Egungo Euskararen Hiztegia (EEH)

pisu¹ (orobat pizu g.er. eta pixu g.er.) 1 iz Lurrak gorputz bat erakartzen duen indarra; indar horren neurria, nolakotasuna edo eragina. ik hazta; zama.

Utz ezazue "gorputz" esperientzia-adigaitik pixkanaka bertan enpirikoa den guztia alde batera: kolorea, gogortasuna edo biguntasuna, pisua, sarrezintasuna bera; [...]. Ibon Uribarri «Arrazoimen hutsaren kritika» - Immanuel Kant, 1999 - 33. orr.

Beragandik dator muga oro, espezie oro, ordena oro; Beragandik neurria, kopurua, pisua. Imanol Unzurrunzaga «Hainbat idazlan» - San Agustin, 2003 - 352. orr.

Erasoetan erabilitako lehergai bakoitzak 4,5 kiloko pisua zuen, bizkarzorro batean kabitzeko modukoa. Berria - Harian 2005-07-09

Nik ia 60 urte ditut, eta 120 kilo inguruko pisua. Bernardo Atxaga «Soinujolearen semea», 2003 - 463. orr.

Elurraren pisuaz teilatuak okertu ere egingo zirela. Joseba Sarrionandia «Lagun izoztua», 2001 - 268. orr.

Muskulua da gizon baten gorputzaren pisuaren % 40 inguru. Irene Aldasoro «Giza gorputza lanean» - John Lenihan, 2006 - 49. orr.

Nire pisu guztiaz zapaltzen dut gidako palanka, horma bat botatzen ariko banintz bezala. Josu Zabaleta «Gerrako pilotu» - Antoine Saint-Exupéry, 2003 - 136. orr.

Bat-batean nire pisu guztia galdu eta airean sentitu nintzen, eserita nengoen aulkitik hogei zentimetro gorago. Bernardo Atxaga «Soinujolearen semea», 2003 - 160. orr.

Gauza jakina da adreiluzko paretek [...] ezin diotela pisu batetik gorako zamari eutsi. Santiago Iruretagoiena «Arkitekturaz hamar liburuak» - Vitruvio, 2000 - 1250. orr.

Pisu bereko harri koxkor bi zituen. Josetxo Azkona «Patata soro bat», 2004 - 159. orr.

Merkatalontziko sotoan pisatutako ikatzak ikaztegira iritsitakoan ere pisu bera zuela kontrolatu behar nuen. Anjel Lertxundi «Ihes betea», 2006 - 219. orr.

Zer balentriak garai batez, Aurizberritik eta Lasara pisu horretako kargak eramanez zalu zalua! Angel Aintziburu / Jean Baptiste Etxarren «Luzaiden gaindi», 2002 - 218. orr.

Pisu gehiegitxo dauka, baina aizkolari handia da. Berria - Kirola 2004-03-19

Maleta eskuetan hartu eta oso pisu gutxi zeukala baieztatu zuen. Harkaitz Cano «Pasaia blues», 1999 - 208. orr.

Sorpresa ederra hartu du Santik, Berangon jasotako behiak uste baino pisu dezente handiagoa eman baitu baskulan. Patxi Iturritegi «Behi eroak», 2003 - 152. orr.

Berez izaten da zurruna eta pisuaren eraginez ez da erraz okertzen. Santiago Iruretagoiena «Arkitekturaz hamar liburuak» - Vitruvio, 2000 - 1310. orr.

Ezustean, tontorrean metatu elur-hegala pisuaren pisuz urratu zen eta amilka erori. Josetxo Azkona «Patata soro bat», 2004 - 84. orr.

2 (izenondoekin)

Bide ondoko etxeak ere osorik dardaratzen baitira hain pisu handikoak ez diren gurdien pasaeran. Xabier Amuriza «Gauzen izaeraz» - Lukrezio, 2001 - 425. orr.

Pisu ikaragarria zuen, eta ukitzean beroa zen. Juan Garzia «Sistema periodikoa» - Primo Levi, 1998 - 260. orr.

Sua urrun botatzen du eta hautsa lekutara zabaltzen, eta belztasun zarratuko kea iraulkatzen du eta aldi berean pisu izugarriko haitzak jaurtitzen. Xabier Amuriza «Gauzen izaeraz» - Lukrezio, 2001 - 433. orr.

