Bilaketa aurreratua

Ogi apurrak

Egungo Euskararen Hiztegia (EEH)

Hasiera:

zuntz 1 iz hariaren osagai bakunetako bakoitza; eho eta irun daitekeen gaia, hari itxurakoa. ik izpi; piru.

Aski zituan milakaren batzuk molekula polifenol, garbiketan lanjantziaren zuntzek xurgatuak, eta ile zein haritxo ikusezin batek lanjantzitik hegan eramanak, orban bat sorrarazteko. Juan Garzia   «Sistema periodikoa» - Primo Levi - 277. orr.

Bazirudien eskailera handia kulunka zebilela, zuntzezko alfonbrari eusten zioten letoizko arrabolekin oin-puntez behaztopa egiten baitzuen Thatcherrek. Lopez de Arana   «Manhattan Transfer» - John Dos Passos - 22. orr.

Zeta artifiziala nola bideratu aztertzen ari zirela, Wallace Hume Carothers eta bere taldeak erraz hausten ez zen zuntz gogor bat aurkitu zuten, plastikoan oinarritua: nylona. Pello Salaburu   «XX. mendearen argi-itzalak» - 66. orr.

Tximiniaren aurrean, Wendyk kordelak zabaltzen zituen, zuntzezko kordelak, eta horietan esekitzen zuen arropa garbitu berria. Julen Gabiria   «Peter Pan» - James Matthew Barrie - 108. orr.

Zetazko zuntzak eta soja-ogia egin nahi du, eta baita gazta ekologikoa ere. Berria - Kultura   2006-02-23

Bertan behera gelditu den kuota sistematik at daude poliester zuntzak eta, datozen bost urteotarako %49,7ko muga zergak ezartzea hobetsi du EBk. Berria - Harian   2005-03-25

2 landare edo animalien ehunen osagai oinarrizkoa, hari itxura duena; hariaren itxurako gauzakia.

Bizkarreko ilajea laztu egin zitzaion guztia, buztana zurrundu, eta nerbioak, zuntzak eta zainak ikusi nizkion tenkatzen, zintzur aldean hasi eta zango zailetan buka. Joxan Elosegi   «Ahardikeriak» - Marie Darrieussecq - 112. orr.

Irakaslea gutxi gorabehera bere adina edukiko zuen emakumezko bat zen, ikasleak ez bezala, argal eta zaintsua, dena zuntz eta gihar. Berria - Kultura   2004-08-22

Abentura eta arriskua hurbil sumatzen nituen, nire odolaren ibilera bizkortuz eta gorputzeko zuntz guztietara elektrizitate karga biziak bidaliz. Alberto Ladron Arana   «Eguzki beltzaren sekretua» - 37. orr.

Nerbio sistemako, garuneko eta bizkarrezur muineko egiturak meninge izeneko zuntz batzuekin daude estalita. Berria - Euskal Herria   2004-10-12

Zuntz bakoitzak bere erresonantzia-maiztasuna du eta soinu egokia iristen zaionean hasten da mugitzen. Irene Aldasoro   «Giza gorputza lanean» - John Lenihan - 115. orr.

Argi gorriak bortizki estimulatzen ditu gorrirako sentiberak diren zuntzak, eta motelkiago, berriz, beste biak, eta hala ematen du gorri "sentsazioa". Xabier Olarra   «Antropologo bat Marten» - Oliver Sacks - 39. orr.

Adats izurtuan, zuntzaren gune batzuk biribilak dira eta, beste batzuk, berriz, obalak. Irene Aldasoro   «Giza gorputza lanean» - John Lenihan - 82. orr.

Zuntz eta karbohidrato konplexu gutxiegi eta animalia proteina, lipido saturatu eta azukre soil gehiegi kontsumitzen delako. Edorta Agirre   «Baietz okerreko bidea aukeratu! » - 73. orr.

