Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ontzi (1638 agerraldi, 186 liburu eta 296 artikulutan; orobat untzi 287 agerraldi, 17 liburu eta 152 artikulutan –ia guztiak Herriakoak; Hiztegi Batuak untzi baztertzen du eta ontzi erabili behar dela adierazten) 1 iz ur gainean higitzen den zernahi ibilgailu, batez ere txikia ez dena. ik itsasontzi.

Ur-lasterrak ibaian behera daraman ontzi bat ikusten dut. Ibon Uribarri   «Arrazoimen hutsaren kritika» - Immanuel Kant - 108. orr.

Neuk salbatu nian Ulises, Zeusek ontzia txiki-txiki egin zionean. Juan Kruz Igerabide   «Ulises» - Homero - 22. orr.

Ehun eta hogeita hamar ontzi eta zortzi mila marinel ei ginen, eta hogei mila gerra gizon. Edorta Jimenez   «Sukar ustelaren urtea» - 148. orr.

Hantxe zuen berriro laguna, ontziko gainalde guztietan barrena bere bila ibilia. Joxe Austin Arrieta   «Homo Faber» - Max Frisch - 139. orr.

ik ontzigain. 9537

Horrexegatik igo nahi du Africa ontziko kubertara Lisboako Diario de Noticias-eko kazetariak. Iñigo Aranbarri   «Hizlandia» - 153. orr.

Gure ontziak ordubete zeraman gutxienez ainguran; eguna argitzen ari zuen jadanik. Joxe Austin Arrieta   «Homo Faber» - Max Frisch - 143. orr.

Tartetxo batez geldi geratu nintzen hantxe, oin bat karelaren gainean eta bestea ontziko bizkar sendoan. Edorta Jimenez   «Sukar ustelaren urtea» - 32. orr.

Atalburuetan ziren armarrietan denbora alferrik galdu barik egin nuen ontziko bizkar nagusira. Edorta Jimenez   «Sukar ustelaren urtea» - 42. orr.

ik beherago 30. 9542

Demagun ontzi baten edukiera zortziehun tona ur dela: ontzi horren karga laurehun tonakoa litzateke. Iñaki Iñurrieta   «Legeen espirituaz II» - Montesquieu - 34. orr.

Haizeak nonahitik jotzen duela ere, arriskurik gabe portura daitezke ontziak. Jon Muñoz   «Loroaren teorema» - Denis Guedj - 145. orr.

Bostongoak baino belaontzi txikiagoak ziren atrakalekuetan aingura botatako ontzi gehienak. Anjel Lertxundi   «Azkenaz beste» - 151. orr.

Han loturik, baziren pinazaren moldeko ontzi bi, gure maniobraren trabagarri. Edorta Jimenez   «Sukar ustelaren urtea» - 56. orr.

Bere pisuarengatik ur gainean ez da egoten, horregatik garraioa ontzi gainean edota izeiaz egindako baltsetan egin behar izaten da. Santiago Iruretagoiena   «Arkitekturaz hamar liburuak» - Vitruvio - 1370. orr.

Plimrose ontzi ingelesa [...] Portugalete hiriaren aurrean muilaturik dago. Edorta Jimenez   «Sukar ustelaren urtea» - 64. orr.

Torrey Canyon ontziak 80.000 tona petrolio isuri zituen Erresuma Batuko kostaldean. Berria - Gaiak   2004-10-28

'ABN Amro 1' ontziak irabazi du Volvo Ocean Raceko kostako hirugarren estropada. Berria - Kirola   2006-02-05

Afal ondoren ontzi gainera igo ginen berriro. Josu Zabaleta   «Fantasiazko ipuinak» - Guy de Maupassant - 111. orr.

Cadizko portu barruan sartu, gizonetako batzuk lehorreratu, hiriari su eman, hamaika ontzi handiri tiro egin eta hondora joanarazi eta gero ihes egin handik, berak ontzi bat bera ere galdu gaberik, onik. Edorta Jimenez   «Sukar ustelaren urtea» - 45. orr.

Ontziko mutilik ttipiena igo da oroitzapenaren masta gainera. Anjel Lertxundi   «Konpainia noblean» - 81. orr.

Lehorrean ala ontzietan? Edorta Jimenez   «Sukar ustelaren urtea» - 79. orr.

Denok gaude ontzi berean. Harkaitz Cano   «Pasaia blues» - 148. orr.

Ontzia itsaso harrotuan buruka hasiko da eta alboka. Joseba Sarrionandia   «Lagun izoztua» - 282. orr.