Eztiki eraman nuen Ixabel gure ohetik gelako sehaskara eta bere gorpuzñoaren pisu arina nire besoetan nuela. Hasier Etxeberria «Arrainak ura baino», 1999 - 177. orr.

Zaldia gutxigatik ez zen lurreraino makurtu hain pisu astunaren zamapean. Jose Morales «Arima hilak» - Nikolai Gogol, 1998 - 138. orr.

Drakmak bere pisu neurtua izan behar du eta ongi ikurkaturik egon. Joan Mari Lekuona «Mistika liburuak» - Eckhart-Tauler, 1997 - 83. orr.

Zeure bizkarrean zintzilik zeraman besoak pisu harrigarria hartzen zuela sentitu zenuen, lehenago ez bezala. Hasier Etxeberria «Mutuaren hitzak», 2005 - 138. orr.

Besapean, berriz, pistolaren pisu lasaigarria. Alberto Ladron Arana «Eguzki beltzaren sekretua», 2004 - 126. orr.

Pisu molekular baxuko polietilenoa, dentsitate baxuko polietileno lineala (LLDPE), dentsitate altuko polietilenoa (HDPE), pisu molekular oso-oso altuko polietilenoa (UHMWPE),... Berria - Gaiak 2006-01-12

3 (hitz elkartuetan lehen osagai gisa)

Pud: Errusiako pisu-neurri antzinakoa (16,3 kilogramoren baliokidea). Jose Morales «Arima hilak» - Nikolai Gogol, 1998 - 80. orr.

Esan behar da, beraz, gorputzen grabitatea ez dela pisu-kopuruaren araberakoa izaten, bakoitzaren izaeraren araberakoa baizik. Santiago Iruretagoiena «Arkitekturaz hamar liburuak» - Vitruvio, 2000 - 3470. orr.

DIUak ez du pisu aldaketarik eragiten, ezta likido erretentziorik ere, hau da, ez du loditzen. Luis Elberdin «Sexua noiznahi», 2005 - 100. orr.

Erabaki-, itxaropen- eta beldur-krisialdi bat izan zen, baina sukar handia, pisu-galera eta eldarnioak eragin zizkion, bai eta krisi epileptiko bat ere beharbada. Xabier Olarra «Antropologo bat Marten» - Oliver Sacks, 2003 - 164. orr.

Ez zituen pisu neurketa haiek osasun kontuengatik burutzen, nahiz eta jakin bazekien argalduz gero ez zitzaiola [...] arnasa desneurrian larrituko. Bernardo Atxaga «Soinujolearen semea», 2003 - 235. orr.

Gaur egun Frantzian 5,3 milioi pertsona dira gizenak eta 14,4 milioi pertsonak pisu arazoak dituzte. Berria - Euskal Herria 2004-07-31

Demagun ezen, zilarraren pisu-legeen arabera, zilarrezko hiru liberako ezkutuak berrogei sos-erdi balio zituela. «Legeen espirituaz II» - Montesquieu, 1999 - 81. orr.

4 pisu nabarmena duen gauza.

Pisu astun bat jaso behar denean edo pala bat lur gogorrean sartu, gorputz osoa zurruntzen da. Irene Aldasoro «Giza gorputza lanean» - John Lenihan, 2006 - 64. orr.

Oinaze-zaldian zintzilikatu zuten, burdinazko pisu ugari beraren gainean jarriz. Askoren artean «Asisko Frantzizko, Asisko Klara», 2002 - 859. orr.

Burdinazko pisu bati loturik eta perla beltza kolkoan, salto egin zuen uretara, tiburoien bazka eginik. Xabier Mendiguren Elizegi «16 ipuin amodiozko», 2002 - 52. orr.

5 (kiroletan)

Pisu jaurtiketako proba hango olinpiar estadioan jokatuko baita. Berria - Kirola 2004-08-10

Askoz handiagoak izan daitezke tentsioak kirolarien kasuan, batez ere oinak lurretik altxatzeko edo lurrean pausatzeko unean, edo pisu-jasotze eta antzeko jardueretan. Irene Aldasoro «Giza gorputza lanean» - John Lenihan, 2006 - 34. orr.

