Bilaketa aurreratua

Ogi apurrak

Egungo Euskararen Hiztegia (EEH)

Hasiera:

momentu (1698 agerraldi, 163 liburu eta 541 artikulutan; orobat momento g.er.; Hiztegi Batuan momento agertzen da baina memento hobesten da.) 1 iz oso denbora bitarte txikia, unea. ik memento.

Denok gogora dezakegu gazte edo ero gineneko momentu bat. Anjel Lertxundi   «Ihes betea» - 5. orr.

Momentu bat, mutikote ederra, momentu bat. Juan Martin Elexpuru / Bego Montorio   «Filosofia apaingelan» - Sade - 205. orr.

Zaude momentu bat, enkarguaren bila noa-eta. Jasone Osoro   «Korapiloak» - 130. orr.

Momentu bat besterik ez da izango. Migel Angel Mintegi   «Denak du bere prezioa» - 52. orr.

Irudi zuen bizi zela eta momentu batetik bestera mintzatuko zitzaigula. Daniel Landart   «Anaiaren azken hitza» - 68. orr.

Momentu bateko isilunea. Xabier Mendiguren Elizegi   «16 ipuin amodiozko» - 180. orr.

Lehen momentu batean, berarentzat apropos sortutako Ekonomia katedra bat hartu zuen. Juan Martin Elexpuru   «Delituez eta zigorrez» - Cesare Beccaria - 10. orr.

Oraina bizi du, momentua, eta txikitasunaren sakontasuna bilatzea eta aurkitzea du helburu. Ana Urkiza   «Zortzi unibertso, zortzi idazle» - 386. orr.

Aukeratua zuen momentua eta lekua. Iban Zaldua   «Etorkizuna» - 82. orr.

-Momentua heldu da, adiskideok! Jon Arretxe   «Ostiralak» - 108. orr.

Baina hura ere ez zen hartarako momentua. Joan Mari Irigoien   «Ipuin batean bezala» - 84. orr.

Hainbeste egun eta gauez gutiziatu momentua etorri zen beraz. Daniel Landart   «Anaiaren azken hitza» - 184. orr.

-Ondo, norbaitek zerbait esan nahi badu, hauxe da momentua -esan nuen-. Bernardo Atxaga   «Groenlandiako lezioa» - 89. orr.

Heriotza hauxe baino ez da, azken momentua, hilko zarena ziurta dezakezun azken hotzikara. Joxerra Garzia   «Itsasoan euri» - 168. orr.

Ironia hori hizkuntzari eta idazketari buruzkoa bihurtzen da momentu askotan. Unai Elorriaga   «SPrako tranbia» - 10. orr.

Momentu horiek gogorarazi nahi zizkion Grettari. Irene Aldasoro   «Dublindarrak» - James Joyce - 318. orr.

Gaizki pasatu nuen momentu haietan. berak ez lukeela momentu honetan nirekin hemen berbetan egon behar. Xabier Mendiguren Elizegi   «16 ipuin amodiozko» - 25. orr.

Ez zirudien momentu hartan gai izan zitekeenik, baina auskalo. Ramon Saizarbitoria   «Gorde nazazu lurpean» - 445. orr.

Eta iruditu zitzaidan mirakulu hura momentu hartantxe gertatua zela, nik Lutezia, 9 zenbakia, bistatu nuen istantean. Matías Múgica   «Hiltzaile baten aitormena» - Joseph Roth - 86. orr.

Galdu nuen unean, azken momentu hartan, zoriontsu zegoen bera alabaren ondoan. Joxan Elosegi   «Nola hustu nuen gurasoen etxea» - Lyidia Flem - 30. orr.

Gutxien espero dugun momentuan. Joan Mari Irigoien   «Odolean neraman» - 232. orr.

ik beherago 4. 21589

Josu R-ri barre txiki bat erne zitzaion, doi-doi Abenidaren muturrera iristen ari zen momentuan. Pedro Alberdi   «Kafka Bilbon» - 13. orr.

Are urduriago jarri zen zirt edo zart egiteko momentuan. Joan Mari Irigoien   «Ipuin batean bezala» - 14. orr.

Iturbideri deitzeko puntuan egon zen, baina azken momentuan baztertu egin zuen asmoa. Migel Angel Mintegi   «Denak du bere prezioa» - 113. orr.

Barkatu momentuko haserrea -esan zidan gero-. Patxi Ezkiaga   «On Kixote Mantxako» - Miguel de Cervantes - 11. orr.

Ez nuen dena pikutara bidali nahi azken momentuko zirtzilkeria batengatik. Aingeru Epaltza   «Rock'n'roll» - 369. orr.

'Roncoa' iragana da, bere soinu monotono eta aldaerarik gabekoarekin; 'punteiroa' orainaren melodia da, momentuko emozioa adierazten duena. Pako Aristi   «Note book» - 25. orr.