Zuntza jateak minbiziaren aurrean babestu egiten duela ikusi zuten. Berria - Gaiak   2006-02-02

Muskulu batek baditu milaka eta milaka zuntzak eta, indarra erregulatzeko, uzkurtu beharreko zuntzen kopurua eta uzkurtze abiadura egokitzen ditu. Irene Aldasoro   «Giza gorputza lanean» - John Lenihan - 60. orr.

Muskulu ziliarra uzkurtzen bada, zuntzen tentsioa gutxitu egiten da. Irene Aldasoro   «Giza gorputza lanean» - John Lenihan - 97. orr.

Bulkada elektriko bat ikusmen-nerbioaren zuntz batean. Irene Aldasoro   «Giza gorputza lanean» - John Lenihan - 103. orr.

Ekintza mekaniko soil baten bidez egiten dute muskuluek beren lana: zuntzak uzkurtuz. Irene Aldasoro   «Giza gorputza lanean» - John Lenihan - 50. orr.

Kono bakoitza zuntz bakar baten bidez konektatzen baita gehienetan ikusmen-nerbiora. Irene Aldasoro   «Giza gorputza lanean» - John Lenihan - 95. orr.

Asteon erresonantzia magnetikoa eginen diote zuntzen haustura ote duen argitzeko. Berria - Kirola   2004-03-24

Traineruak bezala, egurrezko arraunak ere baztertu egin dituzte klubek, zuntzezkoak erabiltzeko. Berria - Kirola   2004-09-10

Hantxe bilduta zeuden, azukre-kainaberazko zuntzez eginiko hamarka saskitan. Jon Muñoz   «Loroaren teorema» - Denis Guedj - 352. orr.

3 (izenondo eta izenlagunekin)

Horrez gainera, zuntz elastiko ugari ditu dermisak. Irene Aldasoro   «Giza gorputza lanean» - John Lenihan - 71. orr.

Eraztun-formako muskulu baten [...] barruan kokaturik dago begiaren kristalinoa, zuntz elastikozko sare baten bidez hari lotua. Irene Aldasoro   «Giza gorputza lanean» - John Lenihan - 97. orr.

Aluminioz eta zuntz sintetikoz egindako lera. Joxemari Urteaga   «Ordaina zor nizun» - 139. orr.

Izaki pentsatzaileak asmatuko dituzte, zuntz misteriozkoz unibertso adierazgarri bati lotuak, osotasunaren ikuspegi sendoak dituztenak. Josu Zabaleta   «Gerrako pilotu» - Antoine Saint-Exupéry - 104. orr.

Tom igaroa zen lehenago ere arrebarekin antzeko egoeratatik, eta harengatik bihotzeko azken zuntzeraino ni bezain kezkaturik bazegoen ere, [...]. Oskar Arana   «Brooklyngo erokeriak» - Paul Auster - 286. orr.

Zelula horiek guztiak nerbio optikoko zuntzak osatzen dituzten zelulekin lotuta daude beste sinapsi batzuen bitartez. Josu Zabaleta   «Irudia» - Jacques Aumont - 22. orr.

Tolesdura oker horrek zuntz amiloideak sortzen ditu. Berria - Gaiak   2004-05-06

4 (hitz elkartuetan lehen osagai gisa)

Ainguragune asko dituen zuntz sare batek eusten die epidermiseko zelula biziei, geruza basalekoei eta ingurukoei. Irene Aldasoro   «Giza gorputza lanean» - John Lenihan - 72. orr.

Zurda edo tendoia da -zuntz-ehun gogor batez egindako kordoi bat- lotura hori egiten duena. Irene Aldasoro   «Giza gorputza lanean» - John Lenihan - 57. orr.

Bi hemisferioak konektatzen dituen zuntz sorta lodia. Irene Aldasoro   «Giza gorputza lanean» - John Lenihan - 233. orr.