Horixe esan nahi du log-book hitzak, "ontziko liburua", gure bitakora partikularra. Txema Ramirez de la Piscina   «Ikus gaitzazuen» - 43. orr.

Ontziko gizonek ene lehengusu Hernandoren ezaupidea ez izatea zilegi zen, gurean gizonak gutxitan erreparatzen baitio gaztetxoari. Edorta Jimenez   «Sukar ustelaren urtea» - 42. orr.

ik ontziko. 9559

Esan beharra dut, orobat, Sena ibaia [...] ontziz ibiltzeko ibaia dela Roueneraino. Josu Zabaleta   «Fantasiazko ipuinak» - Guy de Maupassant - 294. orr.

Zaleek, lagunek eta maskarek lagundurik Suitzarainoko bidea urratu zuen, handik Suediara joan zen, eta azkenik, ontziz, Brasilera ailegatu. Edorta Jimenez   «Hemingway eta euskaldunak zerbitzu sekretuetan» - 175. orr.

2 (izenondo eta izenlagunekin)

Ontzi handien artean albistari zebiltzan ontzi txikiek kezkarazteko berriak zekartzaten. Edorta Jimenez   «Sukar ustelaren urtea» - 167. orr.

Hiru bira eman zituen gure ontzi ederrak, hiru bira... eta itsaso hondora joan zen. Lopez de Arana   «Manhattan Transfer» - John Dos Passos - 325. orr.

Tximinia txikiko ontzi luzengak, ugerrez gorriztutako tximinia handiko ontzi potoloak. Lopez de Arana   «Manhattan Transfer» - John Dos Passos - 383. orr.

Horretan aritu ziren hainbat eta hainbat marinel, ontzi ofizialen "bizkartzain" lanetan, esango bagenu bezala. J.M. Olaizola "Txiliku"   «Bizitza eredugarriak» - 99. orr.

Ingelesen ontzietan marinelak eurak dituk artillero eta marinel, biak. Edorta Jimenez   «Sukar ustelaren urtea» - 199. orr.

Egungo aro globalean migrazio mugimendua, ontzi mitikoetan egin ordez, patera edo kamioi azpietan ezkutatuta egiten baita. Iñaki Heras   «Txanponaren bi aldeak» - 208. orr.

Garabi handien besoak ontzi merkanteen gainean makurturik zirkinka ari dira, zamak deskargatzen edo kargatzen. Joseba Sarrionandia   «Lagun izoztua» - 44. orr.

Kargako ontzi ingeles bat zegoan hemen. Edorta Jimenez   «Sukar ustelaren urtea» - 63. orr.

Ontzi motordun txikietan bandera gorriek harro egiten zuten izokin urbanoen bidaia arratsaldeko lehen orduetan. Lutxo Egia   «Paperezko hegazkinak» - 117. orr.

Ontzi hondoratuko marinela azken oholari nola, halaxe atxiki gintzaizkion eskaintza zekenari. Aingeru Epaltza   «Rock'n'roll» - 166. orr.

Oihalak denak zuloz josita, ontzi fantasma bihurtuko zen azkenerako. Harkaitz Cano   «Neguko zirkua» - 145. orr.

Har ezak hogei arrauneko ontzi bat, eta abia hadi aitaren berri jakitera. Juan Kruz Igerabide   «Ulises» - Homero - 13. orr.

Hiru mastako ontzi baten bela nagusiaren pareko pantaila handia. Jon Muñoz   «Loroaren teorema» - Denis Guedj - 41. orr.

Hiru mastakoa izaniko Ánimas karraka, harrezkero masta biko ontzi herren bihurtua. Edorta Jimenez   «Sukar ustelaren urtea» - 195. orr.

Gobernuak aisialdiko ontzien jabe diren zibilei gerra-ahaleginean sartzeko eskatu diela irakurri du idazleak. Edorta Jimenez   «Hemingway eta euskaldunak zerbitzu sekretuetan» - 156. orr.

3 (neurri gisa) ik ontzikada.

Hartu hamar ogi, sutopil batzuk eta ontzi bat ezti, eta zoaz harengana. Elizen arteko biblia   1 Erg 14,3

Bertara joan zen, harzurizko ontzi bat ukendu zeramala. Elizen arteko biblia   Lk 7,37

Baita ontzi bat arrosa-ur ere. Joan Mari Irigoien   «Lur bat haratago» - 155. orr.

· Monjeek beren aldetik ontzi bete olio ematen zieten anaiei. Askoren artean   «Asisko Frantzizko, Asisko Klara» - 670. orr.

