Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ordutik 1 adlag une hartatik.

Ordutik ez dut sekula haren berririk izan. Anjel Lertxundi   «Ihes betea» - 293. orr.

Ordutik ez dut uste itzuli denik. Iban Zaldua   «Etorkizuna» - 63. orr.

Ordutik hasi naiz bihotzean nituenak euskal-pertsutan aipatzen. Herria   2001-05-24

Ordutik Luzaidetik bereiz egon zen Arnegi, bai herriz eta bai parropiaz. Angel Aintziburu / Jean Baptiste Etxarren   «Luzaiden gaindi» - 217. orr.

Ordutik, bere arima santuan itsatsia gelditu zitzaion Gurutziltzatuarekiko gupida. Askoren artean   «Asisko Frantzizko, Asisko Klara» - 285. orr.

Ordutik bertatik hasi zen bere burua mespretxatzen eta lehen maite zuena gutxiesten. Askoren artean   «Asisko Frantzizko, Asisko Klara» - 497. orr.

Ez du ordutik bururik jaso -argitu zuen Willemek. Anjel Lertxundi   «Azkenaz beste» - 183. orr.

Urte asko pasatu dira ordutik, oso urrutikoak dira oroitzapenok, baina oraindik ere zehaztasun handiz gogoratzen ditut. Anjel Lertxundi   «Ihes betea» - 42. orr.

Denbora asko joan da ordutik, izan da negar eta barrerako betarik amaiera gabekoa zirudien bidaian. Urtzi Urrutikoeetxea   «Auzoak» - 12. orr.

Egun batez, hamabost bat urte izango ziren ordutik, telefono dei bat jaso zuten etxean. Imanol Zurutuza   «Errautsera arteko sugarra» - 74. orr.

Aita urtebete eskas dela hil zitzaigun, eta ordutik behin eta berriz itzultzen naiz hitz hauetara, ulertu nahiz, ulertzen saiatuz. Jon Alonso   «Erretzaileen eremua» - 113. orr.

Nola eraman zuen bihotzean, ordutik heriotza arte, Jesu Kristoren nekaldia. Askoren artean   «Asisko Frantzizko, Asisko Klara» - 500. orr.

Hamazazpi urte nituen nik orduan, hamazazpi Montsek ere; beste hamazazpi igaro dira ordutik. Xabier Mendiguren Elizegi   «Nerabearen biluzia» - 115. orr.

Herrenka dabil ordutik. Jon Alonso   «Erretzaileen eremua» - 33. orr.

Urteak pasatu dira ordutik. Anjel Lertxundi   «Zorion perfektua» - 33. orr.

Kasik 50 urte joanak ziren ordutik. Aingeru Epaltza   «Mailuaren odola» - 261. orr.

2 ordutiko izlag

Ordutikoa da, elorrizuriaren jiran ospatzen zuten festa. Pello Zabala   «Naturaren mintzoa» - 199. orr.

3 ordutik aurrera

Ordutik aurrera inguraketa operazio haren bigarren fasea hasi zen. Joxemari Iturralde   «Euliak ez dira argazkietan azaltzen» - 30. orr.

Ordutik aurrera, Brumaireren 18koak Zaharren Kontseilutik atera eta Kode Zibilaren Idazketa Batzordeko egin zuen. Andres Urrutia   «Frantziako kode zibilaren lehen proiektua» - Jean di Portalis - 14. orr.

Ordutik aurrera, konponbiderik ez. Karlos Zabala   «Parisen sabela» - Emile Zola - 215. orr.

Denbora asko galdua genuen, eta arrisku handia zuen ordutik aurrera bideak, negua gainean baitzen. Elizen arteko biblia   Eg 27,9

Hark baietz erantzun zion eta ordutik aurrera urtero joan ohi zen. Askoren artean   «Asisko Frantzizko, Asisko Klara» - 484. orr.

Azken-azkenean pena alimale horrek den-dena hartzen baitu bere baitan, eta ordutik aurrera negarra baizik ez baita geratzen, negarra, oinazea eta desolazioa. Jon Alonso   «Erretzaileen eremua» - 113. orr.

Haientzat, astelehenetan Animalien Ongizaterako Klinikako poltsekin iristen hasi zen gizona baino ez da, ordutik aurrera geroz eta goizago agertu izan dena. Oskar Arana   «Lotsaizuna» - John Maxwell Coetzee - 190. orr.

Ondorengo elkarrizketak argituko zidan, apika, ordutik aurrera zer egin nezakeen. Iban Zaldua   «Gezurrak, gezurrak, gezurrak» - 128. orr.

Egongelan egin nuen lo ordutik aurrera. Joxan Elosegi   «Ahardikeriak» - Marie Darrieussecq - 24. orr.

· Ordu arteko bi oilar amorratuek, elkar harturik, soldadu hordia nork zorrotzago eta distiratsuago larrutu eta barregarri laga izan zen ordutik aurrerako saioa [...] harik eta mozkorrak beste whisky baten bila alde egin zuen arte. Anjel Lertxundi   «Argizariaren egunak» - 42. orr.

4 ordutik hona

Ordutik hona, legearen subiranotasunaren ideia ezinbestekoa da ordena politikoaren eta askatasunaren ikuspegi errepublikazale ororentzat. Esteban Antxustegi   «Herritarra» - Thomas Hobbes - 14. orr.

Ordutik hona, bistan da, urte asko pasatu dira. Bernardo Atxaga   «Lekuak» - 52. orr.

Arrazoi sustraidunak tartean direla erdietsi zuen hark dibortzioa; ordutik hona, haren egintzak, ordura arteko gaitzak menderaturik, beraren egoera hori ezerezten dio eta ordaindu beharreko kalte handiak ere egiten. Andres Urrutia   «Frantziako kode zibilaren lehen proiektua» - Jean di Portalis - 73. orr.

Garai zailak pasatuak gara ordutik hona. Ander Irizar   «Eszterren ondarea» - Sandor Marai - 49. orr.

Baina ikaragarri aurreratu dugu ordutik hona. Iñaki Segurola   «Gaur ere ez du hiltzeko eguraldirik egingo» - 182. orr.

-Asko ikasi dut ordutik hona. Fernando Rey   «Hobe nuen etxean gelditu» - Horace McCoy - 227. orr.

hitz multzoen maiztasunak (gutxienez 3 aldiz agertzen direnak)

ordutik aurrera (149); ordutik aurrera ez (9); ordutik dator (3); ordutik gaurdaino (5); ordutik hara (3); ordutik hasi (4); ordutik hona (119); ordutik honako (4)

 



Nodoa: liferay1.lgp.ehu.eus