Bilaketa aurreratua

Ogi apurrak

Egungo Euskararen Hiztegia (EEH)

Hasiera:

igan1 [291 agerraldi, 29 liburu eta 121 artikulutan], igaten (orobat igaiten; Hiztegi Batuan igaten agertzen da) 1 da ad igo.

Hau Mont Blanc kaskorat igan da, Philippe Iphar Donazahartarrarekin. Herria   2002-10-31

Gaztea, sasoi hoberenean, Everestera igan den lehen emaztea da. Herria   2001-06-28

Eta hara igan direla eta Noeren ontzia ukitu dutela erraten dutenek gezurra diote. Aurelia Arkotxa   «Septentrio» - 67. orr.

Hartua genuela mendi gain haietatik iganen zen bidea. Piarres Aintziart   «Azken apeza» - 130. orr.

Abel ezpondara igan eta ahuspez etzanda geratu da, zelatan. Pello Lizarralde   «Larrepetit» - 21. orr.

Pentze handi eder bat utzi dugu eskuin eta zuhaitzen erdian hasi gara igaten. Piarres Aintziart   «Azken apeza» - 31. orr.

Zuhaitz lerden baterat iganik. Joan Mari Irigoien   «Lur bat haratago» - 328. orr.

Ziminoak bezain aise arboletara igaten direnak. Aurelia Arkotxa   «Septentrio» - 92. orr.

Lehen solairura igan zen eta usaiako bizilekuan sartu. Eneko Bidegain   «Anbroxio» - 44. orr.

Azkenean, noizbait, soinulariak igan ziren taula gainerat. Janbattitt Dirassar   «Bihotzeko mina» - 38. orr.

Ixtanteko, "demo" batzu beren jarlekuen gainerat igan dira eta xutik plantatu. hormaren kontra altxatua den ohe gainera igan eta handik ene soa doa zuzenago leihatilaren artekatik teilatu izkinara. Herria   2004-01-15

Zaldira igan, eta Baionarako bidean, ilunpean galdu zen. Elena Touyarou   «Hautsi da katea» - Toti Mtz. de Lecea - 192. orr.

Arratsaldeko 7'00etan, jautsi baino lasaiago igan gira denak autobuserat. Herria   2005-06-23

Oren bat daukazue zuen pusken biltzeko eta berehala helduko diren kamioietara igateko. Xabier Montoia   «Elektrika» - 35. orr.

Autorat berriz igaiterat nindoalarik, gizon handi sudur-luze bat hurbiltzen zait. Janbattitt Dirassar   «Bihotzeko mina» - 44. orr.

Orotarat, mila bost ehun lagun nunbait han igan dira untzi hortarat... Herria   2001-09-13

Gizonak oinez zihoazen, eta emazteak asto batek tiratzen zuen bi gurpileko orgatxoan iganik. Elena Touyarou   «Hautsi da katea» - Toti Mtz. de Lecea - 293. orr.

2 hed/irud

1004. urtean, Iruñeko tronüala igan zen Antso Handia, eüskaldünek üken dügün errege haütüa. Herria   2004-02-12

Ez da harat ez hunatik: irabazi behar dute nahi badute goi mailarat igan. Herria   2003-01-21

Ikustea aski da hogei urte hauetan bigarren egoitzen kopurua % zortzitik hamalauetara igan dela. Herria   2003-08-14

Denen buru, 6 alki irabazi dituzte [hauteskundeetan], 27-tarik igan baitira 33-etarat. Herria   2001-05-17

14-18 urte artekoetan, Maddalen Arzallus, aurten handienen kategoriarat igan berriak jantzi du igurikatzen ez zuen txapela.Gero, Frantziaren zerbitzuan aitzindari ospetsu bilakaturik, Estatuaren goiko mailetara gazterik igan zen. Herria   2005-06-23

Iragan urteko sasoin ederrari esker igana dela "Federale 2" sail ederrerat. Herria   2003-10-23

Frantziako Legebiltzarreraino igan zen eztabaida. Filipe Bidart   «Bakartasunaz bi hitz» - 104. orr.

Ez dela zuzen, gure artzapezpiku Agurgarria hobendun izanik ere, asko gisetara hain gora igana izanez geroz [...] haren ordezkariek eta Eliza osoak eman arreta uka diezaioten. Piarres Xarriton   «Enkiridion» - Martin Azpilkueta - 164. orr.

Bakotxak gure familietan dugulakotz nor edo nor bertze mundurat igana. Herria   2002-11-07

Baina ehun urteren buruan, milioi bat eta ehun edo berrehun mila bizilagunetara iganez, bere jende kopurua biderkatua zuen Hegoaldeak, beti hein bertsuan zegoelarik Iparraldea, 200.000 bizilagunetara ezin helduz. Piarres Xarriton   «De re publica edo politikaz» - 120. orr.

· 3 du ad

Patarra igan dut. Piarres Aintziart   «Santiago oinez» - 67. orr.

Tarrapataka igan zituen eskailerak. Elena Touyarou   «Hautsi da katea» - Toti Mtz. de Lecea - 189. orr.

Las Nieves kaperara doan eskailera luzea igaiten dut. Piarres Aintziart   «Santiago oinez» - 216. orr.

Bidarraitik abiatuko da bainan ez da gure herrirat itzuliko, Iparla, Irubela eta Artzamendi igan ondoan, Itsasurat jautsiko baitira lasterkari eta ibilkariak. Herria   2005-06-23

Igan beharko den mendi lepo gorena 5760 metretan izanen da. Herria   2003-10-23

Cho Oyu mendia (8201 m.) nahi lukete igan 2004eko larrazken hortan. Herria   2003-11-06

 



Nodoa: liferay1.lgp.ehu.eus