Milosevicek zuntz haustura txikia du, eta bizpahiru astean egongo da jokatu gabe. Berria - Kirola   2004-10-29

Erresonantzia magnetikoak uste baino emaitza hobeak erakutsi zituen, ez zegoen zuntz hausturarik, gihar distentsioa baizik. Berria - Kirola   2006-02-28

5 (hitz elkartuetan lehen osagai gisa, lehen osagai hori izenondoduna dela)

Gelatinazko soka bat da muskulu normal bat: zuntz fin andana bat. Irene Aldasoro   «Giza gorputza lanean» - John Lenihan - 50. orr.

6 (hitz elkartuetan bigarren osagai gisa)

Kalamu-zuntzaz egindako zaku normal-normalak ziren. Anjel Lertxundi   «Ihes betea» - 222. orr.

Kakao zuntza hartzeak odoleko kolesterol maila jaisten laguntzen du. Berria - Gaiak   2004-09-15

Adarbakoitzaren ilea erabiltzen dugu, edo fenixen isats-lumak eta herensugeen bihotz-zuntzak. Iñaki Mendiguren   «Harry Potter eta Azkabango presoa» - J.K. Rowling - 79. orr.

Nerbio-zuntz batetik igaro daitekeen energia elektrikoa ez dela aski muskulu-zuntz bat estimulatzeko, askoz lodiagoa baita muskulu-zuntza. Giza belarrian, badira 28.000 nerbio-zuntz inguru. Irene Aldasoro   «Giza gorputza lanean» - John Lenihan - 59. orr.

Kolageno-zuntzez eta zuntzoi irmo itsatsirik dauden hidroxiapatito-kristalez egina dago hezurra. Irene Aldasoro   «Giza gorputza lanean» - John Lenihan - 19. orr.

Aluminioa edo karbono-zuntza? Jon Alonso   «Euskal karma» - 84. orr.

Karbono zuntzezko arraunak. Berria - Kirola   2004-07-10

Traineruak zein arraunak karbono edo beira zuntzez egiten hasi dira asko ez dela. Berria - Kirola   2004-09-11

Beira zuntzez indartutako poliesterraz eraiki dute ontzi guztia. Berria - Ekonomia   2004-12-18

Beira-zuntzezko txalupa omen zuten erosia. Koldo Izagirre   «Sua nahi, Mr. Churchil?» - 128. orr.

Beira-zuntzak, tentsioaren eraginpean aparteko indarra erakusten badute ere, erraz okertzen dira, eta ez dira egokiak egiturazko material gisa erabiltzeko. Irene Aldasoro   «Giza gorputza lanean» - John Lenihan - 23. orr.

7 irud/hed

Neure kimikari-zuntzak kizkurtzen sentitu nituen lotsagarrikeria haren aurrean. Juan Garzia   «Sistema periodikoa» - Primo Levi - 208. orr.

8 zuntz optiko material dielektrikoz eginiko zuntza, argiaren eroalea dena.

Material berriak zabaltzen hasi direlako (plastikoak, zuntz optikoak, kautxu sintetikoa...), fidagarriagoak, eragingarriagoak eta merkeagoak baitira. Koro Navarro   «Ekonomiaren globalizazioa» - Jacques Adda - 126. orr.

Informazioa garraiatzeko zuntz optikoaren ahalmena 70eko hamarkadaren amaiera aldean ezarri ziren lehen sareetan 30 Megabit segundokoa bazen, gaur egun, milioi bat Megabit baino gehiagokoa dela. Iñaki Heras   «Txanponaren bi aldeak» - 159. orr.

Euskaltelek 1.200 milioi euro inbertituko ditu zuntz optikoa herri eta enpresa guztietara hedatzeko. Berria - Ekonomia   2004-11-26

Japoniak, zeinak tsunami-ak atzemateko munduko zuntz optiko sarerik aurreratuenetako bat duen, bere jakituria teknikoa eskaini zuen. Berria - Harian   2005-01-07

Teoria kuantikoaren ondorio dira, halaber, laserra era zuntz optiko bidezko komunikazioak. Berria - Harian   2005-02-11

 



Nodoa: liferay1.lgp.ehu.eus