Bilaketa aurreratua

Ogi apurrak

Egungo Euskararen Hiztegia (EEH)

Hasiera:

oker 1 izond lerro zuzena bezalakoa ez dena, artez ez dagoena. ik makur.

Etsaien sable okerra baino zaurigarriagoa zen haizea eta hotza. Felipe Juaristi   «Airezko emakumeak» - 177. orr.

Aho inguruko zimurrek eta hanka oker samar haiek ere ongi ematen zioten. Fernando Rey   «Zorrotz begiratutako trenak» - Bohumil Hrabal - 50. orr.

Besaulkian jesarri, hanka okerra luzatu eta, eskuak hots lehor batekin igurtziz, [...]. Urtzi Urrutikoetxea   «Zoririk ez» - Imre Kertész - 30. orr.

Haren gorputz okerrari segitu nion begiradaz, gelako trasteen artean gramofonoraino hurbildu bitartean. Alberto Ladron Arana   «Eguzki beltzaren sekretua» - 99. orr.

Ilargi erdia bezalako betaurrekoak zituen, sudur luze eta okerra, zilar-koloreko ile sueltoa, eta bizarra eta bibotea. Iñaki Mendiguren   «Harry Potter eta Azkabango presoa» - J.K. Rowling - 95. orr.

Eszila, munstro gaiztoa eta orrolaria, hamabi oin oker eta sei lepo luze dituena. Juan Kruz Igerabide   «Ulises» - Homero - 82. orr.

Bere erratz okerraren gainean. Iñaki Mendiguren   «Harry Potter eta Azkabango presoa» - J.K. Rowling - 176. orr.

Haren begi oker txikiak eta haren besaurre haragitsuak. Oskar Arana   «Brooklyngo erokeriak» - Paul Auster - 48. orr.

2 (hitz elkartuen bigarren osagai gisa, elkarketak izenondo balioa duela; ik beherago 13)

Bob James, herrixkako sagu-liluratzaile sudur-okerra, ekarrarazi zuen saguak xirmi-xarma desagerraraz zitzan. Mirentxu Larrañaga   «Peaceful soldadua» - Michael Morpurgo - 36. orr.

Emakume esku-okerra Gubbion. Askoren artean   «Asisko Frantzizko, Asisko Klara» - 454. orr.

Nikolas hanka-okerra Folignon. Askoren artean   «Asisko Frantzizko, Asisko Klara» - 453. orr.

Mrs. Densch astunki eseri zen sofa txiki hanka-okerraren erdian. Lopez de Arana   «Manhattan Transfer» - John Dos Passos - 490. orr.

3 zuzena ez dena.

Baina kontzientzia ez da inoiz okerra, iluna eta makala baino. Jenaro Garate   «Gizakia maitagogoa da» - 62. orr.

Gaua zen eta bide okerra hartu zuen. Askoren artean   «Asisko Frantzizko, Asisko Klara» - 267. orr.

Bide okerra hartu zuen bizitzan eta bere burua hiltzea erabaki zuen. Jose Morales   «Zazpi urkatuak» - Leonid Nikolaievitx Andreiev - 20. orr.

Mediku batek lepoan eginiko masaje oker baten ondorioz, zerbikalak nahiko minduta ditut. Berria - Kirola   2004-02-05

Beste hutsegite bat, beste mugimendu oker bat izan zen hori behaztopaz eta uste okerrez betetako bide luze batean. Oskar Arana   «Brooklyngo erokeriak» - Paul Auster - 57. orr.

Hanka sartze bat, uste oker bat... Migel Angel Mintegi   «Denak du bere prezioa» - 222. orr.

"Zibilizazio-batasunaren" ideia okerra. Iñaki Mendiguren   «Historiaren azterketa II» - A.J. Toynbee - 419. orr.

«Jokabide oker eta lotsagarria» zela esan zuen Annanek herenegun. Berria - Mundua   2004-11-21

Adierazgarria da informazio oker horrek higiezinen merkatuko eragileen artean eragin zuen «urduritasuna». Berria - Ekonomia   2004-05-13

Diruzalekeriari emanak, eskupekoak onartzen zituzten eta epai okerrak egiten. Elizen arteko biblia   1 Sm 8,3

Negozio oker batzu izan badira ere denbora batez, orai ez dela gehiago holakorik. Herria   2005-11-24

Diru-negozio oker frango izan dela hor nunbait, hori da nolazpait agertzen. Herria   2005-02-03

Jatorrizkoan Finiate deitzen zaio sendagileari, "anai Joan"en irakurketa oker baten ondorioz. Askoren artean   «Asisko Frantzizko, Asisko Klara» - 729. orr.