4 (hitz elkartuetan lehen osagai gisa)

Aduanak, moilako zerbitzuak, salerosketako enpresak eta ontzi-konpainien bulegoak ziren eraikuntzak. Anjel Lertxundi   «Azkenaz beste» - 80. orr.

Gero eta apalagoa zen ontzi-saihetsen karraska-hotsa. Anjel Lertxundi   «Azkenaz beste» - 145. orr.

Ontzi-sotoan arraunean ari ziren galerianoen egoera zorigaiztokoa. Jon Muñoz   «Loroaren teorema» - Denis Guedj - 313. orr.

Egunak eta egunak igaro behar izan zituzten ontzi-maskorra olatuetan zintzilik, olatuen jostailu. Felipe Juaristi   «Itzarri nahi ez zuen printzesa» - 53. orr.

Itsasoa bare dagoen arren, ontzi-sabelean mugimendu handia dabil dagoeneko. Harkaitz Cano   «Belarraren ahoa» - 12. orr.

Gainezka zegoen ontzi zubiaren alde hau, eta txopako bidaztiak ez ziren nahasten itxura eta kolore anitzeko talde horien artean. Karlos Zabala   «Mikel Strogoff» - Jules Verne - 108. orr.

Artikoko izotz-pusken erdian betiko harrapatuta gelditu den ontzi-ohol ezdeus baten moduan ikusten dut neure burua. Anjel Lertxundi   «Ihes betea» - 123. orr.

Baiona irakurtzen zen gida-kabina askoren aitzinean idatziriko ontzi-izenen azpian. Anjel Lertxundi   «Azkenaz beste» - 151. orr.

Ez bainengoen ni Lisboan ikusi genuena bezalako ontzi multzorik sekula lehenago ikusita. Edorta Jimenez   «Sukar ustelaren urtea» - 46. orr.

Marinel batek ontzi maketak eginen ditu vodka eta whisky botilen barruan. Joseba Sarrionandia   «Lagun izoztua» - 358. orr.

Ontzi gidariek uste zuten Tour-Tan zelakoak zirela eta zuzenka hondamendira segitzen zituzten. Itxaro Borda   «Entre les loups cruels» - 68. orr.

Ez baitago batere argi zein espezie zen ontzi-gidari egiten zuen animalia. J.M. Olaizola "Txiliku"   «101 gau» - 116. orr.

Sortzaileak Noeri eta haren ontzi-lagun salbatuei emandako itun-hitza. Iñaki Mendiguren   «Historiaren azterketa II» - A.J. Toynbee - 272. orr.

Hark sorturiko olatu ikaragarriek ontzi laguntzaileak hondoratu zituzten, Achradineko harresien aurrez aurre. Jon Muñoz   «Loroaren teorema» - Denis Guedj - 474. orr.

5 (hitz elkartuetan bigarren osagai gisa)

Itsasoko Poliziaren patruila-ontzi bat. Edorta Jimenez   «Kilkerren hotsak» - 172. orr.

Hamaika urterekin, posta ontzi batean itsasoratu zen Indiara joateko. Karlos Zabala   «Mikel Strogoff» - Jules Verne - 11. orr.

Terranova aldean ibiltzen da bakailao-ontzi batean. Bernardo Atxaga   «Soinujolearen semea» - 133. orr.

Eskerrak ikatz-ontzi ingeles batek ikusi eta gau aldera handik jaso gintuen. Josu Zabaleta   «Fantasiazko ipuinak» - Guy de Maupassant - 111. orr.

Salgai-ontzi holandar baten hondakinak. Koro Navarro   «Kontakizunak» - Edgar Allan Poe - 75. orr.

Hiru urtetik behin ur handietako merkataritza-ontzi haiek urrez, zilarrez, marfilez, tximinoz eta indioilarrez beterik itzuli ohi ziren. Elizen arteko biblia   1 Erg 10,22

Sarritan ibiltzen dira han steam-boatak eta aintzirako kabotaje ontzi txiki guztiak. Karlos Zabala   «Mikel Strogoff» - Jules Verne - 393. orr.

Dinamitaz zamaturiko garraio-ontzi batean. Edorta Jimenez   «Hemingway eta euskaldunak zerbitzu sekretuetan» - 226. orr.

Zama-ontzi batean lanean ibiltzen zen marinel peto-petoa. Paddy Rekalde   «Ragga-ragga dator gaua» - 132. orr.

Berehala heldu da polizia-ontzia. Urtzi Urrutikoeetxea   «Auzoak» - 29. orr.

Bidaia-ontzi zahar ospetsu bat zegoen Nevan gelditurik. Xabier Olarra   «Antropologo bat Marten» - Oliver Sacks - 215. orr.

