Bilaketa aurreratua

Ogi apurrak

Egungo Euskararen Hiztegia (EEH)

zurbil (orobat zurpail g.er. eta zurbail g.er.) 1 izond aurpegieraz ete kidekoez mintzatuz, margula. ik zuhail.

Beltzez jantzita egoten dira, mojak edo alargun gazteak bezala; aurpegi zurbila dute, karminik gabea eta batzuek serioa.  Jose Morales   «Zazpi urkatuak» - Leonid Nikolaievitx Andreiev, 2006 - 115. orr.

Logelako iluntasunean paralitikoaren aurpegi zurbil eroria ikusten nuela iruditu zitzaidan.  Irene Aldasoro   «Dublindarrak» - James Joyce, 1999 - 16. orr.

Hamasei urte zituela, La Sarriette neska bizi bihurria zen, begitarte zurbilekoa, birjina beltzaran batena bezalakoa.  Karlos Zabala   «Parisen sabela» - Emile Zola, 2004 - 102. orr.

Begitarte iluna, aurpegi zurbila eta betzulo handiak zituen.  Migel Angel Mintegi   «Denak du bere prezioa», 2002 - 21. orr.

Begitarte zurbila zuen, harridurak bereganatua.  Lopez de Arana   «Manhattan Transfer» - John Dos Passos, 1999 - 190. orr.

Ilea beti solte eramaten zuenez, bitxia egin zitzaidan Adaren aurpegiera zurbila.  Anjel Lertxundi   «Argizariaren egunak», 1998 - 31. orr.

Aldamenean, agure argal, burusoil eta zurbil bat zuen, masail-zimela.  Koro Navarro   «Artistakume baten erretratua» - Dylan Thomas, 1999 - 14. orr.

Gizon gaztea zen [...] aurpegi triste eta azal zurbilekoa, beltzarana, artista erromantiko itxurakoa.  Ramon Saizarbitoria   «Gorde nazazu lurpean», 2000 - 138. orr.

Beharbada, mutil zurbil argal horrek bere lehenbiziko senarra zekarkion gogora.  Karlos Zabala   «Parisen sabela» - Emile Zola, 2004 - 67. orr.

Izenordez Musia zeritzon neska gazte zurbil ezezagunak ere hara begiratzen zuen, zerura.  Jose Morales   «Zazpi urkatuak» - Leonid Nikolaievitx Andreiev, 2006 - 25. orr.

Begira zer larruazal zurbila daukan gizagaixoak.  Migel Angel Mintegi   «Denak du bere prezioa», 2002 - 133. orr.

Oraindik hazten ari zen neska mehe bat zen Lily, larruazal zurbilekoa eta lasto-koloreko ilea zuena.  Irene Aldasoro   «Dublindarrak» - James Joyce, 1999 - 263. orr.

Ezkerreko begiaren inguruan ubeldu zurbil bat ari zitzaion zabaltzen Blacki, eta sudurretik odola zerion.  Iñaki Mendiguren   «Harry Potter eta sorgin harria» - J.K. Rowling, 2000 - 276. orr.

Mutil zurbil begi-distiratsu hura.  Fernando Rey   «Gure etxeko kontuak» - Natalia Ginzburg, 2004 - 166. orr.

Nola eranzten zen begiratzen zuten, irribarre zurbila ahoan, elkarri eskua emanda.  Karlos Zabala   «Parisen sabela» - Emile Zola, 2004 - 169. orr.

Oso gizon gaztea zen, begitartea luzea eta malenkoniatsua, hazpegiak zurbilak eta finak.  Joxan Elosegi   «Nola hustu nuen gurasoen etxea» - Lyidia Flem, 2005 - 53. orr.

Zurbila, baina ez zuria, horia baizik.  Joxe Austin Arrieta   «Homo Faber» - Max Frisch, 2001 - 259. orr.

2 (adizlagun gisa)

Zurbil zaude, esan dio; Gaixo zaude?, galdetu dio.  Eider Rodriguez   «Eta handik gutxira gaur», 2004 - 145. orr.

