Bilaketa aurreratua

Ogi apurrak

Egungo Euskararen Hiztegia (EEH)

trafiko (orobat trafiku g.er.) 1 iz ezkutukoak, legez kanpokoak edo lotsagarriak-edo diren gauzen merkataritza.

Bitxi samarra zuan, ordea, salerosketa hura; trafikoa deituko hioke hik.     «Loroaren teorema» - Denis Guedj, 2006 - 452. orr.

Legez kanpoko armen trafikoan aritzeagatik.  Berria - Mundua   2004-08-28

Urrian egindako epaiketan etorkinen trafikoan parte hartu izana onartu zuen.  Berria - Kultura   2004-11-17

Ekialdeko umezurtzen trafikoan espezializatutako GKEko arduraduna.  Aingeru Epaltza   «Rock'n'roll», 2000 - 144. orr.

Kuba ez zen leku txarra beltzen trafikoarekin dirua egiteko.  J.M. Olaizola "Txiliku"   «Bizitza eredugarriak», 2006 - 129. orr.

Dopatzeko substantzien trafikoaren aurkako operazioan.  Berria - Gaiak   2004-07-16

Frogak baditut muturra sartua zuela drogaren trafikoan, kokainarenean zehatzago izateko.  Fernando Rey   «Paradisuko Almanaka» - Gianni Celati, 2005 - 186. orr.

Trafiko horretan dihardutenek ezantza nahiko merke erosten dute Iranen eta nabarmen garestiago saltzen Pakistanen.  Berria - Mundua   2004-06-26

Zerbaiten trafikoan aritua zen, hori ziur.     «Loroaren teorema» - Denis Guedj, 2006 - 205. orr.

Iraun zuen epe laburrean, trafikoak sosa zekarren, ausarki.  Itxaro Borda   «Hiruko», 2003 - 32. orr.

2 (hitz elkartuetan)

Emakumeen aurkako indarkeria eta sexu trafikoa pertsonaren eta gizadiaren aurkako krimenak dira.  Berria - Harian   2005-10-18

Afrikako herrialde askok onartu dute giza trafikoa existitzen dela, baina, txostenaren arabera, gutxik jarri dituzte indarrean haren kontra egiteko araudiak.  Berria - Gaiak   2004-04-24

Sei lagun hiltzera zigortu dituzte Txinan, haur trafikoagatik.  Berria - Gaiak   2004-07-25

Orain bazakiat ziur: animalia-trafikoan zabiltzak.     «Loroaren teorema» - Denis Guedj, 2006 - 77. orr.

Edo beste hau -albumaren hurrengo orria bistaratu zuen-, arma trafiko osoa kontrolatzen duena, baina Gobernadorearen oneritziz ari denez libro dabilena.  Josu Landa   «Odolbildua», 2002 - 169. orr.

Gero arma-trafikoa ikaragarri hazi ez balitz Pertsiar golkoan.  Iñaki Mendiguren   «Historiaren azterketa II» - A.J. Toynbee, 2000 - 146. orr.

Militante batek dirua irabazteko, banku edo posta bulego atrakatzeaz gain, droga trafikoaren posibilitatea proposatu zuen.  Itxaro Borda   «Hiruko», 2003 - 29. orr.

Droga kontsumoa eta trafikoa saihesteko asmoz.  Berria - Euskal Herria   2004-03-27

Latinoamerika eta AEB arteko kokaina trafikoaren gune garrantzitsua da Jamaika.  Berria - Kultura   2006-04-29

Haxix trafikoa jazartzea leporatzen zion gobernuari eta madarikatu egiten zituen homosexualak begitan hartzen zituztenak.  Patxi Zubizarreta   «Mirarien kalezuloa» - Nagib Mahfuz, 2006 - 69. orr.

3 (hiru osagaiko hitz elkartuetan)

Organo trafiko sare bat izan zitekeenaren lehen susmoak han bertan izan zituzten.  Berria - Gaiak   2004-05-16

EAEko Herrizaingo Sailaren arabera, droga trafiko sare bat zuten eratuta Bilbon, eta atxilotuetako hiru arduradunak ziren.  Berria - Euskal Herria   2004-07-10

Gobernuaren kontrako droga trafiko akusazioak, gainera, ugari ziren.  Berria - Harian   2005-03-01

4 irud/hed

Jean-Pierre Destradek epaileari deklaratutakoaren arabera, influentzia trafiko sare bat ezarri zuen 1988 eta 1992 bitartean, Henri Emmanuellik galdeginik.  Berria - Euskal Herria   2004-08-20

5 merkataritza.

