Bilaketa aurreratua

Ogi apurrak

Egungo Euskararen Hiztegia (EEH)

txoko (1068 agerraldi, 167 liburu eta 269 artikulutan) 1 iz bazter ezkutua edo. ik zoko; xoko. (etxe, gela eta kidekoetan)

Eraikinaren txoko bateko iturriaren marmar isilak iluntzeko beste zaratak estali zituen.  Fernando Morillo   «Gloria Mundi», 2004 - 29. orr.

Otoitzean ari zen elizako txoko batean.  Askoren artean   «Asisko Frantzizko, Asisko Klara», 2002 - 1105. orr.

Tabernako txoko batean eseri naiz, eta tapiz berdean hedatutako egunkari txatalak hartu eta utzi ibili naiz.  Javi Cillero   «Hollywood eta biok», 1998 - 39. orr.

Etxebizitza zahar hartan txoko bat prestatuta zeukan beti, ohea jantzi berria, mutila noiz agertuko zain.  Javi Cillero   «Hollywood eta biok», 1998 - 20. orr.

Lozakua zabaldu nuen txabolako txoko batean zegoen Antonioren ohe ondoan.  Aitor Arana   «Onan», 2000 - 99. orr.

Barra amaitzen den txokora hurbildu dira.  Sonia Gonzalez   «Ugerra eta kedarra», 2003 - 118. orr.

Txoko bat besterik ez diat eskatzen; lurrean ere lasai asko egin zezakeat lo.  Iban Zaldua   «Gezurrak, gezurrak, gezurrak», 2001 - 132. orr.

Lehengusuen etxera joaten nintzenean ere, haiek Tintin-en abenturak izaten zituzten eta txoko batean ezkutatuta irakurtzen egoten nintzen.  Ana Urkiza   «Zortzi unibertso, zortzi idazle», 2006 - 233. orr.

Gauean, ukuiluko txoko batean, Peppone eta On Camillo kartetan ari ziren, petrolio-lanpara baten argitan.  Koldo Biguri   «On Camillo» - Giovanni Guareschi, 2001 - 179. orr.

Egongelako txoko batean zegoen mahai txikiago batean gosaltzea erabaki zuten.  Aitor Arana   «Bost ahizpa», 2005 - 96. orr.

Gosaltzeko txokoan eseri, kafea hartu eta eraztun bat uzten dut oharraren gainean.  Koro Navarro   «Zertaz ari garen maitasunaz ari garenean» - Raymond Carver, 2003 - 96. orr.

Gauero [...] Hermione egongelako txoko batean lanean ikusten zuten.  Iñaki Mendiguren   «Harry Potter eta sorgin harria» - J.K. Rowling, 2000 - 199. orr.

Joseba txoko bateko eserlekuan jarri eta mina jasateari ekin zion, mutu.  Fernando Morillo   «Gloria Mundi», 2004 - 70. orr.

Emakume zahar batzuk zeuden txoko batean eserita, edalontzi txiki batzuetan jereza edaten.  Iñaki Mendiguren   «Harry Potter eta Azkabango presoa» - J.K. Rowling, 2002 - 66. orr.

Leihoaren txokoan ezkutatu nauk ni, eta ez naik ikusi.  Anton Garikano   «Bederatzietatik bederatzietara» - Leo Perutz, 2003 - 204. orr.

Katuaren etxola dago txoko batean, baina ez dago katurik inon.  Javi Cillero   «Hollywood eta biok», 1998 - 98. orr.

Konturatu ginen etxean epel zegoen txoko bakarra beheko suaren ondokoa zela.  Xabier Mendiguren Elizegi   «Arima enkoniatuak», 2006 - 169. orr.

Lehenbizi eraman txakurra bere txokora, zure gela ez da animalia bat edukitzeko leku aproposena eta.  Joxemari Urteaga   «Ordaina zor nizun», 2001 - 12. orr.

Bera moldatu zen ezagun batzuen etxean txoko bat aurkitzeko.  Arantxa Iturbe   «Kontu-jaten», 2006 - 145. orr.

