Egungo Euskararen Hiztegia (EEH)

mediku (4180 agerraldi, 206 liburu eta 1274 artikulutan; orobat midiku g.er. eta miriku g.er.) 1 iz lanbidetzat medikuntza duen pertsona, horretarako gai egiten duten ikasketak bururatu dituena. ik sendagile.

Mediku eta petrikilo guztiek beren sendagaiak eskaini arren, erregea ez zen osatzen. Martin Anso «Elezaharren bidetik», 2004 - 118. orr.

Zauri txiki bat, herriko mediku Erramun Ibargoienek hiru punturekin itxi behar izan ziona. Joan Mari Irigoien «Ipuin batean bezala», 2002 - 179. orr.

Bayer etxeak Altzako anbulatorioko mediku guztiok gonbidatu gintuen. Joan Mari Irigoien «Ipuin batean bezala», 2002 - 187. orr.

Barne-medikuntzako medikua zela Columbia-Presbyterian Hospital erietxean. Oskar Arana «Brooklyngo erokeriak» - Paul Auster, 2006 - 16. orr.

Etorri zitzaion medikua ikustera eta kauterizazioa egin nahi ziola esan zion. Askoren artean «Asisko Frantzizko, Asisko Klara», 2002 - 595. orr.

Medikuak dio bihotzeko beste ebakuntza bat beharko duela. Bernardo Atxaga «Soinujolearen semea», 2003 - 377. orr.

Medikua etorri, injekzioa ipini eta halaxe pasatu zen. Edorta Jimenez «Hemingway eta euskaldunak zerbitzu sekretuetan», 2003 - 262. orr.

Medikua hautatzeko askatasuna: jendea zuzenean joan zitekeen nahi zuen medikuarengana edo espezialistarengana. Berria - Harian 2006-01-04

ik beherago 10. Askoren artean «Asisko Frantzizko, Asisko Klara», 2002 - 574. orr.

Zalantzan egon nintzen etxeko medikua izan edo pediatra. Joan Mari Irigoien «Ipuin batean bezala», 2002 - 48. orr.

Nik, berriz, familiako medikua izan nahi nuen. Joan Mari Irigoien «Ipuin batean bezala», 2002 - 107. orr.

Ongintzako mediku izan zen Manuel Val y Vera ere, Barojaren zahartzaroko lagunik leialenetakoa eta barojazaleenetakoa. Josu Zabaleta «Jakintzaren arbola» - Pio Baroja, 2006 - 16. orr.

-Mediku jauna, ekarri bizkor litro bete eter eskatzeko errezeta! Josu Zabaleta «Fantasiazko ipuinak» - Guy de Maupassant, 2000 - 109. orr.

Lagundu behar zidan medikua emakumea zela ikusi nuenean, askoz erosoago sentitu nintzen. Arantxa Iturbe «Ai, ama», 1999 - 56. orr.

Heietan guzietan, badute zer egin "Munduko Medikuen" Elkartekoek. Herria 2003-04-03

2 (izenondoekin)

Mediku aparta da. Joan Mari Irigoien «Ipuin batean bezala», 2002 - 48. orr.

Baina bagenuen gure artean preso bat, Longarte, oso mediku ona. Koldo Izagirre «Agirre zaharraren kartzelaldi berriak», 1999 - 128. orr.

Harriduraz ikusi zuen munduak mediku gazte batek, Christian Barnard-ek, arras gaixorik zegoen gizon bati hondaturik zuen bihotza kendu eta istripuz hil berria zen 25 urteko neska gazte batena jarri ziola. Pello Salaburu «XX. mendearen argi-itzalak», 2001 - 83. orr.

Ospetsua, gainera, hainbesteraino, non Eduardo VI.a errege gaztearen mediku pribatua izan baitzen. «Loroaren teorema» - Denis Guedj, 2006 - 298. orr.

Mediku adituen aholkuari jarraituz. Antton Olano «Fidel izan beharraz» - Oscar Wilde, 2000 - 144. orr.

Urteetan normal bizi naitekeela esan zidan mediku espezialistak lehengoan. Joan Mari Irigoien «Odolean neraman», 2004 - 244. orr.

Mediku militar bat hiltzea izan zuan organizaziora itzuli eta gero agindu zidaten lehen ekintza. Mikel Hernandez Abaitua «Ohe bat ozeanoaren erdian», 2001 - 57. orr.