Ez dago sugearena baino pozoi okerragorik, ez eta emakumearena baino amorru txarragorik ere. Elizen arteko biblia   Si 25,15

Eguberri-ostea garairik okerrena zen. Jon Muñoz   «Loroaren teorema» - Denis Guedj - 255. orr.

ik beherago 10. 5150

· Erakusterat emanez bozka-lege horrek baduela halako oker-aire bat bezala... Herria   2004-04-01

Izen horrek berak ez ote du ba halako oker aireño bat? besta hori ez litakea behar Lanarena baino gehiago langileena? Herria   2004-04-29

· 4 (predikatu gisa)

Kalkulua okerra zen baina. Berria - Mundua   2006-01-15

Zuzen dena behar duzu maite, oker dena gorrotatu. Elizen arteko biblia   Sal 45,8

Oparia borondatezkoa bada, zilegi da gorputz-atalak oker dituen zekorra nahiz aharia eskaintzea. Elizen arteko biblia   Lb 22,23

Ohiko iritzia da, baina okerra, hebreeraz t-mûn-h eta tabnit sinonimoak direla. Xabier Kintana   «Alderraien gidaria» - Mose ben Maimon - 47. orr.

Faxista batzuk ditun, Stalin baino okerragoak, Okerra da fedegabeen arrazoiketa. Mikel Hernandez Abaitua   «Ohe bat ozeanoaren erdian» - 15. orr.

Ez dago okerragorik bere burua gaizki hartzen duena baino. Elizen arteko biblia   Si 14,6

Okerragoa da, izan ere, zitalkeriagatik poz hartzea hondamenaren damu izatea baino. Imanol Unzurrunzaga   «Hainbat idazlan» - San Agustin - 278. orr.

Eta, okerragoa zena, nitaz aspertuta zegoela hitzik gabe adierazteko zuen modu hura. Ramon Saizarbitoria   «Gorde nazazu lurpean» - 373. orr.

Minbizia bera baino okerragoa zela begitandu zitzaizun une hartan. Hasier Etxeberria   «Mutuaren hitzak» - 37. orr.

-Txarra baino okerragoa -erantzun zuen Tomek. Berria - Mundua   2004-12-02

5 (adizlagun gisa) ik okerki.

Bekatu egin dugu gurasoen antzera, oker jokatu dugu, errudun gara. Elizen arteko biblia   Sal 106,6

Oker ari naiz: etengabe zeuden aldaketak. Xabier Mendiguren Elizegi   «Errautsen distira» - 127. orr.

Jakina da, ordea, gauza berberak batzuek zuzen eta beste batzuek oker erabiltzen dituztela. Imanol Unzurrunzaga   «Hainbat idazlan» - San Agustin - 121. orr.

Gauzak oker erabiltzea eta oker gozatzea, hori da eta ez besterik gizakion bizitza biziotsu eta errudun bakarra. Imanol Unzurrunzaga   «Hainbat idazlan» - San Agustin - 316. orr.

Baliteke gauzak oker egotea, guk uste baino okerrago, eta lan gehiago izatea. Jon Muñoz   «Ispiluen gainean lotan» - Jordi Sierra i Fabra - 186. orr.

ik beherago 15. 5168

Uste dut oker juzgatu nauzula. Matías Mujika   «Edale santuaren kondaira» - Joseph Roth - 9. orr.

Ez da oker jaiotzen dena zuzenduko duenik. Jon Alonso   «Lisboako Setioaren Historia» - José Saramago - 402. orr.

Madarikatua Jainkoak emandako eginkizuna oker betetzen duena! Askoren artean   «Asisko Frantzizko, Asisko Klara» - 109. orr.

Berehala aitortzen nuen zuk, zuzen zaren horrek, ez ninduzula oker zigorkatzen. Imanol Unzurrunzaga   «Hainbat idazlan» - San Agustin - 222. orr.

-Oker eman diote berria, nagusi. Juan Garzia   «Pedro Páramo» - Juan Rulfo - 143. orr.

Oker interpretatua izan den idazlea ez da zentsuratu behar. Imanol Unzurrunzaga   «Hainbat idazlan» - San Agustin - 209. orr.

Baina ez nazazue oker ulertu. Koro Navarro   «Kontakizunak» - Edgar Allan Poe - 22. orr.

Oker maite du bere burua kaltegarri zaiona maite duenean. Imanol Unzurrunzaga   «Hainbat idazlan» - San Agustin - 329. orr.

Zuzen zaude, baina oraindik ez dut ikusten zer onartu dudan nik oker. Imanol Unzurrunzaga   «Hainbat idazlan» - San Agustin - 90. orr.

Biluzik sentitu nintzen, biluzik edo okerrago: gabeturik, apaldurik, umiliaturik. Jon Alonso   «Euskal karma» - 100. orr.

Sortzeko gai direnek sor ditzatela hobetoxeago ala okerxeago. Andoni Egaña   «Hogeita bina» - 54. orr.