Has eta buka edan zuen Abelek limoi-ur basokada handi bat, edarien txokoan.     «Loroaren teorema» - Denis Guedj, 2006 - 325. orr.

Halako baten arreta jarri zuten kafetegiaren azken txokoan begira-begira zeuzkaten mutilengan.  Jon Arretxe   «Ostiralak», 2000 - 96. orr.

Bakartien izkina honetan, -sartu eta eskuineko txokoan- [...].  Pako Aristi   «Gauza txikien liburua», 2004 - 136. orr.

Jende guztia bakean itzuliko da nor bere txokora.  Elizen arteko biblia   Ir 18,23

2 (izenondo eta izenlagunekin)

Barraren izkinan zegoen, aurkitu zuen txoko ezkutuenean.  Fernando Morillo   «Ortzadarra sutan», 2003 - 41. orr.

Horretarako etxeko ganbarako nire txoko ezkutua erabili genuen.  Aitor Arana   «Onan», 2000 - 87. orr.

Gela estu bat zunan, bi atekoa, eta bakoitzak beste txoko estu batera eramaten zinan.  Anton Garikano   «Bederatzietatik bederatzietara» - Leo Perutz, 2003 - 100. orr.

Ahots batek Clauderi deitu zion izkinan zegoen ardandegi baten txoko ilunetik.  Karlos Zabala   «Parisen sabela» - Emile Zola, 2004 - 40. orr.

Moldiztegiarentzako tokia ere bai: txoko itsusi bat "Euskaldunen karrikan", Errobiren ondoan.  Txillardegi   «Putzu», 1999 - 302. orr.

-Arratibel eta Ibeasen galeria txoko txikia da, baina, hala ere, arrakasta izango duela uste dute.  Berria - Kultura   2004-08-01

Nire txoko sekretua da hau -erran zidan Angelak.  Alberto Ladron Arana   «Xake mate», 2002 - 77. orr.

Txoko goxoena tximiniakoa zen.  Jon Maia   «Riomundo», 2005 - 164. orr.

Hor barruko biltegian txoko egokiren bat egongo da, ziurrenik.  Jon Arretxe   «Ostiralak», 2000 - 103. orr.

Aparteko txoko batean, besteen ikusmiratik urrun, jesartzera gonbidatu zuen.  Josu Landa   «Odolbildua», 2002 - 54. orr.

3 (hitz elkartuetan bigarren osagai gisa)

Emaztea mahatsondo emankorraren antzeko izango duzu etxe-txokoan.  Elizen arteko biblia   Sal 128,3

Celarena, ordea, mundiala izan da, heriotza, alegia; Xanpunena, berriz, etxe txokokoa, euskaraz bakarrik hil baita bertsolari lapurtarra.  Joxerra Garzia   «Itsasoan euri», 2003 - 100. orr.

Taberna txokoan zegoen, beso bat barra gainean jarrita eta kafea eskuan.  Jon Maia   «Riomundo», 2005 - 187. orr.

Ez dakit zenbat denbora egin nuen ziega txokoan eserita, uzkurtuta.  Jon Maia   «Riomundo», 2005 - 23. orr.

Amak sukalde txokoan irratiari bolumena jaitsi zion.  Jon Maia   «Riomundo», 2005 - 200. orr.

Txakur-janari nazkagarria jan behar izaten nuen sukalde txokoko ontzi zikinean.  Jon Arretxe   «Larunbatak», 2001 - 15. orr.

Antonio supazter txokoan dago.  Josetxo Azkona   «Patata soro bat», 2004 - 133. orr.

4 (bestelakoetan)

Ehuneko ehun segurua den zulo, txoko, izkina edo koskara heltzea. Liburua Harryren idazmahaiaren azpiko txoko ilunean ezkutatu zen.  Urtzi Urrutikoetxea   «Zoririk ez» - Imre Kertész, 2003 - 161. orr.

Txoko bat aurkitzen zuen beti ohe batean, han eta hemen jaten zuen, zarpa zaharrez janzten zen.  Karlos Zabala   «Parisen sabela» - Emile Zola, 2004 - 235. orr.

