Bilaketa aurreratua

Ogi apurrak

Egungo Euskararen Hiztegia (EEH)

Hasiera:

oin 1 iz gizakiaren zangoaren beheko zatia, hura zutik dagoenean lurra ukitzen duena. ik hanka; zango.

Tartetxo batez geldi geratu nintzen hantxe, oin bat karelaren gainean eta bestea ontziko bizkar sendoan. Edorta Jimenez   «Sukar ustelaren urtea» - 32. orr.

-Oina hautsi dut! Joanes Urkixo   «Gerlari zuria» - 15. orr.

Oina zapaldu diola! Xabier Olarra   «Estilo-Ariketak» - Raymond Queneau - 103. orr.

Oinak dardarazten zizkidan laborria gainditurik, zutitu, eta jantoki-bagoirantz abiatu nintzen. Anjel Lertxundi   «Argizariaren egunak» - 198. orr.

Gero eta nabarmenkiago, oinak non pausa ez neukala erreparatu nuen. Txillardegi   «Putzu» - 203. orr.

Oin hura botatxo batez jantzirik zuen eta bestea, berriz, pantufla batez. Monika Etxebarria   «Goragalea» - Jean Paul Sartre - 36. orr.

Bizi da oraindik Jonatanen seme bat; elbarri ditu bi oinak. Elizen arteko biblia   2 Sm 9,3

Itsuaren begi bihurtu nintzen, elbarriaren oin. Elizen arteko biblia   Jb 29,15

Berorren mesedearen oin eta eskuak musukatzen ditut. Anjel Lertxundi   «Konpainia noblean» - 46. orr.

Lurrera bota ninduen eta eskuak eta oinak lotu zizkidan. Pello Lizarralde   «Denak hasperenka» - Gianni Celati - 102. orr.

Begi, oin eta eskuz keinuak egiten ditu engainatzeko. Elizen arteko biblia   EsZ 6,13

Baloia eskuin oinaren barrualdearekin jotzean mina sentitzen du oraindik belaunean. Berria - Kirola   2006-04-26

Buztinezko oinak dituen koloso erraldoia. Iñaki Iñurrieta   «Legeen espirituaz II» - Montesquieu - 298. orr.

Oin baten gainean zutik, Jimmyk bere orpoa ostikoka zerabilen beste oinaren puntaz. Lopez de Arana   «Manhattan Transfer» - John Dos Passos - 148. orr.

ik beherago 29. 4062

Irisarrik ikusiak zituen gizon-emakumeak dantzan, ezpainak ezpainei, eskuak eskuei, gerriak gerriei, gorputzak soinez soin eta oinez oin elkarri loturik. Felipe Juaristi   «Airezko emakumeak» - 109. orr.

Lilith Espiritu Gaiztoen Erregina oin baten gainean dantzatzen zela esan zuen. Koro Navarro   «Zortzi kontakizun» - Isaac B. Singer - 21. orr.

PP agintean dagoenetik eradu ekonomikoak «buztinezko oinak eta burdinezko bihotza» duela aipatu zuen IUko buruak. Berria - Euskal Herria   2004-03-06

Behin, lagunetako batek oinetako zauriak ikusi zizkion. ik oinetako. Askoren artean   «Asisko Frantzizko, Asisko Klara» - 364. orr.

Arropen artean eman ziguten oinetako trapua ez zela mukizapia, sasoi batez pentsatu nuen bezala. Urtzi Urrutikoetxea   «Zoririk ez» - Imre Kertész - 141. orr.

Eta lilak ziren oinetako mokasinak ere. Bernardo Atxaga   «Soinujolearen semea» - 166. orr.

2 (izenondoekin)

Urrezko zutabeak zilarrezko oinarrietan bezala dira zango ederrak oin sendoen gainean. Elizen arteko biblia   Si 26,18

Natalina haietako batean egoten zen eserita, bere zango motz eta oin luzeak atzera-aurrera kulunkatuz. Fernando Rey   «Gure etxeko kontuak» - Natalia Ginzburg - 103. orr.

Oin luzeak baldarki higitzen zituen Annaren oin txiki arin bizien atzetik. Lopez de Arana   «Manhattan Transfer» - John Dos Passos - 413. orr.

Nora zaramatzate orain zuen oin zaluek? Jose Morales   «Arima hilak» - Nikolai Gogol - 204. orr.

Ixkina batean laga eta atea ixten nuenean, haren oin lodiak igar nitzakeen arrastaka, animalia bat izango balitz bezala. Jasone Osoro   «Korapiloak» - 16. orr.

Ezpain zartatuak laztandu eta berehala, besaulkirantz herrestatu zituen oin astunak. Aritz Gorrotxategi   «Egurra Pinotxori» - 74. orr.

Karrikara atera ziren esku hutsak zeruari eta oin hutsak lurrari erakutsiz. Felipe Juaristi   «Airezko emakumeak» - 72. orr.

Oin minberatuak goxatzen. Karlos Zabala   «Parisen sabela» - Emile Zola - 262. orr.

Astrakan-larruzko jaka luzea soinean eta puntuzko txapinak oin biluzietan. Jose Morales   «Arima hilak» - Nikolai Gogol - 326. orr.

Oin biluzietako behatzetan ere bazegoen plazerra azal eta hatz-oskol leunen kontaktutik hasita. Harkaitz Cano   «Pasaia blues» - 100. orr.

Zango motz sendoak zituen, zuhaitz-enborrak bezalakoak, eta oin zapalak babaz beteak. Iñaki Mendiguren   «Harry Potter eta Azkabango presoa» - J.K. Rowling - 158. orr.

Ohean eserita, bizarrik gabeko gizon bat, masail-irtena, logale-aurpegiarekin, oin iletsuak lurrean, isilik. Jose Morales   «Zazpi urkatuak» - Leonid Nikolaievitx Andreiev - 172. orr.

Oin zikinak eguzkiaren argi hitsean astintzen. Lopez de Arana   «Manhattan Transfer» - John Dos Passos - 42. orr.

Haren oin nekatuetako oinetakoen lokarriak askatzeko. Mirentxu Larrañaga   «Hona hemen gu biok» - Dorothy Parker - 260. orr.

Delikatuki ibiltzen oin behatz-itsusi, gorrien gainean. Koro Navarro   «Artistakume baten erretratua» - Dylan Thomas - 200. orr.

