Bilaketa aurreratua

Ogi apurrak

Egungo Euskararen Hiztegia (EEH)

Hasiera:

simulatu, simula, simulatzen 1 du ad itxurak egin.

Paripé hitzaren bidez zerbaitetik eduki ez eta edukiko balitz bezalako plantak egitea, edo simulatzea, faltsutzea, eta faltsukeria sinesten delakoa egitea. Jon Alonso   «Euskal karma» - 145. orr.

Dutxan ez dute kantatzen, telebistako eta irratiko elkarrizketak simulatzen dituzte. gure kideak estimatzeko eta atsegin irizteko itxura egitearen poderioz, langintzan urte batzuek eman ondoren azkenean zinezkoa bihurtzen da jarrera hori, luzaroan eromena simulatzen duena sarritan ero bilakatzen den modu berean. Unai Elorriaga   «SPrako tranbia» - 123. orr.

Peter Pettigrewek bere heriotza simulatu zuen! Iñaki Mendiguren   «Harry Potter eta sorgin harria» - J.K. Rowling - 315. orr.

2 gertakari edo egoera bat artifizialki itxuratu.

Metodoaren funtsa zera da: komunikazio pieza egoki baten aitzakian komunikazio egoera bat simulatzen da gelan, abiapuntuko pieza horretan erabili diren estrategiak bistaratzen dira gero, eta, azkenik, ikasleak estrategiok erabiliz bere diskurtsoa moldatzen du. Joxerra Garzia   «Kurrin-kurrun vitae» - 165. orr.

Heldu diren 200 urteetan espazioko zaborraren bilakaera nolakoa izango den simulatu dute ikertzaile horiek, eta ikusi dute 2055. urtetik aurrera handitzen hasiko dela. Berria - Gaiak   2006-02-17

Erleak irteten direnean euria simulatu behar da. Unai Elorriaga   «Van't Hoffen ilea» - 137. orr.

Ozonoaren imitazioa da, badakizu, hor gain gainean hamaikaren bat kilometrora ozono geruzan dugun zuloaren ordez hemen ozono kontzentrazioa simulatzea otu zitzaigun. Joseba Sarrionandia   «Lagun izoztua» - 395. orr.

Bertso-eskoletan ere, mikrofonorik ezean, eta plazako egoera hobeto simulatzeko, erratz-kirtenari kantatzen zitzaion. Andoni Egaña   «Hogeita bina» - 33. orr.

 



Nodoa: liferay1.lgp.ehu.eus