Hura konpondu eta luzaz ibili zen Sukarrieta eta Laida artean pasaiari-ontzi legez. Edorta Jimenez   «Hemingway eta euskaldunak zerbitzu sekretuetan» - 46. orr.

Iibaian gora-behera dabiltzan turista-ontzi horietako batean. Edorta Jimenez   «Europako mugetan barrena» - 239. orr.

· Volgako steam-boat ontzia hartu behar baitzuen. Karlos Zabala   «Mikel Strogoff» - Jules Verne - 82. orr.

6 (airean edo espazioan dabiltzanak)

Scaled Composites enpresaren ontziak atmosfera zeharkatuko du, baina ez da urrunago joango. Berria - Gaiak   2004-06-04

Orbitan jartzea lortzeko, askoz abiada handiago hartzen duten ontziak behar dira. Berria - Gaiak   2004-09-28

Ontziak Lurretik 100 kilometro urrundu beharko du barruan hiru lagun daramatzala. Berria - Gaiak   2004-06-04

Stardust ontziak itzulera kapsula askatuko du Lurrerantz. Berria - Gaiak   2006-01-15

Ontziak Marten lur hartuko du, eta hango lurrazalaren laginak jasoko ditu, gero Lurrera ekartzeko. Berria - Gaiak   2004-07-06

Voyager ontziak 1980ko hamarkadan beste ekaitz bat antzeman zuen Saturnon. Berria - Gaiak   2004-07-24

NASAk eta ESAk elkarlanean egindako Cassini ontziak bat egin duten bi ekaitzen irudiak jaso zituen atzo Saturnon. Berria - Gaiak   2004-04-11

ESAren Rosetta ontziak bete du bere lehen helburua; Churyumov-Gerasimenko kometan lurreratzea da azken xedea. Berria - Gaiak   2004-06-01

Denbora hori beharko du ontziak 675 milioi kilometro egin ahal izateko. Berria - Gaiak   2004-06-01

Kometaren orbitara iristen denean, berriz, ontziak barruan daraman Philae robota askatuko du eta hura izango da kometa aztertzeaz arduratuko dena. Berria - Gaiak   2004-06-01

7 gauzaki barneduna, isurkariak eta kidekoak edukitzeko edo biltzeko erabiltzen dena.

Ontziak (botilak, latak, flaskoak...) irekitzeko sistemak soildu egingo dira. Edorta Agirre   «Baietz okerreko bidea aukeratu! » - 109. orr.

Zuek, bildu ardoa, fruituak eta olioa, sartu ontzi eta biltegietan. Elizen arteko biblia   Jr 40,10

Ontzi bat eskaini dizute kafesnea hartzeko. Rafa Egiguren   «Mentxakaren aitorpena» - Jose Ramon Goikoetxea - 81. orr.

Frantziskok bazkalorduan eskuak garbitzen erabilitako ura ontzi batean jaso zuten. Askoren artean   «Asisko Frantzizko, Asisko Klara» - 602. orr.

Bere aita Davidek sagaratuak ziren urrezko eta zilarrezko gauza eta ontzi guztiak bertara eraman eta Jaunaren etxeko altxortegian gorde zituen. Elizen arteko biblia   1 Erg 7,51

Etxeko zapatiletan eta fianbrera moduko ontzi bat eskuetan. Pedro Alberdi   «Kafka Bilbon» - 44. orr.

Gernua bai, halaxe egiten nuen, kamainatik jaitsi barik, kaiku taxuko ontzi batean. Edorta Jimenez   «Sukar ustelaren urtea» - 20. orr.

Intsentsuz beteriko ontzi ketsu bat zeramala agertu zen. Lopez de Arana   «Manhattan Transfer» - John Dos Passos - 460. orr.

Aurretik irten zen Menelao, eskuan urrezko ontzi bat ardoz beterik zuela, gora jasota, haien ohorez eskainiz. Juan Kruz Igerabide   «Ulises» - Homero - 108. orr.

Gazte talde bat hemen, plastikozko ontzi handi zenbaiten inguruan. Aingeru Epaltza   «Rock'n'roll» - 17. orr.

Koktelak nahasteko ontzi haiek, kakahueteetarako plater zatikatu haiek. Joxan Elosegi   «Nola hustu nuen gurasoen etxea» - Lyidia Flem - 85. orr.