Nor aldera ziezaiokeen Merkurio oin hegodunaren debozioa asimila zezakeenik? Pello Zabala   «Naturaren mintzoa» - 303. orr.

3 (hitz elkartuetan lehen osagai gisa)

Gizonaren oin-urratsa neurtu zuten eta hori aplikatu zuten altuera neurtzeko. Santiago Iruretagoiena   «Arkitekturaz hamar liburuak» - Vitruvio - 1810. orr.

Poliki-poliki, oin pauso neurtuez, baltseoan bezala, erdiko bidetik jo zuten, gizonezkoen txistu eta emakumezkoen txaloak lagun. Felipe Juaristi   «Itzarri nahi ez zuen printzesa» - 273. orr.

Txalo, oin-zarta eta kantuketa erritmikoan murgildu zen, eta oihuka hasi: [...]. Xabier Olarra   «Antropologo bat Marten» - Oliver Sacks - 87. orr.

Oin-zolen gainean dabiltzan lau zangodun piztia guztiak. Elizen arteko biblia   Lb 11,25-28

Basa herrira itzultzeko bideari ekin genionean, lehen izarren pean, harea sutan zen oin zolen azpian. Juan Garzia   «Ipuin hautatuak» - Jorge Luis Borges - 123. orr.

Nonahi ezar daitezke kableak: besapeetan, bularretan, esku edo oin muturretan, zango artean, belarrian, mihian... ik bererago 29. Xabier Montoia   «Elektrika» - 94. orr.

Neska gazte bat bere zango-aztal eta oin-eri minberen artatzen ari da. Piarres Aintziart   «Santiago oinez» - 117. orr.

Eguzkiak jotzen zuen lekuetan egurrezko lurzorua bero zegoen, haren oin-azpiek sumatu zutenez. Lopez de Arana   «Manhattan Transfer» - John Dos Passos - 331. orr.

Zapatak hartu zizkion -oin-gain altukoak eta lokaztuak-, esanez: -barkatu. Anton Garikano   «Maitea» - Toni Morrison - 212. orr.

Jendeek uretarako begilagunak eta oin-hegalak jantzita igurikatu zituzten. Berria - Euskal Herria   2004-06-22

Alfonbraren gainean, han-hemen, espartzuzko oin-tapizak. Jon Muñoz   «Loroaren teorema» - Denis Guedj - 42. orr.

Lekaioak [...] atetila danbateko batez itxi, oin-oholak gora bildu, eta, kalesaren atzealdeko uhalari helduta, gidariari oihukatu zion: "Aurrera!". Jose Morales   «Arima hilak» - Nikolai Gogol - 261. orr.

Oin-aulki baten gainera igan zen eta, mintzatzen hasi aitzin, jendetzari beha egon zen, aski luzaz. Elena Touyarou   «Hautsi da katea» - Toti Mtz. de Lecea - 76. orr.

4 (hitz elkartuetan lehen osagai gisa, elkarketak izenondo balioa duela)

Bazela han gazte bat, zeinaren lepoa baitzen jirafa oin-lasterrarena baino luzeagoa. Xabier Olarra   «Estilo-Ariketak» - Raymond Queneau - 107. orr.

5 (hitz elkartuetan bigarren osagai gisa)

Urrezko giza oin erraldoi bat, zelai urdin batean. Koro Navarro   «Kontakizunak» - Edgar Allan Poe - 121. orr.

Bere neskatxa-oin mehe biluzietan sandaliak jantzita. Fernando Rey   «Gure etxeko kontuak» - Natalia Ginzburg - 251. orr.

6 hainbat animalietan, hanka bukatzen den zatia. ik apo.

Munstro gaiztoa eta orrolaria, hamabi oin oker eta sei lepo luze dituena. Juan Kruz Igerabide   «Ulises» - Homero - 82. orr.

Usoek, zumezko erretiluetan estu-estu, inuzenteen azal biluzi samurra zuten; ahateek, azala gogorrago, beren igeri oinak zabal-zabal zeuzkaten. Karlos Zabala   «Parisen sabela» - Emile Zola - 272. orr.

7 hainbat gauzakitan, lurra ukitzen duen zatia.

Plutarkoren liburua oin bakarreko mahai baten gainean gelditu zen zabalik, han jarri baitzuen don Ottaviok. Jon Muñoz   «Loroaren teorema» - Denis Guedj - 488. orr.

Zortzi ohol hauek zilarrezko hamasei oin izango dituzte, ohol bakoitzeko bi oin. Elizen arteko biblia   Ir 26,25

Haren zangoak marmolezko zutabe, urre gorrizko oin gainean jasoak. Elizen arteko biblia   Kt 5,15

On Camillok gurutzearen oina euskarrian sartu eta zuzen-zuzen abiatu zen Pepponerenganantz. Koldo Biguri   «On Camillo» - Giovanni Guareschi - 187. orr.

Uraska eta oina brontzezkoak egin zituen. Elizen arteko biblia   Ir 38,8

Belek haizea ez dutelako hartzen berez zentroaren lekua den masta-oinaren ondoan. Santiago Iruretagoiena   «Arkitekturaz hamar liburuak» - Vitruvio - 4790. orr.

Salaren beste ertzera eraman duzu begirada, arrastaka altzari eta alfonbren gainetik, eta ikusi duzu senarra oin-lanpararen argi horian. Lourdes Oñederra   «Eta emakumeari sugeak esan zion» - 38. orr.

8 bertso lerroaren osagaia den eta hura neurtzeko erabiltzen den silaba multzoa; bertsolaritzan, hitz puntuduna.

Poemetan ere berdin, doinuaren metrikak eta oinak, eta hitzen eta esamoldeen banaketa txukun eta dotoreak [...] irakurlea liluratu egiten dute, eta inolako eragozpenik gabe, liburuaren bukaeraraino eramaten dute. Santiago Iruretagoiena   «Arkitekturaz hamar liburuak» - Vitruvio - 2130. orr.

Diskurtsoa koherentziaz taxutzeko aukera emango dioten oinak bilatzen ditu, eta "flako" eta "gerorako" aurkitu ditu haien artean. J. Garzia / A. Egaña / J. Sarasua   «Bat-bateko bertsolaritza» - 213. orr.

