Bilaketa aurreratua

Ogi apurrak

Egungo Euskararen Hiztegia (EEH)

Hasiera:

oihu (orobat oju g.er.) 1 iz ahotsak egotziriko hots zolia. ik deiadar; orro; garrasi; heiagora.

Belatxinga baten orroaren antzeko oihu bat entzun zen publiko artetik: [...]. Anjel Lertxundi   «Azkenaz beste» - 31. orr.

Amak aurpegira eraman zituen eskuak, oihu bat itotzeko. Juan Kruz Igerabide   «Hauts bihurtu zineten» - 15. orr.

-Oihu bat, oihu haundi eta azkar bat igaiten da kontzentrazio zelaitik, 1945eko apirilaren 30a hartan eta denetan zabaltzen: "Amerikanoak! Amerikanoak!". Michel Oronoz   «Oilandoiko ermita» - 111. orr.

Oihu bat jaurti zuten emakumeek, oihu bat eta bakarra, aho bat eta bakarra balute bezala. Felipe Juaristi   «Itzarri nahi ez zuen printzesa» - 24. orr.

Phips-ek oihu bat jaulki zuen. Juan Garzia   «Bizi alegiazkoak» - Marcel Schwob - 135. orr.

Halako batean, oihu bat gailendu zitzaien gainerako asotsei: [...]. Aingeru Epaltza   «Mailuaren odola» - 77. orr.

Emazte mehats eta hauskor bat, beltzez jantzia eta ile zuriak kolore bereko zapian bildurik agertu zen eta etxeko andre zaharrari oihu bat atera zitzaion. Elena Touyarou   «Hautsi da katea» - Toti Mtz. de Lecea - 109. orr.

Oihu bat itzuri zitzaion Taibeleri. Koro Navarro   «Zortzi kontakizun» - Isaac B. Singer - 32. orr.

Ez, ez zen posible kalkulatzea oihu hark eragin zuen isiltasunaren sakona. Juan Garzia   «Pedro Páramo» - Juan Rulfo - 55. orr.

Kantuak, azalpenak, jendearen gora eta ojuak. Iñigo Aranbarri   «Hizlandia» - 208. orr.

Nire oihu eta espantuek gazteluko biztanle guztiak erakarri zituzten patiora. Aingeru Epaltza   «Mailuaren odola» - 122. orr.

Garrüzera obligatu zuen, astoa eta guzti, haren oihu eta madarikazioei entzungor. Aingeru Epaltza   «Mailuaren odola» - 71. orr.

Isiltasuna beti hots baten, kolpe baten, oihu baten atari da. Jon Maia   «Riomundo» - 13. orr.

Pozezko oihuz eta malkoz egin genien ongietorria Jani eta Miepi. Josu Zabaleta   «Anne Franken egunkaria» - Anne Frank - 272. orr.

ik beherago 6. 19447

Ez ele, ez oihu, ez marraka bat. Michel Oronoz   «Oilandoiko ermita» - 91. orr.

2 (izenondo eta izenlagunekin)

Arestian oihu alaiak zirenak intziri eta zinkurin bihurtu ziren, bat-batean. Oso oihu handia egin nuela uste dut. Joan Mari Irigoien   «Oilarraren promesa» - 92. orr.

Oihu ikaragarri, zoli, erdiragarri, emakume baten oihu bat, zabaldu zen gauean. Josu Zabaleta   «Fantasiazko ipuinak» - Guy de Maupassant - 337. orr.

Oihu garratzak izango dira Jaunaren egunean: ausartenak ere garrasi egingo du. Elizen arteko biblia   So 1,14

Oihu zorrotza egin zuen eta hortaz, jakina, ohelaguna esnatu. Burutik oinetaraino dardaraz, lurrean itzulika hasi zen, oihu lazgarria botaz. Matías Múgica   «Hiltzaile baten aitormena» - Joseph Roth - 183. orr.

Oihu errukarri haiek egiten zituztenei laguntza emateko. Karlos Zabala   «Mikel Strogoff» - Jules Verne - 155. orr.

Oso ondo entzuten nituen haien oihu zakarrak eta kolpe-hotsak. Anjel Lertxundi   «Ihes betea» - 249. orr.

Bat-batean emazteak oihu elkorra bota zuen. Itxaro Borda   «Zeruetako erresuma» - 26. orr.

Oihu petralak, maiseatze keinuak. Patxi Iturritegi   «Behi eroak» - 8. orr.

Gero, oihu handiz esan zuen hirian barrena: "Legea maite izan eta itunari eutsi nahi diotenak betoz nirekin!". Elizen arteko biblia   1 M 2,27

Mespretxuzko oihu ttiki bat egin eta... zarrast! goitik behera urratu zuen gutuna. Joxan Elosegi   «Durduzaz eta dardaraz» - Amélie Nothomb - 10. orr.

