Bilaketa aurreratua

Ogi apurrak

Egungo Euskararen Hiztegia (EEH)

Hasiera:

onik 1 adlag ongi, ezbeharrik gabe. ik salbo.

Hala, denok bizirik eta onik heldu ginen lehorrera. Elizen arteko biblia   Eg 27,44

Onik iritsi ginela diodanean esan nahi dut ez zitzaigula inolako ezustekorik gertatu, ez poliziaren bisitarik ez gisako ezer. Anjel Lertxundi   «Ihes betea» - 176. orr.

Haizearekin pare bat eguneko borroka egin ondoren iritsi ziren Londresera, onik iritsi ere. Felipe Juaristi   «Itzarri nahi ez zuen printzesa» - 66. orr.

Erre-opariak eskaini zituzten, beren arteko bat ere galdu gabe onik itzuli zirelako. Elizen arteko biblia   1 M 5,54

Saioa mendian galduta zegoen mendizalea onik topatu dute. Berria - Euskal Herria   2004-12-08

Murillo del Fruton galdutako mutila onik agertu da. Berria - Euskal Herria   2004-08-03

Hondarribian desagertu zen emakumea onik aurkitu dute. Berria - Euskal Herria   2004-02-03

Lehoiaren gorpua lurrean eta bere burua onik ikusi zuelarik, Gandar ohartu zen berak hil behar zituenak gertatu zitzaizkiola salbatzaile. Patxi Zubizarreta   «Mila gau eta bat gehiago» - Anonimoa - 156. orr.

Onik gelditzen zitzaion besoa gerri aldeko sastagaira zeramala bihurrikatu zitzaidan. Aingeru Epaltza   «Mailuaren odola» - 289. orr.

Orduan esan nien bi egun bazirela naufragio lazgarri batetik onik irten nintzela. Patxi Zubizarreta   «Mila gau eta bat gehiago» - Anonimoa - 200. orr.

Herr Haspern, ordea, onik irten zen lehendabiziko epaiketan. Anjel Lertxundi   «Ihes betea» - 67. orr.

Gu, gure alaba ondo hezi eta txalupa portura onik eramatea beste kezkarik ez dugunok! Karlos Zabala   «Parisen sabela» - Emile Zola - 230. orr.

2 onik atera

Hiru atentatutatik onik ateratzea lortu zuen Alexandro II.ak. Iban Zaldua   «Itzalak» - 151. orr.

Hirian gelditzen dena ezpataz, goseak edo izurriz hilko da; babiloniarrengana igarotzen dena, ordea, bizirik eta onik aterako. Elizen arteko biblia   Jr 38,2

Hura izan zela bidaiako unerik larriena aitortu genuen hirurok, eta Abdellahri zor geniola onik atera izana. Bernardo Atxaga   «Lekuak» - 216. orr.

Hondamendi batetik onik atera den pertsona bakarra zirudien komisariako itxarongelan. Joxean Agirre   «Romain zen bere izena» - 101. orr.

Onik ateratzeko, inork ikusi gabe zelatatu behar duzu. Pako Aristi   «Venezuela, iraultza isilaren hitzak» - 94. orr.

Badakitelako zerbait gertatuz gero haiek onik aterako direla. Edurne Elizondo   «Itoiz, porlanezko gezurra» - 180. orr.

Kontaiek egia osoa eta kito, Charlie, eta onik aterako haiz. Mirentxu Larrañaga   «Peaceful soldadua» - Michael Morpurgo - 185. orr.

Neskaren kapritxoak harriturik samar utzi baninduen ere, onik atera nintzen azterketa misteriotsu hartatik. Patziku Perurena   «Harrizko pareta erdiurratuak» - 98. orr.

Gertatutakoari hainbesterainoko garrantzia ez ematea zela hartatik onik ateratzeko modu bakarra. Anjel Lertxundi   «Zorion perfektua» - 93. orr.

Erditze arriskutik onik ateratako andreak. Askoren artean   «Asisko Frantzizko, Asisko Klara» - 444. orr.

Eta, nengoen kinka larritik onik ateratzekotan, horixe egin behar nuen, buru-belarri hausnartu. Alberto Ladron Arana   «Eguzki beltzaren sekretua» - 178. orr.

Nork bere burua sekula onik aterako ez den putzu batera botatzea. Iñaki Segurola   «Gaur ere ez du hiltzeko eguraldirik egingo» - 123. orr.

3 onik egon

Desagertuta zegoen ertzain urpekaria ustez 20 metroko zulora erori zen, baina onik dago. Berria - Euskal Herria   2006-04-26

Egunak igaro ahala, ez zegoen dudarik Fluffy artean bizirik eta onik zegoela giltzaz itxitako atearen atzean. Iñaki Mendiguren   «Harry Potter eta Azkabango presoa» - J.K. Rowling - 237. orr.

Bizirik egonez gero, onik nagoela esan behar. Oskar Arana   «Lotsaizuna» - John Maxwell Coetzee - 153. orr.