Errehabilitazio programa bateko mediku psikiatrak sinatua. Joan Mari Irigoien «Ipuin batean bezala», 2002 - 78. orr.

Hala nola izaten baita gozoegia mediku antzetsuak, gaixoari alaigarri izango zaiolakoan, neurririk gabe eztitzen duen edabea. Jose Morales «Arima hilak» - Nikolai Gogol, 1998 - 51. orr.

Masturbazioa, horixe izan da apaiz, fraide eta mediku jainkojaleen obsesioa. Luis Elberdin «Sexua noiznahi», 2005 - 22. orr.

3 (izen soila aditzekin)

Luzaz eta luzaz mediku egona Donibane Lohizunen, arrunt horkoturik, sortzez Gers eskualdekoa zelarik. Herria 2004-07-01

Joachim Errusian baitzegoen mediku eta, beraz, harengandik diru-laguntzarik batere ez. Joxe Austin Arrieta «Homo Faber» - Max Frisch, 2001 - 217. orr.

Zergatik ez diote uzten mediku jarduten? Edorta Jimenez «Sukar ustelaren urtea», 2004 - 132. orr.

Armada honetan mediku jarduteko odol garbitasunaren froga behar delako. Edorta Jimenez «Sukar ustelaren urtea», 2004 - 250. orr.

Han ikasi nian nik mediku. Edorta Jimenez «Sukar ustelaren urtea», 2004 - 211. orr.

Alboan, gero mediku agertu zen pertsonaia bat jarri zitzaion zutik eta hexur-ziri bat eskuan zuela. Patxi Ezkiaga «On Kixote Mantxako» - Miguel de Cervantes, 2005 - 178. orr.

· Aita, aitona eta birraitona mediku izan nituen. Arantxa Iturbe «Kontu-jaten», 2006 - 15. orr.

Erregeren Etxeko mediku izendatu zuten arte. Xabier Kintana «Alderraien gidaria» - Mose ben Maimon, 2006 - 237. orr.

4 (hitz elkartuetan lehen osagai gisa) ik mediko.

Zutaz inkesta egin dut mediku zerbitzuetan, ardura eri egona zira, eta ez duzu lan bortitzik egiten ahal. Marzel Etxehandi «Alemaniara deportatua» - Grégoire Joannateguy, 2003 - 89. orr.

Lehenago mediku azterketa pasa behar genuen. Urtzi Urrutikoetxea «Zoririk ez» - Imre Kertész, 2003 - 89. orr.

Mediku-galdeketek, azterketa klinikoek, aurrekarien ikerketek eta bibliografia-erreferentziek. Xabier Arregi «Jakitearen arkeologia» - Michel Foucault, 2003 - 53. orr.

Batetik, nahitaezko agiriak, salmenta-agiriak eta mediku-agiriak behar ziren. «Loroaren teorema» - Denis Guedj, 2006 - 390. orr.

Oraindik «oso larri» daude, mediku partearen arabera. Berria - Ekonomia 2004-07-15

Hemen ez dizute emango, mediku-errezetarik ez baduzu. Mirentxu Larrañaga «Hona hemen gu biok» - Dorothy Parker, 2006 - 171. orr.

Apur bat gogoz kontra izanik ere, bigarren mediku-iritziaren bila doanaren antzera. Jon Alonso «Erretzaileen eremua», 2006 - 58. orr.

Mundu zabalean jakingo zela, mediku-sekretu guztien gainetik ere. Ramon Saizarbitoria «Gorde nazazu lurpean», 2000 - 277. orr.

Donaldsonen hilketari dagokionez, mediku iturriek jakinarazi dute orotara lau tiro jaso zituela. Berria - Mundua 2006-04-07

Mediku-laguntza hartzeko 1226ko udaberrian hara [Sienara] eraman zutenean. Askoren artean «Asisko Frantzizko, Asisko Klara», 2002 - 45. orr.

Ez baitu ezer aurreratuta mediku-gastuak ordaintzeko. Askoren artean «Asisko Frantzizko, Asisko Klara», 2002 - 337. orr.

Mediku-zuhurtziaz, edo are zuhurtzia arruntez, aztertu izan balitz haren egoera. Xabier Olarra «Antropologo bat Marten» - Oliver Sacks, 2003 - 61. orr.