2 (izenondoekin)

Baina ez zen tokia, ez eta momentu egokia. Daniel Landart   «Anaiaren azken hitza» - 123. orr.

-Momentu gogorrak pasatu ditiat -esan dizu-, eta heuk? Rafa Egiguren   «Mentxakaren aitorpena» - Jose Ramon Goikoetxea - 113. orr.

Eta halere, momentu jakin batean, "orain bai" esan nuen. Arantxa Iturbe   «Ai, ama» - 15. orr.

Momentu onean zatoz, eta esertzeko keinua egin zidan frau Monikak. Anjel Lertxundi   «Ihes betea» - 107. orr.

Baina oso momentu txarrean harrapatzen nauzu. Patxi Zubizarreta   «Jeans-ak hozkailuan» - 315. orr.

Oso momentu berezia zen: Sadam Husseinek Kuwait hartu berria zuen. Txema Ramirez de la Piscina   «Ikus gaitzazuen» - 25. orr.

Ezin dut burutik kendu momentu ikaragarri hura. Karlos Zabala   «Buda zoriontsuen etxea» - João Ubaldo Ribeiro - 102. orr.

Hura momentu zoragarria! Karlos Zabala   «Buda zoriontsuen etxea» - João Ubaldo Ribeiro - 85. orr.

Antzezpenaren momentu gorena, fiskalak akusatua satortzat salatu, irakaslea negarrez hasi eta koruak erantzun zuenekoa gertatu zen: [...]. Anjel Lertxundi   «Ihes betea» - 71. orr.

3 (hitz elkartuetan bigarren osagai gisa)

Ahultasun momentu bat izan zen seguruenik baina, nire harridurarako, nire etxeko bidea harturik genuen ohartu nintzenerako. Joxemari Iturralde   «Euliak ez dira argazkietan azaltzen» - 26. orr.

Zalantza momentu bat izan dut laukitxo horretara heltzean. Harkaitz Cano   «Piano gainean gosaltzen» - 12. orr.

Linok itsumen momentu hori izan ez balu, txorakeria hori egin izan ez balu... Harkaitz Cano   «Neguko zirkua» - 67. orr.

Emozio momentua goian, armak baterian eta guzti, baina guk nahikoa genian Bernd zutik jarri, lokatzez beteta, eta fusila itzuli... Josu Zabaleta   «Lorategi beldurgarriak» - Michel Quint - 52. orr.

4 momentuan1 adlag istantean.

Ahots bat entzun nuen, momentuan ezagutu ez nuen arren ezagun egiten zitzaidana. Joan Mari Irigoien   «Odolean neraman» - 229. orr.

Egia esan, momentuan edozein zentzarazpen mingarri da eta ez pozgarri; baina, gerora, zentzarazpenaren bidez zaildu direnek haren fruituak jasotzen dituzte: bakea eta bizitza zuzena. Elizen arteko biblia   Heb 12,11

Sufri ez dezan egiten dute, hartza momentuan hiltzen baita, izurik gabe. Bernardo Atxaga   «Lekuak» - 186. orr.

Maketaren kopia bat zor didala gogorarazi diot eta hori behintzat momentuan eman dit. Harkaitz Cano   «Piano gainean gosaltzen» - 118. orr.

Ordurako, ni ez nintzen momentuan ohartu baina, Mari, guztiz asperturik, nonbait, autora erretiratua zen. Joxemari Iturralde   «Euliak ez dira argazkietan azaltzen» - 20. orr.

Asmoa, gauzak momentuan egiten digun zirrarak eta gure buruak lehendik harekiko duen jarrerak erabakitzen dute. Juan Martin Elexpuru   «Delituez eta zigorrez» - Cesare Beccaria - 39. orr.

Ezin bestela izan, momentuan asmatzen bainituen. Fernando Rey   «Paradisuko Almanaka» - Gianni Celati - 86. orr.

Inor gutxi jabetu zen horretaz momentuan, baina telebista irudiak hor daude eta FIAk ez du ezer esan. Berria - Kirola   2004-06-22

Egiten dugun lanaren emaitzak momentuan ikusten ditugu. Berria - Harian   2005-03-20

Momentuan, Bruselara iritsi gara. Edorta Jimenez   «Europako mugetan barrena» - 98. orr.

5 momentuan2 momentu honetan.

Momentuan ba dirudi esne gutiago sartzen dela kanpotik honat, hala nola Aveyron aldetik, salmenten ttipitzea ez dutela oraino hemengo ardidunek sentitzen. Herria   2004-11-25

Momentuan ez da alde horretarako deliberamendu handirik gure inguruko hautetsien aldetik. alderdi politikoek momentuan interesatzen zaien jarrera hartzen dute. Herria   2004-11-25

Oso era neurtu eta jakintsuan baliatzen ditu jostailuen maneiua, momentuan hartutako irudiak, aurretiaz grabatutakoak eta antzezpena. Berria - Kultura   2004-07-02

6 momentu batean1 istantean.