Maletako txoko bat seinalatu zuen.  Alberto Ladron Arana   «Eguzki beltzaren sekretua», 2004 - 83. orr.

Janaritegiko teilen artetik aurkitu zuen txokoa kardo batek.  Anton Garikano   «Farorantz» - Virginia Woolf, 2001 - 137. orr.

Max Centerreko poltsa urdinaren bila hasi da furgoneta irauliaren txoko-bazterretan, baita laster aurkitu ere.  Patxi Iturritegi   «Behi eroak», 2003 - 26. orr.

Puru-mutturra ezpainen txokoan zeukan.  Bernardo Atxaga   «Soinujolearen semea», 2003 - 226. orr.

ik beherago 13.

Bihotzaren txoko ahaztu eta aspaldian lokartu hori itzartu egin dela iruditu zaio.  Paddy Rekalde   «Ragga-ragga dator gaua», 2006 - 41. orr.

Burmuinaren txoko galdu batean.  Xabier Mendiguren Elizegi   «Arima enkoniatuak», 2006 - 42. orr.

Salmonellaren bakterioak bere burua babesteko eta ugaltzeko txoko bat egiten du.  Berria - Gaiak   2004-06-18

Gero eta bustiago sentitzen naiz, zakilak nire txokoa bila dezala nahi dut, nire barnean sar dadila.  Juan Martin Elexpuru   «Esku bakarrarekin irakurtzeko kontuak» - Pilar Cristobal, 1999 - 83. orr.

Uste eta nahi baino askozaz lehenago isuri nuen hazia txoko goxo hartan.  Aitor Arana   «Onan», 2000 - 27. orr.

Niri beti gustatu izan zaidana buztana txoko goxoan gorderik edukitzea baita.  Aitor Arana   «Onan», 2000 - 67. orr.

Ematen zuen giltza berez erori zela neska gaztearen esku-txokora.  Fernando Rey   «Ararat mendiaren sumina» - Yasar Kemal, 2003 - 73. orr.

Musuz betetzen zizkidan izter-txokoak.  Karlos Zabala   «Buda zoriontsuen etxea» - João Ubaldo Ribeiro, 2003 - 153. orr.

5 irud/hed

Nik esango nuke bihotzaren txoko batean pizturik atxikitzen zeniola esperantza horren kriseiluari.  Xabier Mendiguren Elizegi   «Arima enkoniatuak», 2006 - 39. orr.

Neguak aurkituko ahal zuen txoko laiotz galduren bat iraganaren eremuetan!  Anjel Lertxundi   «Argizariaren egunak», 1998 - 153. orr.

Baina ez pentsa Euskal Herria dela misoginiaren txoko bedeinkatua.  J.M. Olaizola "Txiliku"   «101 gau», 2000 - 45. orr.

Ni ikasle izan ninduzun urte horretan piztu omen zitzaizun maitasun-txingarra bihotz-txokoan.  Xabier Mendiguren Elizegi   «Arima enkoniatuak», 2006 - 11. orr.

Bertan lan egiten dute, eta bertan dute beren maitasun txokoa.  Luis Elberdin   «Sexua noiznahi», 2005 - 61. orr.

Txoko ekologikoa: espezie batek bizi, hazi eta ugaltzeko behar dituen baldintzen eta baliabideen multzoa da.  Berria - Gaiak   2006-04-16

6 bi horma edo pareta elkartzen diren lekua.

Aretoaren lau txokoetara bakarrik daude zuzenduak zeharreko argiak.  Xabier Olarra   «Azken hitzordua» - Sandor Marai, 2003 - 93. orr.

Bazter batean, harresietako txoko batean, ba omen dira persiarrek idatzitako bertso batzuk.  J.M. Olaizola "Txiliku"   «Bizitza eredugarriak», 2006 - 94. orr.

Hala ere, baratzearen txoko batean ikusi zuen metalezko platertxo bat, katuei jana emateko modukoa.  Javi Cillero   «Hollywood eta biok», 1998 - 198. orr.

7 pilotalekuan, frontisa eta ezker pareta elkartzen diren lekua.