Eta gaitza hain larria zenez, mediku-sendabideez etsita zegoen. Askoren artean «Asisko Frantzizko, Asisko Klara», 2002 - 271. orr.

Mediku-hizkeran hasi zenean ez zioten lehendabizikoan ulertu. Fernando Morillo «Ortzadarra sutan», 2003 - 64. orr.

Neure mediku-poltsatik tentsioa hartzeko tresna atera nuenean. Xabier Olarra «Antropologo bat Marten» - Oliver Sacks, 2003 - 137. orr.

Oposizioz ospitalean mediku lanpostua lortu berria baitzuen hark. Josu Zabaleta «Jakintzaren arbola» - Pio Baroja, 2006 - 56. orr.

Mediku-ikasketak egina zen eta sendagile ona izatera iritsia. Juan Garzia «Sistema periodikoa» - Primo Levi, 1998 - 29. orr.

Mediku taxua har ziezaiokeenik ere bazen. Edorta Jimenez «Sukar ustelaren urtea», 2004 - 315. orr.

Gizon serio bat zegoen nire aurrean mediku-jantziekin. Bernardo Atxaga «Soinujolearen semea», 2003 - 440. orr.

5 (hitz elkartuetan bigarren osagai gisa)

-Aurki hutsik geratzekoa den higiene-mediku lanpostu bat baizik ezin dizugu eman. Josu Zabaleta «Jakintzaren arbola» - Pio Baroja, 2006 - 263. orr.

Harreman erotiko baten deskripzioan, Hurtadok landa-mediku diharduen Alcolea herrian bere etxekoandrearekin daukana azaltzerakoan. Josu Zabaleta «Jakintzaren arbola» - Pio Baroja, 2006 - 14. orr.

Bere baserri mediku jarduera mingotsa, berezi eta etsigarria Zestoan. Josu Zabaleta «Jakintzaren arbola» - Pio Baroja, 2006 - 15. orr.

Ba ote da -galdegiten zien ero-medikuei- osasunaren, gaztetasunaren neurosirik? Iñaki Segurola «Gaur ere ez du hiltzeko eguraldirik egingo», 2005 - 134. orr.

Lau asteren buruan, ordea, hobera egiten ez zuela ikusirik, familia-medikuak psikiatrarengana bidali zuen ama Patxi Iturritegi «Behi eroak», 2003 - 129. orr.

• 6 izond ik mediko.

7 auzi-mediku (133 agerraldi 57 artikulutan) auzitegiko medikua.

Nazio Batuen Erakundeak tortura atzemateko auzi medikuei jarraitzeko esaten dien protokoloa. Auzi-medikuaren txostenak bat datoz Otamendiren salaketarekin. Berria - Euskal Herria 2004-04-15

Auzi-medikuaren bisita jaso ondoren, galdeketari ekin zioten guardia zibilek. Berria - Euskal Herria 2006-02-28

Eutanasia egiten ostean, medikuak ohar bat bidali behar dio herriko auzi-medikuari eta zergatik egin duen azaldu behar dio, idatziz. Berria - Gaiak 2004-12-17

8 auzitegi-mediku (28 agerraldi, 5 liburu eta 4 artikulutan) auzitegiko medikua.

Auzitegi-medikuaren arabera egia jakiteko ehun-lagin bat aztertzea beste modurik ez zegoelako. Ramon Saizarbitoria «Gorde nazazu lurpean», 2000 - 235. orr.

Defentsako abokatuaren arabera, auzitegi-medikuen ondorioek haien alde jarri dute kasua. Berria - Harian 2005-08-12

Altxatzeko esan eta begiak estali zizkidaten, auzitegi medikuarengana eramateko. Berria - Euskal Herria 2004-12-29

Borreroak ez du gogoko auzitegi medikuaren gorpuekiko hoztasuna, ez eta epailearen itxurazko axolagabekeria ere. Karlos Linazasoro «Glosolaliak», 2004 - 83. orr.

9 auzitegiko medikua (28 agerraldi, 5 liburu eta 4 artikulutan)

Auzitegiko medikuaren txostenak ez zuen zalantza-biderik uzten: seiak era berberean izan ziren asasinatuak, erritual ongi taxutu bati jarraikiz. Karlos Linazasoro «Glosolaliak», 2004 - 11. orr.

Hilketa, ordea, gauerdia baino lehenago kokatzen zuen auzitegiko medikuak, eta ordurako ilehoriarekin zebilen. Migel Angel Mintegi «Denak du bere prezioa», 2002 - 204. orr.

