Bilaketa aurreratua

Ogi apurrak

Egungo Euskararen Hiztegia (EEH)

Hasiera:

señorito 1 iz aberatsen semea, alferkerian bizi dena.

Hura bai amodio haragigabe eta "platonikoa", Donostiako señorito sasi-jakintsuek esaten zuten bezala esateko. Txillardegi   «Putzu» - 55. orr.

Neskamearen esanetan, señoritoa irten berria baitzen kanpora, egun osorako, bere anaietako baten etxera. Joan Mari Irigoien   «Ipuin batean bezala» - 69. orr.

Eta hurrengo egunean, beste bat izango zen aitzakia, señoritoa bildurik baitzegoen familiarekin, aitak utzitako negozioei buruz hitz egiteko. Joan Mari Irigoien   «Ipuin batean bezala» - 69. orr.

Neskameak hala esan zidan txikitan, gure ama señoritoen espaloikoa zela, ez dakit gorrotoz ala mirespenez esan zuen. Mikel Hernandez Abaitua   «Ohe bat ozeanoaren erdian» - 112. orr.

Protestaldi gisa, zuhaitzak mozten hasi ziren, hango señoritoek ez baitzuten fruitu arbolarik ez bestelako labore sailik landatu nahi. Jon Maia   «Riomundo» - 68. orr.

Ez zituen maite Tomen lehengusuak, haiek bai zirela señoritoak, gure artera azaltzen ziren bakanetan aletak jantzita egiten zuten igeri, bermudak erabiltzen zituzten. Koldo Izagirre   «Sua nahi, Mr. Churchil?» - 125. orr.

Finketara zihoazenei lapurtzen zien, señoritoei, haien alaba pinpirinei, medikuei, apaizei, badakizu, jendilaje horri guztiari. Jon Maia   «Riomundo» - 50. orr.

Bere lagunek gizarte-maila oneko madrildar señorito baten ideiak eta bizimodua hartzera bultzatzen bazuten ere, Hurtadok ez zuen etsitzen. Josu Zabaleta   «Jakintzaren arbola» - Pio Baroja - 49. orr.

Etorriko da ama sukaldetik berriro, señoritoak telebistaren aurrean ikusmena galtzen duen bitartean -bota zion semeari. Joxemari Urteaga   «Ordaina zor nizun» - 125. orr.

2 (hitz elkartuetan)

Aspaldion señorito ohiturak hartuta habil. Unai Iturriaga   «Berandu da gelditzeko» - 80. orr.

Bai; "señorito" herria omen dela Miarritze: dena errege, erregina, printzes, jauregi... Txillardegi   «Putzu» - 310. orr.

 



Nodoa: liferay1.lgp.ehu.eus