Doktorea zutik geratu zen, zurbil, izumenak harturik.  Josu Zabaleta   «Fantasiazko ipuinak» - Guy de Maupassant, 2000 - 62. orr.

Zurbil zegoen, ilea erabat banatuta.  Bernardo Atxaga   «Soinujolearen semea», 2003 - 112. orr.

Zurbil eta nahasturik, irribarre egin zuten.  Xabier Olarra   «Azken hitzordua» - Sandor Marai, 2003 - 25. orr.

Paralizaturik eta zurbil geratu zen gizasemea.  Harkaitz Cano   «Pasaia blues», 1999 - 180. orr.

Zuri-zuri gelditu da Leandro, zainetako odol guztia hustu baliote baino zurbilago.  Anjel Lertxundi   «Konpainia noblean», 2004 - 195. orr.

Geldi-geldi geunden, zurbil, gertakizun izugarriren baten zain, belarria erne, bihotza taupadaka, edozein hotsek inarrosten gintuela.  Josu Zabaleta   «Fantasiazko ipuinak» - Guy de Maupassant, 2000 - 117. orr.

Ohean eseri nintzen, zurbil ziur asko.  Ander Irizar   «Eszterren ondarea» - Sandor Marai, 2003 - 26. orr.

Begira jarraitu zuen, hildako bat bezain zurbil, kopeta izerdi-patsetan.  Koldo Biguri   «On Camillo» - Giovanni Guareschi, 2001 - 35. orr.

Andereñoak, zurbil, hortzak estututa, sua botatzen zuen begietatik.  Koro Navarro   «Zalakain abenturazalea» - Pio Baroja, 2006 - 117. orr.

Ilunabar aldera itzuli zen Herbert, nekearen nekez zurbil.  Joxe Austin Arrieta   «Homo Faber» - Max Frisch, 2001 - 58. orr.

Oso zurbil zegoen, baina harena ez zen heriotzaren zurbiltasuna.  Jose Morales   «Zazpi urkatuak» - Leonid Nikolaievitx Andreiev, 2006 - 25. orr.

Esku dardaratiaz lebitaren ertzari heldu, eta, ezpainak zurbil, ozen galdetu zuen, aurpegiak lasaitasun handiagoa adierazten zuela: [...].  Jose Morales   «Zazpi urkatuak» - Leonid Nikolaievitx Andreiev, 2006 - 55. orr.

Ellie, izugarri zurbil zaude.  Lopez de Arana   «Manhattan Transfer» - John Dos Passos, 1999 - 362. orr.

Quenurekin elkarrizketa hura izan eta handik bi egunera, txit zurbil iritsi zen azokatik.  Karlos Zabala   «Parisen sabela» - Emile Zola, 2004 - 268. orr.

Korobotxka izeneko lurjabe bat azaldu zitzaion etxera, izuikaraturik eta herioa baino zurbilago.  Jose Morales   «Arima hilak» - Nikolai Gogol, 1998 - 267. orr.

Hogeita hamar urte inguru zituen, eta larmintza zurbil eta margula.  Juan Garzia   «Sistema periodikoa» - Primo Levi, 1998 - 179. orr.

3 (bestelakoez mintzatuz)

Kolore zurbila, masaila hezurtsua eta begirada galdua baldin bazituen ere, ezin zitzaion edertasunik ukatu.  Anjel Lertxundi   «Azkenaz beste», 2005 - 67. orr.

Arreba, andre Isabel, oso kolore zurbilekoa zen.  Josu Zabaleta   «Jakintzaren arbola» - Pio Baroja, 2006 - 150. orr.

Agian ahulduta neukan espiritua egunak eta asteak koadernoko zerrenda burutik ezin kenduz egon ondoren, lilurapean egon ondoren kobazuloko errainu geldi eta zurbilekin.  Bernardo Atxaga   «Soinujolearen semea», 2003 - 167. orr.

Eskuak eta aurpegiak urre zurbilezko orbanak ziren.  Monika Etxebarria   «Goragalea» - Jean Paul Sartre, 2003 - 99. orr.