8 (izenondo eta izanlagunekin)

Buztina ez ote dago buztinlariaren esku, honek lur beretik ontzi baliotsuak nahiz ontzi arruntak egiteko? Elizen arteko biblia   Erm 9,21

Sukaldeko mahai baten gainean ontzi borobil bat zegoen. Gotzon Garate   «New Yorkeko kronika beltza» - 52. orr.

Lehoiaren azpialdean, berriz, ur-xirriparen biltzaile, harlanduzko ontzi barroko bat ageri zen. Txillardegi   «Putzu» - 36. orr.

Portzelanazko ontzi eder horiek bezalakoa zen. Jose Morales   «Zazpi urkatuak» - Leonid Nikolaievitx Andreiev - 164. orr.

Kafe-hautsa, ura eta azukrea ibrik izeneko ontzi berezian jartzen dira. J.M. Olaizola "Txiliku"   «Bizitza eredugarriak» - 187. orr.

Jainkoak esana entzun eta egin ez ezik, ontzi liturgikoak eta Jaunaren hitz santuak dakartzaten liburu liturgikoak zaindu behar ditugu. Askoren artean   «Asisko Frantzizko, Asisko Klara» - 111. orr.

Guztira, urre eta zilarrezko 5.400 ontzi. Elizen arteko biblia   Esd 1,11

Barruan zertxobait geratzen denean, kristalezko ontzi batean gorde ordez, lapikoan usteltzen uzten du. Josu Zabaleta   «Anne Franken egunkaria» - Anne Frank - 49. orr.

9 (pl., sukaldean erabiltzen direnak)

Lapikoak, paderak, mahai gaineko ontziak, [...]. Juan Kruz Igerabide   «Txoria» - Oh Jung-hi - 7. orr.

Garbiketa lanak (mantelak, zapiak, sukaldeko ontziak eta tresnak, mahaikoak, lurra ekortzea...). Edorta Agirre   «Baietz okerreko bidea aukeratu! » - 55. orr.

Haserre dago, gainera, gure ontziak ez baina bereak erabiltzen ditugulako. Josu Zabaleta   «Anne Franken egunkaria» - Anne Frank - 45. orr.

Ontziak harraskan bildu eta harrikoa egiteari ekin zion berehala. Unai Iturriaga   «Berandu da gelditzeko» - 32. orr.

Afaltzeko erabilitako ontziak jaso, eta, Kurtek hala eskatuta, harraskan utzi nituen, han pilatutako beste hainbat ontzi erabiliren gainean. Anjel Lertxundi   «Ihes betea» - 196. orr.

Van Daan andreak janariak prestatzen ditu, amak ontziak garbitzen. Josu Zabaleta   «Anne Franken egunkaria» - Anne Frank - 135. orr.

Sukaldea jaso eta ontziak garbiturik, ama telebistaren aurrean esertzen zen. Juan Kruz Igerabide   «Hauts bihurtu zineten» - 136. orr.

Ontziak berriak zirenez, sukaldetan jolasten ari nintzela iruditzen zitzaidan. Juan Kruz Igerabide   «Txoria» - Oh Jung-hi - 49. orr.

Ez inor eskailerak jaisten, ez iturriko urarenik, ez inor erratza pasatzen, ez eztulik, ez ontzi garbiketarik harrikoan, ezer ez. Pako Aristi   «Gauza txikien liburua» - 125. orr.

Ferrari bat edo ontzi-garbigailu bat bezala? -erdeinuzko muzina egin zuen-. Jon Muñoz   «Loroaren teorema» - Denis Guedj - 454. orr.

Geroxeago, jangelara itzuli zenean, tea hartzeko ontziak eta ron-botila bat ikusi zituen mahai gainean prest. Jose Morales   «Arima hilak» - Nikolai Gogol - 127. orr.

10 (hitz elkartuetan lehen osagai gisa)

Zentzugabeari irakastea apurtutako ontzi-zatiak elkartzea da, lozorroan dagoena esnaraztea. Elizen arteko biblia   Si 22,9

Ontzi piloa zegoen sukaldeko harraskan metatuta. Javi Cillero   «Hollywood eta biok» - 18. orr.

Tiraderan, lata-, poto-, ontzi-irekitzekoak, tapoi-kentzekoa, kortxo-ateratzekoa eta antzeko beste zerbait, dena tresna bakarrean, agian. Edorta Agirre   «Baietz okerreko bidea aukeratu! » - 58. orr.

Sukaldean, ontzi-hotsa. Anjel Lertxundi   «Argizariaren egunak» - 174. orr.

Baldintza bakarra, norberak erabilitako ontzi-tresnak norberak garbitzea. Iñaki Iñurrieta   «Kuskue tanden» - 71. orr.