"Mesede" oina gorde du horretarako bertsolariak, lotura hori aise egin ahal izateko, hain zuzen ere. J. Garzia / A. Egaña / J. Sarasua   «Bat-bateko bertsolaritza» - 194. orr.

Ximunek gaitzeko bertsu polita jalgi du lau oinak emanik. Herria   2005-06-23

Bertso bakoitzean kategoria gramatikal desberdinetako oinak nahasten zituen. Andoni Egaña   «Hogeita bina» - 126. orr.

Ba lau oinak ematearena asmatu berritan, entzule arruntarentzat lantegirik zailena horixe zen, eta miretsi egiten zituen bertsolariak bestek emandako lau oin nola edo hala josten zituelako! Andoni Egaña   «Hogeita bina» - 140. orr.

Saioz saio ibiliko bagina, berandu gabe ohartuko ginateke oinak eta puntu erdiak ez ezik, ideia on askoak ere errepikatzen direla, ez beti gai berarekin, ez beti bertsolari beraren ahotik. Berria - Kultura   2004-06-03

Lau oin horiekin ez dago itxurazko bertsorik osatzerik. Andoni Egaña   «Hogeita bina» - 127. orr.

Aukeraturiko oinak gogoan antolatzen ditu, diskurtso ahalik eta koherenteena eta osoena bilbatzeko egokientzat jo duen ordenan. J. Garzia / A. Egaña / J. Sarasua   «Bat-bateko bertsolaritza» - 189. orr.

9 oinarria, euskarria.

Lisatzeko oholaren oina desarmatu nuen. Jesus Mari Mendizabal   «35 kilo esperantza» - Anna Gavalda - 31. orr.

Mattinen aitzinean aitak mesprezatu egiten ninduen, zeren eta hura baitzen etxeko oina eta harroina, eta ni zoko batean galdu haizea. Joan Mari Irigoien   «Lur bat haratago» - 193. orr.

Aineza nik ere haren trebezia, [...] neure burutazio eta ideiei gorputz emaiteko, gorputz sendo bat, zeinak harria den hitza eta hitza den harria bailituzke oin eta zimendu! Joan Mari Irigoien   «Lur bat haratago» - 13. orr.

Prezioa santutegiko pisu-neurriaren arabera zilarrezko txanponetan ordainduko da, oin-txanpona hamar gramokoa delarik. Elizen arteko biblia   Lb 27,25

Eta halabehar honek adirazten du, ahaztuxe badugu ere, zeruko jainkotasun guziek lurreko gizakian dutela oin. Patziku Perurena   «Harrizko pareta erdiurratuak» - 101. orr.

· Serumaren poltsa eusteko oin metalezkoa tatarrazka zeramala, ematen zuen autobuseko barrari helduta zihoala danbalaka. Hasier Etxeberria   «Mutuaren hitzak» - 49. orr.

Mikrofono-oina zapaldu, zutitu, mikrofonoa altueran egokitu, marranta-hotsak, gorputz-zalantzaren bat agian... J. Garzia / A. Egaña / J. Sarasua   «Bat-bateko bertsolaritza» - 226. orr.

10 eraikinez mintzatuz, zimenduen sekzioaren planoa. ik oinplano.

Caecilia Metella-ren hilobia aurkituko dugu, Campagna-ko hondakinik ospetsuena, hogei metroko diametroa duen eraikin biribila, oin laukiduna, travertinoz estalia. Joxe Austin Arrieta   «Homo Faber» - Max Frisch - 175. orr.

Oin karratuko dorretxe antzeko bat da Olasagasti. Xabier Mendiguren Elizegi   «Arbelaren gainean» - 63. orr.

11 estaia.

Etxe guztiak familia bakarrekoak ziren, oin bakarrekoak. Jon Muñoz   «Ispiluen gainean lotan» - Jordi Sierra i Fabra - 145. orr.

Karrika zabal gisan antolatuak, hiru oin baino gehiagoko eraikinak. Aingeru Epaltza   «Rock'n'roll» - 57. orr.

Oin bakoitzean gelak zabalagoak ziren, eta tenpluko horma, berriz, estuagoa; barreneko oinetik bitartekora igarotzen zen, eta honetatik gorenekora. Elizen arteko biblia   Ez 41,7

12 hainbat gauzaren behealdea.

Prentsan, argazki edo irudiren baten azpiko testuari "oin" deritzo. Joxerra Garzia   «Egonean doazen geziak» - 160. orr.

Azpiko oin batek zer zioen ere buruz dakizu oraindik: "maquisard de l'ETA a l'entrainement". Rafa Egiguren   «Mentxakaren aitorpena» - Jose Ramon Goikoetxea - 239. orr.

Ohearen oin aldetik begiratu diozunean, Luisi oso urrutitik ari zintzaizkiola iruditu zaio. Lourdes Oñederra   «Eta emakumeari sugeak esan zion» - 90. orr.

Arnas beharrean egongo balitz moduan jesarri zen Joselu baldosen gainean, ohearen zurezko oina bizkarraren euskarri. Josu Landa   «Odolbildua» - 105. orr.

Argazki-oinak, bakoitza zegokion tokian. Aingeru Epaltza   «Rock'n'roll» - 88. orr.

ik beherago 28. 4136

Pixkanaka-pixkanaka, letrak baretzen dira eta argazki-oina irakurtzen dut. Anjel Lertxundi   «Zorion perfektua» - 88. orr.

Elurra ageri da Katarain estudioaren inguruetan, eta Txindokiren oina ere zurituta dago. Berria - Kultura   2004-03-11

Eugene Domack zientzialari taldeko buruaren arabera, sumendiaren oina 700 metroko sakoneran dago, eta tontorra, berriz, 275 metroko sakoneran. Berria - Gaiak   2004-05-23

Bular eder haiei so, Fuji mendiaren tankera zuen kopetako ile-oinaren lerroa jarraitzen saiatu zen hatz baten muturrarekin. Ibon Uribarri   «Loti ederrak» - Yasunari Kawabata - 95. orr.

13 luzera neurri zaharra, 30 bat cm balio duena.

Hortik ateratzen da oinak hamasei hatz dituela, eta brontzezko denarioak ere beste hainbeste as dituela. Santiago Iruretagoiena   «Arkitekturaz hamar liburuak» - Vitruvio - 1530. orr.