Urtetan odolaren trafikoan ibili izan gaituk, baina trafiko garbian...  Josu Landa   «Odolbildua», 2002 - 172. orr.

Salgaien trafikoa legez kanpo da, eta beraz, delitua.  Elena Touyarou   «Hautsi da katea» - Toti Mtz. de Lecea, 2004 - 141. orr.

Garai hartan liburuen eta komikien trafikoa izaten genuen auzoko umeen eta gazteen artean.  Berria - Harian   2005-03-24

Badira urte batzuk animalia-trafiko handia dabilela Parisen.     «Loroaren teorema» - Denis Guedj, 2006 - 392. orr.

Trafiko ilegala egin zuela uste dut, eta orduan ere justutik ez zuten atxilotu.  Pello Lizarralde   «Denak hasperenka» - Gianni Celati, 2005 - 125. orr.

Legez kanpoko immigrazio trafikoan aurretik jardun duten ala ez argitzeko xedez.  Berria - Mundua   2004-01-11

Hipoteken oreka berma dezaketen lege jakintsuak, horien hartzekodunek zordunen aurka izan dezaketen akzioa laburtu, arindu eta merke dezaketenak, era-erara datoz trafiko horri eusteko.  Andres Urrutia   «Frantziako kode zibilaren lehen proiektua» - Jean di Portalis, 2000 - 86. orr.

Trafiko hori korritu tasa eta nazio aberastasunaren gainean eragin handikoa da.  Andres Urrutia   «Frantziako kode zibilaren lehen proiektua» - Jean di Portalis, 2000 - 86. orr.

6 ibilgailu zirkulazioa.

Etxe berriak jaso dituztela, trafikoa marduldu dela...  Pako Aristi   «Urregilearen orduak», 1998 - 67. orr.

Kalean Eibarko udaltzain gehienak ariko dira lanean, trafikoa bideratzeko.  Berria - Kirola   2004-01-06

Hurrengo orduetan, berriz, ederki loditu zen elur-geruza, mota orotako ibilgailuen trafikoa guztiz eragotziz.  Joan Mari Irigoien   «Ipuin batean bezala», 2002 - 62. orr.

Autobideak kamioien trafikoa ekarriko luke gurera, eta guk ez dugu horren beharrik.  Berria - Harian   2005-03-27

Zubiaren bi muturretan, dozena erdi udaltzainek trafikoa geldiarazten eta saihesten zuten.  Aingeru Epaltza   «Rock'n'roll», 2000 - 37. orr.

PSOEren egoitzen aurrean manifestazioa egin zuten eta trafikoa moztu zuten zubi batean.  Berria - Mundua   2004-09-18

Trafikoa dezente murrizturik zegoen.  Migel Angel Mintegi   «Denak du bere prezioa», 2002 - 209. orr.

Oinezkoak ezkerretik doaz, trafikoa bera ere ezkerretik joan arren.  Gotzon Garate   «India harrigarria», 2001 - 43. orr.

Elurrak bigarren mailako errepideetako trafikoan arazoak eragin zituen.  Berria - Harian   2005-01-27

Trafikoaren erdian ziren berriz, motor, auto, kamioi eta autobusez inguraturik.  Xabier Montoia   «Baina bihotzak dio», 2002 - 132. orr.

Parisen metroz mugituko nintzen, beraz, trafikoaren zurrunbiloan erotzen ibili gabe.  Hasier Etxeberria   «Arrainak ura baino», 1999 - 121. orr.

Indiako hiri handietan trafikoa nahaste-borraste ikaragarria da.  Gotzon Garate   «India harrigarria», 2001 - 150. orr.

Trafikoa ez zen oso sarria, eta aise egin nuen bidea.  Anjel Lertxundi   «Argizariaren egunak», 1998 - 193. orr.

Trafikoa motel dabilelako atzeratu gara apur bat.  Berria - Harian   2005-01-26

Trafikoa berriro gelditu zen, taxiaren balaztek kirrinka egin zuten eta bat-batean Ellenek aurrerantzako bultzada bat sentitu zuen.  Lopez de Arana   «Manhattan Transfer» - John Dos Passos, 1999 - 501. orr.

Polizia-sirenak gailendu zaizkie trafikoaren eta euriaren hotsei.  Urtzi Urrutikoeetxea   «Auzoak», 2005 - 29. orr.

Trafikoko polizia epokakoa da, barregarri samarra.  Harkaitz Cano   «Neguko zirkua», 2005 - 155. orr.