Presarik gabe, eguzki zurbilak ozta-ozta berotzen zituen karrika mortuak ibili nituen.  Alberto Ladron Arana   «Eguzki beltzaren sekretua», 2004 - 28. orr.

Andre zahar bat argizari isuriaren malko zurbil gatzatuak karrakatzen ari zen ganibet handi batez.  Karlos Zabala   «Parisen sabela» - Emile Zola, 2004 - 300. orr.

Urrutiago, ilargiaren argiak eratzen zuen ordeka zurbila, aldika-aldika zeruraino igotzen ziren makal multzoen orban beltzekin.  Josu Zabaleta   «Fantasiazko ipuinak» - Guy de Maupassant, 2000 - 95. orr.

Mugitu egiten naiz argitasun zurbil honetan. Foku elektrikoen dirdai zurbila ikusten zen hiriaren gainean, gotorlekuko teilatuen gainetik.  Monika Etxebarria   «Goragalea» - Jean Paul Sartre, 2003 - 47. orr.

Geltokitik aterata, neguko goiz zurbilak argituriko espaloiak urduri ibili nituen.  Alberto Ladron Arana   «Eguzki beltzaren sekretua», 2004 - 142. orr.

Estalpeko kale nagusiaren gangaren armazoi garaiak argitasunezko ilargi erdi bat ebakitzen zuen zeruaren urdin zurbilean.  Karlos Zabala   «Parisen sabela» - Emile Zola, 2004 - 47. orr.

Bidezidorreko harrizko hormak zurbilak iruditzen zitzaizkion, lanbro artean ikusiko balitu bezala.  Agustin Otsoa   «Eraztunen Jauna III» - J.R.R. Tolkien, 2004 - 215. orr.

Baiezko zurbila egin nien bi emakumeei, mehatxu ilun hark bihotza uzkurtuta.  Alberto Ladron Arana   «Eguzki beltzaren sekretua», 2004 - 150. orr.

Ilargiaren disko zurbil orain ia estaliari begira jarri, eta gogoetan zegoela ematen zuen.  Irene Aldasoro   «Dublindarrak» - James Joyce, 1999 - 76. orr.

4 (hitz elkartuetan lehen osagai gisa)

Beharbada, pertsianan barrena gelaratzen den argiarengatik ere izan liteke, zurbil-puntu bat itsasten baitio larru-azal belztuari.  Joxe Austin Arrieta   «Homo Faber» - Max Frisch, 2001 - 259. orr.

· Bi mugimendutan ahoratuta desagertu zen, mihi zurbil-zabalak papera blaitu duen koipea milizkatzen du.  Jon Alonso   «Lisboako Setioaren Historia» - José Saramago, 2000 - 194. orr.

Haren esku zuhurrean dirdir zegien bi errubi zurbil-nahasiz txertaturiko eraztun urre berdezko batek.  Juan Garzia   «Bizi alegiazkoak» - Marcel Schwob, 2002 - 47. orr.

5 (hitz elkartuetan bigarren osagai gisa, elkarketak izenondo balioa duela)

Emakume ezezagun aurpegi-zurbil bat igaro zen, bakarrik, gelatik.  Irene Aldasoro   «Dublindarrak» - James Joyce, 1999 - 210. orr.

Kalpar lehoi-kolorea zeraman, luze-luzea, kizkurtua garondo aldean, eta gizena eta aurpegi-zurbila zen.  Fernando Rey   «Gure etxeko kontuak» - Natalia Ginzburg, 2004 - 89. orr.

Beste gazte batzuk, ile leun distiratsukoak, aurpegi-zurbilak, mozkoteak, matrail--hezur markatuak eta begi sakonak zituztenak, [...].  Koro Navarro   «Artistakume baten erretratua» - Dylan Thomas, 1999 - 189. orr.

6 (izen gisa -en atzizkiaren eskuinean) ik zurbiltasun.