Agerian geratzen zen horma hartan, beste sakonune bat ikusi genuen, lau bat oin luze, hiru bat oin zabal eta sei edo zazpi oin garai. Koro Navarro   «Kontakizunak» - Edgar Allan Poe - 123. orr.

Oin bat inguru luze zela mutur batetik besterako distantzia. Koro Navarro   «Kontakizunak» - Edgar Allan Poe - 107. orr.

"Labar txiki" hura, harkaitz beltz distiratsuzko amildegi babesgabea, hamabost edo hamasei bat oin gora altxatzen zen azpian genuen harkaitz mordotik. Koro Navarro   «Kontakizunak» - Edgar Allan Poe - 58. orr.

Barruan bi oin zabaleko hormak egin beharko ditu. Santiago Iruretagoiena   «Arkitekturaz hamar liburuak» - Vitruvio - 1150. orr.

Atzetik pilastra batzuk dituzte atxikita, hogei oin altu, bi oin eta erdi zabal eta oin eta erdi lodikoak. Santiago Iruretagoiena   «Arkitekturaz hamar liburuak» - Vitruvio - 2190. orr.

Begira lehen txorrotadaren aztarnak: hamar oin baino urrunago joan da. Juan Martin Elexpuru / Bego Montorio   «Filosofia apaingelan» - Sade - 176. orr.

Bi prentsa jarri behar badira leku horretan, hogeita lau oin emango zaizkio zabalean. Santiago Iruretagoiena   «Arkitekturaz hamar liburuak» - Vitruvio - 2950. orr.

Larru-zati haiek oin karratu batekoak ziren, orladunak eta diseinuz apainduak. Iñaki Mendiguren   «Historiaren azterketa II» - A.J. Toynbee - 77. orr.

Boliviak 48,7 bilioi oin kubiko gas erreserba ditu orotara. Berria - Mundua   2006-05-02

14 ingeles neurri sisteman, 30.5 cm-ren baliokidea den luzera neurria.

Ur, Oxford bezala, "kausa galduen egoitza" gertatu da; nahiz eta, ziur egoteko, Ur-en kausa ez egon erabat galdua, ingelesek oin batean 12 hazbete eta txelin batean 12 penny zenbatu bitartean. Iñaki Mendiguren   «Historiaren azterketa II» - A.J. Toynbee - 76. orr.

39.000 oinetako altueran gaude, , baina norbaitek aireportuko lurrean esandako hura datorkit gogora: hau adiskidantza eder baten hasiera izan liteke! Pako Aristi   «Venezuela, iraultza isilaren hitzak» - 12. orr.

· Emanen dizkio sei oin ingeles lur eta, hain handia denez, bat gehiago. Juan Garzia   «Ipuin hautatuak» - Jorge Luis Borges - 177. orr.

15 oinez

Milizianoak eta gudariak mendebalerantz abiatu ziren kamioietan, autoetan, motorretan, bizikletan edo oinez, mendirik mendi oinez ere bai batzuk. Joseba Sarrionandia   «Kolosala izango da» - 78. orr.

Kolegiora joan beharko nuen egunero, bizikletaz, trenez, oinez. Bernardo Atxaga   «Soinujolearen semea» - 109. orr.

Oinez ibiltzeko gauza ez zenean, astotxo baten gainean ibiltzen zen lurraldean zehar. Askoren artean   «Asisko Frantzizko, Asisko Klara» - 243. orr.

Oinez ibiltzeko Pirineotan trebeska, behar da osasun edo osagarri azkarrekoa izan. Angel Aintziburu / Jean Baptiste Etxarren   «Luzaiden gaindi» - 109. orr.

Bat-batean bizikletatik jaitsi eta oinez korrika hasi zen. Koldo Biguri   «On Camillo» - Giovanni Guareschi - 232. orr.

Oinez ttipi-ttapa joanda ez da igo ezin den aldaparik! Pako Aristi   «Gauza txikien liburua» - 84. orr.

Norantza berean gindoazen biok oinez. Harkaitz Cano   «Neguko zirkua» - 36. orr.

Frantziako Tolosakoak, omen, eta Oloronetik oinez abiatuak. Piarres Aintziart   «Santiago oinez» - 149. orr.

Oinez itzuli ginen Via Appian barrena. Joxe Austin Arrieta   «Homo Faber» - Max Frisch - 182. orr.

Igaroko gara oinez haren etxe ondotik. Oskar Arana   «Brooklyngo erokeriak» - Paul Auster - 98. orr.

Igogailua hondatuta dagoenez, oinez igo behar hiru pisu. Patxi Iturritegi   «Behi eroak» - 47. orr.

Igogailuari deitu, eta oinez jaitsi nintzen. Karlos Linazasoro   «Ez balego beste mundurik» - 87. orr.

Harritu egin nau aldaketak bat-batean: lehen kalean oinez ikusten nuen gehienetan. Pako Aristi   «Note book» - 20. orr.

Bi ordu inguru behar dira Azpeititik oinez. Iñigo Aranbarri   «Sakabi, soinu txikiaren handitasuna» - 7. orr.

Zenbait ordu oinez egin ondoren, [...] herritxoari eusten dion harritzar hartara iritsi nintzen. Josu Zabaleta   «Fantasiazko ipuinak» - Guy de Maupassant - 310. orr.

Egin genituen oinez hirurehun bat urrats, eta leizearen ahorat heldu ginen. Joan Mari Irigoien   «Lur bat haratago» - 130. orr.

Oinez bost egunez ibili ondoren, iritsi zen mugara. Gotzon Garate   «India harrigarria» - 137. orr.

Ordu erdi bat bai, oinez. Txillardegi   «Putzu» - 314. orr.

Umeak oinez ikasten duen moduan bizitzan ibiltzen ikasi. Xabier Mendiguren Elizegi   «Arima enkoniatuak» - 162. orr.

Igerian oinez baino lehen ikasi duela esana du Goreauk, eta urpekaritzan oso gazte hasi zela. Berria - Gaiak   2004-10-10

Jaio orduko oinez irakasten diozu, zutik bizitzeko aukerarik izango duen ez dakizu baina. Joxerra Garzia   «Egonean doazen geziak» - 112. orr.