Orduan, pozezko oihu bat egin, eta estu besarkatuko luke umea. Julen Gabiria   «Peter Pan» - James Matthew Barrie - 268. orr.

Minezko oihu bat bota zuen. Julen Gabiria   «Peter Pan» - James Matthew Barrie - 219. orr.

Mila ezpata distiratsu ikusi zituen bere odolaren bila, eta beldurrezko oihu bat eginda, arrapaladan hasi zen. Julen Gabiria   «Peter Pan» - James Matthew Barrie - 285. orr.

Jendetzari alaitasunezko oihu bat jaulkitzen zaionean. Jose Morales   «Arima hilak» - Nikolai Gogol - 188. orr.

3 (hitz elkartuetan lehen osagai gisa)

Minak zulatuta, eta urrutitik bezala, ziztu eta oihu-hots handia entzun zuen. Iñaki Mendiguren   «Harry Potter eta sekretuen ganbera» - J.K. Rowling - 147. orr.

Nire inguruan dena zen oihu mordoa, zarata, berba eta gertakizun atalak. Urtzi Urrutikoetxea   «Zoririk ez» - Imre Kertész - 86. orr.

4 (hitz elkartuetan lehen osagai gisa, elkarketak izenondo balioa duela)

Behin baino gehiagotan pentsatu izan dut semeen errefusak ez ote zuen Domingo horren gizon isil eta ezkibela egin, emazte oihu-laster eta espantu-sarria ez bezalakoa. Aingeru Epaltza   «Mailuaren odola» - 96. orr.

5 (hitz elkartuetan bigarren osagai gisa)

Ufada ozena eta min-oihu bat entzun ziren. Iñaki Mendiguren   «Harry Potter eta sorgin harria» - J.K. Rowling - 71. orr.

Oihua izan zen, oihua, min oihu urragarria. Felipe Juaristi   «Airezko emakumeak» - 91. orr.

Ikara-oihu ito bat egin zitzaion eta malkoak aurpegian behera hasi zitzaizkion. Iñaki Mendiguren   «Harry Potter eta sekretuen ganbera» - J.K. Rowling - 269. orr.

Israeldar guztiak igo ziren Jaunaren itun-kutxarekin batera, poz-oihu artean, adar, turuta, txilin, harpa eta zitarak joz. Elizen arteko biblia   1 Kro 15,28

Arratsean negarrez bagaude ere, goizean berriro poz-oihuz. Elizen arteko biblia   Sal 30,6

Errudun sentituz bere burua zigortzen hasi zen, atsekabe-oihu handiz auzoko jende guztia negarrera bultzatuz. Askoren artean   «Asisko Frantzizko, Asisko Klara» - 846. orr.

Etsipen-oihu orokor bat entzun nuela esango nuke. Ramon Saizarbitoria   «Gorde nazazu lurpean» - 156. orr.

Eta haiek bestela bezala, ez bat eta ez bi, dei-oihu bakar bat ere ez! Fernando Rey   «Paradisuko Almanaka» - Gianni Celati - 77. orr.

Beti bezalako komedia egin zuten soldaduek, fusilak besaburura eta lurrera behin eta berriz aldatuz aginte-oihu zakarren arabera. Txillardegi   «Putzu» - 38. orr.

Oina ezarriko diot gainean Edomi, garaipen-oihu egingo Filisteari. bihotza erdibitzen duen gauza da, Jaungoikoari mendeku-oihu egiten diona! Koldo Biguri   «On Camillo» - Giovanni Guareschi - 155. orr.

Bigarren hilaren hogeita hiruan egin zuten han sarrera gorespen-oihu artean, palmadarrez, harpa, txilin eta lira-soinuz lagundurik. Elizen arteko biblia   1 M 13,51

Emakume oihu zoli batzuek erantzun ziguten. Josu Zabaleta   «Fantasiazko ipuinak» - Guy de Maupassant - 116. orr.

· Laguntza eske oihu larria.   - 0. orr.

6 oihupean

Gero, «denok kalera!» oihupean, ondoko plazara atera ginen inguruko auzokideak esnatzeko eta (Mal de Ojo taldearen baimenaz) mestijai honetara gonbidatzeko. Berria - Kultura   2004-06-05

7 oihuz adlag oihuka.

-Fontanisko atean zagok, zaintzaile -erantzun zion oihuz Basiliok. Josu Zabaleta   «Gauza baten ametsa» - Pier Paolo Pasolini - 111. orr.

-Zer ostia ari zarete? -oihuz- ez uka, osotara sinetsi diok zomorroi astopito horri, ezta? Aingeru Epaltza   «Rock'n'roll» - 289. orr.

Hurrena, berriz, Gregek oihuz: [...]. Xabier Olarra   «Antropologo bat Marten» - Oliver Sacks - 87. orr.

