Bilaketa aurreratua

Ogi apurrak

Egungo Euskararen Hiztegia (EEH)

txirri1 (orobat txiri g.er.) 1 iz tabakoa eta marihuana edo haxisa nahasiz egiten den zigarreta. ik porru2.

-Ekatzu kostoa, Fermin, deskribapen horrek txirri bat merezi du!  Pako Aristi   «Urregilearen orduak», 1998 - 315. orr.

Txirri bat egin, patxaran botila atera eta ordutan egon zitekeen burua altxatu gabe.  Xabier Montoia   «Baina bihotzak dio», 2002 - 13. orr.

Bazter batera doaz eta txirri bat liatzen dute.  Pako Aristi   «Urregilearen orduak», 1998 - 18. orr.

Listua emanda txirria lotzen ari da.  Pako Aristi   «Urregilearen orduak», 1998 - 248. orr.

Den-denok hil behar dugu, potxolo -esan zuen Rufusek, beste txirri bat pizten zuelarik-.  Oskar Arana   «Brooklyngo erokeriak» - Paul Auster, 2006 - 258. orr.

Txirria sutu eta zupada sakon bat eman dio: haxixaren abisua biriketan, mezularia burura abia dadin.  Pako Aristi   «Urregilearen orduak», 1998 - 248. orr.

Biak gora begira, txirria eskuz esku pasatzea beste mugimendurik gabe.  Xabier Mendiguren Elizegi   «Arima enkoniatuak», 2006 - 71. orr.

Txirria ematen zuen zerbait erretzen ari baitzen.  Oskar Arana   «Brooklyngo erokeriak» - Paul Auster, 2006 - 256. orr.

Gauez ateratzen naizenean, hor ikusten dut jendea dantzan, gelditu gabe zerbezak edaten, txirriak erretzen, pastillak hartzen...  Antton Olano   «<//jokoa.com>» - Gemma Lluch, 2002 - 101. orr.

Beste hiru kalada jo behar izan dizkiot txirriari.  Pako Aristi   «Urregilearen orduak», 1998 - 317. orr.

-Zer sentituko ote zuen ostiraleko zitaren aurrean? -galdetu diot, txirriarekin batera hitz egiteko txanda ere pasatuz.  Pako Aristi   «Urregilearen orduak», 1998 - 249. orr.

Roke serioak ere erre du denek erre duten txirria.  Pako Aristi   «Urregilearen orduak», 1998 - 195. orr.

Bigarrenez isiotu zuen ezpainetan eskegirik zeukan txirria.  Xabier Montoia   «Baina bihotzak dio», 2002 - 122. orr.

Azkenik neuk ere tira egin diot txirriari, ezpainekin kartoia estu-estu eginda.  Pako Aristi   «Urregilearen orduak», 1998 - 249. orr.

Egunaren nekea, edo garagardoen gehiegia txirriekin nahastuta.  Xabier Mendiguren Elizegi   «Arima enkoniatuak», 2006 - 79. orr.

2 (hitz elkartuetan)

Iruditzen zaio hor badagoela egia bat, hirian, kaleek eta jendeek berez duten txirri-porroarekin ezkutatzen zaiona.  Pako Aristi   «Urregilearen orduak», 1998 - 204. orr.

hitz multzoen maiztasunak (gutxienez 3 aldiz agertzen direnak)

beste txirri bat (3)

 



Nodoa: liferay1.lgp.ehu.eus