· Gertaera historiko guztien datak oker, ibai guztien kokalekua oker, sekula izan ez diren pertsonen biografiak. Oskar Arana   «Brooklyngo erokeriak» - Paul Auster - 146. orr.

5a (hitz elkartuetan)

Oker-ulertze orokor horretatik bi ondorio atera ditzakegu. Askoren artean   «Filosofiako gida» - 218. orr.

· 6 iz makurra, hutsa.

Pedroren akatsak eta okerrak ere bertutetzat hartzeko prest nengoen. Joan Mari Irigoien   «Lur bat haratago» - 298. orr.

Bereak ez diren beste oker batzuk hantxe geldi daitezela onartu beharko baitu. Jon Alonso   «Lisboako Setioaren Historia» - José Saramago - 56. orr.

Luze gabe ohartu zen bere okerraz. Xabier Montoia   «Baina bihotzak dio» - 96. orr.

Ondo baitakit goseak bultzatuta egin dituzula oker guztiak. Askoren artean   «Asisko Frantzizko, Asisko Klara» - 983. orr.

Gaurtik aurrera oker horren kontu eske etorriko zaion unearen zain biziko da. Jon Alonso   «Lisboako Setioaren Historia» - José Saramago - 68. orr.

Okerra zuzentzeko azalpen ezinezkoren baten bila. Aingeru Epaltza   «Rock'n'roll» - 233. orr.

Ez dik gu bezala okerrak xuxentzen ibili beharrik, egiten duen guztia zuzena delako... Joan Mari Irigoien   «Lur bat haratago» - 259. orr.

Darioren okerra egin zuten berriro, hau da, kontraerasoan hastea. Iñaki Mendiguren   «Historiaren azterketa II» - A.J. Toynbee - 245. orr.

Oker bat egin zenuen, Lucy. Oskar Arana   «Brooklyngo erokeriak» - Paul Auster - 232. orr.

Hark hirugarren aldiz esan zien: -zer oker egin du, bada, honek? Elizen arteko biblia   Lk 23,22

Jainkoa mendekatu egin behar dela dion ideiatik sortu da okerra. Juan Martin Elexpuru   «Delituez eta zigorrez» - Cesare Beccaria - 117. orr.

7 (izenondo eta izenlagunekin)

Oker larria, baina ez bakarra. Jon Alonso   «Lisboako Setioaren Historia» - José Saramago - 57. orr.

Guk, aldiz, uste dugu oker handiena ez dagoela izenean. Itziar Eizagirre / Amaia Lizarralde   «Garapen iraunkorra» - 11. orr.

Oker txikiena aprobetxatuko dute gainerako taldeek. Berria - Kirola   2004-05-02

Albacete mendean ez hartzea oker itzela litzatekeela iritzi diote. Berria - Kirola   2004-05-09

Gerra luzea bada eta zehar-kalte ugari badaude, denek esango dute oker izugarria izan dela. Berria - Euskal Herria   2004-07-08

Oker hutsa edo apropos eginiko engainua izan da trena zama agiri okerrekin bidaiatu izana? Berria - Gaiak   2004-11-09

Sasoi guztian ezin direlako oker berberak errepikatu. Berria - Kirola   2004-03-15

Estatutua ahalbidetu zuen erakundeak berak aitortzen du duela 25 urteko apustua oker politikoa izan zela. Berria - Euskal Herria   2004-12-22

Jujearen txostenean «oker juridikoak» daudela esan zuen atzo Greg Dyke BBCko zuzendariak. Berria - Mundua   2004-01-31

Liburuetatik bizi naiz, baina ni beti kanpoko aldean nagoena naiz, baita egilearen okerra edo oker tipografikoa zuzentzen dudanean ere. Jon Alonso   «Lisboako Setioaren Historia» - José Saramago - 289. orr.

Izugarrizko okerra egiteko zorian gaude, geure kalterako. Elizen arteko biblia   Jr 26,19

8 (hitz elkartuetan)

Ongi da, liburua oker-zuzenketa batez zabalduko da. Jon Alonso   «Lisboako Setioaren Historia» - José Saramago - 108. orr.

Egin duten oker motaren araberakoa izango da zigorra. Berria - Harian   2005-08-17

· Bistan dago kronologi okerra dagoela kontakizunean. Askoren artean   «Asisko Frantzizko, Asisko Klara» - 947. orr.

9 okerreko izlag okerra.

Okerreko zenbakira deitu duzu. Eskarne Mujika   «Berdin dio» - Agota Kristof - 39. orr.

-Barkatu, andrea, okerreko txirrina jo dut nonbait. Lopez de Arana   «Manhattan Transfer» - John Dos Passos - 213. orr.

Okerreko autobusera igo da. Urtzi Urrutikoeetxea   «Auzoak» - 99. orr.

Okerreko mutila aukeratu zuela. Antton Olano   «<//jokoa.com>» - Gemma Lluch - 49. orr.

