Bilaketa aurreratua

Ogi apurrak

Egungo Euskararen Hiztegia (EEH)

Hasiera:

orein 1 iz ugaztun hausnarkari handia, sendoa eta itxura lirainekoa, hanka-luzea eta isats-laburra, oihanean taldetan bizi dena (Cervus elaphus). ik basahuntz.

Zerbidoen familiako ugaztun artiodaktiloa da oreina. Berria - Gaiak   2004-11-12

Ehiztari printzipalak zakurrez inguraturiko orein bati keinatzen zion bere baleztarekin. Aingeru Epaltza   «Mailuaren odola» - 242. orr.

Gauean oreinkumeak eta oreinak etortzen ziren basotik, elurretan gelditzen ziren ilargiaren argitan. Xabier Olarra   «Azken hitzordua» - Sandor Marai - 28. orr.

Aurreko gauean, handixe etorri zitzaion trostan oreina... Iñaki Mendiguren   «Harry Potter eta sorgin harria» - J.K. Rowling - 340. orr.

Orein baten larru zaharkitu bat ipini zion gainean. Juan Kruz Igerabide   «Ulises» - Homero - 96. orr.

Lancelot zauritu dut nahi gabe, oreinari gezia bota diodanean! Juan Kruz Igerabide   «Artur erregearen heriotza» - 48. orr.

Oreinarenak bezain arin dizkit oinak egin.   - 0. orr.

Birjintasunaren jainkosak, zigor gisa, Akteon orein bihurtu eta bere zakurrek hantxe akabatu zuten. Martin Anso   «Elezaharren bidetik» - 197. orr.

Ikusi al dituzu oreinak umea egiten? Elizen arteko biblia   Jb 39,1

Hirurehun urratsera zegoen oreinari tiro egiteko. Xabier Olarra   «Azken hitzordua» - Sandor Marai - 157. orr.

Salatua izan zen, eta atxilotua, orein bat bortxatzeagatik. Pako Aristi   «Urregilearen orduak» - 191. orr.

Armak, kartutxo-zorroak, antzinako geziak, hegaztien buru disekatuak, oreinen adajeak. Xabier Olarra   «Azken hitzordua» - Sandor Marai - 22. orr.

Denok jan ahal izango dituzue, baita legez garbi ez dagoenak ere, ehiza -gazela nahiz oreina- jan ohi den bezala. Elizen arteko biblia   Dt 12,15

Udaberriro tiratzaile trebeenak biltzen zituen eta oreinetara joaten zen Van aintziraren ondoko Esrük mendira. Fernando Rey   «Ararat mendiaren sumina» - Yasar Kemal - 32. orr.

Kume arrei esne hobea ematen diete oreinek. Berria - Gaiak   2004-11-12

ik beherago 8. 13653

2 (izenondoekin)

Euriteen sasoia iritsi zenean, bere eguneroko bazka osatzen zuten bihi, ale eta ezkurren bila zebilela, orein ttiki bat ikusi zuen, uholdeak lurrera botatako enbor handi baten abarrek harrapatua. Xabier Mendiguren Elizegi   «16 ipuin amodiozko» - 39. orr.

Hara non agertzen den sasien artetik orein zahar handi hori, gugandik ehun oin baino gutxiagora. Koro Navarro   «Zertaz ari garen maitasunaz ari garenean» - Raymond Carver - 128. orr.

Marisak mutu besarkatzen zuen, niri begi ertzetik begira, orein izutu batek bezala. Juan Kruz Igerabide   «Hauts bihurtu zineten» - 85. orr.

Ile-moztaileak burua heldu eta lepoa aurrerantz begira jarri diolarik, orein disekatuaren burua bere etxeko horman bezalaxe sentitu da. Harkaitz Cano   «Neguko zirkua» - 110. orr.

Hirkaniar endatik harako txakurrak sarritan ihes egingo lioke orein adardunari. Xabier Amuriza   «Gauzen izaeraz» - Lukrezio - 207. orr.

Orein zaurituak negar intziri, orkatz ukigabeak jolas. Juan Garzia   «Hamlet» - William Shakesperare - 133. orr.

Orein hego-oindunek, sudurren bitartez, narraztiak gordelekuetatik irtenarazten dituztela sinestu ohi denez. Xabier Amuriza   «Gauzen izaeraz» - Lukrezio - 435. orr.