Ttotte oihuz, ezbeharra ekiditen saiatzen zen. Itxaro Borda   «Zeruetako erresuma» - 119. orr.

-Ai, jauna -hasi zen oihuz eta zotinez-, nire nagusi gaixoa, hil egin dutela. Josu Zabaleta   «Fantasiazko ipuinak» - Guy de Maupassant - 26. orr.

Jendetzaren parte handi bat lorategitik irtena zen, plaza aldera, oihuz, garrasiz eta kantuz betetzen zutela. Josu Zabaleta   «Gauza baten ametsa» - Pier Paolo Pasolini - 140. orr.

Oi, gizonok, zuei nago oihuz, eta gizasemeentzat da ene deiadarra. Xabier Kintana   «Alderraien gidaria» - Mose ben Maimon - 28. orr.

8 oihu batean adlag oihuka.

Beste guztiok oihu batean erantzun genion. Anjel Lertxundi   «Ihes betea» - 46. orr.

Regina, patioko atera irten, eta oihu batean hasi zen hoska. Josu Zabaleta   «Gauza baten ametsa» - Pier Paolo Pasolini - 129. orr.

Orduan, israeldar elkarte osoa oihu batean hasi zen, eta gau osoa negarrez igaro zuen. Jose Antonio Mujika   «Agindutako lurraren bila I» - 204. orr.

Telebistari begira daudenak oihu batean hasi dira baliogabetutako gol baten kontura. Paddy Rekalde   «Ragga-ragga dator gaua» - 125. orr.

Eta andrearen negarrak aski ez, eta seme-alabak ere oihu batean, intzirika eta elkar joka. Aingeru Epaltza   «Rock'n'roll» - 26. orr.

Gizon hura, ordea, oihu batean ari zen kantatzen. Unai Elorriaga   «Van't Hoffen ilea» - 171. orr.

Zapatak mahai azpian bota, egongelan eseri eta oihu batean: "Julia, whiskia". Alberto Barandiaren   «Mundu txikia» - 20. orr.

-Hori? -joan zitzaion ihesi Mikel Strogoffi oihu batean, baretu ezinezko amorrazioa adieraziz. Karlos Zabala   «Mikel Strogoff» - Jules Verne - 205. orr.

9 oihu bizian adlag oihu batean, oihuka.

Oihu bizian ekiten genion elkarri. Joxan Elosegi   «Ahardikeriak» - Marie Darrieussecq - 115. orr.

Partaideak oihu bizian zebiltzan, denak batera hitz egiten eta, ohi denez, lelokeria galantak esaten aurkezlearen oniritziarekin. Migel Angel Mintegi   «Denak du bere prezioa» - 24. orr.

Bazen sinagoga hartan espiritu gaiztoaren menpe zegoen gizon bat; eta oihu bizian esan zuen: [...]. Elizen arteko biblia   Lk 4,33

10 oihu egin ik oihukatu.

Orduan, Moisesek oihu egin zion Jaunari, eta Jaunak zuhaixka bat erakutsi zion. Jose Antonio Mujika   «Agindutako lurraren bila I» - 177. orr.

Oihu egiten entzun nion, eta beldurtu egin nintzen. -Hemendik -oihu egin zuen, eta lasterka hasi zen, eskaileretan gora, atari nagusira. Juan Martin Elexpuru   «Esku bakarrarekin irakurtzeko kontuak» - Pilar Cristobal - 77. orr.

-Ni! -oihu egin zuen Martinek. Koro Navarro   «Zalakain abenturazalea» - Pio Baroja - 31. orr.

-Putasemea! -oihu egin zuen-. Koro Navarro   «Zertaz ari garen maitasunaz ari garenean» - Raymond Carver - 124. orr.

-Kaixo, hankaluze! -egin nion oihu. Koldo Biguri   «On Camillo» - Giovanni Guareschi - 38. orr.

-Polizia... Polizia...! -egin du norbaitek oihu. Rafa Egiguren   «Mentxakaren aitorpena» - Jose Ramon Goikoetxea - 18. orr.

-Zer James, bukatu duzu azkenean? -egin zion oihu bere amak haren besoetara oldartuz. Lopez de Arana   «Manhattan Transfer» - John Dos Passos - 374. orr.

"Artzainak!", egin zuen oihu azkenean, saria daraman zenbakia asmatu duenaren furfuriarekin. Jose Morales   «Arima hilak» - Nikolai Gogol - 43. orr.

Oihu egin nuen: "Zerbitzaria! Monika Etxebarria   «Goragalea» - Jean Paul Sartre - 137. orr.

-Agur, Eligio! -egin zioten oihu biek, bizikletak hartu eta alde eginez. Josu Zabaleta   «Gauza baten ametsa» - Pier Paolo Pasolini - 32. orr.