Hau okerreko bidea dela uste dut, sistemaren garatze ad hoc antzuak baino eskainiko ez lituzkeena. Itziar Laka   «Egitura sintaktikoak» - Noam Chomsky - 161. orr.

Okerreko bidea aukeratzeko eskubidea guri ere zor baitzaigu. Edorta Agirre   «Baietz okerreko bidea aukeratu! » - 10. orr.

Goizero saiatua omen zen autostopean, baina okerreko errepidean, nonbait. Joxe Austin Arrieta   «Homo Faber» - Max Frisch - 151. orr.

Beruna oso baliagarria da balantza okerreko aldera makurrarazteko adinako pisua duten argudioen kontrapisurako. Xabier Olarra   «Deabruaren hiztegia» - Ambroise Bierce - 60. orr.

Atentatu bat iragarri ziguan okerreko orduan eta okerreko lekuan. Harkaitz Cano   «Pasaia blues» - 69. orr.

Hobe behartsu eta prestu izan, jokabide okerreko aberats baino. Elizen arteko biblia   EsZ 28,6

Nor bere zentzu onaren arabera txalotuko dute, bihotz okerrekoak mesprezioa izango du. Elizen arteko biblia   EsZ 12,8

Ez naiz ausartzen inolako interpretaziorik egitera, okerrekoa egingo nuke eta. Andoni Egaña   «Hogeita bina» - 54. orr.

Milimetroka eman nahi nituen pauso guztiak, inolako okerrekorik gerta ez zedin. Hasier Etxeberria   «Arrainak ura baino» - 83. orr.

Okerrekoren bat esan ote nuen egon nintzen, Martinek ez zidan-eta berehala erantzun. Edorta Jimenez   «Sukar ustelaren urtea» - 22. orr.

10 okerrena

Dagoeneko okerrena iragan duk. Agustin Otsoa   «Eraztunen Jauna III» - J.R.R. Tolkien - 173. orr.

Azkenean, okerrena amaitu denean, begi lausotu eta negartiez so egin dut gorantz. Mirentxu Larrañaga   «Peaceful soldadua» - Michael Morpurgo - 160. orr.

Okerrena pentsatzen hasita nengoen! Anjel Lertxundi   «Ihes betea» - 333. orr.

Okerrena zalantzak ziren. Alberto Ladron Arana   «Eguzki beltzaren sekretua» - 182. orr.

Eta, azken batean, okerrena merezi nuen. Alberto Ladron Arana   «Eguzki beltzaren sekretua» - 234. orr.

Lehenengo eguna duk okerrena, Tommo -dio Charliek, arnasestuka-. Mirentxu Larrañaga   «Peaceful soldadua» - Michael Morpurgo - 10. orr.

Gerora pentsatu dut hori zela okerrena, baina orduan ez, ordea. Ramon Saizarbitoria   «Gorde nazazu lurpean» - 215. orr.

Polizia noiz agertuko, gurasoek-eta zer erabakiko, eta, okerrena zena, neure ahuleziaren esklabo. Anjel Lertxundi   «Ihes betea» - 162. orr.

Ez ulertua izateko modu bat da loria, menturaz okerrena. Elena Touyarou   «Hautsi da katea» - Toti Mtz. de Lecea - 157. orr.

Okerrena ez zela errenditzea izan, baizik eta isilpean, Errepublikari ohartarazi gabe, errenditu izana, berak arrazoi eman zion. Ramon Saizarbitoria   «Gorde nazazu lurpean» - 34. orr.

Egin zuen okerrena ez du jende askok ezagutzen. Iñaki Mendiguren   «Harry Potter eta sorgin harria» - J.K. Rowling - 167. orr.

Datorkidana azalduko zioat Bixentari; gerta dakidakeen okerrena bera ezkutatu gabe. Txillardegi   «Putzu» - 54. orr.

11 ezin okerrago adlag

Ezin okerrago datorkio zu bezalako emakume bati. Mirentxu Larrañaga   «Hona hemen gu biok» - Dorothy Parker - 186. orr.

Ezin okerrago zebilen Azkue. Koldo Zuazo   «Euskararen sendabelarrak» - 88. orr.

Ezin okerrago dagoena ezin baita dagoen baino okerrago imajinatu. Joxerra Garzia   «Itsasoan euri» - 191. orr.

Danny Ainge ezin okerrago ari da Bostonen manager lanetan. Berria - Kirola   2004-02-03

Gainera, egoera hori ez zen gaztelu barrukoa baino hobea, non gauzak ezin okerrago baitzeuden. Iñaki Mendiguren   «Harry Potter eta sekretuen ganbera» - J.K. Rowling - 223. orr.

· izond Ez zuen zentzurik uda txar baten amaierako gau ezin okerrago batean trenbideko zubi baten azpian orduak eta orduak isil-isilik emateak. Koro Navarro   «Artistakume baten erretratua» - Dylan Thomas - 116. orr.