Pisu-jasotzaileek eta disko-jaurtitzaileek eman zuten hezur-mineral kantitate handiena. abiadura probetako kirolariek, pisu altxatzaileek eta eskubaloi eta futbol jokalariek erabiltzen dute batez ere. Irene Aldasoro «Giza gorputza lanean» - John Lenihan, 2006 - 35. orr.

Emakume bat atera zen, lehen begi kolpean pisu-jaurtitzaile edo agian mailu-jaurtitzaile errumaniarraren itxurakoa iruditu zitzaidana. Jon Alonso «Euskal karma», 2001 - 45. orr.

Haltera-pisuak jasotzean min hartzen nuela, batez ere, belaunak behartzen nituenetan. Berria - Kirola 2004-04-15

Bart hasi dira Azkoitiko (Gipuzkoa) pisu neurtuko idi probak. Berria - Kirola 2004-11-30

6 pisu jakineko gauzakia, pisatzeko erabiltzen dena.

Denbora, distantzia, luzera, bolumen, pisu eta balioaren neurri estandarrak gizarte-bizitzako premiak dira edozein mailatan. Iñaki Mendiguren «Historiaren azterketa II» - A.J. Toynbee, 2000 - 70. orr.

Frantziar iraultzaileek, beren egutegi sekular berria ezartzen hain osoro huts egin zutenek, arrakasta ekumenikoa izan zuten beren pisu eta neurri berriekin. Iñaki Mendiguren «Historiaren azterketa II» - A.J. Toynbee, 2000 - 75. orr.

Jaunari eskainiriko ogiez, eskaintzetarako ogi-irinaz, legamigabeko opilez, [...], pisu eta neurriez ere arduratu behar zuten. Elizen arteko biblia 1 Kro 23,29

Erabili balantza zuzenak, pisu eta neurgailu zuzenak. Elizen arteko biblia Ez 45,10

Ez duzue pisu eta neurri faltsurik erabiliko salerosketetan. Elizen arteko biblia Dt 25,13-14

Bildutako zilarra hiru mila hirurehun eta hemeretzi kilo izan zen, santutegiko pisu-neurriaren arabera. Elizen arteko biblia Ir 38,25

· Pisa nazala Jainkoak pisu zuzenez, eta ikusiko du nire prestutasuna. Elizen arteko biblia Jb 31,6

7 zama nekagarria.

Nire presentzia hutsa harlauza batena baino pisu astunagoa zen Umbertorentzat, eta garbi nuen ez niola ezer gehiago eskatuko hainbeste lagundu zidanari. Anjel Lertxundi «Ihes betea», 2006 - 295. orr.

Beldurraren pisuak larritzen zuen. Agustin Otsoa «Eraztunen Jauna III» - J.R.R. Tolkien, 2004 - 125. orr.

Izututa eta lotsazko eta kaxkarkeriazko pisu eutsiezin batek zanpatua. Josu Zabaleta «Sei pertsonaia autore bila» - Luigi Pirandello, 2003 - 29. orr.

Hala ere, oraindik halako pisu bat nabaritzen nuen bihotzean. Alberto Ladron Arana «Eguzki beltzaren sekretua», 2004 - 25. orr.

Ez dut sukarrik, baina halako pisu astun bat sentitzen dut bularrean, inor ukabila sartzen ari balitzait bezala. Anjel Lertxundi «Argizariaren egunak», 1998 - 13. orr.

Beteranoa naiz, eta nire adinarekin, urteek pisu bikoitza daukate, baina ondo nago oraindik. Berria - Kirola 2006-03-17

Ez dakit ondo edo gaizki egiten ote dudan hau guztia zuri idaztean, baina iruditzen zait arindu egiten naizela nirea ez den zama baten pisutik. Hasier Etxeberria «Mutuaren hitzak», 2005 - 147. orr.

· irud/hed Bere aldetik, Albert Pery auzapez ohiak erran du halako pisu bat kendu diola Pauen hartu erabakiak. Herria 2001-06-21

Lehertzen banaiz, hobe; horrela pisu bat kentzen dute gainetik. Juan Martin Elexpuru / Bego Montorio «Filosofia apaingelan» - Sade, 2001 - 22. orr.

Burua altxatu zuen, gainetik pisu handi bat kendu bailuen. Migel Angel Mintegi «Denak du bere prezioa», 2002 - 62. orr.

Gainetik pisu handi bat kendu izan baliote bezala ari zen. Anjel Lertxundi «Ihes betea», 2006 - 153. orr.