Indaba! etorri hadi momentu batean... ero joan gaitezke hara momentu batean, tokia eta gauzak nola diren ikusi eta... Pablo Sastre   «Elurretan hotsak» - 49. orr.

Eskuak ez zizun dar-dar egin, ezta momentu batean ere. Sonia Gonzalez   «Ugerra eta kedarra» - 76. orr.

Joder, beldurtu egin nauzu, momentu batean nor nintzen ere ez nekien. Eider Rodriguez   «Eta handik gutxira gaur» - 127. orr.

Momentu batean pentsatu nuen Angelok jo egingo zuela, baina astinaldi hark eta mehatxuzko keinuak gizon kapeladuna baretu egin zuten. Anjel Lertxundi   «Ihes betea» - 209. orr.

7 momentu batean2 momentu jakin batean.

Momentu batean konturatzen zara, ordu arte argi izan ez duzulako, agindu dizuten misio bat betetzen aritu zarela, eta galdetzen hasten zara ea zenbateraino ari zaren zure bide propioa egiten. Ana Urkiza   «Zortzi unibertso, zortzi idazle» - 236. orr.

Momentu batean, etxeratu berria zen soldaduetako batek zain zuen neskalaguna besarkatu egiten zuen. Txema Ramirez de la Piscina   «Ikus gaitzazuen» - 23. orr.

8 momentu batez

Begiak itxi dituzu momentu batez... momentu txiki batez. Sonia Gonzalez   «Ugerra eta kedarra» - 93. orr.

Momentu batez iruditu zait, berehala uxatu dudan zorakeria, behar baino beranduxeago ez ote duen piztu duta egaxíak. Koldo Izagirre   «Agirre zaharraren kartzelaldi berriak» - 177. orr.

Momentu batez, frenatzekotan egon nintzen, harriturik. Iban Zaldua   «Gezurrak, gezurrak, gezurrak» - 60. orr.

Momentu batez, uste ukan nuen ere ez nintzela ofizio hartarako on izanen. Daniel Landart   «Anaiaren azken hitza» - 136. orr.

Barandatik begira geratu ginen momentu batez, kaioen hegada akrobatikoez arduraturik bera eta olatuen kontaduria egiten ni. Joxean Agirre   «Romain zen bere izena» - 79. orr.

Igande arratsalde euritsu batean, tabernan sartuta, botilaren gainean jartzen du norbaitek tabako paketea, eta gainean basoa, eta gainean txiskeroa, eta momentu batez egoten da, irauten du zutik, baina azkenean erori egiten da, eta ez bada erortzen, geuk botatzen dugu berriro jolasean hasteko. Berria - Kultura   2006-04-09

hitz multzoen maiztasunak (gutxienez 3 aldiz agertzen direnak)

azken momentu (6); bizitzako momentu (4)

momentu bakar (4); momentu bakoitzean (5); momentu bat (31); momentu batean (62); momentu bateko (5); momentu baten (8); momentu batetik (9); momentu batetik aurrera (4); momentu batetik bestera (5); momentu batez (54); momentu berean (14); momentu berezi (4); momentu berezia (3); momentu egokia (7); momentu egokian (4); momentu goxo (10); momentu goxo baten (3); momentu goxoak (3); momentu guztietan (3); momentu historiko (6); momentu jakin (13); momentu jakin batean (10); momentu labur (5); momentu on (5); momentu ona (5); momentu onean (5); momentu oro (9); momentu politiko (5); momentu politiko honetan (3); momentu txarrean (3); momentu txarretan (3); momentu zehatz (3)

zalantza momentu (3)

azken momentua (7); azken momentua arte (4); egiteko momentua (7); egiteko momentua da (3); etsitzeko momentua (3); ez da momentua (4); ez zen momentua (3); momentua ailegatu (3); momentua arte (4); momentua da (11); momentua etorri (3); momentua heldu (3); momentua heldua zela (4); momentua iritsi (6)

azken momentuan (31); azkeneko momentuan (7); bere momentuan (13); egiteko momentuan (6); hurrengo momentuan (3); lehen momentuan (9); momentuan bertan (7); momentuan momentuko (3); orain momentuan (3)

azken momentuko (10); momentuan momentuko (3); momentuko egoera (3); momentuko gauza (4)

azken momentura arte (6)

bizitzako momenturik (3); momenturik egokiena (4)

lehen momentutik (15); lehendabiziko momentutik (3); lehenengo momentutik (6); momentutik aurrera (4)

 



Nodoa: liferay1.lgp.ehu.eus