Bilaketa aurreratua

Ogi apurrak

Egungo Euskararen Hiztegia (EEH)

Hasiera:

inausi, inaus, inausten 1 du ad adar eta abar gehienak moztu. ik murriztu; kimatu.

Han gabarrak kargatu, hemen basoa inausi, soroetan zuhaitzak aldatu, eta sail guztiak aitzurtu. Jose Morales   «Arima hilak» - Nikolai Gogol - 462. orr.

Zuhaitza ez al duzue inausten adar gehiegi duenean? Juan Martin Elexpuru / Bego Montorio   «Filosofia apaingelan» - Sade - 265. orr.

Hosto koxkaduna duten zuhaitzak, ilbeheran inausi behar dira; bestelakoak, ilberrian. Pello Zabala   «Naturaren mintzoa» - 113. orr.

Urte horretan ez duzue ereingo soroetan, ez mahastirik inausiko. Elizen arteko biblia   Lb 25,4

Ez konformatu adarrak inaustearekin: sustraitik atera hain fruitu kaltegarriak ematen dituen landarea. Juan Martin Elexpuru / Bego Montorio   «Filosofia apaingelan» - Sade - 212. orr.

Mahatsondoari aihen zaharrak inausi behar zaizkio. Pasatutakoan ikusitako azken laguna nekazari zahar eta sendoa izan zen, hesia inausteko lanean ari zena. Pello Zabala   «Naturaren mintzoa» - 427. orr.

Inausi ahala, gero eta indartsuago emango dizkizu, baratze-lanetan balioko dizuten zarbak, makila luxeak, hagatsu, baba eta leka txut eusteko gauza izango diren zarbak. Pello Zabala   «Naturaren mintzoa» - 75. orr.

Inausteko artaziekin. Koldo Biguri   «On Camillo» - Giovanni Guareschi - 196. orr.

2 irud

Teatro baroko espainolaren defentsan klasizismoaren aurka permatu da, baina "erromantizismoa" ere gehiegikeria frantsesetatik ongi inausiz. Joxe Azurmendi   «Espainiaren arimaz» - 28. orr.

Alderantziz, hasitako bideari jarraitzekotan da; nahiz kronikak, zenbaitetan, "inausirik" agertu izanari jadanik ohartua izan... Jose Angel Irigaray   «Denboraren mugan» - 22. orr.

3 (era burutua izenondo gisa)

Zuhaitz inausien artean egindako bide zuzenetan barrena ibiltzen ziren. Landare sail inausiak. Xabier Olarra   «Azken hitzordua» - Sandor Marai - 39. orr.

Baratze honek gisako xarma dauka, ongi begiratu beharrekoa dena: arbolaxka txukun inausiak, igali zuhaitzak lorez betetzear, marrubi landareak, mahastiak... Pako Aristi   «Urregilearen orduak» - 69. orr.

Klaustroko patioa lorategi bat da, biziki ongi zaindua, ezpel inausiek hamazazpigarren mendeko arabesko zoragarri horiek denak osatzen dituztela. Koldo Izagirre   «Idi orgaren karranka» - Victor Hugo - 199. orr.

 



Nodoa: liferay1.lgp.ehu.eus