-Gure andre erreginarendako da -eman zion Arburuak aitatxiri, gainetik pisu astuna kentzen duenaren keinua eginez. Aingeru Epaltza «Mailuaren odola», 2006 - 123. orr.

Hori bada nahi duana, pisu galanta kenduko didak gainetik. Anjel Lertxundi «Ihes betea», 2006 - 233. orr.

8 zama, erantzukizuna.

Komentuko pisu guztia haren gain geratzen zela eta ez beraien gain. Askoren artean «Asisko Frantzizko, Asisko Klara», 2002 - 965. orr.

Baina gero eta pisu handiagoko zama bat ere bazuen: bere izena. Julen Gabiria «Peter Pan» - James Matthew Barrie, 2004 - 15. orr.

Batasunekoek eta Sozialistek eramaten badute negoziazioaren pisu nagusia, adibidez, ez al lioke honek jeltzaleei lagunduko? Joseba Zulaika «ETAren hautsa», 2006 - 77. orr.

9 gorabehera, garrantzia.

Holako arrazoinekin, zer pisu dute Itoitz eta auzo herrietan bizi diren 50 bat jendeek? Herria 2003-06-26

Esaten ez dena azalean itsatsita bezala geratzen da, pisua dauka, hortxe dago, eta igarri egiten zaigu, ikusi ez arren. Ana Urkiza «Zortzi unibertso, zortzi idazle», 2006 - 363. orr.

Ez dugu sinisten pisu bera dutenik emakumezkoak eta gizonezkoak. Ana Urkiza «Zortzi unibertso, zortzi idazle», 2006 - 214. orr.

Berrehun urtean gugan pisua izan duten printzipio sasi-moraletaz askatu ahal izango gara orduan. Iñaki Heras «Txanponaren bi aldeak», 2003 - 79. orr.

Nazioartekoturiko ekoizpenak munduko BPGean duen pisua (%9 1998an, eta %5 1985ean) handituz joango da. Koro Navarro «Ekonomiaren globalizazioa» - Jacques Adda, 2004 - 73. orr.

Julio Cortázar ere aipatuko nuke narratiban, niretzako pisu handia izan baitzuen. Ana Urkiza «Zortzi unibertso, zortzi idazle», 2006 - 95. orr.

Ezaugarri horiek pisu desberdina dute unibertsitateen arabera eta unibertsitateen zentro edo sailen arabera. Juan Ignacio Pérez / Pello Salaburu «Unibertsitatea eta euskal gizartea gaur», 2003 - 42. orr.

Nekazaritzak ekonomian pisu handia zuenean, klimak markatzen baitzuen, hein handi batean, ekonomia zikloaren bilakaera. Iñaki Heras «Txanponaren bi aldeak», 2003 - 108. orr.

Gazte sasoiko ilusioek pisu handiagoa hartzen dute gure oroitzapenetan, ametsen gauzatzeak baino. Anjel Lertxundi «Ihes betea», 2006 - 123. orr.

Bietan "inprobisatutako zatia"k pisu handiagoa hartzen du. J. Garzia / A. Egaña / J. Sarasua «Bat-bateko bertsolaritza», 2005 - 110. orr.

Lausenguak utzi eta pisu handiagoko arrazoiak agertzeko aldia nuen. Aingeru Epaltza «Rock'n'roll», 2000 - 97. orr.

Txinak Japoniak baino pisu handiagoa du, Indiak Alemaniak baino handiagoa, eta Mexikoko BPGak Kanadakoa gainditzen du. Koro Navarro «Ekonomiaren globalizazioa» - Jacques Adda, 2004 - 129. orr.

Nahikoa da, nire ustez, lotura horien pisu guztia sentitzea eta aztertzea, lotura horiek lasaitzen dituen ekintza krimentzat ez hartzeko. Juan Martin Elexpuru / Bego Montorio «Filosofia apaingelan» - Sade, 2001 - 248. orr.

Mundu-ekonomia zirkulu zentrokideetan zegoen egituratua; zentroarekiko mendekotasuna hazi ahala, behera egiten zuen pisu ekonomikoak. Koro Navarro «Ekonomiaren globalizazioa» - Jacques Adda, 2004 - 30. orr.

