Bilaketa aurreratua

Ogi apurrak

Egungo Euskararen Hiztegia (EEH)

Hasiera:

marikoi 1 iz adkor (iraingarria) homosexuala. ik maritxu.

Ezagutzen ditudan marikoi eta lesbiana askok ez zuten seme-alabarik izan, baina arrazoia ez zen izan ezinikusia, zabarkeria baizik. Karlos Zabala   «Buda zoriontsuen etxea» - João Ubaldo Ribeiro - 180. orr.

Fraidekideek poesia marikoien gauza dela esan ziotelako. Pako Aristi   «Gauza txikien liburua» - 107. orr.

Horrelako plazer handia ez dut sekula sentitu inorekin, ez gizaseme batekin, ez emakume batekin, ez marikoi batekin, gainera ez dut oso gustuko marikoiekin oheratzea. Karlos Zabala   «Buda zoriontsuen etxea» - João Ubaldo Ribeiro - 108. orr.

Ez marikoia eta ez pottorzalea! Pako Aristi   «Urregilearen orduak» - 201. orr.

Denok dakigu, jakintza zahar batek erakutsita, liburu artean ibiltzen diren gehienak, denak ez esateagatik, marikoiak direla. Jon Alonso   «Euskal karma» - 52. orr.

-Nola ibili liteke euskalduna gerriko more horrekin? ez haiz, ba, marikoia izango...? Rafa Egiguren   «Mentxakaren aitorpena» - Jose Ramon Goikoetxea - 73. orr.

A zer marikoia Salinas! Karlos Linazasoro   «Glosolaliak» - 60. orr.

"Marikoi" talde bat harrapatu omen zuen poliziak sarekada batean. Rafa Egiguren   «Mentxakaren aitorpena» - Jose Ramon Goikoetxea - 73. orr.

2 (izenondoekin)

Sar diezazula zure amamak makuluaren punta tripetaraino, marikoi puta hori! Jon Arretxe   «Ostiralak» - 30. orr.

Marikoi nazkagarria Sokrates hura, hori besterik ez zen, marikoi astakirten nazkagarria. Ez zen marikoi erabatekoa, kontu bakarra zen aluek nazka ematen ziotela. Karlos Zabala   «Buda zoriontsuen etxea» - João Ubaldo Ribeiro - 160. orr.

-Oraino ez zakiat zer haizen -xuxurlatu zidan, bere aurpegia nirera hurbilduz-, marikoi zaharkilo bat edo, bertzerik gabe, memelo hutsa. Aingeru Epaltza   «Rock'n'roll» - 195. orr.

3 (izenondo gisa)

Lagun marikoi asko izan ditut, ondo moldatzen naiz haiekin. Karlos Zabala   «Buda zoriontsuen etxea» - João Ubaldo Ribeiro - 108. orr.

Nik uste nian peso pesado hintzela, baina kolpe marikoi hori hartu eta peso pluma haizela iruditzen zaidak. Bernardo Atxaga   «Soinujolearen semea» - 339. orr.

4 (hitzaren erabileraz)

'Marikoi' hitza ez nuen erabili behar izan, iraingarria omen da eta. Pako Aristi   «Gauza txikien liburua» - 130. orr.

'Marikoiak' bere gain darama irainaren zama, bazterketaren mehatxua, eskubideen ukapena. Pako Aristi   «Gauza txikien liburua» - 131. orr.

Zera otu zitzaidan halako batean, andregaia senargai egitea, alegia, futbolariaren laguna marikoia izatea, barka esamoldea, hots, biak homosexualak izatea. Xabier Mendiguren Elizegi   «16 ipuin amodiozko» - 172. orr.

Ia egunero egiten ziren manifestazioetan marikoi eta txakur zirela poliziei irain egiteko gehien entzuten zirenak. Berria - Euskal Herria   2004-05-22

Poliziak ez zuen "homosexuala" erran, "marikoia" baizik, eta hori, inguruabar ideologikoez aparte, ez da inoiz adiskide batez erabiltzeko hitza. Aingeru Epaltza   «Rock'n'roll» - 244. orr.

 



Nodoa: liferay1.lgp.ehu.eus