Trafikoko guardia zibil bat hil zutela hantxe ondoan, Billabonan, gure herritik lau kilometrora.  Bernardo Atxaga   «Lekuak», 2005 - 90. orr.

Trafikokoak bezala zeudenan jantzita.  Mikel Hernandez Abaitua   «Ohe bat ozeanoaren erdian», 2001 - 15. orr.

7 (izenondo eta izenlagunekin)

Ordu horretan ez da trafiko handirik izaten, eta erraz aurkitzen dugu non aparkatu.  Patxi Iturritegi   «Behi eroak», 2003 - 117. orr.

Trafiko handi samarreko errepidean makina bat ibilgailuk jo didate klaxona.  Jon Arretxe   «Ekialdeko mamuak», 2003 - 88. orr.

Trafiko gutxi dabilela iruditu zait.  Koldo Izagirre   «Agirre zaharraren kartzelaldi berriak», 1999 - 188. orr.

Trafiko urriko errepidea zen Angiozartik Bergarara bitartekoa.  Juan Luis Zabala   «Agur, Euzkadi», 2000 - 30. orr.

Trafiko gehieneko orduan garraio sistemari eginiko eraso sorta izan da.  Berria - Harian   2005-07-08

Hotel erraldoiaren azpitik pasatzen zen etorbidearen trafiko ugarian lekua aurkitu zuen taxi gorriak.  Ramuntxo Etxeberri   «Skyroom», 2004 - 84. orr.

Union Square-n trafiko trinkoa zen.  Iñaki Zabaleta   «110. Street-eko geltokia», 2003 - 98. orr.

Hiriaren bihotza zeharkatzen duen kalea, trafiko zaratatsuak itotako Enqelab Hiribidea, Iraultzaren Hiribidea.  Jon Arretxe   «Ekialdeko mamuak», 2003 - 142. orr.

Udaletxeko zubia zeharkatu dugu zerbitzuko udaltzainak zuzentzen duen trafiko nagiaren ondotik.  Javi Cillero   «Hollywood eta biok», 1998 - 43. orr.

Kale zikinak, trafiko kaotikoa, jende etsia eta deserrotua bazterrik bazter...  Patxi Iturritegi   «Behi eroak», 2003 - 95. orr.

8 (hitz elkartuetan lehen osagai gisa)

Trafiko hotsa kanpaiek estaltzen dute.     «Eta emakumeari sugeak esan zion», 1999 - 139. orr.

Hainbat taldek ohartarazi dute azpiegitura horrek ez dituela konponduko Bilboko trafiko arazoak.  Berria - Euskal Herria   2004-07-02

Toki gutxitan omen dago Iranen adina trafiko istripu.  Jon Arretxe   «Ekialdeko mamuak», 2003 - 143. orr.

Beldurra uxatzeagatik, trafiko-seinaleak kontatzeari ekin diot.  Patxi Iturritegi   «Behi eroak», 2003 - 122. orr.

Ertzaintzak trafiko operazio berezia egingo du maiatzaren 1eko zubian.  Berria - Euskal Herria   2006-04-12

Trafiko-polizia erne dabilelako.  Edorta Agirre   «Baietz okerreko bidea aukeratu! », 2006 - 109. orr.

Trafiko zaintzaileak ez ziren inon ageri.  Joxemari Iturralde   «Euliak ez dira argazkietan azaltzen», 2000 - 80. orr.

Foruzaingoak N-240-A errepidean jarritako trafiko kontrol arrunt batean, Ibai Ederra atxilotu zuen.  Edurne Elizondo   «Itoiz, porlanezko gezurra», 2004 - 69. orr.

Bileran trafiko eskumenaz ere aritu ziren.  Berria - Euskal Herria   2006-02-01

Ehun eta hamabost trafiko-isun jaso ditu etxean.  Karlos Linazasoro    «Glosolaliak», 2004 - 115. orr.

Guardia Zibilaren Trafiko Sailak jakinarazi zuenaren arabera, [...].  Berria - Euskal Herria   2004-07-06

Espainiako Trafiko Zuzendaritza Nagusiak.  Berria - Ekonomia   2004-06-17

Eusko Jaurlaritza, Herrizaingo Saila, Trafiko Zuzendaritza, 2002.  Iñaki Arranz   «Hitza azti», 2006 - 84. orr.

9 (hitz elkartuetan bigarren osagai gisa)

Bilboko portuko kanpo trafikoa %27 igo da.  Berria - Ekonomia   2004-07-21

10 (hiru osagaiko hitz elkartuetan)

Fernandez harrituta ageri zen, trafiko segurtasun delitu batengatik barik, kopiengatik salatzea.  Iñigo Aranbarri   «Hizlandia», 2006 - 90. orr.

