Bilaketa aurreratua

Ogi apurrak

Egungo Euskararen Hiztegia (EEH)

Hasiera:

setio 1 iz gudaroste bat, hiri edo gotorleku bat hartzeko, jartzen den tokia; hiri edo gotorleku bat hartzeko egiten dituen operazioen multzoa.

Akilesek Troiako setiora eraman zituen. Xabier Olarra   «Deabruaren hiztegia» - Ambroise Bierce - 297. orr.

Borrokalari idenpendentistek soldaduen setio horretatik ihes egitea lortu zuten. Berria - Mundua   2004-04-14

Irkutsken setioa eta errendizioa denbora kontua besterik ez zen, eta denbora laburreko kontua beharbada. Karlos Zabala   «Mikel Strogoff» - Jules Verne - 367. orr.

Batailak jo, setioak jarri, eta zazpi soldadu besterik ez zituen galdu. Iñaki Iñurrieta   «Legeen espirituaz II» - Montesquieu - 53. orr.

Bihar tigre tamilek srilankar soldaduei egindako setioaren urteurrena beteko baita. Joseba Sarrionandia   «Lagun izoztua» - 393. orr.

Setioa hasi berria zen, jendeek ez zekiten oraino zer etorriko zitzaien. Aingeru Epaltza   «Mailuaren odola» - 210. orr.

Gderra zibilean, gudaroste karlistaren setioan gertatu zen dena. Askoren artean   «Rataplan» - 38. orr.

Argi zegoen ez zutela inondik inora ere pentsatzen setioa altxatzerik. Koldo Biguri   «On Camillo» - Giovanni Guareschi - 198. orr.

Antonio Borboikoa hil zen Rouengo setioan. Aingeru Epaltza   «Mailuaren odola» - 314. orr.

Hemen, Lisboako setio honetan, emakume hau belauniko zegoen eta orain zutitu da niri harrera egiteko. Jon Alonso   «Lisboako Setioaren Historia» - José Saramago - 384. orr.

Jasser Arafaten egoitzaren kontrako setioa gero eta zorrotzagoa dela salatu du PANek. Berria - Mundua   2004-03-07

Fruizen hil, 1937an, Bilboren setioa hautsi nahian ziharduen armada frankistan kamillero zebilela. Xabier Mendiguren Elizegi   «Arbelaren gainean» - 51. orr.

Setioa ez zen tartean laxatu. Aingeru Epaltza   «Mailuaren odola» - 224. orr.

Hiriak gerrak eta setioak pairatu zituen garaian. Askoren artean   «Rataplan» - 18. orr.

Setioaren amaiera zen eta hura ospatu beharra zegoen. Aingeru Epaltza   «Mailuaren odola» - 128. orr.

Nabarrenkoxen, amets daitezkeen gaiak oro izan zitezkeen solasgai setioko egun luzeetan. Aingeru Epaltza   «Mailuaren odola» - 239. orr.

Baimena eskatu zuen gogorarazteko Europako setio guztietan erabili ohi direla, emaitzarik onenekin, zurezko dorre mugikor batzuk. Jon Alonso   «Lisboako Setioaren Historia» - José Saramago - 297. orr.

2 (izenondo eta izenlagunekin)

Gerra hau iritsi, ikusi eta irabaztea izango ote zen [...] ala setio luzea izango ote zen. Jon Alonso   «Lisboako Setioaren Historia» - José Saramago - 334. orr.

Bihitegiak mukuru zeuden, setio luze baterako bezain. Aingeru Epaltza   «Mailuaren odola» - 240. orr.

Garrantzizkoena oroz gain hiria setio luze samarrari eusteko eran ezartzea zen. Karlos Zabala   «Mikel Strogoff» - Jules Verne - 416. orr.

1779: Espainiak haitza berreskuratzeko asmoz Setio Handia deiturikoa hasi zuen. Berria - Mundua   2004-08-05

Zisjordaniako setio nagusiak. Berria - Mundua   2006-03-15

Setio atakatua izan zen, baina -lehendik ere banekien- Garrüze ez zen Nabarrenkoxe. Aingeru Epaltza   «Mailuaren odola» - 281. orr.

Ivan Ogareff, ingeniari iaioa, ongi prestatua zegoen erazko setio baten lanak zuzentzeko; baina baliabide materialak falta zituen azkar jarduteko. Karlos Zabala   «Mikel Strogoff» - Jules Verne - 418. orr.

3 (hitz elkartuetan lehen osagai gisa)

Horixe ari garela gerran, setio-gerra duk, gainera, gutariko bakoitzak bestea setiatzen dik, eta besteak setiatzen dik gutariko bakoitza. Jon Alonso   «Lisboako Setioaren Historia» - José Saramago - 386. orr.

Gezien eta jaurtigaien euria areagotu egin zen; setio-dorreak amilduta edo sutan zeuden, zuzien antzera ahituz. Agustin Otsoa   «Eraztunen Jauna III» - J.R.R. Tolkien - 121. orr.

Bidaxunen jan-edanaz lepo egindako bi asteei esker, sasoiagoan nengoen nire setio-lagun gehienak baino. Aingeru Epaltza   «Mailuaren odola» - 271. orr.

Irakurlea Saramagok proposatzen dituen bi historien artean -bata orain mende asko gertatzen dena, setio garaian, alegia, bestea gaur egun gertatzen dena- kulunkatzen baita. Jon Alonso   «Lisboako Setioaren Historia» - José Saramago - 15. orr.

Setio egoera jarri dute, eta gurin kupoi bat gutxiago eman behar diete denei. Josu Zabaleta   «Anne Franken egunkaria» - Anne Frank - 110. orr.

4 irud/hed

1987a zen, Ipar Euskal Herrian iheslarien aurkako setioan ari zen Frantziako Polizia. Jokin Urain   «Errotarria» - 109. orr.

Elurrak etxea bakarturik utzi zuen, erabateko setioa ezarri zion, iparraldetik iritsitako gudaroste isil eta ilun batek gaztelu bat setiatzen duen bezala. Xabier Olarra   «Azken hitzordua» - Sandor Marai - 27. orr.

Estatu Batuen setio ekonomikoak zaildu egiten zuen dena. Xabier Mendiguren Elizegi   «Errautsen distira» - 72. orr.

Eta halako setio limurtzaile eta estua antolatu zion otordu, txango, opari eta jaiekin, non besteek ia hilabete osoan lortu ez zutena erdietsi baitzuen astebeteren buruan. Bego Montorio   «Napomuceno da Silva Araujo jaunaren testamentua» - Germano Almeida - 88. orr.

Funtsean atsegin nuela, pentsatzen dut, Patxiren setio galaia. Patxi Zubizarreta   «Jeans-ak hozkailuan» - 264. orr.

Horrenbesterekin, setio eta eraso latzean oldartu zen Lyssenko sobietar genetika-eskola ordura arte bikain askoaren aurka. Juan Garzia   «Sagua, eulia, eta gizakia» - François Jacob - 43. orr.

hitz multzoen maiztasunak (gutxienez 3 aldiz agertzen direnak)

lisboako setio (3); setio egoera (6); setio luze (3)

ezarritako setioa (3); najafeko setioa (3); setioa ezarri (3); setioa hasi (4)

lisboako setioaren (58); setioaren historia (41); setioaren historiak (5); setioaren historian (3); setioaren historiaren (6)

 



Nodoa: liferay1.lgp.ehu.eus