Bilaketa aurreratua

Ogi apurrak

Egungo Euskararen Hiztegia (EEH)

Hasiera:

oharpen [269 agerraldi, 54 liburu eta 81 artikulutan] 1 iz zerbait ohartarazteko edo ikusarazteko egiten den adierazpena. ik obserbazio; ohar.

Orain, zure baimenarekin, egunkarian kopiatuko ditut zure azken oharpenok. Antton Olano   «Fidel izan beharraz» - Oscar Wilde - 109. orr.

Tarteka, zutabe suntsitu batzuei buruzko oharpena. Joxe Austin Arrieta   «Homo Faber» - Max Frisch - 199. orr.

Beste oharpen bat: ez dira nahasi behar hotsen igorpenerako beharrezkoak diren mugimendu irekitzaile eta itxitzaileak, eta hots horien irekidura desberdinak. Isabel Arrigain   «Hizkuntzalaritza orokorreko ikastaroa» - Ferdinand de Saussure - 82. orr.

Beste bi oharpen oraino: lehena, eskuinburuak oro har gibelerat egin duela kasik denetan. Herria   2001-03-22

Balio du haren oharpenei behako baten emaitea. Herria   2003-02-06

Nola bete zitzaketen haren oharpen eta aginduak? Askoren artean   «Asisko Frantzizko, Asisko Klara» - 203. orr.

Bertzenaz, bada oharpen bat zuk sumatu ez izanak harriturik naukana, erran nahi baita, maitasunean deus zailagorik ez dela sentitzen ez dena izkiriatzea baino. Jon Muñoz   «Harreman arriskutsuak» - Choderlos de Laclos - 112. orr.

Hainbeste maite zuen espirituko alaitasunez beteriko pertsona, non hitz hauek idatzarazi baitzituen guztien oharpenerako kapitulu batean: [...]. Askoren artean   «Asisko Frantzizko, Asisko Klara» - 361. orr.

Beltzez jantzitako gizontxoak oharpena egin zion hari ere, han ez zela erretzen. Josu Zabaleta   «Jakintzaren arbola» - Pio Baroja - 192. orr.

Karia hortara, LANTEGIAK-Euskal Herriko enpresen batasunak nahi ditu bi oharpen hauek egin: [...]. Herria   2001-01-25

Kasu hortaz, ELB sindikatak zabaldu du ageri bat, oharpen asko eginez. Herria   2001-09-27

2 (izenondo eta izenlagunekin)

Horretan nago preseski, paper xurian oroitzapen eta oharpen berri berriak artoski pausatuz, gauza sinple edo gertakizun hunkigarriak hitz motz biluzietan erranez, gero apaindurik kondatzekotan. Piarres Aintziart   «Santiago oinez» - 159. orr.

Oharpen argia da bere adiskide batek egiten diona: «Zu ez zara bizi, besteek bizi zaituzte». Berria - Kultura   2004-07-07

-Oso oharpen zuzena egin duzu, jaun agurgarri hori. Jose Morales   «Arima hilak» - Nikolai Gogol - 418. orr.

Oso oharpen zuhurrak egiten baitzizkion troikako laguntza-zaldi izpildunari. Jose Morales   «Arima hilak» - Nikolai Gogol - 65. orr.

Oharpen larriena, OPHLM-eko sei zuzendarien jornal bikoitzaz egiten du Bordeleko auzitegiak. Herria   2003-02-06

Koordinazio ordena bi hauetako bakoitzak oharpen berezi batzuk eskatzen ditu. Isabel Arrigain   «Hizkuntzalaritza orokorreko ikastaroa» - Ferdinand de Saussure - 159. orr.

Hau aipa daiteke oharpen seguru eta erabilgarri gisa: logika orokorra organon gisa kontsideratuz gero, beti itxuraren Logika dela, h[au] d[a], dialektikoa dela. Ibon Uribarri   «Arrazoimen hutsaren kritika» - Immanuel Kant - 58. orr.

Sasi-irakaspenen kontrako oharpena. Elizen arteko biblia   1 Tm 1,3 tit

3 ohartzea.

Bestalde, artistak bere oharpenetatik, bere irudipenetatik, bere oroimenetik, bere sorlanarentzat baliagarri deritzona hautatzen duen bezala, modu berean, bere teoria eraikitzeko, zientzialariak bere oharpenen azpimultzo bat aukeratu behar du eta, harekin loturiko fenomenoen artetik, harira zein datozen erabaki. Juan Garzia   «Sagua, eulia, eta gizakia» - Franšois Jacob - 180. orr.

Eszena harrigarri hau zalantzarik gabe ikuspen profetikoa izan zela, eta Moisesen ahalegin guztiek oharpen intelektualetara jotzen zutela. Xabier Kintana   «Alderraien gidaria» - Mose ben Maimon - 68. orr.

Aldi berean han ikusmenezko oharpenik ere gertatzen zela, eta horren objektua sorkari bat zela, berori ikustean oharpen intelektualaren gorentasuna erdietsiz. Xabier Kintana   «Alderraien gidaria» - Mose ben Maimon - 68. orr.

Baldin, hala eta guztiz ere, begizko oharpen hori ikuspen profetikoren bat ez bazen behintzat. Xabier Kintana   «Alderraien gidaria» - Mose ben Maimon - 68. orr.

"Nire zoriona, berriz, Jainkoaren ondoan egotea da", hauetan guztiotan jakintzaren bidezko hurbiltzea da, hots, zientziazko oharpena, eta ez lekuzko hurreratzea. Xabier Kintana   «Alderraien gidaria» - Mose ben Maimon - 63. orr.

Gero berriro azpiratzen da bere ezerezaren oharpenean. Joan Mari Lekuona   «Mistika liburuak» - Eckhart-Tauler - 94. orr.

Baina barne-oharpenetik ez da ateratzen berriro itzultzekotan ez bada. Joan Mari Lekuona   «Mistika liburuak» - Eckhart-Tauler - 87. orr.

4 (hitz elkartuetan lehen osagai gisa)

EAEn oharpen eta txosten oldea izan genuen, eta batzordeak ebatzi zuen lan taldea bidaltzea; hain zuzen ere, informazio gehigarria edukitzeko. Berria - Euskal Herria   2004-05-25

Oharpen tornu bat nasaia argitaratua du preseski joanden egunean. Herria   2001-02-01

Moisesek oharpen-kantika israeldarrei irakatsi. Elizen arteko biblia   Dt 31,28 tit

hitz multzoen maiztasunak (gutxienez 3 aldiz agertzen direnak)

bi oharpen egin (4); oharpen bat egin (3)

 



Nodoa: liferay1.lgp.ehu.eus