Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ioi 1 iz karga elektrikoa duen atomoa edo atomo saila.

Atomoen desintegratze elektrolitikoaren bidez, oraindik ondo ezagutzen ez diren ioi eta elektroi horiek azaltzen dira. Josu Zabaleta   «Jakintzaren arbola» - Pio Baroja - 182. orr.

Izatez, ioien mugimenduaren bidez transmititzen da seinalea, modu korapilatsu baina eraginkorrean. Irene Aldasoro   «Giza gorputza lanean» - John Lenihan - 59. orr.

Koralak, maskordunek eta zenbait plankton motak itsasoko ioi karbonatuen beharra dute. Berria - Gaiak   2004-07-17

Gaur dakigunaren arabera, ikusmeneko unibertsoa atomo baten parte txiki bat izan liteke, ioiz osatua, animaliaren baten bizi isurkinetan (eter argiduna) flotatuz legokeena. Xabier Olarra   «Deabruaren hiztegia» - Ambroise Bierce - 192. orr.

Pentsamendu zientifikoaren gaurko joerak ioien teorian bilatzen du oinarria. Xabier Olarra   «Deabruaren hiztegia» - Ambroise Bierce - 203. orr.

Xenon gasaren ioiak jaurtita lortzen du bultzada motorrak. Berria - Gaiak   2004-11-16

Eguzkiaren indarrak elikaturiko ioien bidezko propultsioa erabili baitu ESAren zunda batek. Berria - Gaiak   2004-11-16

2 (hitz elkartuetan lehen osagai gisa)

Ioi multzo handi batek kapilarretarako bidea egin duenean, haien karga positibo metatuak karga negatiboa duten ioiak (kloroa, adibidez) erakartzen ditu gai irazitik odolera. Irene Aldasoro   «Giza gorputza lanean» - John Lenihan - 192. orr.

Ioi bidezko propultsio motorra. Irazi egiten zian, ordea, ur hori, eta ioi-trukezko araztailu batetik pasarazten. larru-zurragarri organikoak polifenolak dituk, ez duk munduan erretxina ioi--trukezkorik hura geldiaraziko duenik. Juan Garzia   «Sistema periodikoa» - Primo Levi - 276. orr.

3 (hitz elkartuetan bigarren osagai gisa)

Sodio ioiek karga positiboa dute. Irene Aldasoro   «Giza gorputza lanean» - John Lenihan - 192. orr.

Kaltzio ioien kontzentrazioa. Irene Aldasoro   «Giza gorputza lanean» - John Lenihan - 58. orr.

Zitrato edo oxalato ioiek berehalaxe desagerrarazten dituzte kaltzio ioiak. Irene Aldasoro   «Giza gorputza lanean» - John Lenihan - 184. orr.

Zundak xenon ioizko motorea abiatu zuen astelehen arratsaldean. Berria - Gaiak   2004-11-17

 



Nodoa: liferay1.lgp.ehu.eus