Trafiko bide-seinale bakoitza edo arbola bakoitza tamaina errealean marrazturik.  Iñaki Heras   «Txanponaren bi aldeak», 2003 - 21. orr.

Aire trafiko kontrolatzaile batentzat.  Berria - Mundua   2004-03-09

11 harat-honata.

Pasaiak inoizko mailarik gorena jo zuen, ia sei milioi tonako trafikoarekin.  Berria - Ekonomia   2004-02-17

Bilboko portuak ere trafikoa handitu zuen joan zen urtean: %10,5 trafiko guztia kontuan hartuta itsasontzien hornikuntza eta barneko trafikoa barne, eta %6 merkantzien trafiko soila aintzat hartuz gero.  Berria - Ekonomia   2004-02-17

Nekezia handiak izan ditu merkatal ganbarak enpresa bat aurkitzen Liverpool-en itsas trafiko horren asumitzeko.  Herria   2002-11-21

Merkatal Ganbarak ireki nahi du trafiko berri bat Baiona/Liverpool artean, puskaz bete kamioiak garraiatzeko.  Herria   2002-11-21

Trenen trafikoan eragina izango du SNCFren grebak.  Berria - Ekonomia   2004-01-21

Mundu honetan, mendea amaitzen ari zela, 18 milioi erabiltzaile berri sartzen zen Interneten hilero eta urte erdiaz behin trafikoa biderkatu egiten da.  Pello Salaburu   «XX. mendearen argi-itzalak», 2001 - 156. orr.

Merkantzien eta turisten trafikoa nabarmen igo da Bilboko Portuan.  Berria - Ekonomia   2006-02-14

Karga ez ezik, petroliontzien trafikoa bera ere handitu egingo dela ohartarazi du, bestalde, UNEPek.  Berria - Gaiak   2004-08-28

Italiar merkatariak merkantzia-trafikoaren eragile nagusiak.  Askoren artean   «Asisko Frantzizko, Asisko Klara», 2002 - 189. orr.

Indibiduo bakoitza taldeko besteekin komunikatu egiten da, informazio-trafiko batean hartzen du parte.  Askoren artean   «Filosofiako gida», 2004 - 125. orr.

hitz multzoen maiztasunak (gutxienez 3 aldiz agertzen direnak)

espainiako trafiko zuzendaritza (3); jaurlaritzako trafiko zuzendaritzak (10)

trafiko arazo (4); trafiko arazo larriak (3); trafiko arazoa (3); trafiko arazoak (11); trafiko arazoak eragin (3); trafiko arduradunek (4); trafiko eta (4); trafiko gutxi (5); trafiko handi (5); trafiko handi samarra (3); trafiko handia (10); trafiko handiko (4); trafiko hori (4); trafiko istripu (3); trafiko istripuen (3); trafiko istripuetan (4); trafiko kontrol (4); trafiko mota (4); trafiko sare (4); trafiko sare bat (3); trafiko seinale (3); trafiko seinaleak (4); trafiko zuzendaritza (7); trafiko zuzendaritza nagusiak (3); trafiko zuzendaritzak (15); trafiko zuzendaritzaren (3)

arma trafikoa (5); droga trafikoa (45); droga trafikoa leporatuta (4); emakumeen trafikoa (3); errepideetako trafikoa (4); giza trafikoa (10); haur trafikoa (4); haurren trafikoa (6); influentzia trafikoa (3); kamioien trafikoa (3); legez kanpoko trafikoa (4); organo trafikoa (3)

trafikoa arintzeko (4); trafikoa kontrolatu (3); trafikoa leporatuta (4); trafikoa zuzentzen (3)

droga trafikoagatik (3); haur trafikoagatik (3)

droga trafikoak (3)

droga trafikoan (9); trafikoan aritzeagatik (3); trafikoan aritzen (4)

droga trafikoarekin (10)

aire trafikoaren (3); droga trafikoaren (24); droga trafikoaren kontrako (3); emakume trafikoaren (4); giza trafikoaren (6); giza trafikoaren arrazoiak (3); hiriko trafikoaren (3)

trafikoaren aurka (3); trafikoaren aurkako (5); trafikoaren burrunba (3); trafikoaren erdian (3); trafikoaren gaineko (4); trafikoaren kontra (3); trafikoaren kontrako (5)

droga trafikoari (9)

trafikoko arau (3); trafikoko guardia (5)

portuko trafikua (6)

droga trafikuan (3)

 



Nodoa: liferay1.lgp.ehu.eus