Bilaketa aurreratua

Ogi apurrak

Egungo Euskararen Hiztegia (EEH)

Hasiera:

psikopata (orobat sikopata g.er.) 1 iz psikopatia bat duen pertsona.

Psikopatak ez du loturarik ezartzen aurreko ekintzaren eta ondorengoaren artean; horregatik, egin duena ahaztu zaionean gosea datorkio; eta diruaren jatorria ahaztu duenean gastatzeari ekiten dio. Pako Aristi   «Urregilearen orduak» - 298. orr.

Telebistako hilketak, gerrak, triskantzak, suteak, bonbardaketak, hilotz herrestak, ume bortxatuak, psikopata baten lasaitasunaz ikusten ditugu gure etxean. Pako Aristi   «Urregilearen orduak» - 298. orr.

Arrazoi bat egon behar baitzuen hilketaren ostean, noski, maniako sexualak, psikopatak eta gisakoak ez baitabiltza sarraskiak elkarlanean antolatzen, bakarka beti. Migel Angel Mintegi   «Denak du bere prezioa» - 37. orr.

Bertan, psikopata baten pentsaerak eta motibazioak agertzen ditu ahalik eta modu ulergarrienean. Berria - Kultura   2004-06-18

Gaztea da psikologoa, menturaz bokazioa dauka presoaren patu dohakabea hobetzeko, haren sofrikarioa eztitzeko, psikopatak sendatzeko edo izugileak ontzeko. Koldo Izagirre   «Agirre zaharraren kartzelaldi berriak» - 44. orr.

Dena dela, psikopatek letxe txarrik ez dute, ezta? Antton Olano   «<//jokoa.com>» - Gemma Lluch - 126. orr.

2 (izenondo gisa)

Hiltzaile psikopata edo maitale goxoa. Berria - Kultura   2004-09-25

3 (izenondo gisa; irud/hed)

Bulta handiaren buruan, ardiak jausten ziren tarrapataka, bata bestearen ondotik, gure deiei ihardetsiz bezain zakur psikopatak izuarazirik. Itxaro Borda   «%100 basque» - 21. orr.

Armando Bonillak berak delektazio psikopataz aitortu baitzituen hemen paperean idaztekoak ere ez direnak, bere izugarrian. Karlos Linazasoro   «Ez balego beste mundurik» - 172. orr.

Enpresa psikopata. Berria - Kultura   2004-04-11

'The corporation' film dokumentalean kapitalismoaren oinarrian arakatu dute Mark Achbarrek, Jennifer Abottek eta Joel Bakanek, eta enpresaren izaera psikopata azaleratu Berria - Kultura   2004-04-11

 



Nodoa: liferay1.lgp.ehu.eus