Arrieta, hik ez dakik oinez uretan! Koldo Izagirre   «Sua nahi, Mr. Churchil?» - 11. orr.

16 aditz oin ik erro.

Partizipioa eta aditz oina bereiztea, hau da, ikusi du eta sartu da, baina ikus daiteke, sar hadi. Koldo Zuazo   «Euskara batua» - 156. orr.

Mendebalean, erdialdean eta euskara nafarreko hizkera batzuetan galdu egin da aditz oina. Koldo Zuazo   «Euskararen sendabelarrak» - 199. orr.

17 esku oin [65 agerraldi, 9 liburutan] pl eskuak eta oinak. ik beherago 23.

Rafaelek, atzetik joan, heldu, eta esku-oinak lotu zizkion. Jose Antonio Mujika   «Agindutako lurraren bila II» - 119. orr.

Esku-oinak garbituko dituzte, beraz, hil nahi ez badute. Elizen arteko biblia   Ir 30,21

Ondoren zurbildu egin zaizkie aurpegiak, gogortu esku-oinak, zurrundu hezurrak. Felipe Juaristi   «Airezko emakumeak» - 86. orr.

Niri ere ezinbestekoak zitzaizkidan Dabiden presentzia eta berotasuna; nik uste baino beharrezkoagoak haren esku-oinen epeltasun babesgarria neguko gau hotzetan. Patxi Zubizarreta   «Jeans-ak hozkailuan» - 17. orr.

Igo zen, beraz, Jonatan katamarrean, esku-oinez lagundurik, ezkutaria ondoren zuela. Elizen arteko biblia   1 Sm 14,13

Iltzeen seinaleak hasi zitzaizkion esku-oinetan agertzen. Askoren artean   «Asisko Frantzizko, Asisko Klara» - 241. orr.

18 guda (orobat gudu) oin gudu lerroa. ik fronte.

-Bihar ez dago Solluberik -esan zigun guda-oinetan izan osteko haietako batean-. Edorta Jimenez   «Kilkerren hotsak» - 122. orr.

Guda-oinetan tiro egiteko zen norbait geratzen zen artean eustea zen geratzen zitzaiguna. Edorta Jimenez   «Kilkerren hotsak» - 149. orr.

Kontraeraso bat izan zela jakin nuen, eta atzera eginarazi zietela alemaniarrei, eta berriro armaz hartu zituztela gure gudu-oineko lubakiak. Mirentxu Larrañaga   «Peaceful soldadua» - Michael Morpurgo - 160. orr.

Guda-oinean ongi zihoan aurrerabidea, orratzek zulatutako AEBetako kartografian barrena. Harkaitz Cano   «Belarraren ahoa» - 81. orr.

Guda oinean hegazkin bat tximista batean igarotzen denean, alemaniarra da ziur. Josu Zabaleta   «Gerrako pilotu» - Antoine Saint-Exupéry - 23. orr.

19 oin arrasto

Patriciaren oin arrastoak zaldi batenak bezain handiak ziren elur gero eta lodiagoan. Koro Navarro   «Artistakume baten erretratua» - Dylan Thomas - 69. orr.

Santa Kruzek eta bere mutilek Aranora elurretan oin-arrastorik utzi gabe egin zuten bidaiarena... Anjel Lertxundi   «Konpainia noblean» - 245. orr.

Belauniko jarri zen lurrean eta hurbil-hurbiletik miatu zuen ingurua, kandela baten argitan, oin-arrastoren bat topatzeko esperantzarekin. Julen Gabiria   «Peter Pan» - James Matthew Barrie - 35. orr.

Gauza bera diote San Joanengatik: hiru urrats egin omen zituen Bermeotik Gaztelugatxera eta han omen daude oin-arrastoak. J.M. Olaizola "Txiliku"   «101 gau» - 197. orr.

20 oin azpi iz

Gune txiki batzuk baino ez ditu gorputzak batere hilerik gabeak, hala nola oin azpiak eta esku ahurrak. Irene Aldasoro   «Giza gorputza lanean» - John Lenihan - 81. orr.

Brasildarrak oin azpia minberatuta daukalako iragan asteburutik. Berria - Kirola   2004-03-31

Eguzkiak jotzen zuen lekuetan egurrezko lurzorua bero zegoen, haren oin-azpiek sumatu zutenez. Lopez de Arana   «Manhattan Transfer» - John Dos Passos - 331. orr.

Zakurrek oin azpietan -horregatik beren urrats hezeak- eta muturrean bakarrik dituzte izerdi guruinak. J.M. Olaizola "Txiliku"   «101 gau» - 68. orr.

21 oin azpi (toki atzizkiekin singularrean)

Ez zuten sentitzen lurra oin azpian, ez denboraren joana, ezta beren burua ere. Jose Morales   «Zazpi urkatuak» - Leonid Nikolaievitx Andreiev - 45. orr.

Zapal ezazue oin azpian, zatitxo bat ere gera ez dadin! Jose Morales   «Zazpi urkatuak» - Leonid Nikolaievitx Andreiev - 165. orr.

Euren oin azpitik, ibaiak piloteak milikatzen zituen. Lopez de Arana   «Manhattan Transfer» - John Dos Passos - 404. orr.

Hatz, esku-ahur eta oin azpiko azal sendoa bero-isolatzaile ona da. Irene Aldasoro   «Giza gorputza lanean» - John Lenihan - 68. orr.

Edozein egunetan lapurrek gure oin-azpiko lurra ere eraman dezakete. J.M. Olaizola "Txiliku"   «101 gau» - 129. orr.

22 oin bular ik oinbular.
23 oin-esku [3 agerraldi, 2 liburutan] pl oinak eta eskuak. ik gorago 17.

Haren gorputza, haren oin-eskuak, haren hortzak eta haren burua Estatu Batuetan baziren ere, Frantzian zen haren arima. Felipe Juaristi   «Airezko emakumeak» - 236. orr.

Etxe batera iritsi zenean, oin-eskuak mailatuak zeuzkan, ziztada gorriz handituak, odoletan. Karlos Zabala   «Parisen sabela» - Emile Zola - 139. orr.

24 oin hartu

Gehiegi irekitzen bada, berriz, trumilka aterako da ura, eta hartzaile egarrituaren esku-ahurretan oin harturik, gainezka egingo du, geiser baten moduan. Joxerra Garzia   «Egonean doazen geziak» - 161. orr.