Euskal Herriko ontzi-fabrikatzaileek eta elikagai-banatzaileek beren prospektuak munduko hizkuntza gehienetan plazaratuko dituzte, euskaraz izan ezik. Edorta Agirre   «Baietz okerreko bidea aukeratu! » - 63. orr.

Itsas piano bat zegoen ontzi-gelan. Irene Aldasoro   «Dublindarrak» - James Joyce - 68. orr.

11 (hitz elkartuetan bigarren osagai gisa)

Brontzezko hamar ur-ontzi ere egin zituen, orga bakoitzerako bana; bina metroko diametroa zuten, eta mila eta seiehuna litro ur hartzen. Elizen arteko biblia   1 Erg 7,38

Esne ontziak lurrean utzi ditu, atseden bila. Lander Garro   «Orain galdera berriak ditut» - 168. orr.

Jaki-ontzi handi bat zekarren eskuetan. Inazio Mujika Iraola   «Gerezi Denbora» - 83. orr.

Foie-gras ontziak eta kolore aldakorreko atun eta sardina latak. Karlos Zabala   «Parisen sabela» - Emile Zola - 63. orr.

Zopa-ontzi bero bat mahai erdian ipini zuen. Lopez de Arana   «Manhattan Transfer» - John Dos Passos - 432. orr.

Bi entsalada-ontzi ederretan. Aitor Arana   «Bost ahizpa» - 53. orr.

Har itzazu nik bildu dudan ogi-zakuto hau eta ardo-ontzi hau. Askoren artean   «Asisko Frantzizko, Asisko Klara» - 992. orr.

Nikelezko izotz-ontzi batean. Lopez de Arana   «Manhattan Transfer» - John Dos Passos - 50. orr.

Zetazko paperean bildutako nartziso-ontzi batetik gainezka eginez, izar-itxurako lore batzuek dir-dir egiten zuten fosforeszentzia argiz. Lopez de Arana   «Manhattan Transfer» - John Dos Passos - 89. orr.

Piper-ontzi zenbakaitz haiek. Joxan Elosegi   «Nola hustu nuen gurasoen etxea» - Lyidia Flem - 85. orr.

Zigarro ontzi zilar-kolore bat hartu zuen. Koro Navarro   «Artistakume baten erretratua» - Dylan Thomas - 180. orr.

Urrezko intsentsu-ontzi bat zeraman, eta usainki asko eman zioten. Elizen arteko biblia   Ap 8,3

Egin txingar-ontzi, pala, ixipu-ontzi, sardexka eta errauts-ontziak. Elizen arteko biblia   Ir 27,3

Koktel-ontzi bati eragiten ari zen bere esku iletsuen artean. Lopez de Arana   «Manhattan Transfer» - John Dos Passos - 309. orr.

Nik husten nion beti paketea tabako-ontzi beltzera. Irene Aldasoro   «Dublindarrak» - James Joyce - 18. orr.

Bost argi ontziko armiarma lanpara bat zegoen sabaitik zintzilik, globo zeharrargiz apaindua. Karlos Zabala   «Parisen sabela» - Emile Zola - 159. orr.

Plastiko ontzi batean gasolina zeukan. Gotzon Garate   «India harrigarria» - 90. orr.

Etenkako emari baten gorabeherak leundu beharrean gertatzen den ingeniariak espantsio-ontzi bat jartzea pentsatuko luke ziur asko. Irene Aldasoro   «Giza gorputza lanean» - John Lenihan - 169. orr.

· Euriak jotako aterki bat bezala, bizitzak jotako hezur-ontzi bat bezala, Felipe Juaristi   «Airezko emakumeak» - 259. orr.

12 (hitz elkartuetan bigarren osagai gisa, irud/hed)

Alabaina, Graxi txikitatik urguilu-ontzi eta harro-putzua zen. Itxaro Borda   «Zeruetako erresuma» - 137. orr.

Halako txinparta bat eduki behar zuen hari esaten zenionak, halako zer kilikagarri bat, bizitzan pauso motel-arraioz joan ohi den beste ergel-ontzi horietako bat ez zinela erakusteko. Oskar Arana   «Brooklyngo erokeriak» - Paul Auster - 37. orr.

Katedraleko sarrera atzeman zuen eta hango ilunpean, ama-ontzi bero eta harkor batean nola, umekia bezain kuxkur belaunikatu zen. Itxaro Borda   «Zeruetako erresuma» - 61. orr.

Kikildu egiten nintzen pentsaturik bazitekeela kaka-ontzi santu usteko harekin beste aurrez aurreko bat eduki beharra. Oskar Arana   «Brooklyngo erokeriak» - Paul Auster - 336. orr.

