Bilaketa aurreratua

Ogi apurrak

Egungo Euskararen Hiztegia (EEH)

Hasiera:

matxarda1 (orobat matxarde) 1 iz giltzadura batez loturiko bi piezak osaturiko lanabes atzitzailea.

Emaitza entzun ondoren, ederki damutu zitzaion Ruche jaunari Maxi ez eskatu izana, edontzi horien ordez, erabil zezala soka bat bi ziriren artean tenkatua eta leku jakin batzuetan matxardez heldua. Jon Muñoz   «Loroaren teorema» - Denis Guedj - 118. orr.

Gerrikoaren zilarrezko belarri handiak gorputzaren erdigunea estutzen ziola ematen zuen, blusa zuriaren tela arina matxarde batek bezala estekaturik. Irene Aldasoro   «Dublindarrak» - James Joyce - 80. orr.

Beste batzuek ere bereak atera zituzten; batzuek, Harryk adibidez, gerrikoaz lotuta zeukaten liburua; beste batzuek estu-estu poltsan sartuta, edo matxarda handiez helduta. Iñaki Mendiguren   «Harry Potter eta sorgin harria» - J.K. Rowling - 94. orr.

2 zenbait oskoldun, armiarma eta kidekoren organo atzitzailea, matxarda modukoa.

Burduntzi-arrak matxarda antzeko batzuk edukitzen ditu azken segmentuan. J.M. Olaizola "Txiliku"   «101 gau» - 34. orr.

Eta [burduntzi-arraren] matxarda horiek ez dira janariak kraskatzeko eginak. J.M. Olaizola "Txiliku"   «101 gau» - 35. orr.

Armiarma erraldoi bat, bi metro altu eta ilez estalia, Ronengana zihoan, matxardak mehatxuz klaskatzen zituela. Iñaki Mendiguren   «Harry Potter eta sorgin harria» - J.K. Rowling - 115. orr.

Harry zeramana malda pikoan behera joan zen, sakonunearen erdian zegoen kupula-formako amaraun lainotsura, eta lagunak ingurura bildu zitzaizkion, haren zamaren aurrean matxardak sutsuki klaskatuz. Iñaki Mendiguren   «Harry Potter eta sekretuen ganbera» - J.K. Rowling - 231. orr.

Klask, klask, klask egin zuten armiarmen matxardek zuloaren inguru guztian. Iñaki Mendiguren   «Harry Potter eta sekretuen ganbera» - J.K. Rowling - 232. orr.

Zintzilika zegoela, Harryk ikusi zuen bera zeraman piztiak sei hanka luze-luze eta iletsu zituela, eta aurreko biek berari gogor eusten ziotela, pare bat matxarda beltz eta distiratsuren azpian. Iñaki Mendiguren   «Harry Potter eta sekretuen ganbera» - J.K. Rowling - 231. orr.

3 bi hortzeko sardea.

Ordutik aurrera, Lebigrerenean, matxardez baizik ez zuten hartu Saget andereñoa; simaurtegi bizia bihurtu zen, txakurrek ere jango ez zuketen usteltasunez elikaturiko piztia satsua. Karlos Zabala   «Parisen sabela» - Emile Zola - 344. orr.

 



Nodoa: liferay1.lgp.ehu.eus