Maimonek dio filosofia atomista hori funtsean 12 baiespenetan oinarritzen dela, eta gero, berorietan oin hartuta, unibertsoaren sorrera eta Jainkoaren existentzia, bakartasuna eta gorpuzgabetasuna frogatzen ditu. Xabier Kintana   «Alderraien gidaria» - Mose ben Maimon - 8. orr.

Halako jauzi boteretsuari esker sendoki oin hartu zutela uste izan ondoren jadanik determinatutako adigaia. Ibon Uribarri   «Arrazoimen hutsaren kritika» - Immanuel Kant - 225. orr.

25 oin hezur (corpusean oinezur soilik)

Eta lehenik zer ikusi zuten? burezurra! eta bi oinezurretako zatiak ere ikusi zizkiotean! eta hala jakin zitean, eskeletoaren gainerako puskak ehortzita zituen arren, ahoz gora hil zela munstroa. Joan Mari Irigoien   «Oilarraren promesa» - 17. orr.

Izan ere, lur barruko suan gelditutako deabruak Luziferri isatsetik tiraka hasi zitzaizkionean, ipur-konkorreko zatiak beheraka egin zian, eta oinezurrek eta buruak goraka. Joan Mari Irigoien   «Oilarraren promesa» - 20. orr.

26 oin hots (64 agerraldi, 29 liburu eta artikulu 1ean; orobat oinots 18 agerraldi, 13 liburutan)

Oin hotsa guganantz zetorren. Alberto Ladron Arana   «Eguzki beltzaren sekretua» - 120. orr.

Oin hotsak goiko solairuan. Harkaitz Cano   «Neguko zirkua» - 187. orr.

Haien oin-hotsak galdu ziren. Anjel Lertxundi   «Ihes betea» - 274. orr.

Joanesen oin-hotsak arinak ziren, noski, eta entzungarriak, baiki. Felipe Juaristi   «Itzarri nahi ez zuen printzesa» - 26. orr.

Oin-hots bizkorrak eta lekuz aldatutako altzarien zaratak entzun ziren. Jon Muñoz   «Loroaren teorema» - Denis Guedj - 154. orr.

Big Lannieri bihotza taupaka hasi zitzaion, herio larrian, ikusirik Raymondek ez ziola aterik zabaldu bere oin-hotsak entzutean. Mirentxu Larrañaga   «Hona hemen gu biok» - Dorothy Parker - 271. orr.

Oinezkoen oinotsa eta bidezkoen ahotsa besterik ez zen entzuten. Jon Muñoz   «Loroaren teorema» - Denis Guedj - 322. orr.

Zure oin-hotsa baratzean entzun dudanean, beldurtu eta gorde egin naiz, biluzik nagoelako. Elizen arteko biblia   Has 3,10

27 oin hutsik ik oinuts 3.
28 oin ohar (orobat oinohar g.er.)

Oin-oharrak argi eta garbi uzten zuen zein zen izenburua: "Elsa Braun, Alsfed, Germany". Iban Zaldua   «Itzalak» - 45. orr.

Erreferentzia oin-oharretan ematen baduzu, parentesiak ez dira beharrezkoak. Askoren artean   «Filosofiako gida» - 372. orr.

Hemen aipatu ditugun emakume izen zifratuak editorearen oin-ohar batean baino ez dira aipatzen, modu azkar batean aipatu ere, inolako azalpenik eman gabe. Iñaki Arranz   «Hitza azti» - 253. orr.

Joseba Sarrionandiak Manuel Bandeiraren antologian hitz honi egiten dion oin ohar batean, etxeorratz ez duela gustuko aipatzen du. Harkaitz Cano   «Piano gainean gosaltzen» - 5. orr.

Liburuaren sarreran, lehen oin-oharrean (9. or.), Cachok dio nola Iñigo izenez bataiatu zuten Loiolako txikia. Patxi Altuna   «Gogojardunak» - Inazio Loiolakoa - 27. orr.

Saio honek lehen idazketa bat 1899an izan du (ik. Joxe Azurmendi   «Espainiaren arimaz» - 137. orr.

1063 or., 2. oin-oharra). Iban Zaldua   «Itzalak» - 45. orr.

Arraza berba ez da behin ere ageri; odola, Herodoto-ren aipu bezala bakarrik, eta oin-oharrean. Joxe Azurmendi   «Espainiaren arimaz» - 236. orr.

Oin-ohar hau B-ko eransketa da (Itz[ultzailearen] oh[arra]). Herria  

Argazkiaren oin-oharra irakurri nuenean ez nintzen larritu; atsekabe-ziztada bat sentitu nuen nire baitan, asko jota. Iban Zaldua   «Itzalak» - 45. orr.

29 oin ortozik adlag

Galtzontzilotan, oin ortozik, lerroari segitzen diot, ea nora. Iñigo Aranbarri   «Hizlandia» - 144. orr.

ik ortozik. 16313

30 oin punta (orobat oinpunta g.er.)

Ohitura du ordu laurden osoan oin orpoen eta oin punten gainean balantzaka aritzeko. Josu Zabaleta   «Anne Franken egunkaria» - Anne Frank - 207. orr.

Oin puntekin oin gainak ukitu dizkio Elenari eta, aldi berean, besapea miazkatu dio. Eider Rodriguez   «Eta handik gutxira gaur» - 157. orr.

Isilka eta oin-puntetan joan ziren korridore ilunean aurrera, ate beldurgarrirantz. Jose Morales   «Zazpi urkatuak» - Leonid Nikolaievitx Andreiev - 171. orr.

Bere amaren logelara oin-puntetan itzuli, gerruntzea eta jantzia jaso eta armairuan eseki zituen. Lopez de Arana   «Manhattan Transfer» - John Dos Passos - 129. orr.

Oin puntetan jarri eta berriro joan nintzen ispilura oker bat ote zen ikusteko. Pello Lizarralde   «Denak hasperenka» - Gianni Celati - 150. orr.

Berealdiko zehaztasunez egin zituen hemezortzi ariketak: bere gorputz gazte argaldu samarra luzatu, makurtu, arnasa hartu eta bota, oin-puntetan ipini, besoak eta hankak altxatu. Jose Morales   «Zazpi urkatuak» - Leonid Nikolaievitx Andreiev - 76. orr.