13 arrain ontzi ik arrainontzi.
14 arrantza ontzi ik arrantza1.
15 bela-ontzi ik belaontzi.
16 fruitu-ontzi ik fruituontzi.
17 fruta-ontzi ik frutaontzi.
17 gerra ontzi ik gerraontzi.
18 guda-ontzi ik gudaontzi.
20 ibai ontzi ik ibaiontzi.
21 itsas ontzi ik itsasontzi.
22 kafe ontzi ik kafeontzi.
23 kanoi ontzi ik kanoiontzi.
24 karga ontzi ik kargaontzi.
25 kirol ontzi ik kirolontzi.
26 komun ontzi ik komun 5.
27 landare ontzi ik landare 6.
28 lore ontzi ik loreontzi.
29 lurrun ontzi ik lurruontzi.
30 ontzi bizkar ontziaren gainaldea. ik ontzigain; kubierta.

Nahiago izan nuen neu bakarrik atseden egitera goiz joan, txandarik ez zutenekin alfer jokoetan ontzi bizkarrean geratu baino. Edorta Jimenez   «Sukar ustelaren urtea» - 51. orr.

Eskailera batzuk zeuden ontzitik uretara zihoazenak, ontzi-bizkarraren erdialdean bertan. Harkaitz Cano   «Pasaia blues» - 192. orr.

Brusola duk -esan zuen, ontzi bizkarrak masta bertan sartzeko egina zuen zulo biribila erakusten zigularik-. Edorta Jimenez   «Sukar ustelaren urtea» - 189. orr.

Bideko portuetan aingura boteaz, atseden hartzeko, ontzi-bizkarra garbitzeko, ustel usaina kentzeko, kroskoa pintatzeko. Felipe Juaristi   «Airezko emakumeak» - 118. orr.

31 ontzi gain ik ontzigain.
32 ontzi-jabe ik ontzijabe.
33 ontzi komunikatu

Ontzi komunikatuen teoria azaldu nion. Joxe Austin Arrieta   «Homo Faber» - Max Frisch - 179. orr.

Nire etxea ez zen elastikoa, ezin nintzen ontzi komunikatuen jokoan aritu: alde bat hustu bestea betetzeko. Joxan Elosegi   «Nola hustu nuen gurasoen etxea» - Lyidia Flem - 78. orr.

33 ontzi-krosko ik krosko 4.
34 ontzi-mutil (orobat untzimutil) itsasontzietan mutil gisa aritzen dena.

Laster jakingo nuenez, haren semeetako bi, aitaren grazia bereko Joan Sanz eta haren hurrengoa, Martin Sanz, artean ontzi-mutilak ziren; gazteena, berriz, Domingo Sanz, mutil huts zetorren; hots, morroi. Edorta Jimenez   «Sukar ustelaren urtea» - 41. orr.

Eskifaia salbatzeko sakrifikatzen den ontzi-mutila bezala. Jon Muñoz   «Loroaren teorema» - Denis Guedj - 416. orr.

Beste biderik ez zeukan, bada: Andreasengandik orpoz-ipurdi ihes egin, eta berriro Ameriketara eramango zuen ontziren batean ezkutatu, edo, besterik ezin eta, marinel-ele hartako neska hura bezala ontzi-mutilez mozorrotu. Anjel Lertxundi   «Azkenaz beste» - 126. orr.

· Ontzi-mutil hasi zen, Kanadara zihoan Allan Lines-eko ontzi batean, hilean libera bat irabaziz. Irene Aldasoro   «Dublindarrak» - James Joyce - 57. orr.

35 paper ontzi ik paperontzi.
36 te ontzi ik teontzi.
37 tinta ontzi ik tintontzi.
38 ur ontzi1 ura edukitzeko ontzia.

Ezpainetara hurbiltzen zion ur ontzia eta hark edaten. Karlos Zabala   «Mikel Strogoff» - Jules Verne - 331. orr.

Nola eramango diet nik lekaideei ur-ontzia edo suila erdi hutsik? Askoren artean   «Asisko Frantzizko, Asisko Klara» - 1068. orr.

Hamar ur-ontzi eginarazi zituen eta uraskaren ezker-eskuin ezarri, bost alde batean eta bost bestean. Elizen arteko biblia   2 Kro 4,6

Orgaren gainaldean ur-ontzi baten ezpainak ateratzen ziren metro erdi gorantz; ur-ontzia biribila zen. teilatuetako ur-ontzi burdin xaflazkoei. Elizen arteko biblia   1 Erg 7,31

Erromesak kantari zihoazen, bidai makila eskuan, ur ontzia gerritik zintzilik. Karlos Zabala   «Mikel Strogoff» - Jules Verne - 390. orr.