12 hainbat okerrago

Ideia hauek norbait usteltzen badute, hainbat okerrago berarentzat, hainbat okerrago iritzi filosofikoen artean gauza txarrak besterik jasotzen ez dakitenentzat, edozer gauzarekin usteltzeko gai direnentzat! Juan Martin Elexpuru / Bego Montorio   «Filosofia apaingelan» - Sade - 233. orr.

Alegia, "mina", "beldurra", "helburua" eta horrelakoak ez badira termino zientifiko zehatzetara murrizten ahal, hainbat okerrago beraientzat. Askoren artean   «Filosofiako gida» - 188. orr.

-Hainbat okerrago zuentzat. Koldo Izagirre   «Agirre zaharraren kartzelaldi berriak» - 67. orr.

Tira, hainbat okerrago haientzat. Alberto Ladron Arana   «Eguzki beltzaren sekretua» - 48. orr.

13 begi-oker izond

Haren atzean neskazahar erdi herren begi-oker bat, txorixoa, xolomoa ala haragi egosia nahi al zenuen galdetzen zizuna. Xabier Mendiguren Elizegi   «Errautsen distira» - 83. orr.

Ama begi-okerra nuen, eta, jakina, ezin maitatu! Bernardo Atxaga   «Lekuak» - 18. orr.

Montserrat Roig-ek dio emakumezko idazleak begi okerrak direla: begi bat kanpora begira edukitzen dutela eta bestea barrura. Ana Urkiza   «Zortzi unibertso, zortzi idazle» - 430. orr.

14 oker egin

Oker egin nuen, eta damu dut. Oskar Arana   «Lotsaizuna» - John Maxwell Coetzee - 72. orr.

Ez dira berdin errudun zarela adieraztea eta oker egin zenuela onartzea, eta badakizu hori. Oskar Arana   «Lotsaizuna» - John Maxwell Coetzee - 72. orr.

Oker egin dut, errugabea heriotzara emanez. Elizen arteko biblia   Mt 27,4

Oker egin dut kontua, neba? Karlos Zabala   «Mikel Strogoff» - Jules Verne - 136. orr.

-Oker egina dago galdera, adiskide. Imanol Zurutuza   «Errautsera arteko sugarra» - 82. orr.

Bainan kontrakoak hasarre, bozen kondaketa arrunt oker egin dela. Herria   2004-11-25

Ze oker egiten duen etxean, bertan saiatzen dira konpontzen. Gotzon Garate   «Zakurra, zeure laguna» - 82. orr.

Oker ibili bazara amodio kontuetan edo beste zenbait gauzatan, edozertan izan dela ere, horretan soilik egin duzu oker. Juan Kruz Igerabide   «Hauts bihurtu zineten» - 156. orr.

· Bi gauza oker eginek ez dute gauza zuzen bat egiten, Gordon. Oskar Arana   «Brooklyngo erokeriak» - Paul Auster - 241. orr.

15 oker egon (norbait edo zerbait) ik beherago 17.

-Oker zaude, Nathan. Oskar Arana   «Brooklyngo erokeriak» - Paul Auster - 172. orr.

-Horretan oker zaude. Monika Etxebarria   «Goragalea» - Jean Paul Sartre - 226. orr.

-Agirre jauna, zu oso oker zaude nitaz duzun iritzian. Koldo Izagirre   «Agirre zaharraren kartzelaldi berriak» - 131. orr.

-Wendy, oker zaude amei buruz. Julen Gabiria   «Peter Pan» - James Matthew Barrie - 148. orr.

Ez, ba, oker zaude, oso ederra zen! Fernando Rey   «Gure etxeko kontuak» - Natalia Ginzburg - 274. orr.

-Ez horixe, oker zaude... Karlos Zabala   «Parisen sabela» - Emile Zola - 329. orr.

-Oker egon ninteke, noski, baina ez dut uste. Migel Angel Mintegi   «Denak du bere prezioa» - 71. orr.

Nahiago nuke oker banengo. Xabier Mendiguren Elizegi   «Arbelaren gainean» - 81. orr.

Beharbada oker egongo naiz, baina nire irudipena da ez garela leku horretatik asko mugitu. Bernardo Atxaga   «Lekuak» - 52. orr.

Oker ez banago, nik eskatuta atzeratu genuen eztabaida. Imanol Unzurrunzaga   «Hainbat idazlan» - San Agustin - 40. orr.

Baina, ez dakit, agian nire aita oker zegoen. Bernardo Atxaga   «Soinujolearen semea» - 219. orr.

-Bada, gizon hori oker dago edo gezurra dio -murmurikatu nuen-. Aingeru Epaltza   «Mailuaren odola» - 234. orr.

-Ba, oker hengoen, txo. Patxi Iturritegi   «Behi eroak» - 9. orr.