Antzerki tarteetan umorea nagusi da, eta dantza tarteek, berriz, pisu dramatikoa hartzen dute. Berria - Kultura 2006-01-20

10 (boxeo eta kidekoetan)

Klubeko izarra zen Manu Kid Sanchez, pisu astunetako txapelduna, berton ari baitzen erakustaldi bizian. Josu Landa «Odolbildua», 2002 - 53. orr.

1964an pisu astunen munduko txapeldun, Sonny Listonen aurka. Berria - Kirola 2004-02-25

Lehenik eta behin, halere, hobe kontuak egin, ez duk uste? -pisu astuneko boxealariak bezain erromantikoa zen, alajaina!-. Migel Angel Mintegi «Denak du bere prezioa», 2002 - 84. orr.

Boseoan ere, peso mosca deitzen zaio pisu arineko jokoari. Patziku Perurena «Harrizko pareta erdiurratuak», 2004 - 118. orr.

Ukabil-joko handia, bertoko sekzioko Mirko Bagotti alderdikide eta pisu-maila handienekoaren eta Probintziako Federazioko Anteo Gorlini alderdikide eta pisu-maila handienekoaren artekoa. Koldo Biguri «On Camillo» - Giovanni Guareschi, 2001 - 156. orr.

Ickboxing-a gailurrera iritsi da Euskal Herrian, azaroan Ignacio Txino Sanchezek pisu ertainean munduko txapeldun titulua berretsi ondoren. Berria - Kirola 2004-12-28

-Herfy eta Kid euli pisuko txapelketa lortzeko lehian arituko dituk. Lopez de Arana «Manhattan Transfer» - John Dos Passos, 1999 - 143. orr.

1,72 metro eta 66 kilo (welter pisua). Berria - Kirola 2004-02-15

Welter pisuko Espainiako txapelketa. Berria - Kirola 2004-10-17

11 (sokatiran)

Espainiak 560, 640 eta 680 kiloetan jardungo du, eta hiru pisu horiek Mutriku, Gaztedi eta Goiherriko tiralariek tiratuko dute, konbinatuak osatuta. Berria - Kirola 2004-08-28

Ohiko pisuetan jardungo dute tiralariek; hots, 480 eta 520 kilokoetan emakumezkoek eta 560, 600, 640 eta 680 kilokoetan gizonezkoek. Berria - Kirola 2004-01-09

Pisu txikian tiraldi estuak ikusi ziren, eta hainbat txandatan lehia polita, gainera. Berria - Kirola 2004-01-17

Pisu txikian izan dugu hutsunea, esku hartzeko asmoa baikenuen, baina tiralari bat lesionatu egin zen. Berria - Kirola 2004-06-01

Aurtengo lauko txapelketan bi pisutan irabazi du, baina tiralari guztiak erabili gabe. Berria - Kirola 2006-01-13

Pisu nagusian Nuarbek tiraldi guztiak irabazi zituen bere herrian jokaturiko saioan. Berria - Kirola 2004-06-19

600, 680 eta pisu libreko finalak jokatu zituzten, eta Ezpeletakoek tiraldi guztiak irabazi zituzten. Berria - Kirola 2004-06-08

12 pisatzeko tresna.

Halako moldez non ematen dituena ez dadin saihestu ez makurtu batera ez bestera; aitzitik, erdian egonik pisu-orratza bezala, utz diezaion bitarteko gabe jarduten Egilea sorkariarekin eta sorkariari Egile eta Jaunarekin. Patxi Altuna «Gogojardunak» - Inazio Loiolakoa, 2004 - 39. orr.

Gorroto ditu Jaunak engainuzko pisuak; begiko ditu, ordea, neurgailu zehatzak. Elizen arteko biblia EsZ 11,1

• 13 izond astuna, pisu handia duena.

Gorputz guztiak pisuak dira. Ibon Uribarri «Arrazoimen hutsaren kritika» - Immanuel Kant, 1999 - 32. orr.

Zer akidurak biltzen ziren beti kurri eta zenbait aldiz zaku pisu bat bizkarrean, berdin kintal erdikoa! Angel Aintziburu / Jean Baptiste Etxarren «Luzaiden gaindi», 2002 - 218. orr.

Doi-doi hartu nuen eskuetan tabako kiratsa zerion jaka pisu hura. Harkaitz Cano «Neguko zirkua», 2005 - 24. orr.

