Bilaketa aurreratua

Ogi apurrak

Egungo Euskararen Hiztegia (EEH)

Hasiera:

salbatu, salba, salbatzen 1 du ad arrisku larri batetik onik aterarazi; norbait hondamenetik edo suntsitzetik begiratu.

Jauna, senda nazazu eta sendatua geldituko naiz, salba nazazu eta salbatua izango. Elizen arteko biblia   Jr 17,14

Kubako gerraontzi batek salbatu zuen; ekaitz betean eraman zuen atoian. Jon Muñoz   «Loroaren teorema» - Denis Guedj - 63. orr.

Senak salbatu hinduen. Anjel Lertxundi   «Argizariaren egunak» - 150. orr.

Zure arerioa hiltzeagatik, zure semea salbatzeagatik, zure gaixoa sendatzeagatik. Josu Zabaleta   «Gerrako pilotu» - Antoine Saint-Exupéry - 133. orr.

Horra salbatzen saiatu den gizona. Antton Olano   «<//jokoa.com>» - Gemma Lluch - 165. orr.

Dokumentuak salbatzea, edo haurra salbatzea. Josu Zabaleta   «Gerrako pilotu» - Antoine Saint-Exupéry - 133. orr.

Ez naiz gizon indartsua eta hitzek baizik ezin ninduten salbatu. Juan Garzia   «Ipuin hautatuak» - Jorge Luis Borges - 202. orr.

-Oraingoan, inork ezin izango zaitu salbatu, emakumetxo -egin zuen txistu Mullinsek, pozarren. Julen Gabiria   «Peter Pan» - James Matthew Barrie - 191. orr.

Ene larrua salbatu diat. Itxaro Borda   «Zeruetako erresuma» - 210. orr.

Gu guztiok, larrua salbatu nahi dugun funtzionariook nazionalsozialismora afiliatzeko presa izan dugu. Ramon Etxezarreta   «Ezezaguna helbide honetan» - Kressman Taylor - 20. orr.

Bere burua salbatzeko aukera bat. Oskar Arana   «Brooklyngo erokeriak» - Paul Auster - 74. orr.

Bere burua salbatu nahi, ordea, eta prestatu egin zen atea zabaldu orduko kanpora egiteko. Patxi Zubizarreta   «Mila gau eta bat gehiago» - Anonimoa - 100. orr.

Gorroto zietenen eskutik salbatu zituen, etsaien menpetik askatu. Elizen arteko biblia   Sal 106,10

Ez zuen semea heriotzatik salbatzeko adina indarrik izan. Aritz Gorrotxategi   «Egurra Pinotxori» - 14. orr.

Heu izan hintzen-eta sugarretatik salbatu zuena. Agustin Otsoa   «Eraztunen Jauna III» - J.R.R. Tolkien - 162. orr.

Argi frogatu dit ordea burua galdu duzula, eta soilik horrek salbatu zaitu nire erresuminetik. Jon Muñoz   «Harreman arriskutsuak» - Choderlos de Laclos - 48. orr.

Zaurituak zekartzaten gurdietan, Lautadako Gotorlekuetako hondamenditik salbatzeko aukera izan zuten guztiak. Agustin Otsoa   «Eraztunen Jauna III» - J.R.R. Tolkien - 107. orr.

Liburu honek salbatu nau nire buruaz beste egitetik. Karlos Linazasoro   «Ez balego beste mundurik» - 8. orr.

Etsai indartsuagandik salbatu ninduen.   - 2. orr.

Gudu-zelaian sorterria salbatu duten gizon bulartsuen alderako begiruneak bultzaturik. Jose Morales   «Arima hilak» - Nikolai Gogol - 409. orr.

Rock and rollak bizia salbatu zion. Aingeru Epaltza   «Rock'n'roll» - 28. orr.

Hamanek prestatua du, hain zuzen, urkabea Mardokeorentzat, bizia salbatu zizunarentzat. Elizen arteko biblia   Est 7,9

Bi gerrateen ondoko porroten ondoren salbatu ahal izan genuena bera ere erauzi nahi ditek Madrilen. Txillardegi   «Putzu» - 373. orr.

Frantzian, dena galdurik dela dirudienean, mirari batek salbatzen du Frantzia. Josu Zabaleta   «Gerrako pilotu» - Antoine Saint-Exupéry - 74. orr.

Egin ezak ihes! salbatu dokumentuak! Josu Zabaleta   «Gerrako pilotu» - Antoine Saint-Exupéry - 133. orr.

Elorza-k salbaziorik ez daukana salbatu gura du -edo salbatzen duelakoa egin? Joxe Azurmendi   «Espainiaren arimaz» - 210. orr.

· 2 da ad arrisku larri batetik onik atera; hondamenetik, suntsitzetik begiratu.

Kristauak gaitzetsi ondoren, pagano ugari salbatu ziren Erromaren inbaditzaileek errespetatu zituzten kapera eta basiliketan ezkutatuta. Imanol Unzurrunzaga   «Hainbat idazlan» - San Agustin - 27. orr.