Izutu zintuen haien bisaien zurbilak.  Xabier Montoia   «Elektrika», 2004 - 151. orr.

Gazte geldi bat zen, "bere zurbilean txukun, erruki emateko moduko prestu itxuraz, erremedio gabe desanparatua...".  Pablo Sastre   «Eguzkipekoak», 2003 - 41. orr.

· Bizar zuri egunetan egin gabeak aurpegiko zurbila nabarmentzen zion, eta hortzak, aldiz, beltz-beltzak zituen, piparen eraginagatik seguru asko.  Anjel Lertxundi   «Ihes betea», 2006 - 181. orr.

7 zurbil-zurbil izond

Ama Doloretakoaren akuarelazko kopia bat, begi larriak zeru hotzerantz so zituela, bikain, eta malko mingotsak masail zurbil-zurbiletan behera zerizkiolarik etengabe.  Mirentxu Larrañaga   «Hona hemen gu biok» - Dorothy Parker, 2006 - 59. orr.

Munduko gizonik eskuzabal eta ahulena zen Ortiz, argala eta zurbil-zurbila.  Hasier Etxeberria   «Patri maitea», 2003 - 90. orr.

Nahi duzunaren izenean zin egingo dut zurbil-zurbila dela.  Jose Morales   «Arima hilak» - Nikolai Gogol, 1998 - 271. orr.

Argia, nabar-lorearen antzekoa baina zurbil-zurbila.  Anton Garikano   «Maitea» - Toni Morrison, 2004 - 262. orr.

8 (adizlagun gisa)

Kaleko eguzkiak aurpegian jo ziolarik, lotsatu egin zen, zalgurdira igo zen, bizkarra makurtuz, begitartea zurbil-zurbil.  Karlos Zabala   «Parisen sabela» - Emile Zola, 2004 - 407. orr.

Bere hanken gainean ikusten zuen trabeska, aurpegiera zurbil-zurbil, begi urdin handiak zabalik, oinazea ezpainetan, harri eta zur, hilda egoteagatik, hantxe hiltzeagatik, hain agudo.  Karlos Zabala   «Parisen sabela» - Emile Zola, 2004 - 27. orr.

Bere hanken gainean ikusten zuen trabeska, aurpegiera zurbil-zurbil, begi urdin handiak zabalik, oinazea ezpainetan.  Karlos Zabala   «Parisen sabela» - Emile Zola, 2004 - 27. orr.

Dorothy mahai baten gainean zetzan, aurpegia zurbil-zurbil.  Fernando Rey   «Hobe nuen etxean gelditu» - Horace McCoy, 2002 - 163. orr.

Txima horiak ondo lotu gabe, zurbil-zurbil, hildako baten gisan.  Karlos Zabala   «Parisen sabela» - Emile Zola, 2004 - 300. orr.

Guardiak, zurbil-zurbil, oihu egin zuen: [...].  Josu Zabaleta   «Fantasiazko ipuinak» - Guy de Maupassant, 2000 - 117. orr.

Senarra, tabakorik gabe, zurbil-zurbil dabil.  Josu Zabaleta   «Anne Franken egunkaria» - Anne Frank, 2004 - 276. orr.

Ez goi-maindire ez estalki zegoen, zurbil-zurbil, gaixotasun larriren batek jota bezala. ile-izpi harroak, errotik mingarriro erauzirik, hatz-mutur zurbilduen artean estutzen ziren, estokan bezala.  Anjel Lertxundi   «Konpainia noblean», 2004 - 68. orr.

Elurra zurbil-zurbila zegoen.  Josu Zabaleta   «Fantasiazko ipuinak» - Guy de Maupassant, 2000 - 285. orr.

Eguzkiaren eragina da; obraren gainean airean zintzilik dauden lanbro zuri zikinak urreztatzen ditu pixka bat, nire logelara isurtzen da, horail-horaila, zurbil-zurbila.  Monika Etxebarria   «Goragalea» - Jean Paul Sartre, 2003 - 44. orr.

 



Nodoa: liferay1.lgp.ehu.eus