Buruan jartzen zitzaion, esate baterako, testu-liburuko frogaketa matematikoak oker zeudela. Bernardo Atxaga   «Groenlandiako lezioa» - 10. orr.

Data oker dago: konbertsiotik 10. urtea 1217a (edo 1216a) da. Askoren artean   «Asisko Frantzizko, Asisko Klara» - 1117. orr.

Geroago gertatuko zirenek frogatuko zuten moduan, oker nengoen horretan. Oskar Arana   «Brooklyngo erokeriak» - Paul Auster - 171. orr.

Heltzeko modukoen artean interesgarrientzat jotzen dituzten arazoei ekiten diete zientzialariek; zuzen nahiz oker egon horretan, ustez konponbidea aurki diezaieketen arazoei, alegia. Juan Garzia   «Sagua, eulia, eta gizakia» - François Jacob - 13. orr.

Noraino oker nengoen frogatu dut azken aldian. Aingeru Epaltza   «Lasto sua» - 31. orr.

Bizitza zoriontsua nahi duten heinean, gizakiak ez daude oker. Imanol Unzurrunzaga   «Hainbat idazlan» - San Agustin - 138. orr.

Berehala ohartu zen oker zegoela. Koldo Izagirre   «Sua nahi, Mr. Churchil?» - 99. orr.

-Oso oker zaude, justiziak epaitzen ditu krimenak. Koldo Izagirre   «Nik ere Germinal! egin gura nuen aldarri» - 75. orr.

Zein oker zegoen! Iñaki Mendiguren   «Harry Potter eta Azkabango presoa» - J.K. Rowling - 13. orr.

Gaizki dagoela? okerrago egon beharko luke, urdanga marisaltsera halakoa...! Joan Mari Irigoien   «Ipuin batean bezala» - 224. orr.

16 oker ibili

Oker ibili naizela ikusten dut, eta barkatu beharko didazu nire ergelkeria. Zer heinetan bekatu egiten duten, aipatu diren gaien inguruan oker dabiltzanek. Agustin Otsoa   «Eraztunen Jauna III» - J.R.R. Tolkien - 34. orr.

-Ez zabiltza oker, ez. Migel Angel Mintegi   «Denak du bere prezioa» - 13. orr.

Jaunak arrazoi du; ni eta nire herria, berriz, oker gabiltza. Jose Antonio Mujika   «Agindutako lurraren bila I» - 163. orr.

Baina oker dabiltza sasi jakintsu horiek ere. Piarres Xarriton   «De re publica edo politikaz» - 57. orr.

Oker zebilen, Lisa ez zen batere elizkoia. Karlos Zabala   «Parisen sabela» - Emile Zola - 297. orr.

Kontua oker dabil; oso oker. Monika Etxebarria   «Goragalea» - Jean Paul Sartre - 50. orr.

Oso dabil oker! Joan Mari Irigoien   «Oilarraren promesa» - 15. orr.

Zeharo oker ibili gara. Txillardegi   «Putzu» - 301. orr.

Oker ibili bazara amodio kontuetan edo beste zenbait gauzatan, edozertan izan dela ere, horretan soilik egin duzu oker. Juan Kruz Igerabide   «Hauts bihurtu zineten» - 156. orr.

Maizaren iritziz, eta ez zuen uste oker zebilenik, arazoaren gakoa ez zegoen balizko adarretan, senarraren desleialtasunak emakumearen kontu korrontean izan zezakeen eraginean baizik. Migel Angel Mintegi   «Denak du bere prezioa» - 41. orr.

17 oker izan da ad oker egon.

Horrela ikusten baninduan, oker hintzen. Xabier Olarra   «Azken hitzordua» - Sandor Marai - 149. orr.

Riaño eraitsi zutenean, beste Riañorik ez zela izanen erran zutenak oker ziren. Edurne Elizondo   «Itoiz, porlanezko gezurra» - 187. orr.

-Gizon hori, oso oker ez banaiz, enplegatu arrunt bat da. Xabier Olarra   «Iruzurgilea» - James Cain - 89. orr.

Zuzen dena behar duzu maite, oker dena gorrotatu. Elizen arteko biblia   Sal 45,8

Gaitz horri aurre egiteko legeak ez dira eman behar oker direnen kontra, zuzen-zuzenean okerraren aurka baizik. Esteban Antxustegi   «Herritarra» - Thomas Hobbes - 170. orr.

18 oker-oker adlag

Gorputz-atalak orain kuzkurtu, orain luze zabaldu edo bildu egiten zituen, orain oker-oker, orain zurrun eta gogor jartzen zituen. Askoren artean   «Asisko Frantzizko, Asisko Klara» - 820. orr.

Charlieren atzetik joan naiz lubakian barrena, oker-oker makurtuta, beste guztiak bezalatsu. "Maite zaitut" esan eta mailadian behera joan zen, oker-oker eginda baina ahalik eta azkarren, atzera begiratu gabe. Mirentxu Larrañaga   «Peaceful soldadua» - Michael Morpurgo - 133. orr.

