Bilaketa aurreratua

Ogi apurrak

Egungo Euskararen Hiztegia (EEH)

muskuilu (orobat muskulu g.er.) 1 iz itsas soinbera jateko ona, gorputza bi kuskuko maskor luzaran beltzaxka batean gordea duena, urpeko haitz edo gauzetara itsatsirik bizi dena (Mytilus edulis).

Gerritik heldu zion, lepoa musukatu eta haren ipurdiari itsatsi zen, muskuilua arrokari bezala.  Fernando Morillo   «Ortzadarra sutan», 2003 - 63. orr.

Muskuiluak jaten ari dira eta ardo zuria edaten.  Monika Etxebarria   «Goragalea» - Jean Paul Sartre, 2003 - 177. orr.

Itsaskiak (ostra, almeja, muskuilua).  Edorta Agirre   «Baietz okerreko bidea aukeratu! », 2006 - 13. orr.

Jantokian jarraituko zuten arrautzak maionesarekin eta muskuilu frijituak jaten, koipetan ezpainak.  Bernardo Atxaga   «Soinujolearen semea», 2003 - 354. orr.

Tea ere bero beroa, eta gailetatxoak, eta muskuilu erreak, bero beroak, jateko jada prestatuak.  Joseba Sarrionandia   «Lagun izoztua», 2001 - 199. orr.

Muskuilu egosiak zituen saltzeko, ur garbian igerian.  Karlos Zabala   «Parisen sabela» - Emile Zola, 2004 - 265. orr.

Dastatu frantses erara prestatutako gure muskuilu gozoak.  Lopez de Arana   «Manhattan Transfer» - John Dos Passos, 1999 - 195. orr.

Adituek azaldu zutenez, itsas hondoan dagoen fuel-olioak muskuiluak eta txirlak pozoitu ditu eta, era berean, baita horietaz elikatzen diren animalia handiagoak ere.  Berria - Gaiak   2004-03-28

Usteltzen ari zaio zurajea, herdoila darie loturetako iltzeei, goroldioak eta muskuluek hartua diote gila.  Anjel Lertxundi   «Konpainia noblean», 2004 - 79. orr.

Muskuilu batzuk alga itxura eta forma dute, eta badira koralen oso antzekoak ere.  Berria - Gaiak   2006-04-18

2 (hitz elkartuetan)

Metaturiko muskuilu zakuetatik ur errekastoak isurtzen ziren.  Karlos Zabala   «Parisen sabela» - Emile Zola, 2004 - 146. orr.

Hantxe utzi genuen, barran bermatuta, zorua ganba-azal eta muskuilu-oskolez harrigarriro estalita zeukan Mantxa barruko taberna hartan, itxaroten.  Iban Zaldua   «Etorkizuna», 2005 - 80. orr.

62 muskuilu espezie berri aurkitu dituzte Filipinetako Panglao irlan  Berria - Gaiak   2006-04-18

 



Nodoa: liferay1.lgp.ehu.eus