Bere bidea egiten zuela, denen ezkutuan, zurean intsektuek egiten duten bezala, oskol hustu bat uzten baitute altzari pisu bat bazegoela uste genuen tokian. Jon Alonso «Lisboako Setioaren Historia» - José Saramago, 2000 - 101. orr.

Itsuak baitziren; itsutasunaren aintziran murgildutako bi harri pisu. Felipe Juaristi «Airezko emakumeak», 2003 - 34. orr.

Bala bat errekamaran sartuta, armak pisuagoa ematen zuen. Alberto Ladron Arana «Eguzki beltzaren sekretua», 2004 - 77. orr.

Makineria pisuaren laguntza behar duten zientziaren edo pentsamenduaren eremu handi-zabalak. Aingeru Epaltza «Rock'n'roll», 2000 - 90. orr.

Nonbait urrun zegoen jada Manhattan, horko trafiko pisua, jendearen presa. Iñaki Zabaleta «110. Street-eko geltokia», 2003 - 151. orr.

Ni, artean, erdi lotan nengoen, eta halaxe ohartu nintzen denetaz, laino pisu batzuen atzetik bezala. Joxemari Iturralde «Euliak ez dira argazkietan azaltzen», 2000 - 89. orr.

· Anjelmariren burua pisu egin zitzaion eskuartean, eta bere horretan laga zuen. Unai Iturriaga «Berandu da gelditzeko», 1999 - 185. orr.

14 irud/hed

Bai, jatorrak dira, baina pisu samarrak. Xabier Mendiguren Elizegi «Uda betiko balitz», 2003 - 50. orr.

Karguaren zama ote da holakoetan pisuegia? Herria 2005-05-12

Bertzelakoak dira damuaren petxa pisuaren ordaina pagarazten duten plazerak. Aingeru Epaltza «Mailuaren odola», 2006 - 144. orr.

Erabaki pisuak hartu dituzte, erranez denen artean behar dela ziloa estali. Herria 2002-12-26

Berehala erantzi, eta, burusi azpian sarturik, lo pisu batek hartu zuen. Jose Morales «Arima hilak» - Nikolai Gogol, 1998 - 196. orr.

Berunezko egunsenti pisua, eta gorputz beratza, epela, ohe arrotz batean, gela arrotz batean. Matías Múgica «Hiltzaile baten aitormena» - Joseph Roth, 2004 - 46. orr.

Bere begi hunkigarriekin tinko begiratzen zidan, begirada pisu nekatu batez. Monika Etxebarria «Goragalea» - Jean Paul Sartre, 2003 - 189. orr.

Une batez isiltasun pisu bat nagusitu zen etxebizitza erraldoiaz. Alberto Ladron Arana «Eguzki beltzaren sekretua», 2004 - 120. orr.

Badudala halako arrangura pisu bat, buruan ziztaka bezala ari zaidana. Janbattitt Dirassar «Bihotzeko mina», 1997 - 23. orr.

Emeki-emeki halako tristura pisu, eutsiezin batek hartzen ninduela sentitu nuen. Alberto Ladron Arana «Eguzki beltzaren sekretua», 2004 - 73. orr.

Arrazoi horrek huts egiten baldin bazuen, banuen bertze bat pisuagoa: pistola aldean eramaten nuen beti. Aingeru Epaltza «Mailuaren odola», 2006 - 222. orr.

15 (neurriekin)

Palankatxo moduko tresna bat, hamahiru libra pisu eta ia metro erdi luzekoa. Xabier Olarra «Antropologo bat Marten» - Oliver Sacks, 2003 - 74. orr.

Balea ederra, dotzena bat metra luze, adituen arabera hamar bat tona pisu. Herria 2004-05-27

Aspaldian ondo hotan ikusi den handiena, 18 metra luze eta 50 tonaz goiti pisu... Herria 2004-11-11

Behi horrek maiatzaren 22-an eginen bost urte, 1058 kilo pisu. Herria 2003-03-06

Pentsa, 38 kilo pisu, ez baita harritzeko holako arraina ezin menperatuz azkarki penatu behar izan bada ere gure gizona...! Herria 2004-04-22

16 pisura adlag pisuaren arabera.

Pisura erosi nahi izan zizkidatenan batek. Anton Garikano «Bederatzietatik bederatzietara» - Leo Perutz, 2003 - 90. orr.

