Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ostu, ostu, osten (orobat ostutzen; Hiztegi Batuan osten agertzen da) du ad ebatsi, lapurtu. (gauzak)

Ez duzu ostuko. Jose Antonio Mujika   «Agindutako lurraren bila I» - 186. orr.

Hiriko ondasunak ostu zituen, hiriari su eman eta etxeak eta inguruko harresia hondatu. Elizen arteko biblia   1 M 1,31

Aberastasunak harrapatu egingo dizkizute eta salgaiak ostuko. Elizen arteko biblia   Ez 26,12

Besteren jabetzak osteak eragin ohi dituen uzkurtasunik eta kontzientzia arazorik gabe. Xabier Olarra   «Deabruaren hiztegia» - Ambroise Bierce - 229. orr.

Nire lagun batek amaren bost rupia ostu zituen. Gotzon Garate   «India harrigarria» - 123. orr.

Ez du lapurrak mespreziorik merezi, gosea kentzeko osten badu. Elizen arteko biblia   EsZ 6,30

Alan Ladd hura etxeak eta dendak osten zituen talde bateko buru bihurtua zen. Pello Lizarralde   «Denak hasperenka» - Gianni Celati - 211. orr.

Lege onez irabazitako diruaren erdia fede txarrez ostu nahi zioten. Migel Angel Mintegi   «Denak du bere prezioa» - 127. orr.

Arropak, tresna elektronikoak eta su-arma bat ostuta egin zuten ihes. Oskar Arana   «Lotsaizuna» - John Maxwell Coetzee - 154. orr.

Milizietako beste sarjentu bati pistola ostu ziotela kuarteleko taberna ondoko takillatik. Iñaki Iñurrieta   «Kuskue tanden» - 131. orr.

Gazte bati gasolindegian ostu zioten autoa, gasolina botatzen ari zela. Pako Aristi   «Venezuela, iraultza isilaren hitzak» - 30. orr.

Zergatik ostu diozue nire nagusiari kopa zilarrezkoa, edateko eta etorkizuna iragartzeko erabiltzen duena? Jose Antonio Mujika   «Agindutako lurraren bila I» - 123. orr.

Baldin eta izan banu adorea eskua Daviden poltsikoan sartu eta autoko giltzak osteko! Oskar Arana   «Brooklyngo erokeriak» - Paul Auster - 319. orr.

Halako batean Markok turkoei zaldiak ostu zizkien, bestetan bezala. Felipe Juaristi   «Itzarri nahi ez zuen printzesa» - 196. orr.

Borrokarako batik bat ostutako zakurrak erabiltzen omen dituzte. Gotzon Garate   «Zakurra, zeure laguna» - 93. orr.

Nire seme-alaba samurrak bide latzetan ibili dira, indarrez osturiko artaldea bezala eraman ditu etsaiak. Elizen arteko biblia   Ba 4,26

2 (gauza abstraktuak)

Begiak itxi nituen, Ivyk ostua zidan loaren zati bat berreskuratzeko. Joxe Austin Arrieta   «Homo Faber» - Max Frisch - 19. orr.

Gero erabateko iluntasunak ostuko dio senaren indar guztia. Pako Aristi   «Urregilearen orduak» - 153. orr.

Irriaren gaineko irriak ez baitu zerikusirik oinazeari ostutako irriarekin. Joan Mari Irigoien   «Ipuin batean bezala» - 111. orr.

Bere biktimei osten zien bizi-indarraz elikatzen zen. Joanes Urkixo   «Gerlari zuria» - 106. orr.

Roebling aita-semeen istorioa, Paul Austerri ostu diot. Harkaitz Cano   «Piano gainean gosaltzen» - 187. orr.

Ruche jauna uste betean zegoen berei ostu ziela Sartrek izenburu hura. Jon Muñoz   «Loroaren teorema» - Denis Guedj - 17. orr.

Beltzezko emakume hark ostu dio begirada Haritzi, irudia liraintzen dion traje taxutu harekin. Urtzi Urrutikoeetxea   «Auzoak» - 40. orr.

Denboraldi-aurrean atzealdearen eskuin hegala berea zela zirudien, baina Javier Flañok postua ostu dio. Berria - Kirola   2006-02-26

XIX. mendeko irudi bat kresalaren umeltasunak hiri erraldoiaren berrikuntzei ostu diena. Pako Aristi   «Urregilearen orduak» - 352. orr.

-Ezpata magikoa, Azpimunduari ostutako energia iluna zeure barnean daramazuna... erakutsidazu bidea! arimari lehen zedukan bakea, lasaitasuna eta gelditasuna ostuz. Joanes Urkixo   «Gerlari zuria» - 193. orr.

Zeru puska txikiak balira bezala, patu beltzari ostuak. Joan Mari Irigoien   «Odolean neraman» - 101. orr.

Guk ere bizitzari egunero une gogoangarri bat ostu ahal bageniezaio! Pako Aristi   «Urregilearen orduak» - 352. orr.

3 (pertsonak)

Etxezain faltsuak ostu bere nagusiaren alaba. Juan Garzia   «Hamlet» - William Shakesperare - 177. orr.

Ezustean Pokahontas printzesa ostu, eta ontzi batean giltzapetu zuen bahi gisa. Juan Garzia   «Bizi alegiazkoak» - Marcel Schwob - 124. orr.

Shibtah-k, emakumeei erditzean umeak osten zizkien emakume-deabruak, mitxoleta hazizko pastelak egiten omen zizkion infernuko labeetan. Koro Navarro   «Zortzi kontakizun» - Isaac B. Singer - 21. orr.

Ehun eta berrogeita hamar erretratutik gora zeuden zintzilikaturik paretetan; familiei goizegi osturiko gazte batzuk eta umezurztegi bateko ama nagusia salbu, irudikaturik zeudenetatik bat ere ez zen ezkongabe hil, haietako inor ere ez zen hil umerik eta testamenturik gabe, bat ere ez olio santua hartu gabe. Monika Etxebarria   «Goragalea» - Jean Paul Sartre - 145. orr.

"Norbaiti esklaboa osten badiote", esaten da alemanen legean, "lapurraren printzeagana joango da, konposizioa jasotzeko". Iñaki Iñurrieta   «Legeen espirituaz II» - Montesquieu - 296. orr.

4 (era burutua izenondo gisa)

Egdar Allan Poeren "Eskutitz ostua" ipuinak erakusten digun teknika berberaz. Iban Zaldua   «Gezurrak, gezurrak, gezurrak» - 57. orr.

Merkantzia ostu hori ez dezala uste berehala salduko duenik. Urtzi Urrutikoeetxea   «Auzoak» - 101. orr.

5 isil-ostuka ik isil 24.
hitz multzoen maiztasunak (gutxienez 3 aldiz agertzen direnak)

arima ostu (3); autoa ostu (3); bihotza ostu (3); guztia ostu (5); liburua ostu (3); ondasunak ostu (5)

ostutako dirua (5)

 



Nodoa: liferay1.lgp.ehu.eus