Auzitegiko medikuen eskuetan dago dagoeneko, tiro batek jugularra zulatuta. Migel Angel Mintegi «Denak du bere prezioa», 2002 - 285. orr.

Auzitegiko medikuek ez dute zehaztu, ordea, zerk eragin zituen odoluriak. Berria - Harian 2005-04-24

10 mediku andre

Eta han beheraxeago, madariondo zaharraren azpian, mediku andrea ikusten nuen, ez naiz haren izenaz gogoratzen, behin izan nintzen haren etxean begiak sendatzera joanda. Felipe Juaristi «Azken gutuna» - Vassili Grossman, 2005 - 29. orr.

"Mediku andrea", dio hark, "andrea, ez jauna". Oskar Arana «Lotsaizuna» - John Maxwell Coetzee, 2004 - 139. orr.

11 medikuarene- (leku atzizkiekin singularrean, medikuaren etxea adierazteko)

Andres egun horretantxe eztulaldi makur batek jo zuen, eta medikuarenera eraman behar izan zuten presaren presaz. «Bizia lo», 2003 - 30. orr.

-Noizbait medikuarenera edo eramango zaituzte... Pako Aristi «Urregilearen orduak», 1998 - 67. orr.

Medikuarenera joan naiz, probak egin ditut, zentzuz jokatuta egin daitekeen guztia egin dut. Oskar Arana «Lotsaizuna» - John Maxwell Coetzee, 2004 - 165. orr.

Ezta hagin ustel bat ateratzera ere ez naiz joan ni medikuarenera neure garaian. Pako Aristi «Urregilearen orduak», 1998 - 67. orr.

Asier Olaizolak, aldiz, min hartu zuen belaunean Errioxako Torneoko finalean, eta medikuarenera doa gaur. Berria - Kirola 2004-06-12

Azkenekoz medikuarenean izan zinenean, kezkatzeko arrazoirik ez zuela ikusten esan zizun. «Eta emakumeari sugeak esan zion», 1999 - 130. orr.

Txunditu egin baininduen haren adierazpenaren segurantziak, besterik ez; eta horrexegatik galdetu nion: izan al zara medikuarenean? Joxe Austin Arrieta «Homo Faber» - Max Frisch, 2001 - 69. orr.

Ezetz, ez zela medikuarenean izana. Joxe Austin Arrieta «Homo Faber» - Max Frisch, 2001 - 69. orr.

Medikuarenean egindako saioan ez zuen minik sentitu, baina frontoian batera eta bestera aritzea ezberdina dela badaki pilotariak. Berria - Kirola 2004-04-07

Unicefek lehengo urtearen amaieran publiko egin zuen txostenean argi utzi zuen helburua ez dela ablazioak medikuarenean egitea. Berria - Gaiak 2006-02-04

Baraurik hartzen da ura, eta beti medikuarenetik pasata. Berria - Euskal Herria 2004-04-01

Urduritasunak eragindako arazo bat izan zuen atzo, baina medikuarenetik pasatu zen, eta hasieran ez zuela jokatuko zabaldu bazen ere, Unanue eta Peñagarikanoren kontra jokatuko du Oier Zearrarekin. Berria - Kirola 2004-01-09

hitz multzoen maiztasunak (gutxienez 4 aldiz agertzen direnak)

armadako mediku (6); aspeko mediku (4); auzi mediku (7); azterketa mediku (5); herriko mediku (4); kirol mediku (4); konfiantzazko mediku (4); mediku agiriak (4); mediku azterketa (25); mediku azterketa egingo (5); mediku azterketak (15); mediku azterketak egin (4); mediku eta erizain (4); mediku frantses (5); mediku gazte (8); mediku gazte bat (4); mediku izan (7); mediku izateko (4); mediku jaun (4); mediku jauna (11); mediku jaunak (6); mediku jose (4); mediku laguntza (5); mediku ona (7); mediku orokorrak (4); mediku pertsonala (4); mediku pribatuen (5); mediku psikiatra (8); mediku psikiatrak (7); mediku talde (13); mediku talde bat (6); mediku talde batek (6); mediku taldeak (8); mediku taldeko (5); mediku txosten (5); mediku txostenak (7); mediku zerbitzuek (4); ospitaleko mediku (8); taldeko mediku (5)