Gauez altxatzen zen nire anaia oin puntetan, lo nengoelakoan, eta ilehoriaren atea jotzera joaten zen. Pello Lizarralde   «Denak hasperenka» - Gianni Celati - 178. orr.

Zientziak oin-puntetan aurrera egiten du, ez urratsetan, horiek zarata gehiegi ateratzen baitute. Berria - Gaiak   2006-03-07

31 oin zola (orobat oinzola)

Zangoak zuzenak, eta oinzolak zekorren apatxarenak bezalakoak, brontze leundua bezain distiratsu. Elizen arteko biblia   Ez 1,7

Ezkonduta dago, eta katolikoa da burutik oin-zolaraino. Oskar Arana   «Brooklyngo erokeriak» - Paul Auster - 96. orr.

Kilimak egiten zizkidan alfonbra lodiak oin-zoletan. Koldo Izagirre   «Sua nahi, Mr. Churchil?» - 13. orr.

Eguzkiak bero galdatan zeukan lautada; basa herrira itzultzeko bideari ekin genionean, lehen izarren pean, harea sutan zen oin zolen azpian. Juan Garzia   «Ipuin hautatuak» - Jorge Luis Borges - 123. orr.

Belarrietan eztanda egiten zigun, eta ikara izugarria barreiarazten zuen dorrean zehar, gure oin-zoletan dardara eragiteraino. ez irristatzeko, oin-zolak zoruaren kontra tinko zapaltzea beste biderik ez dut; hotza dago. Mirentxu Larrañaga   «Peaceful soldadua» - Michael Morpurgo - 86. orr.

Ene oinzolen oinaulkia. Xabier Kintana   «Alderraien gidaria» - Mose ben Maimon - 112. orr.

32 oina eman

Hitzaren lehenengo letrek oina emango balute bezala. Iñaki Arranz   «Hitza azti» - 46. orr.

Bakearen alde egin zuen topa, latinez hark ere, Irujorenak oina eman izan balio bezala. Inazio Mujika Iraola   «Gerezi Denbora» - 100. orr.

Albistegiari azken oina ematen dion jotaren marrumak urratua egin dio haizeari. Aingeru Epaltza   «Lasto sua» - 20. orr.

33 oina hartu

Gutxienez bostehunen bat metro egin beharko nituen ibaian goiti, oina hartu ahal izateko belarrik edo ihirik ez zen lekuren bat aurkitzeko. Josu Zabaleta   «Fantasiazko ipuinak» - Guy de Maupassant - 95. orr.

Horiek dira ezezkotik abiatzen direnak; baiezkoan oina hartzen dutenak ("bai eta bai", "bai baina ez") besterik dira. Iñaki Segurola   «Gaur ere ez du hiltzeko eguraldirik egingo» - 24. orr.

34 oinak lurrean

Zure erabaki zuzena zekarren, ezpata zorrotza bailitzan, eta gelditzean, heriotza zabaldu zuen nonahi; oinak lurrean zituela, zerua ukitzen zuen. Elizen arteko biblia   Jkd 18,16

· irud/hed -Oinak lurrean ditu, esaerak dioen bezala. Oskar Arana   «Brooklyngo erokeriak» - Paul Auster - 109. orr.

Baina, jakina, beti izaten da laguntzaile desinteresatu bat oinak lurrean jartzen laguntzen diguna. Bernardo Atxaga   «Soinujolearen semea» - 181. orr.

Baina erlatibizatu egin behar da, eta oinak lurrean izan, jaso laudorioak, jaso gaitzespenak. Ana Urkiza   «Zortzi unibertso, zortzi idazle» - 358. orr.

Hik oinak lurrean jarrita bizi behar duk, baina ahaztu gabe baloia duala eguzki, eta lurrak eguzkiaren inguruan jiratzen duela. Berria - Kirola   2004-03-31

Jaime Barriuso presidenteak oinak lurrean dituela dio. Berria - Kirola   2004-11-18

· Oinak lurraren gainean nituela jardun nahi nuen behingoz, eta nondik nora nabilen ez dakidala gelditu naiz. Iñaki Segurola   «Gaur ere ez du hiltzeko eguraldirik egingo» - 211. orr.

hitz multzoen maiztasunak (gutxienez 3 aldiz agertzen direnak)

bi oin luze (3); esku eta oin (3)

oin arin (4); oin arrastoak (3); oin atz (3); oin azpiak (3); oin azpian (17); oin azpietan (3); oin baino handiagoa (5); oin baino txikiagoa (3); oin bat zabal (4); oin beteko (3); oin biak (3); oin bien gainean (3); oin biluziak (4); oin biluzien (4); oin dituztela (4)

oin emango (3); oin erdi (5); oin eskuak (3); oin eta erdi (9); oin eta erdiko (5); oin eta esku (3); oin gainean (3); oin handiak (3); oin hartu (18); oin hartu du (11); oin hartzen (3); oin hatzak (3); oin hots (7); oin hotsa (12); oin hotsak (31); oin hotsak entzun (6); oin hotsak entzuten (4); oin hotsek (6); oin hotsen (4); oin hotsik (3); oin hutsak (4); oin hutsik (10)

oin ingeles (4); oin ingeles lur (4); oin izango dituzte (3); oin karratuko (3); oin kubiko (3); oin kubiko gas (3); oin luze (8); oin luzeak (3); oin luzekoa (4); oin minberatuak (3)

oin ohar (10); oin ohar batean (4); oin oharra (5); oin oharrak (6); oin oharrean (3); oin oharretan (3); oin pauso (3); oin pausu (3); oin punta (6); oin puntak (3); oin puntaz (4); oin punten (4); oin puntetan (38); oin puntetan jarri (5); oin txanpona (3); oin txiki (3); oin txikiak (4)

oin zabal (4); oin zola (3); oin zolak (4); oin zolen (3); oin zoletan (3)

oinez oin (7); sei oin ingeles (4); zilarrezko berrogei oin (4)

eskuineko oina (8); ezker oina (3); ezkerreko oina (4); oina aho gainean (3); oina altxatu (5); oina jarri (4); oina jartzen (4); oina lurrean (3); oina oinaren ordain (3); oina sartu (3); oina untziaren gainean (3); oina zapaldu (4)