-Zein ur-ontzitara egin behar dun pixa orain, Karmen? Inazio Mujika Iraola   «Gerezi Denbora» - 111. orr.

39 ur ontzi2 itsasontzia.

Kubo handi baten itxurako zentro kulturala ezkerrean utziz, 'Star ferry' ur-ontzien kaiaruntz joan ziren eta itsas bazterrean, lasaiki ibili. Ramuntxo Etxeberri   «Skyroom» - 136. orr.

Makao portuko kaian, 'jetfoil' deitu ur-ontzi superzonikotik jaitsi zirelarik, Mikel eta Nina harritu ziren: zer hiri itsusia! Ramuntxo Etxeberri   «Skyroom» - 110. orr.

Urte horietan, aldiz, beste aktibitate bat garatu zen: miseriari ihes egiteko, Txinako baserritarrak milaka zetozen Makaora, Amerikarako ur-ontzien betetzera. Ramuntxo Etxeberri   «Skyroom» - 107. orr.

40 zabor ontzi ik zaborrontzi.
hitz multzoen maiztasunak (gutxienez 5 aldiz agertzen direnak)

armadako ontzi (5); arrain ontzi (6); arrantza ontzi (5); beirazko ontzi (7); beteriko ontzi (11); betetako ontzi (9); brontzezko ontzi (7); buztinezko ontzi (8)

ixipu ontzi (5); komun ontzi (7); kristalezko ontzi (11); lurrezko ontzi (6)

ontzi asko (9); ontzi atzeman (7); ontzi barruan (22); ontzi barrura (5); ontzi bat hartzeko (5); ontzi bat hondoratu (10); ontzi bat hondoratuta (6); ontzi beltz (6); ontzi berean (24); ontzi berezi (7); ontzi berri (5); ontzi bete (6)

ontzi enpresen (7); ontzi erraldoi (9); ontzi gainean (9); ontzi gainera (5); ontzi gehiago (9); ontzi guztiak (16); ontzi handi (35); ontzi handi bat (8); ontzi handiak (10)

ontzi txiki (15); ontzi ugari (6); ontzi zahar (8)

plastikozko ontzi (8); te ontzi (7); ur ontzi (14); urrezko ontzi (9); zabor ontzi (6); zilarrezko ontzi (7)

arrantza ontzia (5); azukre ontzia (5)

errauts ontzia (7); hondoratu zen ontzia (5)

intsentsu ontzia (7); komun ontzia (8); movistar ontzia (14)

ontzia bahitu (5); ontzia hartu (16); ontzia hondora (7); ontzia hondoratu (12); ontzia hondoratzen (7); ontzia jo (5); ontzia kostaldetik urruntzeko (5); ontzia utzi (7)

prestige ontzia (5); te ontzia (13); ur ontzia (10); zigarro ontzia (11)

armadako ontziak (6); arrantza ontziak (7); brontzezko ontziak (5); errauts ontziak (14)

exxon valdez ontziak (6); intsentsu ontziak (7); ixipu ontziak (12); kontserba ontziak (5); movistar ontziak (11)

ontziak egin (5); ontziak egiten (10); ontziak eraikitzeko (6); ontziak eraikitzen (6); ontziak garbitu (12); ontziak garbitzeko (5); ontziak garbitzen (22); ontziak garbitzen ari (5)

prestige ontziak (7); ur ontziak (5); urrezko ontziak (5); zilarrezko ontziak (8)

ontzian gelditzen den (5); ontzian izan (5); ontzian sartu (12); ontzian zihoazen (5); ontzian ziren (5); san salvador ontzian (9)

komun ontziaren (8); ontziaren alde (5); ontziaren barruan (6); ontziaren bizkarrean (6); ontziaren eta (6); ontziaren gainean (7); ontziaren izena (6); ontziaren kontra (7); ontziaren ondoan (6); prestige ontziaren (15)

gipuzkoako ontziek (7)

ontziko bizkar (5); ontziko gizon (5); ontziko gizonek (5); ontziko kapitainak (7); ontziko kapitainari (7); prestige ontziko (5); san salvador ontziko (10)

ontzira bota (5); ontzira igo (12); ontzira itzuli (5); ontzira joan (6)

ontzitik atera (5); ontzitik irten (5)

ontziz beteriko (6)

 



Nodoa: liferay1.lgp.ehu.eus