Bilaketa aurreratua

Ogi apurrak

Egungo Euskararen Hiztegia (EEH)

Hasiera:

sekzio (orobat sekzione g.er.) 1 iz saila; atala. (armadan eta kidekoetan)

Soldadu italiarren zenbait sekzio agertu ziren geroxeago kaian. Jokin Urain   «Errotarria» - 34. orr.

Paris hogei sekziotan banandu zuen, hiriaren hogei barrutien arabera; sekzio bakoitzean, buruzagi bat jarri zuen, jeneral moduko bat. Karlos Zabala   «Parisen sabela» - Emile Zola - 305. orr.

Partaideek tenientea baizik ez zuten ezagutuko, eta honek bere sekzioko buruzagiarekin baino ez zuen harremanik izango. Karlos Zabala   «Parisen sabela» - Emile Zola - 305. orr.

CDJA-ko ardi hazkuntza sekzioko ordezkaria. Herria   2001-01-25

Berehala sekzio hartako langile guztiak deitu gintuzten batzarrera, gertatutakoa argitzeko. Jon Maia   «Riomundo» - 179. orr.

-Sekzioko idazkariak bidali nau esatera -esan zuen Zakarrak-, prozesioan sekzio osoak parte hartuko duela, bandera eta guzti. Koldo Biguri   «On Camillo» - Giovanni Guareschi - 182. orr.

2 (epaitegietan)

Auzitegi Nazionaleko Zigor Aretoko Lehen Sekzioaren ebazpena. Berria - Euskal Herria   2004-05-22

Gipuzkoako Auzitegiko lehen sekzioko Fiskaltzak. Berria - Euskal Herria   2006-03-16

Izan ere, AVTk ere kereila jarri du Auzitegi Nazionaleko Lehen Zigor Sekzioan. Berria - Euskal Herria   2006-01-05

Gipuzkoako Auzitegiko 2. sekzioak, auziaren artxibatzea atzera bota eta ikerketarekin jarraitzeko agintzearekin batera, [...]. Berria - Harian   2005-06-10

3 (Frantziako hezkuntza-sisteman)

Sekzio berriak jada elebitasuna segurtatzen duten eskoletan dira denak. Herria   2004-02-19

Bi sekzio elebidun ideki dira Azkainen eta Ziburun. Herria   2001-09-13

4 (erakundeetan)

Oroitu behar da lantegi batean edozein sindikaten sekzio baten idekitzea ez dela gauza erretxa. Herria   2001-02-08

Iparraldean sozialista alderdiak dituen hamabi sekzioetatik bostek Emmanuellistak dituzte idazkariak, baina Baionako sekzioa, kopuruz aise nagusi dena, Pierre Lalanne Holandetiar gaztearen alde agertu da deplauki. tipo batek mitin bat emango zuela herriko plazan, alderdi liberalaren sekzioak gonbidatuta. Herria   2005-12-08

Fokutik kanpoko argazkia bezalakoa zen dena, Armanik esan ohi zien bezala sekzioaren bileretan. Jon Alonso   «Erretzaileen eremua» - 73. orr.

5 (orkestra eta kidekoetan)

Berreskuratu nuen hirukote formula hura, eta haize atal bat gehitu nion, metal sekzio bat. Berria - Kultura   2006-04-09

Brussels Jazz Orchestra 15 musikarik osatzen dute eta haize eta perkusio sekzio oparoak darabilzki. Berria - Kultura   2004-03-25

· Gela isil batean, Zenobiaren adatsaren hari-sekzio osoak soinu ezin sarkorragoz doitutako kontzertu bat eskaintzen zion Sixtori. Josetxo Azkona   «Patata soro bat» - 60. orr.

6 (dendetan eta)

Eroskin izan zen: jateko zerbait eskuratzera joan, eta esnekien sekzioaren beste muturretik norbait ni tirokatzera zihoala konturatu nintzen. Iban Zaldua   «Gezurrak, gezurrak, gezurrak» - 148. orr.

Zilar koloreko errimelak probatzen ari nintzela, aterkien sekzioan bikote batek atentzioa eman zidan. Jasone Osoro   «Korapiloak» - 43. orr.

-Ertzaintzako objektu galduen sekziora ere jo dut, baina han ere ez dut aurkitu. Joan Mari Irigoien   «Odolean neraman» - 127. orr.

7 (testuetan)

Sekzio hau aurreko sekzioko azken adibidearen argudioaren jarraipena da. Iñaki Mendiguren   «Historiaren azterketa II» - A.J. Toynbee - 425. orr.

8 geometrian, ebakidura.

Beste adibide bat aipatzearren, Sekzio konikoen II. liburuan frogatu izan da badirela bi lerro, halako puntu batzuetatik irteten direnak, eta hasierako puntuan badutela beren artean halako distantzia bat, lerrook luzatzen diren heinean txikituz doana. Xabier Kintana   «Alderraien gidaria» - Mose ben Maimon - 215. orr.

Horregatik deitzen dira zuen begien aurrean eratutako lau irudi horiek Sekzio koniko; edo Koniko, laburrago esanda. Jon Muñoz   «Loroaren teorema» - Denis Guedj - 172. orr.

Lurrarekiko kontaktu-eremua [...] oso txikia baita, gorputzaren parterik gehienen zeharkako sekzioarekin alderaturik. Irene Aldasoro   «Giza gorputza lanean» - John Lenihan - 124. orr.

· Landare baten zurtoina zeharka mozten badugu, sekzioaren gainaldean konplexutasun handiko edo ez hain handiko marrazkia geratzen da agerian. Isabel Arrigain   «Hizkuntzalaritza orokorreko ikastaroa» - Ferdinand de Saussure - 119. orr.

9 geometrian, zatia.

Nire bista-eremuan dagoen zerbait hori (koilara), okertuta dago, beren arteko angelua osatzen duten bi sekzio zuzenetan dago banandurik. Askoren artean   «Filosofiako gida» - 114. orr.

hitz multzoen maiztasunak (gutxienez 3 aldiz agertzen direnak)

lehen sekzioari (3)

sekzioko idazkaria (3)

 



Nodoa: liferay1.lgp.ehu.eus