Bilaketa aurreratua

Ogi apurrak

Egungo Euskararen Hiztegia (EEH)

Hasiera:

medio1
1 dela medio

Eta, katolikoekin izan ezik, espainiarren egonaldiaren oroitzapen txarra dela medio, gainerako erlijiokoekin ezaguera onak agintzen duen erara bizi nahi dute. Felipe Juaristi   «Airezko emakumeak» - 21. orr.

Gura genuen gauza bat gozatzen dugunean, Gorputzak, gozatze hori dela medio, egoera berri bat izaten duela. Piarres Xarriton   «Etika» - Spinoza - 347. orr.

Hain zuzen ere, oso bizirik dut estropada haien oroitzapena, gertaera tragiko bat dela medio. Juan Kruz Igerabide   «Hauts bihurtu zineten» - 11. orr.

Legeak bakarrik ezarri ahal diola zigorra delituari, eta ahalmen hau legegilearen baitan baino ezin daitekeela egon, honek gizarte osoa ordezkatzen duelako gizarte-itun bat dela medio. Ibon Uribarri   «Arrazoimen hutsaren kritika» - Immanuel Kant - 67. orr.

Mari, bestalde, ez da betidanikoa eta Mari izatera etortzen da betiere emazte eta ama gaizto baten gaiztakeria dela medio. Iñaki Segurola   «Gaur ere ez du hiltzeko eguraldirik egingo» - 62. orr.

Emankorrago zarelako beharbada, eta etorraldi handiagoa duzulako ere bai, hots, zeure sormenerako ahaltasunean duzun konfiantza erabatekoa dela medio, badakizulako ideia on bat galduz gero inongo arazorik gabe beste mila hobeak asmatuko dituzula Ramon Saizarbitoria   «Gorde nazazu lurpean» - 71. orr.

2 direla medio

Arrazoi biologiko hutsak direla medio, euskal plater jatorrenek ez dute etorkizunik. Ramon Saizarbitoria   «Gorde nazazu lurpean» - 162. orr.

Batzuetan tratamenduak, hainbat arazo direla medio, ez duela aurreikusiriko efektua sortzen. Iñaki Heras   «Txanponaren bi aldeak» - 34. orr.

Kontsumitzailea prest dago produktuek eskaintzen duten kalitate, irudi edo marka ezaugarriak direla medio gainprezio bat ordaintzeko. Iñaki Heras   «Txanponaren bi aldeak» - 69. orr.

Europako zenbait lurraldetan sarri hobe da enplegurik ez izatea, bertako laguntza sozialak direla medio. Iñaki Heras   «Txanponaren bi aldeak» - 123. orr.

Arrazoi historiko asko direla medio, erlijioa eta kultura elkarren artean haserre eta etenda baileuden bizi ditugu. Askoren artean   «Filosofiako gida» - 269. orr.

3 zela medio

Bestalde, gaixotasun kroniko bat zela medio, nahitaezko erretiroa hartu berria zuen, duela ez asko. Josetxo Azkona   «Patata soro bat» - 6. orr.

Gertakari hura zela medio, ekialdeko erlijioetan, metafora bihurtu omen zen, zorigaitzeko pikondo ihartua. Patziku Perurena   «Harrizko pareta erdiurratuak» - 17. orr.

Bi lagun eramateko egina zegoen, iemstxika kontatu gabe, zeinak, oreka mirarizko bat zela medio, bere eserleku meharrean irauten zuen erortzeke. Karlos Zabala   «Mikel Strogoff» - Jules Verne - 132. orr.

Nahiz ez nituen ikusten -laino zikin hura zela medio dupan bezain beltz baitzen-, ontsa baino hobeki banekien etxeak eta baserriak bazeudela hor gaindi.. Daniel Landart   «Anaiaren azken hitza» - 14. orr.

4 zirela medio

Gerra zibileko gorabeherak zirela medio, hire amonaren aita, hire birraitona, nazionalekin borrokatu zuan. Jon Muñoz   «Ispiluen gainean lotan» - Jordi Sierra i Fabra - 87. orr.

Gerlako egun ilunak eta nahasketak zirela medio, aleman lehertzaileen zapalketak lehertuak eta apalduak ginituen. Herria   2001-10-11

Iruditu zitzaidan barre egin nahian zebilkidala gizagaixo suharra, bi arrazoi zirela medio: bat, neure iragana ezkutatu nahi. Karlos Linazasoro   «Ez balego beste mundurik» - 156. orr.

Ez zen gertatu, Kohl kantzilerraren hauteskunde-konpromisoak zirela medio, eta kantzilerraren kideek uko egin ziotelako parekotasunen birmoldaketa orokorra egiteari Koro Navarro   «Ekonomiaren globalizazioa» - Jacques Adda - 191. orr.

5 (dela/direla/zela/zirela ezabatuz)

Gaitz honen beste izena baztanga dugu ordea, eta nafarreria bezalaxe, badirudi arrazakeria medio sortua dela. Patziku Perurena   «Trapuan pupua» - 57. orr.

Iluntasun hura medio ez dakit zehazki zer esan nahi zuen. Pello Lizarralde   «Denak hasperenka» - Gianni Celati - 148. orr.

Lan finkoa edo ezkontza medio, taldeko gainerako partaideok arrastoan sartu ahalean, Charlyren noragabeak halako kutsu deserosoa ere hartu zuen noizbait. Aingeru Epaltza   «Rock'n'roll» - 157. orr.

Min hartzen zuen, zenbaitek, bere lehenengo jokabidea utziz, aurkikuntza berriak medio hasierako xalotasuna ahaztua zuelako. Askoren artean   «Asisko Frantzizko, Asisko Klara» - 248. orr.

Lan bikaina urte haietan egin zuena: auskalo zenbat galera eta zenbaten bizitzak libratu zituen bere iragarpenak medio! Pello Zabala   «Zeruan zer berri» - 31. orr.

 



Nodoa: liferay1.lgp.ehu.eus