Hegazkinekoak jausgailutan garaiz saltatu eta salbatu egin ziren. Josu Zabaleta   «Anne Franken egunkaria» - Anne Frank - 245. orr.

"Ez nekien Lubisen aita salbatu zenik", esan nuen. Bernardo Atxaga   «Soinujolearen semea» - 210. orr.

-Izan pazientzia, eta entzun nola salbatu nintzen -esan nion. Patxi Zubizarreta   «Mila gau eta bat gehiago» - Anonimoa - 193. orr.

Haien ontzia Erpiceko uharrietan tarratatua zen, eta berak igerian salbatu dira. Juan Garzia   «Sistema periodikoa» - Primo Levi - 137. orr.

Jende gutxi salbatu zen orduan uholdetik. J.M. Olaizola "Txiliku"   «Bizitza eredugarriak» - 144. orr.

Itsasoan galtzetik salbatu dena ikusten ote dugu baliabideak ezin hautatu izana deitoratzen? Jon Muñoz   «Harreman arriskutsuak» - Choderlos de Laclos - 417. orr.

Oroitu nola salbatu ziren gure arbasoak Itsaso Gorrian faraoiak bere gudarostearekin pertsegitzen zituenean. Elizen arteko biblia   1 M 4,9

Jauna, ni ez naiz nor zu nire etxean sartzeko, baina esan ezazu hitz bakar bat eta nire zerbitzaria salbatu egingo da. Xabier Aranburu   «Alkimista» - Paulo Coelho - 216. orr.

Zergatik salbatu gara gu hirurok eta beste inor ez? Karlos Linazasoro   «Glosolaliak» - 163. orr.

Egun hartan, bada, pertsona errugabe baten bizitza salbatu zen. Jose Antonio Mujika   «Agindutako lurraren bila II» - 179. orr.

Epaiketa eginda ez zen salbatu, kanjeetan ere ez zen sartu. Koldo Izagirre   «Agirre zaharraren kartzelaldi berriak» - 237. orr.

Agian horrexegatik salbatu nindunan nazionalak sartu zirenean. Josu Landa   «Odolbildua» - 80. orr.

Azken herri horretan, metro gutxigatik, jauregiaren ondoko eliza salbatu da. Edurne Elizondo   «Itoiz, porlanezko gezurra» - 142. orr.

Artelanak ere ez ziren salbatu. Edurne Elizondo   «Itoiz, porlanezko gezurra» - 132. orr.

Atxik, kostarik kosta, eta salbatua haiz. Piarres Aintziart   «Azken apeza» - 74. orr.

Hantxe zeuden liburu mirariz salbatuak. Jon Muñoz   «Loroaren teorema» - Denis Guedj - 68. orr.

· 3 du ad erlijiozko salbamena eman.

Salbatzen gaituen grazia. Koro Navarro   «Zertaz ari garen maitasunaz ari garenean» - Raymond Carver - 155. orr.

Ur hura, orain zuek salbatzen zaituzten bataioko uraren irudi zen. Elizen arteko biblia   1 P 3,21

Horregatik, Jainkoak, guk hots egiten dugun zorakeriaren bitartez salbatu nahi izan ditu fededunak. Elizen arteko biblia   1 Ko 1,21

Eta salbatu egin gaitu, ez gure jokabide zuzenagatik, bere errukiari esker baizik, jaioberritzen gaituen garbikuntzaz eta Espiritu Santuak guregan eragiten duen berrikuntzaz. Elizen arteko biblia   Tt 3,5

Gizadia salbatzeko eraman zituen konta ezin ahala neke eta samin. Askoren artean   «Asisko Frantzizko, Asisko Klara» - 1204. orr.

Arrisku baten aurrean paratzen du zubiak gizona, eta hartan iragotzeko erabakiak, salbatu edo kondenatu eginen du. Patziku Perurena   «Trapuan pupua» - 30. orr.

Mauka ederra duk arimak salbatzeko bizimodua duenarentzat. Koldo Biguri   «On Camillo» - Giovanni Guareschi - 327. orr.

-Behin hil zuten gu salbatzearren; orain geuk salbatu behar ditugu geure buruak! Karlos Linazasoro   «Ez balego beste mundurik» - 106. orr.

· 4 da ad erlijiozko salbamena lortu. ik zeruratu.

Zeure bihotzean Jainkoak hilen artetik piztu zuela sinesten baduzu, salbatu egingo zara. Elizen arteko biblia   Erm 10,9

Zintzoa nekez salbatzen bada, zer izango ote da gaiztoez eta bekatariez? Elizen arteko biblia   1 P 4,18

Penitentzi bizitzan iraun ezean, ez baitaiteke inor salbatu. Askoren artean   «Asisko Frantzizko, Asisko Klara» - 64. orr.

