Egungo Euskararen Hiztegia (EEH)

teknika 1 iz arte, zientzia edo jarduera batean erabiltzen diren prozeduren edo jardueren multzoa.

Collingwooden teoriaren arabera, teknika soilik menderatzeak ez du inor artista bihurtzen. Askoren artean «Filosofiako gida», 2004 - 235. orr.

Teknika artifizio hutsa da, errepikapen bat, gauza hila berez. Pako Aristi «Gauza txikien liburua», 2004 - 10. orr.

Behin teknika menderatzen denean, alabaina, oharkabean aplikatzen da. Askoren artean «Filosofiako gida», 2004 - 330. orr.

Mendebaldeko Europako marinelek itsasketa ozeanikoaren teknika menderatu zutenean. Iñaki Mendiguren «Historiaren azterketa II» - A.J. Toynbee, 2000 - 172. orr.

Akuafortearen teknika hobetu zuen eta eragin handia ukan zuen geroko grabatzaileetan. Koldo Izagirre «Idi orgaren karranka» - Victor Hugo, 2002 - 87. orr.

Garai hartatik aurrera goi-mailako ikasketetan eztabaida logikoaren teknika nagusitu zen. Iñaki Mendiguren «Historiaren azterketa II» - A.J. Toynbee, 2000 - 286. orr.

Hitz hasieran letra bat edo batzuk gehitu beste hitz bat sortzeko, horra hor teknika. Iñaki Arranz «Hitza azti», 2006 - 51. orr.

Arabiar poesiaren espiritua eta teknika. Jakitea teknika da ezer baino lehen, trebetasun praktikoa [...], zuhurtasuna, azpijokoa edo amarrua bere baitan hartzen dituena. Iñaki Mendiguren «Historiaren azterketa II» - A.J. Toynbee, 2000 - 221. orr.

Tresneria horietaz baliatzeko teknika. Josu Zabaleta «Irudia» - Jacques Aumont, 2004 - 169. orr.

Idazlanak egiten eta aurkezten ikasteko teknika bat proposatzen da. Askoren artean «Filosofiako gida», 2004 - 17. orr.

Erantzuna bat-bateko jardunetan sarri erabiltzen den teknika batez baliatuz eman du, gainera: pertsona eta pertsonaia nahastuz. J. Garzia / A. Egaña / J. Sarasua «Bat-bateko bertsolaritza», 2005 - 126. orr.

Argazkia izan zen lehenengo aurkitu zen irudi automatikoa; hasieran errepika optikoak egiteko teknika bat bezala hartu zen. Josu Zabaleta «Irudia» - Jacques Aumont, 2004 - 285. orr.

Fotometria argi kopuruak neurtzen dituen teknika da. Josu Zabaleta «Irudia» - Jacques Aumont, 2004 - 25. orr.

Saiatu naiz teknika hori garatzen. Koldo Izagirre «Agirre zaharraren kartzelaldi berriak», 1999 - 96. orr.

2 (izenondoekin)

Koadroei argitasuna emateko teknika bereziak. Ramon Saizarbitoria «Gorde nazazu lurpean», 2000 - 141. orr.

Teknika mnemotekniko bat da. Iñaki Arranz «Hitza azti», 2006 - 171. orr.

Teknika elektroniko sentikorrak erabiliz jaso daitezke nerbio-zuntzetan doazen seinaleak. Irene Aldasoro «Giza gorputza lanean» - John Lenihan, 2006 - 116. orr.

Lan-indarraren hezkuntza-maila altuak, hasteko, teknika modernoak ikastea bultzatzen du. Koro Navarro «Ekonomiaren globalizazioa» - Jacques Adda, 2004 - 121. orr.

Ingeniaritzako teknika aurreratuenek nekez hobe dezaketen emaitza. Irene Aldasoro «Giza gorputza lanean» - John Lenihan, 2006 - 41. orr.

Hastapenean, teknika mistoak eta collage-ak landu nituen, eta baita eskulturatik gertu zeuden lanak ere. Berria - Kultura 2004-07-18

Medikuntzaren eta psikologiaren teknika osagarri bat da hipnosia. Berria - Euskal Herria 2004-07-27

Marketako zaintzaileek eta aurkako gerra-talde barbaroek, denbora igarotzean, elkarren artean berdintzera jotzen dute, lehenik teknika militarrean eta azkenean kulturan ere bai. Iñaki Mendiguren «Historiaren azterketa II» - A.J. Toynbee, 2000 - 43. orr.

Travellingaren ordez zoom hori erabiltzea oso teknika zabaldua izan zen. Josu Zabaleta «Irudia» - Jacques Aumont, 2004 - 169. orr.

Sormenaren nemesia: teknika iragankor baten idolatria. Iñaki Mendiguren «Historiaren azterketa II» - A.J. Toynbee, 2000 - 434. orr.

3 (hitz elkartuetan lehen osagai gisa) ik tekniko.

Ez dut uste, nolanahi ere, teknika alderdiari dagokion zerbait denik. Andoni Egaña «Hogeita bina», 2004 - 70. orr.

Gai bat maite dudanean hainbat teknika prozedura erabiltzen ditut. Berria - Kultura 2006-01-05

Abisu bat teknika mailan estudioak segitzen dituztenendako. Herria 2001-07-26

Informazio eta teknika trukaketak eginen ditu enpresa japoniarrak, akordioari esker. Herria 2005-12-15

Teknika-laguntzari ez zaio eman behar zuen garrantzia. Juan Ignacio Pérez / Pello Salaburu «Unibertsitatea eta euskal gizartea gaur», 2003 - 114. orr.