-Zer dun, Justina? zergatik egiten dun oihu? -galdetu zuen Susana San Juanek. Juan Garzia   «Pedro Páramo» - Juan Rulfo - 120. orr.

-Eutsi, eutsi, irauli egingo duk eta! -egiten zion oihu. Jose Morales   «Arima hilak» - Nikolai Gogol - 68. orr.

Aldiro-aldiro oihu egiten nuen: - ea! Josu Zabaleta   «Fantasiazko ipuinak» - Guy de Maupassant - 406. orr.

Gidariak oihu egin zidan: [...]. Juan Kruz Igerabide   «Nire aitaren fusila» - Hiner Saleem - 101. orr.

Ia hasi omen ziren mutur-joka, eta komunistak, bi gizonen artean kanpora ateratzen ari zirela, mehatxuka egiten omen zuen oihu. Juan Kruz Igerabide   «Hauts bihurtu zineten» - 52. orr.

Oihu egin nuen nire barrenean: aurkitu diat! Fernando Rey   «Paradisuko Almanaka» - Gianni Celati - 116. orr.

-Esan nahi du berorrek -oihu egin zuen polizi buruak- Ivan Ogareff esku hartzen ari dela tatariarren inbasioan? Karlos Zabala   «Mikel Strogoff» - Jules Verne - 43. orr.

Ahalegin handia egin behar izan nuen ez oihu egiteko.Ongi hornituriko mahaian eserita bazaude, ez oihu egin aho zabalik: "Ederki betea dago hau!" · Marini-ren zaldunak zerura oihu eta oihu eginez segitzen zuen nire atzean. Juan Kruz Igerabide   «Hauts bihurtu zineten» - 192. orr.

Orok oihu: Biba! Koldo Izagirre   «Idi orgaren karranka» - Victor Hugo - 87. orr.

hitz multzoen maiztasunak (gutxienez 5 aldiz agertzen direnak)

aldeko oihu (7); aurkako oihu (7)

egin nion oihu (14); egin oihu (14); egin poz oihu (13); egin zien oihu (14); egin zion oihu (46); egin zuen oihu (232); egin zuten oihu (18); egiten zuen oihu (25); egiten zuten oihu (10); eske oihu (6); garaipen oihu (7)

jaunari oihu egin (7); jendearen oihu (6); kontra oihu (5); norbaitek oihu egin (8)

oihu artean (18); oihu bakar bat (5); oihu bat atera (6); oihu bat bota (7); oihu bat egin (12); oihu bat entzun (14); oihu batean (42); oihu batean hasi (8); oihu batzuk aditu (5); oihu batzuk entzun (6)

oihu egin (1111); oihu egin dio (11); oihu egin du (33); oihu egin nion (16); oihu egin nuen (36); oihu egin zidan (15); oihu egin zien (36); oihu egin zion (165); oihu egin zioten (12); oihu egin zuen (609); oihu egin zuten (32); oihu eginen (7); oihu eginez (33); oihu egingo (27); oihu egiteko (33); oihu egiten (199); oihu egiten du (16); oihu egiten zion (11); oihu egiten zuen (47); oihu egiten zuten (15); oihu egitera (7)

oihu eta oihu (6); oihu eta txalo (5)

oihu handi (8); oihu handi bat (7); oihu handia (6); oihu handiak (6); oihu handiz (17); oihu handiz esan (5)

oihu ito bat (5); oihu izugarri (5)

oihu lazgarri (6); oihu lazgarria (5); oihu lazgarriak (9)

oihu ozen (6); oihu ozenak (8)

oihu txiki (9); oihu txiki bat (7); oihu txikiak (5)

poz oihu (25)

txalo eta oihu (5)

aldeko oihua (7); aurkako oihua (5); erregu oihua (6); oihua egin (14); oihua egin zuen (8); oihua entzun (21); oihua entzun nuen (5); oihua entzuten (6); oihua izan zen (5)

aldeko oihuak (39); aldeko oihuak bota (8); aldeko oihuak egin (9); animo oihuak (9); antzeko oihuak (5); aurkako oihuak (34); aurkako oihuak entzun (7); jarraitzaileen oihuak (5); kontrako oihuak (25)

oihuak airera (5); oihuak bota (18); oihuak bota zituzten (13); oihuak egin (22); oihuak egin zituzten (12); oihuak eginez (7); oihuak egiten (9); oihuak entzun (63); oihuak entzun ziren (23); oihuak entzun zituzten (6); oihuak entzunik (6); oihuak entzutean (9); oihuak entzuten (30); oihuak entzuten dira (5); oihuak izan (6); oihuak izan ziren (6); oihuak ziren (10)

poz alaitasunezko oihuak (5)

oihuen artean (22); oihuen artean hartu (5)

oihuz bete (5); poz oihuz (14)

 



Nodoa: liferay1.lgp.ehu.eus