, hasieran, malkar baten antzeko dira, edo malkar baten ertzera hurbiltzearen antzeko; hor dago izua, ikara, baina baita ere izua eta ikara guztiak ezabatzen dizkizun itxaropen gozo bat. Pako Aristi   «Urregilearen orduak» - 249. orr.

Malkarrean gora eginik, elorri-arbola batek eskugaina zaurtu zidan. Juan Garzia   «Ipuin hautatuak» - Jorge Luis Borges - 129. orr.

Motorrak zuhaitz bat jo, bera malkarrean behera ibaira erori, eta, adar bati heldu izan ez balio, urak eramango zuela, uhanditua baitzetorren ibaia. Juan Kruz Igerabide   «Hauts bihurtu zineten» - 204. orr.

4 (hitz elkartuetan)

Bakar-bakarrik daude Erniok buelta guztian dituen malkar-zulo eta amildegi bortitzen ertzean. Pako Aristi   «Gauza txikien liburua» - 85. orr.

Kilarri bat ikustea, hantxe, mendiaren goi malkar batean: harri ilun bat harri txurien artean. Bernardo Atxaga   «Groenlandiako lezioa» - 53. orr.

5 malkar egin aldapa egin.

Malkar egingo zaigula dirudi. Iñigo Aranbarri   «Hizlandia» - 136. orr.

hitz multzoen maiztasunak (gutxienez 3 aldiz agertzen direnak)

bide malkar (5)

malkarrean behera (5); malkarrean gora (3)

malkarretan gora (4)

 



Nodoa: liferay1.lgp.ehu.eus