Xalak zabaletik pilota zail bat jaso zuen, Titinek txokora bidali zuen pilota, baina Pascualek jaso zuen.  Berria - Kirola   2004-02-29

Txokotik zabalera sakatuz Irujok Gonzalezen autoestimua errekara bota zuen.  Berria - Kirola   2004-04-08

Dejadak txokoan, zabalera irekiak, airez sarturikoak...  Berria - Kirola   2004-09-19

Capellanek hormabikoa jaso, dejada txokora, eta tantoa.  Patxi Iturritegi   «Behi eroak», 2003 - 59. orr.

Ikaragarriak izan ziren haren gantxoak eta txokoan utzitakoak.  Berria - Kirola   2004-12-28

Erasoan, halaber, bolea izan zuen arma nagusia, eta txokoan zein zabalean ia ez zuen hutsik egin erasoan.  Berria - Kirola   2006-05-07

Txokoan pare bat, beste bi zabalera eta hormabikoa.  Berria - Kirola   2006-01-07

Pascualek ez ditu Titinen keinu gehienak ikusten, eta kostata iristen da txokoko zuloa babestera.  Berria - Kirola   2006-01-29

8 hiriez, herrialdez eta kidekoez mintzatuz, bazterra.

Kursaaleko gunea eta Zurriolako hondartza hainbat doinuz beteko dituzte munduko txoko askotatik iritsita ko musikariek.  Berria - Kultura   2004-07-23

Ia laurehun koroaren truke munduko txoko ederrak bisita zitezkeen.  Anton Garikano   «Bederatzietatik bederatzietara» - Leo Perutz, 2003 - 43. orr.

Horiek baino zaharrago direnek mundu zabaleko edozein txokora joatea aukeratzen dute uda partean lan eginez laguntzera.  Berria - Euskal Herria   2004-08-03

Munduko azken txokoan ere euskaldunik topatu behar!  Martin Anso   «Elezaharren bidetik», 2004 - 30. orr.

Gazte Topaguneko filosofia Euskal Herri osoko txokoetara zabaldu gura duen ekimena aurkeztu zuten atzo.  Berria - Euskal Herria   2006-02-25

Gazte talde handi bat motxilak bizkarrean dituztela hiriko txokoak bisitatzen.  Berria - Harian   2005-08-19

Arrantza-eskola politeknikoaren gibelean dagoen txoko polit batean.  Koldo Izagirre   «Sua nahi, Mr. Churchil?», 2005 - 271. orr.

Gertuago, Tirol aldean, Suitza eta Austriako txoko menditsu horretan.  Pello Zabala   «Naturaren mintzoa», 2000 - 209. orr.

Arabako txoko baten, euskararen ertz baten, Zigoitian.  Koldo Zuazo   «Euskararen sendabelarrak», 2000 - 88. orr.

Hamar litro gehiago atera ohi ditugu Arantzazuko txokoan: 134.  Pello Zabala   «Naturaren mintzoa», 2000 - 59. orr.

Herriko beste txoko berezi batean, Andra Mariko dorrearen azpian.  Berria - Kultura   2004-08-20

Txoko bitxia duk Paris zaharreko kale hori!  Karlos Zabala   «Parisen sabela» - Emile Zola, 2004 - 37. orr.

Suresnesera erretiratzeko, bien gustukoa baitzen aldirietako txoko hori.  Karlos Zabala   «Parisen sabela» - Emile Zola, 2004 - 84. orr.

Maite nuen, jolas-orduetan, handik zehar galtzea, eta txoko bitxiren batean liburu bat irakurtzea.  Iban Zaldua   «Gezurrak, gezurrak, gezurrak», 2001 - 78. orr.

Uste dute badirela noski unibertsoan hainbat txoko bizitza eta, ziurrenik, are bizitza kontzientea hazteko aski egokiak.  Juan Garzia   «Sagua, eulia, eta gizakia» - François Jacob, 2004 - 36. orr.

9 (hitz elkartuetan bigarren osagai gisa)

Paisaiak ere pintatzen nituen, eta kale-txokoak.  Unai Elorriaga   «Van't Hoffen ilea», 2003 - 125. orr.