argazki oinak (6); bi oinak (11); buztinezko oinak (5); esku eta oinak (3); esku oinak (33); esku oinak erditik (3); eskuak eta oinak (14); garbitu oinak (4); lau oinak (9)

oinak agerian (3); oinak airean (6); oinak arin (18); oinak arrastaka (14); oinak arrastatzen (3); oinak berotzeko (4); oinak besarkatu (4); oinak brontzezkoak (5); oinak busti (6); oinak busti gabe (4); oinak bustitzen (3)

oinak erreta (3); oinak eta eskuak (11); oinak garbitu (13); oinak garbitzeko (14); oinak garbitzen (14); oinak garbitzera (5); oinak herrestan (7); oinak hoztu (3); oinak ikusi (3); oinak jarri (3); oinak lotu (4); oinak lotuta (3); oinak lur gainean (3); oinak lurrean (61); oinak lurrean dituela (3); oinak lurrean izan (7); oinak lurrean jarri (3); oinak lurrean jarrita (4); oinak lurrean jartzeko (3); oinak musukatzen (3); oinak uretan (3); oinak zapaltzen (8)

setheren oinak (3) zutabeen oinak (4)

eskuin oinarekin (5); ezker oinarekin (8)

ile oinaren lerroa (3); oina oinaren ordain (3); oinaren gainean (4); oinaren kontra (3); oinaren puntarekin (3)

aldare beraren oinean (3); aldare oinean (6); aldare oinean isuriko (3); argazki oinean (3); beheko oinean (6); eskailera oinean (3); ezker oinean (3); guda oinean (4); lau oinean (9); mendiaren oinean (3); odola aldare oinean (4); oinean eseri (4); oinean isuriko (6)

oinei begira (5); oinei muin (3); oinei so (3)

apaizen oinek (3); oinek zapaltzen (3); zuen oinek zapalduko (3)

bi oinekin (7); hiru oinekin (4); lau oinekin (5)

bi oineko baldosak (4); eskuin oineko (8); eskuin oineko erpuruak (7); ezker oineko (11); mendi oineko (3); oineko aldea (5); oineko altuera (4); oineko azalera (3); oineko behatz (3); oineko behatza (3); oineko erpuruak (7); oineko erpuruak igurtziko (4); oineko hezur (3); oineko luzera (4)

bere oinen azpian (3); bi oinen gainean (9); esku oinen (4); lau oinen gainean (3); nire oinen azpian (4); oinen artean (7); oinen aurrean (4); oinen azpian (41); oinen azpian lurra (3); oinen azpiko (4); oinen azpitik (3); oinen gainaldean (4); oinen gainean (34); oinen goiko (3); oinen inguruan (5); oinen ondoan (13); oinen parean (3); oinen pean (10)

oinera iritsi (3)

esku oinetako (10); esku oinetako zauriak (3); eskuetako eta oinetako (4); oinetako behatz (15); oinetako behatz ttikienaren (3); oinetako behatz ttikiraino (4); oinetako girgiluak (3); oinetako hautsa (5); oinetako lokarriak (5); oinetako zauriak (7)

esku oinetan (16); guda oinetan (3); haren oinetan ahuspeztu (3); haren oinetan etzan (4); jaunaren oinetan (3); jesusen oinetan (5); lau oinetan (4); mendiaren oinetan (6); ohearen oinetan (4)

oinetan ahozpeztu (3); oinetan ahozpezturik (5); oinetan ahuspeztu (12); oinetan ahuspeztu zitzaion (3); oinetan ahuspezturik (5); oinetan belaunikatu (5); oinetan belaunikatu zen (3); oinetan eta saihetsean (4); oinetan gelditu (3); oinetan hedatzen (4); oinetan izan (6); oinetan jarri (4); oinetan jarrita (3); oinetan utzi (4)

san frantziskoren oinetan (3); sandaliak oinetan (3); santu beraren oinetan (3); santuaren oinetan (4)

burutik oinetara (15); burutik oinetara luzatzen (3); jesusen oinetara (3); oinetara ahozpeztu (3); oinetara begira (3); oinetara begiratu (4); oinetara bota (5); oinetara erori (11); oinetara erori zen (5); oinetara iritsi (6); oinetara jausi (3); oinetara luzatzen (3); oinetara luzatzen zen (3); oinetara makurtu (3); oinetara makurtu zen (3)

burutik oinetaraino (46); burutik oinetaraino begiratu (3); oinetaraino iristen (3)

burutik oinetarainoko (3)

oinetatik burura (3); oinetatik bururaino (7); oinetatik gertu (3); oinetatik gora (4); oinetatik tira (3)

hamar oinetik berrogeira (3)

abiatu ginen oinez (3); berriro oinez (3); beti oinez (6); bidea oinez egin (3)

elurretan oinez (3)

ibilbidea oinez egin (3); joan ginen oinez (3); lekorne makea oinez (6)

oinez abiatu (42); oinez abiatu nintzen (7); oinez abiatu ziren (11); oinez atera (5); oinez dabil (3); oinez doala (4)

oinez edo bizikletaz (4); oinez edo bizikletean (3); oinez egin (42); oinez egin zuen (8); oinez eginen (4); oinez egingo (6); oinez egitea (3); oinez egiteko (5); oinez egiten (23); oinez eman (5); oinez eta zaldiz (4); oinez etorri (13); oinez goaz (4); oinez hasi (22); oinez hasten (3)

oinez ibil (4); oinez ibili (28); oinez ibili ziren (4); oinez ibiltzea (15); oinez ibiltzeko (12); oinez ibiltzeko gauza (3); oinez ibiltzen (19); oinez ibiltzera (4); oinez igaro (4); oinez igo (4); oinez ikasi (8); oinez iragan (4); oinez iristeko (4); oinez itzuli (10); oinez itzuliko (3); oinez jaisten (3); oinez jaitsi (11); oinez jarraitu (25); oinez jarraitzen (5); oinez joan (52); oinez joanda (3); oinez joango (19); oinez joatea (10); oinez joatea erabaki (6); oinez joateko (9); oinez joaten (16)

oinez oin (7); oinez zetorren (4); oinez zihoan (18); oinez zihoazela (6); oinez zihoazen (8)

ur gainean oinez (8)

oinik busti gabe (5)

 



Nodoa: liferay1.lgp.ehu.eus