3 (hitz elkartuetan lehen osagai gisa)

Orein-adajeak zituzten apaingarri pasabideetan. Xabier Olarra   «Azken hitzordua» - Sandor Marai - 42. orr.

Anitz baitziren sala nagusiko paretetan jarriak zituen orein-burezurrak eta orein-adarrak, gehienak apal batzuen gainean. Joan Mari Irigoien   «Lur bat haratago» - 164. orr.

Han egon ohi da orein-begiak dituen neska zoragarri hori. Mirentxu Larrañaga   «Peaceful soldadua» - Michael Morpurgo - 131. orr.

Orein okelaz egindako saltxitxa gorri-gorri batzuk. Felipe Juaristi   «Airezko emakumeak» - 75. orr.

Ahmeten orein-larruzko longain handi batekin estalita zeuden, izaki bakar bihurtuta. Fernando Rey   «Ararat mendiaren sumina» - Yasar Kemal - 74. orr.

Orein talde osoa agertu zen orduan, aurrekoaren urratsei segika, pixka bat atzeragotik. Imanol Zurutuza   «Errautsera arteko sugarra» - 88. orr.

Bazen han azkonar-zulo eta azeri-zulo ugari, pixatoki ezin hobeak denak; eta, orein-arrastoak, haiei atzetik segika ibiltzeko agian. Mirentxu Larrañaga   «Peaceful soldadua» - Michael Morpurgo - 14. orr.

Pashak zaletasun handi bat zuen: ehiza, orein-ehiza. Fernando Rey   «Ararat mendiaren sumina» - Yasar Kemal - 32. orr.

Ile korapilatuen jiran orein-damazko koroa bat zuela, gorriz tindatua eta arrosa bat bezala zabaldua. Juan Garzia   «Bizi alegiazkoak» - Marcel Schwob - 122. orr.

4 (hitz elkartuetan lehen osagai gisa, elkarketak izenondo balioa duela)

Pailazo zuri bitxi, orein-muturdun bat. Josu Zabaleta   «Lorategi beldurgarriak» - Michel Quint - 18. orr.

5 (hitz elkartuetan bigarren osagai gisa)

Kasu horretan maitalea da emakume-oreina gezi batekin hiltzen duena. Martin Anso   «Elezaharren bidetik» - 198. orr.

6 elur orein

Glaziarraren oinean, halaber, elur oreinek beren kumeak hazteko baliatzen duten gune babestua dago. Berria - Gaiak   2006-04-14

Hauen artean daude ipar Amerikako elur-oreina, idi musketaduna, Seychelle Uharteetako azeri hegalaria eta lemur marroia. Berria - Gaiak   2006-03-08

Lehenengo parean, txakurrek, elur-oreinek, zaldiek eta aziendek betetzen dute osmanliarren giza esklabo-kasten lekua. Iñaki Mendiguren   «Historiaren azterketa II» - A.J. Toynbee - 427. orr.

Bihotza izozten sentitu dinat, nire jantziak elur-orein larruzkoak izan arren. Karlos Zabala   «Mikel Strogoff» - Jules Verne - 136. orr.

7 orein ar

Orein arren heriotza tasa emeena halako bi da. Berria - Gaiak   2004-11-12

8 orein eme (orobat oreineme g.er.)

Kume arrei esne hobea ematen diete oreinek. Berria - Gaiak   2004-11-12

Haien itzalek pasaeran orein emea balakatzen dute, edo tarteka atsedenaldi bihurriak bizitzen. Patziku Perurena   «Harrizko pareta erdiurratuak» - 79. orr.

Nire aurpegiak arreske dabilen orein emearena ematen zuen, arrak harrapatu duen momentuan. Karlos Zabala   «Buda zoriontsuen etxea» - João Ubaldo Ribeiro - 84. orr.

Neftali, orein-eme arina, eme ederren sortzailea. Jose Antonio Mujika   «Agindutako lurraren bila I» - 135. orr.

Oreineme maitagarri, gazela eder duzu, ase zaitzatela une oroz beraren bularrek, lilura zaitzala beti beraren amodioak! Elizen arteko biblia   EsZ 5,19

 



Nodoa: liferay1.lgp.ehu.eus