Lepoan saski bat zeraman zamaketari bat igaro zen, bizkarra oker-oker eginda zamaren azpian. Koro Navarro   «Zortzi kontakizun» - Isaac B. Singer - 165. orr.

Atake moduko bat izan zuen eta ahoa oker-oker eginda geratu zaio. Koro Navarro   «Zortzi kontakizun» - Isaac B. Singer - 72. orr.

Eta eskuan, atzamar guztiak barrurantz bilduta zituen, salbu eta hatz erakuslea, oker-oker jarrita baitzeukan, kako baten itxura mehatxagarriarekin. Julen Gabiria   «Peter Pan» - James Matthew Barrie - 198. orr.

Paralisiak jotako gazte bat ahoa ireki ezinik eta begiak oker-oker zituela gelditu zen. Askoren artean   «Asisko Frantzizko, Asisko Klara» - 440. orr.

19 okerragora egin ik beherago 20.

Beste batzuetan ere esan izan dizut uneko aldartearen zein mendeko garen hemen denok, eta gaitz hori azkenaldi honetan geroz eta okerragora egiten ari dela iruditzen zait, niregan batez ere. Josu Zabaleta   «Anne Franken egunkaria» - Anne Frank - 163. orr.

Denborak aurrera egin ahala okerragora egin zuen [Adelaren osasunak]; eta, halako batean, Albertok deitu zidan: [...]. Juan Kruz Igerabide   «Hauts bihurtu zineten» - 221. orr.

Horietako askok ez dauka botikak eskuratzerik eta, ondorioz, gaitzak okerragora egiten du. Berria - Gaiak   2004-03-17

20 okerrera egin [185 agerraldi, 30 liburu eta 126 artikulutan]

Bentariari esker, iskanbilak ez du okerrera egingo. Patxi Ezkiaga   «On Kixote Mantxako» - Miguel de Cervantes - 24. orr.

Egoerak okerrera egin dezakeela ohartarazi du, gainera WWFk. Berria - Gaiak   2004-09-04

Biztanleria horrenbeste hazten den eran, ordea, arazoak okerrera egiten du, biztanle gehiagoren artean banatu behar baita dagoen apurra. Iñaki Heras   «Txanponaren bi aldeak» - 299. orr.

Norbaiti zakur amorratu batek koska egiten bazion, lotu eta batere urik gabe edukitzen zutela, edanez gero gaitzak okerrera egingo zuelakoan. Bernardo Atxaga   «Lekuak» - 20. orr.

Horren harira, lan baldintzak okerrera egin dutela ohartarazi zuen, hainbat arrazoi direla medio. Berria - Ekonomia   2006-02-21

Urte hasieratik okerrera egin du gobernuak hiritarren artean duen irudiak. Berria - Ekonomia   2006-04-06

Jasser Arafat urriaren 28an ospitaleratu zuten bere osasunak okerrera egin ondoren. Berria - Mundua   2004-11-05

Aitak ura besterik ez zuen hartzen, baina ez zuen okerrera egiten. Joseba Urteaga   «Lekua» - Annie Ernaux - 72. orr.

Ez dakit non zabiltzan, ez eta zure egoerak okerrera egin ote duen ere. Hasier Etxeberria   «Patri maitea» - 38. orr.

Okerrera egin dezake denak: hori da egia bakarra. Iban Zaldua   «Traizioak» - 140. orr.

21 okerrera jo [11 agerraldi, 3 liburu eta 7 artikulutan] okerrera egin.

Izan ere elurra mara-mara ari zuen atzo arratsaldean eta egoerak okerrera jotzea espero du Prefeturak. Berria - Harian   2005-01-25

Arrazoi izan zuen atezainak eguraldiak okerrera joko zuela esan zionean. Joxemari Urteaga   «Ordaina zor nizun» - 172. orr.

Martxoko hauteskundeez geroztik, PP eta PSEren arteko harremanek okerrera jo dute, eta PPren gutxiengoa nabariagoa da . Berria - Euskal Herria   2004-04-13

