Bilaketa aurreratua

Ogi apurrak

Egungo Euskararen Hiztegia (EEH)

pagarazi, pagaraz, pagarazten (orobat paga(-)arazi g.er.) du ad pagatzera behartu.

Nire anaia sendagilea da Parisen eta 100 euro ere pagarazten ditu bisitaldiak.  Berria - Mundua   2004-11-03

Zerbitzuak ez zizkien pagarazten, eta iheslariak bere diruz hazten eta beztitzen zituen.  Elena Touyarou   «Hautsi da katea» - Toti Mtz. de Lecea, 2004 - 237. orr.

Ura, etxetarat hel-arazten zen ura, etzela pagarazten, pagarazten zirela bakarrik uraren iturritik etxerat hel-arazteko lana eta hortarako behar ziren muntadurak.  Herria   2005-07-07

Epaileek Serbia eta Montenegroko estatuari kalte-ordainak pagaraztea espero dute herritar musulmanek.  Berria - Mundua   2006-02-28

Eta lehen janaldia egin ondoan, ostalertsak saltzen zizkien xirioak, zortzi edo hamar soseko peza paga-araziz, erdia balio zutelarik.  Piarres Aintziart   «Santiago oinez», 2000 - 214. orr.

Justiziaren ideia bat behar da eskuarki inor justiziatzeko, zor zuen ordaina pagarazteko, erruduna zela eta merezi zuelako segurantzia izateko.  Iñaki Segurola   «Gaur ere ez du hiltzeko eguraldirik egingo», 2005 - 146. orr.

Azken honek erran du pagaraziko ziola Frantziari Irak-eko gerlaren kontra izaitea.  Herria   2004-12-02

Bertzelakoak dira damuaren petxa pisuaren ordaina pagarazten duten plazerak.  Aingeru Epaltza   «Mailuaren odola», 2006 - 144. orr.

Pagarazi genion, larrutik pagarazi ere.  Aingeru Epaltza   «Rock'n'roll», 2000 - 241. orr.

Paga arazten diote bere xedea, paga arazten digute gu, abertzale guzien xedea: gure herria, Euskal Herria, xutik, bere jabe, eraikitzeko dugun oldarra.  Herria   2005-12-08

 



Nodoa: liferay1.lgp.ehu.eus