Segidan datorrenak, ordea, lotsa bera gorritzerainokoa du gordinkeria: "haren itxura, saldu ahal baliteke pisura, urrearen truke, nork erosi faltako ez luke". Anjel Lertxundi «Konpainia noblean», 2004 - 88. orr.

17 pisuzko izlag

-Pisuzko arrazoiak, alajaina. Oraingoan ez nion mintzeko esan hori, pisuzko argudio gisa baizik. «Ispiluen gainean lotan» - Jordi Sierra i Fabra, 2004 - 254. orr.

Pisuzko argumentuak jarriko dituzte mahai gainean, eta bero-bero haien alde egin, mendea 1999ko abenduaren 31n bukatzen dela baieztatzeko. Pello Salaburu «XX. mendearen argi-itzalak», 2001 - 25. orr.

Elorrietak ziurtatu zuen LAB dela ELAren «pisuzko aliatu posible bakarra». Berria - Ekonomia 2004-12-01

Sinposiotik pisuzko hainbat ondorio atera badituzte ere, medikuak ez daude erabat gustura. Berria - Euskal Herria 2004-12-03

Arrazoi pisuzkoa, oraindik zain eta muin heldu nahi ez izateko, ez bederen burua onbideratzen ez nuen artean. Aingeru Epaltza «Rock'n'roll», 2000 - 209. orr.

Argudioa, hasieran pisuzkoa dirudien arren, batere oinarri gabea dela ikusiko dugu. Juan Martin Elexpuru / Bego Montorio «Filosofia apaingelan» - Sade, 2001 - 115. orr.

Iradokizun hau gordinegia da pisuzkoa izateko. Itziar Laka «Egitura sintaktikoak» - Noam Chomsky, 2003 - 102. orr.

Ustekabea izan bazen ere, ez zuen horrek ondorio politiko pisuzkorik izan. Berria - Euskal Herria 2004-08-28

Orain, ordea, "iritzi-berritua" baitzen familia, aukera ona zen oztopo psikologiko pisuzko bat desegiteko. Xabier Olarra «Antropologo bat Marten» - Oliver Sacks, 2003 - 150. orr.

Hainbat arrazoiz, batzuk pisuzkoagoak besteak baino. Juan Garzia «Sagua, eulia, eta gizakia» - François Jacob, 2004 - 73. orr.

18 pisu egin

Anjelmariren burua pisu egin zitzaion eskuartean, eta bere horretan laga zuen. Unai Iturriaga «Berandu da gelditzeko», 1999 - 185. orr.

19 pisu espezifiko gorputz baten pisua bolumen unitateko.

Material baten pisu espezifikoa balantzarik gabe kalkulatzea ez da noski gauza erraza. Juan Garzia «Sistema periodikoa» - Primo Levi, 1998 - 261. orr.

Nire asmoa ez da hemen inolaz ere hau benetan materien ezberdintasunei pisu espezifikoaren arabera gertatzen zaienik baieztatzea. Ibon Uribarri «Arrazoimen hutsaren kritika» - Immanuel Kant, 1999 - 102. orr.

20 pisu izan du ad ipar

Burua biziki pisu nuen eta bihotza arrunt minbera. Janbattitt Dirassar «Bihotzeko mina», 1997 - 133. orr.

Bi kiloz petik pisu du taula horrek. Herria 2003-05-29

Judu aireko batek tona bat pisu zuen bonba bat du bota, hain xuxen jende frango bizi den gune batean... Herria 2002-08-01

· Diga hori azkartzeko bost ehun harriz estaliko dute, bakoitzak hogei tona pisu. Herria 2003-01-21

hitz multzoen maiztasunak (gutxienez 3 aldiz agertzen direnak)

arrangura pisu (14); arrangura pisu bat (6); arrangura pisu batzu (6); giro pisu (4); gorputzaren pisu (9); isiltasun pisu (5); isiltasun pisu bat (3); kilo pisu (6); lo pisu (3); lo pisu batek (3)

pisu arineko (3); pisu asko (5); pisu astun (6); pisu astun bat (4); pisu astuna (8); pisu astunak (4); pisu astunen (6); pisu astunetako (7); pisu astunetan (5); pisu berean (3); pisu bereko (6); pisu berezia (4); pisu dezente (3)