Aipatuak daude dagoeneko irakasle laguntzailerik ez egotea batetik, eta teknika-laguntzaile gutxiegi egotea bestetik. Juan Ignacio Pérez / Pello Salaburu «Unibertsitatea eta euskal gizartea gaur», 2003 - 116. orr.

Margolariak erabiltzen duen teknika sorta suertatzen da deigarriena. Berria - Kultura 2006-01-05

4 (hitz elkartuetan bigarren osagai gisa)

Hura baino lehen izan ziren beste intseminazio teknika batzuk. Ramon Saizarbitoria «Gorde nazazu lurpean», 2000 - 276. orr.

Beste teorialari askok, ordea, irudikapen-teknika batzuk beste batzuk baino "naturalagoak" direla azpimarratu dute. Josu Zabaleta «Irudia» - Jacques Aumont, 2004 - 101. orr.

Kirurgia teknika horiek ordezkatzen ditu laser berdeak. Berria - Gaiak 2004-11-21

Marrazketa teknika klasikoak ederki menderatzen zituela erakusten dute ilustrazio horiek. Berria - Kultura 2004-10-05

Narrazio teknika berriak trebeziaz baliatuz. Berria - Kultura 2006-04-25

Gaur egungo teledokumentazio teknika berriek sekula utzi behar ez zuen zokora baztertu dute memoria. Joxerra Garzia «Kurrin-kurrun vitae», 2004 - 49. orr.

Gehiegizko arautzea, babes-teknika mozorrotu gisa (kontsumitzaileen babesaren aldeko arauen kasuan). Koro Navarro «Ekonomiaren globalizazioa» - Jacques Adda, 2004 - 183. orr.

Irratian ziotenaren arabera, klonatze teknika jendeetara hedatuko zuten denbora labur barne. Itxaro Borda «%100 basque», 2001 - 18. orr.

Hona hemen buruzigilatze-teknika horren printzipio nagusia:[...]. Irene Aldasoro «Giza gorputza lanean» - John Lenihan, 2006 - 183. orr.

Mendebaldeko industri teknika militarraren gailu modernoetako batzuk bere probetxurako bihurtzean. Iñaki Mendiguren «Historiaren azterketa II» - A.J. Toynbee, 2000 - 148. orr.

Ikas-teknika horietan ere berdintsu: biharko laborantza moduari doakon prestakuntzekin. Herria 2005-04-07

Vaquerizaren irakas-teknika ez dakit Sobiet Batasunekoa ala berak asmatua ote zen, ez dakit eragingarria zen ere. Xabier Mendiguren Elizegi «Nerabearen biluzia», 1999 - 66. orr.

5 teknika horren ezaguera.

Teknika handiko jokalari gaztea. Berria - Kirola 2004-08-19

Teknika zorrotzeko dantzariak. Berria - Kultura 2006-02-10

Zuri buruz esaten da ez zarela oso teknika oneko jokalaria, baina partida osoan zehar kontzentrazioa ez duzula galtzen eta zure bertuteak ondo aprobetxatzen dituzula. Berria - Kirola 2004-03-25

Bertan 13 urteko mutilak aritzen dira lanean, teknika landuz. Berria - Kirola 2004-02-24

6 ondasunen ekoizpenean erabiltzen diren eta jakintza-ezagueran oinarritzen diren prozedura sistematikoen multzoa. ik teknologia.

Zientzia, teknika eta gizartea. Markos Zapiain «Errua eta maitasuna», 2002 - 22. orr.

Aurrerapena, zientziaren etorkizuna, teknika eta produkzioa gurtzea mito burgesak dira, XIX. mendean zehar dogma bilakatu zirenak. Iñaki Heras «Txanponaren bi aldeak», 2003 - 48. orr.

Iturri bertsutik edaten dute: zientzia, teknika, aurrerapena eta ekonomia determinismoaren uretatik, alegia. Iñaki Heras «Txanponaren bi aldeak», 2003 - 48. orr.

Ez dira zientzia eta teknika, teoria eta praktika elkartu teknozientzia berri batean? Askoren artean «Filosofiako gida», 2004 - 96. orr.

Horra teknika, mistikaren ordez! Joxe Austin Arrieta «Homo Faber» - Max Frisch, 2001 - 115. orr.

Bigarren Mundu Gerran eta gero Mendebaldean ondoz ondo Errusiaren etsai izan ziren Alemania eta Estatu Batuen teknika industrial eta militarraz jabetzearekin konformatu gabe. Iñaki Mendiguren «Historiaren azterketa II» - A.J. Toynbee, 2000 - 247. orr.

hitz multzoen maiztasunak (gutxienez 3 aldiz agertzen direnak)

ahots teknika (3); bi teknika (9); dantza teknika (3); egiteko teknika (5); erabilitako teknika (5); erabiltzen den teknika (3); erabiltzen duten teknika (3); estilo eta teknika (4); gai eta teknika (3); galdeketa teknika (3); horretarako teknika (3); mendebaldeko teknika (3); osatzeko teknika (3); probatu dute teknika (3); salmenta teknika (4)