Zerk edo zerk okerrera jotzerik baldin badu, okerrera joko du. Berria - Mundua   2004-07-07

hitz multzoen maiztasunak (gutxienez 5 aldiz agertzen direnak)

baina oker nengoen (13); baina oker zegoen (8); diru negozio oker (6)

erabat oker (10); ez dabil oker (6); ez nenbilen oker (5); ez zebilen oker (15); ez zen oker (5); guztiz oker (16)

irribarre oker (5); negozio oker (8)

oker al nabil (5); oker ari (13); oker aritu (5); oker asko (7); oker atera (5); oker bat egin (8); oker bat izan (9); oker baten ondorioz (7); oker dabil (24); oker dabiltza (18); oker dago (27); oker daude (14); oker dena (6)

oker egin (38); oker egin dut (5); oker eginda (20); oker egiten (16); oker egon (17); oker egongo (8); oker egotea (11); oker erabiltzen (12); oker ez banabil (6); oker ez banago (214); oker ez banaiz (19); oker gaitza (6); oker geunden (5); oker guztiak (8); oker habil (6); oker hago (18); oker handi (8); oker handia (25); oker handia litzateke (5); oker handirik gabe (10)

oker ibili (15); oker ibiliko (7); oker jokatu (36); oker jokatu zuen (6); oker larria (8); oker nabil (8); oker nago (10); oker nenbilen (6); oker nengoen (43)

oker oker (29); oker oker eginda (20)

oker ugari (5); oker ulertu (10); oker ulertzen (5); oker zabiltza (19); oker zabiltzate (5); oker zaude (57); oker zaudete (9); oker zebilen (14); oker zegoen (30); oker zeuden (6)

oso oker (86); oso oker zaude (10)

uste oker (25); zerbait oker (9); zuzen ala oker (8); zuzen edo oker (5); zuzen eta oker (5)

arras okerra (5); bere okerra (8); bide okerra (22); bide okerra hartu (10)

egindako okerra (5); erabaki okerra (10); erabat okerra (7); erabilera okerra (8); ere okerra (6)

ideia okerra (7); informazio okerra (7); iritzi okerra (7); jokabide okerra (7)

okerra zuzendu (12); okerra zuzentzeko (10)

uste okerra (24); uste okerra da (6); zuzena ala okerra (8); zuzena eta okerra (6)

are eta okerrago (6); are okerrago (99); askoz ere okerrago (5); askoz okerrago (20)

ezin okerrago (24); gero eta okerrago (36); hobeto edo okerrago (10); inoiz baino okerrago (5); lehen baino okerrago (7)

okerrago ari (6); okerrago aritu (7); okerrago bizi (5); okerrago da (7); okerrago dago (16); okerrago daude (9); okerrago dena (20)

okerrago egon (6); okerrago egongo (5); okerrago gaude (5); okerrago hasi (7)

okerrago izan (7); okerrago izango (8); okerrago izango da (5); okerrago jarriko (6); okerrago jartzen (5); okerrago jokatu (5); okerrago moldatzen (10)

okerrago oraindik (19); okerrago sentitu (5); okerrago tratatzen (5)

okerrago zegoen (11); okerrago zena (5)

oraindik okerrago (5); orduan baino okerrago (5); uste baino okerrago (5)

are okerragoa (42); are okerragoa da (11); askoz ere okerragoa (8); askoz okerragoa (23)

egoera okerragoa (6); ezin okerragoa (8); gero eta okerragoa (6); heriotza baino okerragoa (6); lehengoa baino okerragoa (5)

okerragoa da (77); okerragoa izan (37); okerragoa izan da (5); okerragoa izan zen (12); okerragoa izango (26); okerragoa izango da (8); okerragoa izango zen (5); okerragoa izatea (5); okerragoa litzateke (7); okerragoa zen (21)

zerbait okerragoa (6)

are okerragoak (7); askoz okerragoak (10); gauza okerragoak (6); okerragoak dira (12); okerragoak izan (10); okerragoak ziren (5)

gauza okerragorik (5)

datu okerrak (5); egindako okerrak (5); erabaki okerrak (5); erabilera okerrak (6); mutur okerrak (5); okerrak zuzentzeko (14); ondorio okerrak (6)

uste okerrak (9)

bere okerraz (5); okerraz jabetu (5)

modu okerrean (5)

okerreko bidea (20); okerreko bidea hartu (9); okerreko bidetik (19); okerreko erabakia (8); okerreko erabakia hartu (5); okerreko lekuan (11)

okerren bat egin (5); okerren bat egiten (8)

denetan okerrena (5); gauzarik okerrena (13); gerta daitekeen okerrena (7); hori da okerrena (7); horixe da okerrena (6); okerrena espero (5); okerrena gertatu (7)

okerrenaren beldur (5)

egoerarik okerrenean (5)

okerrenera jota ere (7)

egoerak okerrera egin (58); egoerak okerrera egingo (7)

okerrera doa (8); okerrera egin (173); okerrera egin dezake (6); okerrera egin du (47); okerrera egin duela (27); okerrera egin dute (6); okerrera egin zuen (24); okerrera egingo (30); okerrera egingo du (9); okerrera egiten (25); okerrera egiten ari (7); okerrera jo (7); okerrera joan (5)

osasunak okerrera egin (6); txarretik okerrera (5)

bide okerretik (22)

ezeren okerrik ez (13); okerrik ez bada (17); okerrik ez dela (14); okerrik ezean (56); okerrik gabe (18)

 



Nodoa: liferay1.lgp.ehu.eus