Mikel Goñi onik dago auto istripua izan ostean. Berria - Kirola   2004-09-09

Zure karabanari gertatu zitzaion triskantzaren berri izan ostean, etxekoak pozarren daude onik zaudelako. Patxi Zubizarreta   «Mila gau eta bat gehiago» - Anonimoa - 181. orr.

Bizarginak odola kendu zion bai gaixo zegoenean, baina zuk onik dagoela atera diozu; eta horrela hemendik ere ez dizu ezeren zorrik. Patxi Ezkiaga   «On Kixote Mantxako» - Miguel de Cervantes - 26. orr.

Koinatua kolpatuta ere, ni bizirik eta onik nengoela ikasteak zenbateraino nahigabetuko zuen ez nengoen hagitz seguru. Aingeru Epaltza   «Rock'n'roll» - 343. orr.

-Zuzenean niregana etorri behar zenuen! -esan zion amorruz, ordu erdi lehenago onik zegoen besoaren hondakin triste eta elbarri hari helduta-. Iñaki Mendiguren   «Harry Potter eta sekretuen ganbera» - J.K. Rowling - 148. orr.

Hezetasun-aztarnarik batere ez; onik zegoen zura. Jon Muñoz   «Loroaren teorema» - Denis Guedj - 64. orr.

Biztanleak ez dira onik dauden etxeetara itzultzera ausartzen. Berria - Mundua   2004-02-26

Hondamen hartan, gauza batek goxatzen zuen: onik zeuden kutxak! Jon Muñoz   «Loroaren teorema» - Denis Guedj - 68. orr.

3 onik eta osorik

Poz handia hartu zuten Nadia eta Mikel Strogoff onik eta osorik aurkitzean. Karlos Zabala   «Mikel Strogoff» - Jules Verne - 457. orr.

Itzul zaitez etxera, onik eta osorik, eta aurki. Mirentxu Larrañaga   «Peaceful soldadua» - Michael Morpurgo - 163. orr.

Ontziratuta dagoen guztia onik eta osorik helduko da. Jon Muñoz   «Loroaren teorema» - Denis Guedj - 25. orr.

Ozen mintzo zitzaion zerbait on eta ezustekoaz, hiltzat emandako adiskide min bat onik eta osorik, bizirik eta irribarretsu agertu balitz bezala. Jose Morales   «Zazpi urkatuak» - Leonid Nikolaievitx Andreiev - 86. orr.

Jakob, berriz, onik eta osorik iritsi zen Kanaan lurraldera, Siken izeneko hirira. Jose Antonio Mujika   «Agindutako lurraren bila I» - 94. orr.

4 onik izan du ad (ezezko perpausetan)

Hari burua txiki-txiki egin arte ez dut onik izango. Patxi Zubizarreta   «Mirarien kalezuloa» - Nagib Mahfuz - 340. orr.

Ez dugu begiz jotako gizabazter horien izena jakin arteko onik izaten kasik aurreneko kolpetik eta hurbilguratik. Iñaki Segurola   «Gaur ere ez du hiltzeko eguraldirik egingo» - 96. orr.

Ez zuen onik izan, lore saltzaile haietako batekin lanean hasi zen arte. Karlos Zabala   «Parisen sabela» - Emile Zola - 243. orr.

Ez duk onik izan gure Gilen hemendik urrundu arte. Aingeru Epaltza   «Mailuaren odola» - 111. orr.

Eskuratu behar dut, edo nire eskuek ez dute onik izango. Patxi Ezkiaga   «On Kixote Mantxako» - Miguel de Cervantes - 51. orr.

Gaiztoak ez du onik izango eta ez du bere bizia luzatuko itzal bat adina, ez baitio begirunerik Jainkoari. Elizen arteko biblia   Koh 8,13

Nik ez bainuen Hermannik gabe onik izaten, horixe lortu behar nuen neuk ere, berak ere senti zezala nirekin egoteko premia. Anjel Lertxundi   «Ihes betea» - 45. orr.

hitz multzoen maiztasunak (gutxienez 4 aldiz agertzen direnak)

onik atera (160); onik atera ziren (28); onik aterako (59); onik aterako zara (5); onik ateratzea (16); onik ateratzeko (33); onik ateratzen (16); onik aurkitu (16); onik aurkitu dute (7); onik dago (11)

onik eta osasuntsu (6); onik eta osorik (15); onik eta salbu (10); onik heldu (5)

onik ikusi (6); onik iritsi (11); onik irten (25); onik irten zen (10); onik irtengo (9); onik irtetea (4); onik irteteko (9); onik irteten (6); onik itzuli (7); onik itzuli zen (4); onik itzuliko (6); onik izan (44); onik izanen (4); onik izango (31); onik izaten (19)

onik topatu (5); onik zegoela (5)

 



Nodoa: liferay1.lgp.ehu.eus