Bilbori, oraingoan ere, ia 30 litro kentzen dizkio Donostiako golko-txokoak.  Pello Zabala   «Naturaren mintzoa», 2000 - 392. orr.

10 ik lokal.

Hogeita hamar metro karratu inguruko txoko bat zen, argi gutxikoa baina atsegina.  Bernardo Atxaga   «Soinujolearen semea», 2003 - 374. orr.

Hain zuzen ere, 1935az geroztik Hogar Vascoko txokoan beren bulego-gela badute gazteek.  Edorta Jimenez   «Hemingway eta euskaldunak zerbitzu sekretuetan», 2003 - 56. orr.

Ondorioz, ez gara elkarrekin fidatuko, elkarte eta txoko gastronomikoetan lapurretak areagotuko dira.  Edorta Agirre   «Baietz okerreko bidea aukeratu! », 2006 - 102. orr.

Bi eguneko jardunaldiak goizeko hamarretan hasiko dira, Oiartzungo Herri Musikaren Txokoan.  Berria - Kultura   2004-11-26

Colon de Larreategi kaleko jatetxerantz joateko agindu dionean, euskal sukaldaritzako txoko garestienetakora.  Urtzi Urrutikoeetxea   «Auzoak», 2005 - 121. orr.

Apala da oso, marinel txoko horietako bat, baina oso bista onak ditu.  Anjel Lertxundi   «Ihes betea», 2006 - 337. orr.

11 jaioterria.

Txokoarekiko atxikimendua dela eta, hizkuntza komunitate txiki batek atxiki-atxikia jarraitzen du bertan sorturiko tradizioei. Ikustea, alegia, ez dela txoko-mintzaira jakin baten kontua lurtasun horrena, eta semantika sakonago, unibertsalago bati dagokiola.  Isabel Arrigain   «Hizkuntzalaritza orokorreko ikastaroa» - Ferdinand de Saussure, 1998 - 249. orr.

Txoko-hizkera itxienean oinarriturikoak alde batera uztea.  Juan Garzia   «Ipuin hautatuak» - Jorge Luis Borges, 1998 - 11. orr.

12 komunikabideetan, tartea.

Hala eta guztiz, poesiari ere txoko bat eskainiko diogu.  J.M. Olaizola "Txiliku"   «101 gau», 2000 - 28. orr.

Bestalde, nire txoko propioa izatea esan nahi du, nik nahi ditudan gaiak nahi ditudan moduan esateko espazioa.  Ana Urkiza   «Zortzi unibertso, zortzi idazle», 2006 - 249. orr.

Bertsolaritzaren interneteko txokoa ez dadin bakarrik elkartearena izan Radio Euskadin, Almudena Cachoren umore on eta argia lagun osatu nuen nire txokoa urte batzuetan.  Berria - Kultura   2006-02-18

Lehen plamako albiste zena, albiste bitxien txoko-txokoan zokoratua dute orain komunikabideek.  Joxerra Garzia   «Itsasoan euri», 2003 - 72. orr.

13 ezpain txoko

Ezpain txokotik dario hortzetako pasta zuria.  Javi Cillero   «Hollywood eta biok», 1998 - 100. orr.

Bere aurpegi puztuan, begiek zehaztasunik gabe begiratzen zuten; ezpain txokoetatik zimur sortak ernatzen zitzaizkion.  Bernardo Atxaga   «Soinujolearen semea», 2003 - 31. orr.

Irribarre sotil batek zeharkatu zituen bien ezpain-txokoak.  Aritz Gorrotxategi   «Egurra Pinotxori», 2002 - 88. orr.

Adaren ezpain-txokoek irribarre bat saiatu zuten.  Anjel Lertxundi   «Argizariaren egunak», 1998 - 54. orr.

Eslabiarren bereizgarri nabarmen bat agertzen zitzaion ezpain-txokoetan: haur-itxurako aurpegikera eztia.  Xabier Olarra   «Azken hitzordua» - Sandor Marai, 2003 - 41. orr.

 

Nodoa: liferay1.lgp.ehu.eus