Semetxook, begira zenbat arima salbatu diren zuen otoitzez; gauza gutxian leial izan baitzarete, askoren buru ipiniko zaituztet. Askoren artean   «Asisko Frantzizko, Asisko Klara» - 613. orr.

Neuk antolatuko dut zer egin behar duzuen zeuen arimak salbatzeko. Askoren artean   «Asisko Frantzizko, Asisko Klara» - 972. orr.

Munduko probintzietan barrena bidaltzen ditu predikatzera eta arimak salbatzera. Askoren artean   «Asisko Frantzizko, Asisko Klara» - 1151. orr.

Gizakiaren arima [...] berenaz hain handia, hain gora eta hain ohoragarria dena, arrazoiaren erabiltzeko mailara heldu orduko behar dela bizi honetan salbatu edo kondenatu, gizatiarrak, humanoak edo moralak deitzen diren haren erabakien eta ekintzen arabera. Piarres Xarriton   «Enkiridion» - Martin Azpilkueta - 88. orr.

Azkeneraino sendo irauten duena, horixe izango da salbatua. Elizen arteko biblia   Mk 13,13

5 (era burutua izenondo gisa)

Ume salbatuaren aurpegia pixeldurik ageri zen, "Frantziako legeak honelako kasuetan adin txikikoak babesten dituelako. Iñigo Aranbarri   «Hizlandia» - 91. orr.

Sortzaileak Noeri eta haren ontzi-lagun salbatuei emandako itun-hitza etorri zen. Iñaki Mendiguren   «Historiaren azterketa II» - A.J. Toynbee - 272. orr.

6 (era burutua izen gisa)

Nolabait esan liteke salbatuak salbatzailea salbatu zuela. Gotzon Garate   «New Yorkeko kronika beltza» - 37. orr.

hitz multzoen maiztasunak (gutxienez 3 aldiz agertzen direnak)

biziak salba (3); bizitza salba (5); salba dezagun ikerkuntza (3)

aita salbatu (6); aitak salbatu (3); ama salbatu (3); arima salbatu (6); athletic salbatu (3); bere burua salbatu (12); bizia salbatu (65); bizia salbatu zion (11); biziak salbatu (6); bizitza salbatu (17)

eskuetatik salbatu (4); etsaiengandik salbatu (3); euskara salbatu (5); gizon bat salbatu (3); gu salbatu (3); heriotzatik salbatu (6); herria salbatu (3); hiltzetik salbatu (3)

inor salbatu (4); inork salbatu (4); jainkoak salbatu (3); jaunak salbatu (5); larrua salbatu (4); lepoa salbatu (3); mendizale bat salbatu (6); militarrak salbatu (3); mundua salbatu (6)

ohorea salbatu (5)

salbatu da (7); salbatu du (18); salbatu edo kondenatu (3)

sinesmenak salbatu zaitu (3); sorterria salbatu (4); sutatik salbatu (3); taldea salbatu (8)

euskara salbatua (4); salbatua izan (3); salbatua izango (6); salbatua izango da (3); salbatua izateko (3)

salbatuak izan (5); salbatuak izan dira (5); salbatuak izateko (3)

bizia salbatuko (13); bizitza salbatuko (3); jainkoak salbatuko (4); nork salbatuko (3)

ia salbatuta (4); salbatuta egotea (3)

bizia salbatzea (9); bizitza salbatzea (4); salbatzea erabaki (3); salbatzea lortu (9); taldea salbatzea (3); zu salbatzea (4)

alstom salbatzeko (3); arima salbatzeko (10); arimak salbatzeko (3); bahituak salbatzeko (3); bere bizia salbatzeko (3); bere burua salbatzeko (5); beren bizia salbatzeko (3); bizia salbatzeko (34); bizitza salbatzeko (13); bizitzak salbatzeko (6)

euskararen salbatzeko (3); gobernua salbatzeko (3); gu salbatzeko (8); haren bizia salbatzeko (3); haren bizitza salbatzeko (3); heriotzatik salbatzeko (4); herria salbatzeko (3); herriaren salbatzeko (5); hizkuntza salbatzeko (3)

israel salbatzeko (3); judua salbatzeko (3); ni salbatzeko (5)

ontziola salbatzeko (5)

salbatzeko ahaleginak (3); salbatzeko ahaleginetan (3); salbatzeko asmoz (5); salbatzeko aukera (10); salbatzeko bidea (3); salbatzeko gauza (3); salbatzeko giltza (3); salbatzeko itxaropenik (3); salbatzeko konpromisoa (3); salbatzeko plana (3); salbatzeko zer egin (3); taldea salbatzeko (5)

zu salbatzeko (5); zuek salbatzeko (4)

bizia salbatzen (10); bizitza salbatzen (3); salbatzen ahalegindu (3); salbatzen saiatu (8); salbatzen saiatu zen (4); salbatzen saiatzen (3)

 



Nodoa: liferay1.lgp.ehu.eus