Bilaketa aurreratua

Ogi apurrak

Egungo Euskararen Hiztegia (EEH)

Hasiera:

mazo1 1 iz zurezko mailu modukoa, handia.

Mazo, burdin barra, mailu eta mota guzietako tresneria pasatzen zen eskuz esku. Elena Touyarou   «Hautsi da katea» - Toti Mtz. de Lecea - 203. orr.

Ondoren, hartxintxarra zabalduko da eta egurrezko mazoekin, koadriletan banatuta, estu-estu zanpatuz trinkotuko da, erabat zanpatua dagoenean gutxienez zoladurak lodian izango duenaren hiru laurdenekoa izan arte. Santiago Iruretagoiena   «Arkitekturaz hamar liburuak» - Vitruvio - 3230. orr.

Borreroetako batek buruan kolpe izugarri bat eman zion Giacomori mazo batekin. J.M. Olaizola "Txiliku"   «Bizitza eredugarriak» - 42. orr.

Eskuen eta zangoen indar harrigarriaz fidaturik, basapizti aldren atzetik jotzen zuten, harrika eta mazo astunez joka. Xabier Amuriza   «Gauzen izaeraz» - Lukrezio - 361. orr.

Harrobi batean erail zuten mazo-kolpeka, eta urpean kaperatxo batean hobiratu. Pello Zabala   «Naturaren mintzoa» - 452. orr.

Mazo moduko ukabila kokotseraino jaso zuen. Lopez de Arana   «Manhattan Transfer» - John Dos Passos - 77. orr.

2 arma zaharra, burdinazkoa edo zurezkoa, gider luze-mehar batez eta honek muturrean duen buru batez osatua.

Harresiak erortzen ari dira dagoeneko: gorgûnek lurrezko trumoiekin eta burdin beltzezko mazoekin eraisten dituzte. Agustin Otsoa   «Eraztunen Jauna III» - J.R.R. Tolkien - 129. orr.

Mazoa lasto iruditzen zaio, gezien ziztu-hotsari barre egiten dio. Elizen arteko biblia   Jb 41,21

3 zokor-mazo zokorrak birrintzeko mazoa; adimen laburreko pertsona.

Ulertu ez dakit zenbat ulertuko nuen nik orduan obra hartatik, baina gogoan dut zokor-mazo batez buruan jo izan banindute bezala geratu nintzela: txundituta, erabat liluratuta. Zokor-mazo bat baino gor eta gogorragoa da entzun eta jaso nahi ez dituenak aintzat hartzeko. Joxerra Garzia   «Kurrin-kurrun vitae» - 35. orr.

Izu klase horren eraginez erori ziren aita eta bere lagunak zokor-mazo haien amarruan. Anjel Lertxundi   «Zorion perfektua» - 125. orr.

Kleo Kleenetoko hau, haatik, Tuzididesek beti sokor-mazo zakarroa bezala erabiltzen baitu, kirten baten antzera, haren kontrairudia bere arrazoiketan ikustea, Diodoto Eukratekoa, gizon burutsu zuhurra, interesgarria gertatzen da guretzat. Joxe Azurmendi   «Euskal Herria krisian» - 262. orr.

Zokor-mazoren bat izanen zen noski hori! Fernando Rey   «Gure etxeko kontuak» - Natalia Ginzburg - 73. orr.

 



Nodoa: liferay1.lgp.ehu.eus